影片
港铁太子站 E 出口, 步行约2分钟
继续阅读
开饭介绍
粤菜酒家，午餐主打即蒸点心及小炒，晚市则有手工怀旧菜式，款款用料新鲜，香气扑鼻，是和家人及朋友聚餐之选。
继续阅读
营业时间
星期一至日
07:00 - 22:30
以上资料只供参考，请与餐厅确认详情
本来特登谂住去『得闲xx』,点知排晒队，咁鬼热梗系唔等，行过对面睇吓有乜选择，结果误打误撞入咗呢间～金满楼。叫咗～香煎萝卜糕 窝夫虾春卷 樱花虾金菇牛肉肠 酱皇金钱肚 凤爪排骨煲仔饭 桂花椰汁糕先嚟系肠粉，一放低睇到薄薄透透嘅「粉皮」，再加上厚厚嘅牛肉，热辣辣～口感不错，真系皮薄馅靓。跟著系春卷，首先个春卷皮系有别于其他传统酒楼或点心店果只，另外个酱汁，唔系用喼汁，系甜甜哋嘅～我个人觉得有小小似芒果酱，但又出奇地夹。金钱肚，正常味道，黑椒味重。煲仔饭，搅唔清佢够竟系蒸还是「烧」，反正都ok好味，点解我咁讲？因为上次试过煲仔饭有饭焦，但系煮㶶晒，今次无饭焦,所以我分唔到。不过如果收$83煲咁小「料」，就有点儿那个。萝卜糕～无乜特别，正常水准。饭后甜品，呢个唔错，清清甜甜，食完有好清新嘅感觉。回头度5/10下次就算有机会嚟，都唔选择假期或周六日，因为眼见啲孖宝三宝喺呢啲日子，加好多价上去，简单啲讲～平日平好好多，举例有个三宝平日128.呢啲日子要加50就真系唔好搅。以上纯粹个人食后分享，绝无收取任何报酬或优惠，亦对以上分享，承担所有责任。
继续阅读
同朋友喺太子揾食，朋友话再去金满楼，讲咗好耐先记得原来真系去过，睇落似乎系唔错嘅中菜馆，可惜一入门口就嗅到一阵坑渠味道，唔紧要食嘢地方喺一楼。侍应先招呼开菜再放低一碟花生作为收费酸菜，服务唔错，见有特价菜，我地都拣咗一份。金薯牛柳粒牛柳粒松软，所有配料都经过油炸，另有蜜糖豆，用炸米网盛载，摆盆味道都唔错。啫啫唐生菜加入虾干同肉碎啫个唐生菜，上枱出晒烟超级咸香惹味，不过真系重手咗，食到底就太过咸。椒盐鲜鱿用超薄粉炸，鱿鱼应该先出水，食落比较湿，椒盐唔多均匀有啲咸有啲唔够味，不过有只兔仔蕃茄仔摆盆，睇得出有啲诚意。新鲜凤梨拔丝咕噜肉摆盆中间放干冰制造出烟，作用就无乜，不过又几好睇，新鲜菠萝微酸，咕噜肉炸得好脆，甜酸汁挂得啱啱好，几好食。最后送上木瓜雪耳南北杏糖水都几清润。
继续阅读
金蒜芋丝蒸鲜鱿-第一次食芋丝干得像杂草一样，是完全没办法入口的，最贵的一款正价点心是全餐最难食的一样。排骨蒸陈村粉-排骨很肥，但味道比蒸鲜鱿好药膳猪手-是5样点心中算是最好的了晶莹虾饺皇-不吃没有损失凤尾虾多士-特价可以一试，正价的话就可免了
继续阅读
趁住打风放假，落楼睇下有咩食，见金满楼有开，同屋企人入去饮个茶服务态度好好，上菜速度合理。食物大大碟，蒸饭食落系原盅蒸，炒饭都好有镬气，烧卖虾饺正常发挥，其他嘢食都好入味，好评😋
继续阅读
鸡煲味道尚可，蛋黄茄子凉瓜有点腻，炒面最差，一份需要108，非常之唔值。最紧要服务态度好差，落单没人理，等好耐先有人来，而且仲心不在焉，三份菜只记低两份。等好耐先上菜，其中一份鱼头煲上错成更贵嘅鸡煲。几个服务阿姨同埋大堂经理无人道歉，我啲发善心话不使换啦，鱼头煲可以俾其他人，结果埋单时要求我啲付价高嘅鸡煲钱。揾服务员，佢无一句解释，反而质问我为什么自己当时不吃两份，食左菜就需要付帐。我问佢服务出错点算，佢都完全唔认，真系令人生气。以后唔会再来呢家，花钱受气
继续阅读