金滿樓海鮮酒家 (已結業)

豉椒排骨炒面超大碟 勁勁勁勁勁抵食 4-5人一人一碗都仲有 其他點心味道都OK, 唔算差但服務超一般, 叫極都無人幫你茶壺沖水, 個部長定伙記仲當聽唔到....自助茶樓

My family always go to Chinese restaurant for either breakfast, lunch or afternoon tea.Today, we have been to Kam Moon Lau for afternoon tea, we have ordered 5 dim sum and 1 stir-fried noodles.The shrimp dumpling is really good , it was freshly steamed and we can saw the white smoke rose before our eyes. Each dumpling consists of 3 whole prawns,the taste is fresh & crispy.The portion size of their dim sum will never disappoint you, as well as their stir-fired noodles is also big enough.

今晚同honey去飲夜茶，別無他選，就鼓起勇氣光顧「金滿樓」。爬上長長的樓梯，發現酒家的規模不大，但勝在裝修光猛，備有電視。侍應們態度友善殷勤，迅速送上花生和茶水，時刻為食客清理和加茶。我們點了北菰紅燒豆腐（$35）、杬菜肉崧四季豆（$35）、白飯一碗（$9）。夜茶的份量相當大，味道亦無得彈，火喉夠、熱度足、濃淡得宜，吃得津津有味。夜茶精選小菜由晚上9時至12時供應，選擇多達52款，價錢由$28至上68不等。我們對此感到非常滿意，由於選擇多、味道好、態度佳，下次定必再試。

上個月有個親戚生日, 就一行4人到香港仔金滿樓海鮮酒家食晚飯喇......間野都係剛剛先開返冇耐, 之前好似話裝修之類, 有人又話搵左新一個老細頂讓.....去到, 都唔多人食飯, 唔full, 仲超安靜添呀, 唔似一般酒樓咁嘈, 可能因為冇咩人啦...一坐低員工就比隻大碗我地沖沖d杯杯碗碗之類, 之後我地就點菜喇...1) 十二蔬上湯煮12種蔬菜, 我地真係有數過係有12種, 包括埋茹類, 真係有十二種咁多, 個湯底仲好好味添, 奶白色的..正呀2) 鐡板鵝掌呢個鵝掌係用鐡板上, 仲係用新鮮鵝掌紋的, 唔係用街市凍肉店買果d炸好的, 仲有幾塊巴焦可以點d汁食, 真係好味到暈呀~3) 蜜味鱔球個汁甜甜酸酸的....好開胃,,但本身d鱔已經好肥, 加上炸過, 好似油左少少..............4) 枝竹魚雲石頭鍋因為係用石頭鍋上的, 所以放好耐都好熱, 唔會好快凍晒.....紋得好好食, d枝竹好入味, 魚就係用淡水大魚的...5) 粟米班塊d魚肉就真係冇咩魚味架喇, 但個粟米汁做得都ok...送飯幾好, 價錢合理仲有可能佢想吸引食客, 唔洗茶介, 唔洗加一仲要有飯後甜品送

從前在香港仔飲茶只去金滿樓, 愛的是老伙記對舊坊的情懷, 亦愛他的流沙奶皇包, 真的流出來的沙~ 還有咸蛋黃都只係中點, 可惜呢D已成過去. 四月中據聞老闆欠債走佬, 到九月才搵到人頂手開張, 外貌不變, 內籠換了地毯, 顏色跟燈光和台布擺設格格不入, 總之很奇怪, 亦有一浸怪味, 像返到國內衛生差的地方吃東西... 閒日早上十時半, 以前有七成滿, 都是晨運客, 現在只有三成, 更加空盪盪. 食物夠熱. 只叫七樣食物, 又無乜客, 仍有漏單情況. 騙人的伙計, 騙人和無禮的收銀 -- 請小心佢地所謂早茶優惠 : 是離座計算的, 即是十一點前座, 點心才有特價. 當然貴不是問題, 只是兩位伙計分別說出不同的收費, 當中樣似較高級的大眼肥佬說是 "入單" 前是十一點就有等價, 不用理什麼 "離座" 計, 所以我即使十一點吃完, 都沒埋單, 最後當然被昆了. 找數時發覺被騙了, 當然搵大眼肥佬對質, 收數阿嬸話佢出左街食飯, 應該唔係度., 完全無幫我搵返佢既意思, 即係包庇, 或者明扼, 佢然後歪面不理. 咁即係屈. 最後, 被我找到佢係房仔. 邊個酒樓伙計會出街食!? 咪當我白痴.

