金滿堂甜品

营业中

休息中

我們仨人在現祟山飯局後，朋友仔推介到此店食甜品，仲要她破費請。裝飾明亮，甜品店不是很大座位有限，甜品店一般就係較逼夾，星期日晚上八點零過來有位直入，沒有全滿，故也覺舒適，繁忙時間用餐時間40分鐘。價格我覺略高，朋友仔則認為尚可接受。宇治金時，友人的，不會過甜，清涼，綠茶味重，但帶苦味。金桃花，熱的，友人覺過甜。而我是豆花涼粉紅豆椰奶配綠茶雪糕，不太甜，雪糕綠茶味濃，紅豆不錯，但椰香味略淡，其他就不過不失啦。

一向鍾情燉椰皇系列既甜品，之前一直都有幫襯淘大分店，今次經開黃大仙，好似比較少人等位，所以好快就入座喇～Menu同淘大一樣，但座位應該有多一倍，有室內同室外～每次我都想試新野，但每次都忍唔住叫返燉椰皇系列(笑)，今次就係榴槤女皇👸🏼冬天食到榴槤要感恩啊🤭榴槤蓉係分開上既，但未加榴槤蓉就咁齋椰汁燉蛋白都已經好正🤤椰汁味好香，但係又唔會太甜，當然仲有榴槤既香味🤭我覺得好似一次過滿足咗兩個願望咁👍🏻推介大家試試～

本身不太大期望咁入嚟食，睇d相以為又係d植物cream，點知係用真cream!!朋友嗌咗個槤清雲，估佢唔到竟然用真cream！ 真cream成本高好多，好感動榴槤配椰子果、清水凍好夾，正啊然後個心太軟係即焗！講真香港越來越多交貨嚟嘅蛋糕型心太軟，$53即焗真係算咁！因為太多人貪方便用蛋糕型reheat就算。但即是焗嘅心太軟先好食㗎嘛🤤 而且會冒焗太耐會熟過頭嘅風險，Respect!!仲有畫公仔，都幾有心思

今日過左好充實既一日元宵節拜拜日➰拜左黄大仙廟既月老同埋貼左財神 {人多好辦事既概念🤣}呢度最就腳好在有間金滿堂甜品，要食湯圓應節阿🙋🏻‍♀️見到有Menu 有野新出 {竟然😆 咁要試下新糖水🤫}今日係元宵節果然好多人食，要略略排隊同埋好多外賣單店員話我哋知好多單要等耐啲等左半個鐘，糖水到左！雖然遲大到，但好彩都係好食既💁🏻‍♀️祝福各位龍年不lonely，甜甜蜜蜜· - - · - - · - - · - - ·🔸 杏福滿滿 $42杏仁露｜湯丸｜芋圓｜清心丸｜桃膠🔹 香芋芝芝 $18· - - · - - · - - · - - ·朋友都一齊食杏福滿滿🤣🤣 睇嚟大家都想可以達成呢個心願🫢🎐講反糖水係係好足料，都幾多桃膠同清心丸😋芋圓好煙韌，清心丸係正方透明粒粒，幾得意，仲有兩粒芝麻湯圓 🙆🏻‍♀️團團圓圓🙆🏻‍♀️另外香芋芝芝糯米糍，煙煙韌韌但個芝士味係咸咸地🤔🤔 唔可以話好match ，但又唔係伏🦦有趣

之前去開九龍城，今次經過食呢一間分店唔記得叫咩名，係杏汁燉蛋白，但不部份超級香有濃厚嘅鮮奶味。但杏汁有點過甜，唔夠杏汁味。三重朱古力飲品，好濃阿華田朱古力味，大冰粒比較多，個人覺得甜咗少少，但係老公覺得OK。感覺上整體好似九龍城店好食啲😅

超鍾意金滿堂嘅椰皇甜品!叫咗個榴槤椰皇同埋芒果湯圓椰皇 成個椰皇上枱 下面係用咗牛奶同埋椰皇水整出嚟嘅奶凍❤️香得來滑嘟嘟超好食 榴槤好熟 湯圓係芝麻味煮得啱啱好!滿分甜品!

