金水壽司 (已結業)

突然间想食日本野，住附近的我免为其难咁走入金水。间餐厅唔多人，三四枱客，叫野食时举手举左30秒都冇人理，要一大声“唔该”，先会有人出现，讲声“转头黎”。我妈妈点左一个和牛乌冬，d 所谓和牛，煮得太熟了，硬到咬唔开，同咬香口胶感觉差唔多，如果大家想食下牛肉味嘅香口胶，不妨试试。而我就食个鲭鱼定食，条鲭鱼比以前细左好多，算啦，百物腾贵物价通胀嘛。饮品款式都系哩间金水嘅特色，要乜冇乜，因为我大肚，冇得饮冻野，要饮热柠水，好彩佢有。我妈妈就惨，想饮热奶茶，冇。想饮热咖啡，都冇。原因系唔知乜野个师父冇煲茶定乜鬼，总之个理由非常牵强，我同我妈真系呆左，一间餐厅想饮杯咖啡奶茶都冇，不如收档啦！食完嘅感受系真系唔会有下一次，尤其系食lunch。同埋如果冇心经营的话，不如退出，留比有心做嘅餐厅吧啦！…Read More

做完野返黎岩岩10点10分，6折岩岩开始，所以就入左去食寿司。要自已写no.咁都几好，环保啲，唔驶一张纸净系想食一样野又浪费左张纸。烧鸡翼同冬菇鸡翼我无食，所以唔知咩味。冬菇面舖满木鱼，冬菇仲好juicy，唔会烧到干哂。八爪鱼、带子刺身刺身都有6折，但个卖相真系麻麻。带子薄切，八爪鱼得3块。烟肉带子串、烟肉三文鱼腩串上面有啲芝士粉，唔太衬。唔知系咪由细食到大，都系觉得烟肉肠仔好味啲其实呢两串都唔差，不过烟肉味太浓，食唔出带子同三文鱼。火炙寿司火炙一向系我既最爱，烧到微焦，香喷喷热辣辣非常好味！三文鱼烧得熟左少少，虾配上沙律酱减轻油腻感。烧海胆第一次食，估唔到又几好味，烧完无咁水汪汪，连唔好海胆既老公都话好味。普通寿司军舰新鲜即整，紫菜好脆。三文鱼唔够肥美。其他不过不失。烧蚝呢个系唯一无特价，但好想食蚝所以都照叫。好味，芝士味香浓，蚝又好juicy。…Read More

见屯门良景村开左金水, 装修好似几好, 咁又见无乜人唔使等所以拣左闲日去食饭, 一开始就拣左两个餐, 一个系牛肉乌冬, 又有好多配菜, 好似好抵食..........另一个就系豚肉饭咁见佢又前菜又寿司又手卷又汤又野饮........成餐饭跟女友都好满意......谂住有下次之时, 点知.当埋单就发生左件奇遇.........话说, 到埋单, 张单写HKD180, 我都唔为意, 仲谂住几抵下, 咁多野食, 但系明明个乌冬餐HKD68, 加特饮就8蚊, 我个豚肉饭HKD78, 点加一都加唔到HKD180丫嘛.......跟手同个待应讲话要CHECK返之前张单, 当佢地左揾右揾之时, 揾到, 原来佢地打大左我张单, 加特饮变HKD18(下图示), 我谂要退返, 点知佢地一个推一个仲要对唔住都无句, 只话打错左, 退返HKD11蚊俾我,........哗.....讲到我发现佢有错好似我有错咁..........顶.........…Read More