和家人在家附近吃，見都有一年沒有來吃小菜，今晚就來吃一吃，也來打打分。我們點了芝士中蝦配伊麵底、麵醬炒生菜、油鹽水花甲及鹹魚雞粒豆腐煲，再另加三個白飯及一碗粥。先來的是芝士中蝦配伊麵底，完全沒有芝士味，且汁是非常的稀釋的，完全沒有想像中芝士汁應有的黏度，順理成章的是淡茂茂，伊麵冇彈牙的口感，沒有吃橡根的感覺，不爽！可幸中蝦的質素是合格的，雖然不是很爽口的生猛貨，但肉身也是不「梅」的，算是挽回一點分數吧！麵醬炒生菜的麵豉少得可憐，幾乎可以十隻手指數唒麵豉粒的數目，乜麵豉好貴嗎？菜是夠鹹的，但是很明顯是由鹽而來的，使原本應該惹味的麵醬炒生菜變得不惹味，佩服！而菜也爽爽的，沒有炒到過腍及燶，萬幸了。油鹽水花甲份量其少，油鹽水很死鹹，不香，整體感覺不太好，比較好的竟然是那些粉絲，蠻彈口的，在等鹹魚雞粒豆腐煲時吃了很多呢。過了之前那三道菜後，要等了良久一追再追之下，才來這味菜，畢竟這是唯一一道可以下飯的菜，鹹魚雞粒豆腐煲由大量的豆腐粒及雞肉粒煮成，其中也有鹹魚，很對版，小量的鹹魚已令整個菜生息不少，算交足功課了，個人覺得這味已是全晚最好的了，舀了兩匙來下飯吃飽就算了。最後店家送上甜品，分別有紅豆

妹妹生日，黎呢度食餐生日飯，叫左個星期一至四先有既龍蝦餐FOR 4人，- 一盅"鄧"湯(日日唔同呢次佛手瓜西施骨~ 正~咁大盅湯王飲左成4碗, 我地飲左一碗就夠了。)- 西芹炒龍"等" (魚怪一人食晒咁濟...應該代表OK)- 四季豆炒象拔蚌(雪藏貨好UN, 食四季豆好過佢)- 炸只雞半隻(GOOD WOR皮脆肉正...食清碟呢)- 蒜蓉龍蝦人一半隻，(不過，一件隻大一隻細)份品OK食唔晒要打包呢~果盤甜品...都叫做OK398食到5碟野都好OK了，

今日老外同事呼吸墮連男揾人飲茶，結果佢成功約到九個人去金滿樓，包括碧琪、全仔、阿Shy、阿綺、一姐、魚生、方方、我同外呼吸墮連男自己；一如以往，佢都會將店鋪名翻譯，佢將金滿樓譯成"Kam Mud Mud"。我負責打電話訂位，佢負責fax pre-order 點心紙，通常萬無一失，點知今次失手，去到酒樓，酒樓話收唔到張點心紙，唯有再畫過。(我懷欵呼吸墮連男唔識用fax機！)我地點咗：1) 灌湯餃(老外呼吸墮連男話"not enough MSG")2) 蝦餃(阿綺話有酸味，一姐話D蝦梅梅地)3) 鳳爪排骨煲仔飯(方方唔食飯會手震，$34)4) 义燒餐飽(好味)5) 椒鹽尤魚鬚(叫咗3碟超好食！)6) 煎腸粉(好油, as usual)7) 春卷(阿姐上菜時趺咗一條係枱面，碧琪照食)8) 豉汁蒸白鱔(碧琪至愛)9) 豉汁蒸魚云(亦係碧琪至愛)10) 蠔皇鮮竹卷(老外呼吸墮連男至愛)11) 溜沙麻蓉飽(余生至愛)12) . . . .今日隔離枱坐咗4個滿口bad language嘅人，加上冷氣不足，搞到我地個個都發晒吊. . . 呼吸墮連男，下次都係去返富臨。

新裝修之後第一次去, 光猛左好多, 人都多左, order個魚湯魚腐$48, 好好味喎, 個湯唔油又濃味, 魚腐太薄身, 大件d口感會好d, 但味道好正, 好稔, 湯裡面的菜好多又新鮮, good, 食得過!另外點心方面呢, 雷沙湯圓質地ok啦, 但略為甜了點, 千層馬拉糕乾身個頭, 搞到蛋黃碎晒.蝦餃都ok得

昨天因事又同按摩師等人飲茶,見點心紙又有d新款,試左:懷舊大飽: 個飽唔係好大,裡面的唔係完全跟足正宗做法,跟其風卻不得其韻,不過味道ok.竹笙什菜札: 清清地,幾我食,不過個芡汁又係杰左d鮮蝦香茜餃: 味道一般,同蝦餃分別唔大.羅漢齋鴨掌: 上時見到d鴨掌甩皮甩骨,唔知係咪俾人偷食過,見到都唔想食,所以唔知味道點另叫了粟米魚肚羹同魚滑浸時蔬.個魚肚羹幾足料,不過杰左d,稀番少少就perfect啦! 至於個浸時蔬,d菜油水好足,但我稍嫌油左d,魚滑係幾滑,不過我都係鍾意d魚肉彈牙d,整體來講一般.至於其他主打點心,水準無跌watt,但看來佢地要再研究下d新出品先得啦!