下午3:20 order 一個甜品，等咗15分鐘，看見兩staff 忙於處理收廠送來材料. 我走去問，原來未開始整我order. 我問幾時整我的order, 佢話至少20分鐘後先整! 冇其他食客！ 我第一去，太crazy 等一個甜品，要多過30分鐘! 又冇禮貌! 一定不再去！

榴蓮味濃郁，成個底都係榴蓮底，有最愛的椰果、泰式珍珠，口感唔錯👍～身為榴蓮控呢個會番兜‼️‼️‼️紫薯糯米糍唔知點解鹹的唔係咁甜有少少失望第一次食到鹹嘅紫薯甜品

我發誓我一啖都未食過！外賣自取，拎到返屋企倒出嚟真係呆咗😨賣成$60嘅桃園宴竟然俾得3粒芋圓…..清心丸好少少，都有5粒嘅…..真係好失望…..記得以前食都唔會咁少料…………果然圖片都係只供參考…….以後都唔會再幫襯，俾成$60但俾得3粒芋圓我，實在太無良😡😡😡真係嬲到我要寫食評嚟話俾大家知呢間嘢幾無良🤮🤢 住得唔近，我都山長水遠夏天熱辣辣咁行過嚟買外賣，點知俾兜咁嘅質素嘅甜品我，早知應該留喺屋企嘆冷氣…….

最近做嘢好忙，終於有時間放鬆一下 收工嘅時候去食個甜品 食咗個榴槤女王👸有熱或者凍可以揀 入面有榴槤+椰皇燉蛋白+水晶珠*椰汁底 等咗唔係好耐10幾分鐘左右 就已經有得食✨我食咗個熱嘅 入面啲榴槤好香，好好食 🤤食落去覺得好滿足🖤✨好飽肚下次帶下啲朋友嚟食，先再試下 個紫霞仙子🧚🏻‍♀️座位上面覺得有啲迫，但係如果淨係一個人 嚟食嘅話空間係覺得夠嘅都係嗰一句淨係收現金，或者八達通 希望可以增加其他付款方式.

金髮職員 超級無禮貌一開頭 得一個員工我都明佢躁底入座聽到佢埋單 都聽到d 發晦氣的口吻跟住我地落單的時候 就勁崛咁話要執貨要等20分鐘 （暗示咩）暗示叫你最好唔好幫襯我地由堂食改外賣最後 無幫襯到 😄 無理由貼錢買難受嘛

阿仔返嚟香港話要食糖水，幾大就幾大，佢叫咗個應該係芒果唔知乜乜加雪糕，我就叫咗個花好月圓，有湯圓，芋圓，清心圓，桃膠加薑水低， 諗住暖下胃，又出奇地好食，最緊要真係好夠薑，正呀！

放假休息 周圍行下 唔想咁早返屋企 所以就又來呢度食甜品 食咗個寶島 有雪糕有仙草有芋圓 嘅甜品雪糕 仲可以揀口味味道好味 口感豐富 遲啲我應該會同樣地 繼續幫襯 或者睇吓周圍附近有冇其他甜品店試吓

接男友收工 佢請我食甜品🍮 附近選擇唔多 所以自然又係黎依一間 食咗個綠茶雪糕沙冰 同埋一個好似叫桃園林 嘅一個熱🔥甜品綠茶雪糕沙冰 配料有白玉 紅豆 仲有 會爆珠嘅東東 綠茶味好重 好好味😋 有配料 做配搭 唔會太清淡 有啲口感 芝麻味糖不甩 有啲普通 只係一啲丸子 🧆跟住灑上左啲芝麻 咁樣嘅食法桃園林 個甜品 有五種配料 芋圓 椰子🥥 桃膠 同埋其他唔記得咗 有熱有凍可供選擇 桃膠可以美顏 仲要係熱食 有種超養生嘅feel 有種嗰啲知陰養顏嘅感覺有機會下次會繼續幫襯 嘗試其他甜品 🍮

收工嚟同男朋友食甜品 作為宵夜 叫咗個熊仔朱古力綿綿冰 同埋個麥提沙糯米糍 其實有啲覺得食物嘅款式選項比較少 例如呢個綿綿冰剩係得兩個選項 沙冰又係剩係得兩個選項 明明有個沙冰機喺度 淨係for整咁少嘢好似有啲浪費 我記得麥提沙糯米糍 係我中學時代嘅時候IG好興 不過我從來都冇食過 今日終於有機會食 不過凍起來食會好食啲 佢就咁唔凍唔熱反而有啲難受 唔係食物出現質量問題 而係口感同味道受到影響 覺得爭咁啲 仲有呢個熊仔綿綿冰 味道OK 不過朱古力味好重 覺得有啲（漏）本身男朋友話 睇到OpenRice 話可以支付寶俾錢 結果八達通 微信 各種消費券都唔用得 問佢有冇得碌卡 都唔得「淨係收現金」 明明都已經係幾間分店嘅舖頭 有啲唔係太理解 點解付款渠道 唔可以貼切啲而家嘅流行趨勢