哎呀!自己有夠大懵,竟然講漏了另一樣好味推介-鮮蟹肉茄子伊麵.一上就覺得好香,蟹肉係新鮮的,唔係普通超市賣的魚肉蟹柳,茄子幾稔幾入味,不過可以再切細d,而伊麵係用干燒伊麵煮法,收晒汁,好夠味,卒之上後不久,就如肥妹豬所講:'嘩!上無耐就已無了一大截!'p.s.此篇為補充,評分不能作準

昨天本來唔想落街飲茶,後來聽到緊張大師講,靚女媽咪同佢的可愛女兒-肥妹豬會過來,橫豎咁耐無見,一於去睇睇肥妹豬有無瘦到先.去到酒樓,已見到很多人塞在門口等位,真墟陷!昨天共有8個人,除了先前提到的之外,還有按摩師,大隻佬,肥安娜,還有遲來的按摩師的兒子粗眉,都幾熱鬧!來到時見到按摩師已叫了整枱食物,包括瑤柱蛋白炒飯,海味什菜煲同埋一隻香妃雞.蛋白炒飯炒得唔夠乾身,瑤柱亦無事先走油,食來無乜口感同香味,我們一致認為係師傅仔操刀,麻麻地.香妃雞幾有雞味,肉質頗滑,幾好食,肥妹豬都忍唔住食左好多件雞(因佢太肥,靚女媽咪要限制佢食量).個什菜煲d料都幾多,有數款蔬菜,粉絲,蘑菇,草菇,魷魚等,最正都係個湯底,夠味而唔渴喉,伴著d菜一齊食,一流!由於昨天正是肥妹豬的生日,按摩師決定豪一豪,叫了蠔皇生扣鮑魚煲同薑蔥焗蟹,另再叫多半隻雞同菠蘿雞粒炒飯俾粗眉食.鮑魚煲上枱時,飄來的香味已令我口水流流,鮑魚較細隻,只得6件,但味道濃郁,唔韌,仲幾稔添,而墊底的小棠菜索左蠔汁同鮑魚的味,yummy!而個焗蟹有好多膏,連d蔥都有蟹味,正!而菠蘿雞粒炒飯炒得比較乾身,菠蘿同雞切到細細粒,味道有少少甜,幾好,但

有一次原本諗住到這裡食下午茶，但入面開晒雀局又冇隔開，由於都幾嘈，最后都走了。但講到食物，都幾ok的。

昨早同肥安娜食完早餐後,我先返左屋企,諗住執野過後瞓番陣,點知12:00幾,大隻佬打電話叫我去飲茶,雖然早餐未落格,不過都想嘆茶,咪過左黎呢度囉.到了酒樓已過1:00,見到大隻佬,按摩師,緊張大師(亞三),奄尖婆(亞四)幾個屋企人已就座,本來叫埋肥安娜,但佢掛住在圖書館睇小說無黎到.我地幾個人都係呢度的熟客仔,尤其係大隻佬同按摩師,日日都要黎嘆茶架,所以上至部長,下至侍應都好friend,而佢地好多時都會介紹番d好野俾我地食.昨日我無乜胃口,所以大部分時間都係飲茶,同聽大隻佬佢地吹水,只係食左之前講過的鮑貝時蔬,同埋少少星洲炒米.個鮑貝比之前好d,但食得好少,反而想講下個星洲米,黎到時見到有好多紅椒絲在入面,仲聞到好香的咖喱味,炒得夠乾身,食落真的好火辣,但對於嗜辣的我,梗係無問題.之前有幾次在呢度食過星洲米,唔太辣,完全唔過癮,呢碟可能係大廚炒的,所以水準有番咁上下,只係米粉用了放湯那隻米粉,幼左d,無咁有口感,但總括來講都好好味,忍唔住又食左3小碗了!死啦!長頸鹿已講明,要我盡快減肥,但自己咁忍唔住口,佢容乜易會唔要我架?唔制呀!:-<

今日中午1點左右,同屋企人來到呢度飲茶啦,一行4人,見到轉了新的點心紙,即係又有新野試,睇了一陣,先要了以下食品:炸三文魚頭腩($20)-幾香口,但稍嫌鹹左d同攤凍左d,如唔係配豉油同淮鹽,而係沙律醬會更好白灼蝦($18)-係細細隻的赤米仔,勝在夠新鮮,配辣椒豉油,正!鮑貝時蔬($28)-唔知那些鮑貝係鮑魚邊,定係其他貝類?食落腍腍地,但不失其爽口,幾得意,不過墊底的唐生菜係咁出水,而個芡汁太'杰',真係敗筆!後來等到下午兩點下午茶(呢個時間d大中小點,全部只計小點,價錢$10.5),再叫了以下點心:豉汁蒸大鱔-d鱔夠肥美,用豉汁蒸,配合得啱啱好金粟百花球-將蝦膠搓成球狀,黏上粟米粒蒸,再加蛋白薄芡,賣相幾靚,蝦膠ok爽,但粟米就好粉,又唔夠鹹,得個甜字,同蝦膠唔太夾蛋黃蓮蓉桃飽-即係壽飽,熱辣辣,幾好食,一籠4個,我同亞三各食1個,餘下兩個拎左去俾亞四食紅豆椰汁糕-好滑,最有水準的甜品總括來講都幾好食,下次等我再試其他新野先!