金將軍辣蟹坊 (已結業)

荃灣多嘢食就係人都知啦!今晚肥妹仔放工之後去咗一間叫金將軍辣蟹坊度食晚餐。豉椒炒大蜆  $92唔好講笑!呢度嘅蜆係非常大隻，蜆肉非常飽滿彈牙，豆豉炒得非常之惹味， 超級有鑊氣。金將軍招牌辣蒜蟹 $248肥妹仔真係要對呢隻辣蟹畀個手指公!佢嘅蟹超級大隻，蟹肉非常多，結實飽滿同鮮甜。仲有超多炸蒜，超級惹味! 肥妹仔勁想將佢啲蒜打包然後返屋企撈飯食， 大家嚟呢度食飯一定要叫佢呢一個招牌辣蒜蟹。金磚脆豆腐 $58豆腐炸到脆卜卜，一口一啖， 灑上椒鹽，食落去非常香口同埋惹味，攞嚟送酒一流。文昌海南走地雞煲  $118呢個雞煲又係超級好食，少少辣，但係佢嘅雞非常之嫩滑， 食落去好濃好惹味。椒鹽泥鯭  $88肥妹仔第一次食椒鹽泥鯭。肥妹仔成日以為泥鯭細細條，冇咩肉!原來係錯，呢一度嘅椒鹽泥鯭係幫你起咗骨，成啖都係泥鯭肉，非常之鮮甜，好好食。金將軍招牌小炒王 $92冇得輸呢一個小炒王!係送飯必備良品!入邊有腰果，菜脯， 蝦乾，魷魚，韭菜花，超級多料，一啲都唔馬虎，超好食。

朋友喜愛吃蒸蟹～看到荃灣的一個店轉一轉手，打正吃蟹的旗號，因而也會試呢～食牌中看見不同種類的中式傳統菜，二人餐是很棒的選擇：豉椒炒大蜆不會太辣，而且非常惹味，大蜆很鮮味，不會因用豉椒炒過而吃不出那鮮味魚湯米米線湯底充滿濃濃的魚肉香，是由魚新鮮熬製的呢！總之泡在奶白鮮甜的魚湯中，配滑溜溜的米線，連湯一啖送入口，既鮮且甜，值得一叫呢！用來吃海鮮是不錯配搭喔～小炒王一看發現火候均勻而且炒得很好，吃落調味惹味，鹹鹹香香加上鑊氣令人難忘蒸蟹香甜又惹味之香氣，是花雕呢～令肥美肉蟹上一層樓，蟹迷出動的時候，當造的蟹也一樣肥美多膏，用蒸的方法來表現蟹的鮮甜味道，簡單配搭花雕酒已經很美味。加上蟹肉非常鮮甜，還有蟹膏，吃完蟹亦可以用來撈米粉，簡真係一流～這夜，吃了很肥美的蟹，令人感到貼心之感覺（因為提供了膠手套，以方便吃蟹呢，落手又不怕之後洗之煩呢～實在值得一讚，下一回再跟朋友來吃炒蟹，看看是不是很多肉喔！

路德圍除咗米線多之外， 今日被呢隻大大蟹招牌吸引了入去金牌蟹將軍 除左蟹，也有很多少炒選擇。 兩個人吃飯見到有一個二人餐，正正有招牌蟹 ,當然諗都唔諗即刻試這個餐脆皮燒乳豬bb乳鴿嫩肉，外脆內軟 ,很美味 ,還細心地供應了濕紙巾和手套， 更加可以盡情地 品嚐。豉椒炒大蜆果然是大蜆，肉質肥美鼓椒汁香濃，非常有鑊氣。招牌辣蒜蟹侍應落單前侍應特別問我上嘗辣程度，應我哋要求微辣，滿滿金沙在面，有鑊氣不在話下，重點是蟹肉新鮮， 蟹殼還有一些蟹膏 .雜菌魚湯米兩碗辣蒜蟹和魚湯米同時上枱 ,辣蒜較惹味，配上清清的湯米可以中和一點，金蒜伴魚湯米又是另一番特別的味感。柑桔蜜普通的飲品，但不一樣的驚喜 ,特製的金桔不是即沖的，要求小冰也 真的 微凍特製給我們，很用心。

去荃灣最出名就係啲地道美食今日呢間金將軍辣蟹坊 就係其中一間佢地招牌菜係蒜辣蟹我同朋友仔就食左個二人餐仲有4人/8人/12人餐跟住講返我食gei 2人餐先豉椒炒大蜆 - 唔算辣 但食落好惹味蜆好大隻 而且用豉椒炒完都食到個鮮味脆皮乳鴿 - 一睇就知炸得好好 火候均勻食落皮脆肉嫩 唔點調味食到鴿肉鮮味 點左就更惹味 令人齒甲留香最令人期待gei 招牌蒜辣蟹香脆又惹味gei 炸蒜蓋過左肥美肉蟹走過油gei 蟹肉鮮甜 仲有蟹膏 真係好正食完隻蟹啲炸蒜仲可以用黎撈飯撈米粉 簡真係一流餐廳好貼心咁提供手套俾我地 食蟹一定要落手但又怕之後洗好煩呢個行為好值得一讚

上個星期同屋企人去咗荃灣行街，咁夜晚行到攰一攰就去試咗金將軍辣蟹，入得嚟呢度食海鮮嘅肯定係必要㗎啦，肥雞嗌咗個辣炒花甲，佢啲花甲得非常大大隻好多肉，而且佢啲豉椒豆豉同埋青椒配合得味道好夾用，嚟送飯一流，再嗌咗個避風塘炒蟹去，啲蟹應該一開始用油先爆過，嚟鎖住嗰啲肉汁嘅鮮味，再配埋大量嘅炸蒜同埋辣椒 食落去真係非常之香口連手指都要啜埋，跟住再嗌咗個椒鹽豆腐，呢啲香口嘢送酒一流再整多個雞煲同埋 小炒王一餐肥雞姐食得非常之滿足

又到blue Monday , 不過難得老公夾到放假, 當然要放工搵間好餐廳拍下拖, 今日都係離唔荃灣區, 老公話想食d小菜店, 食日本野食到厭咁話, 經過一間叫金將軍辣蟹坊, 我就好like食海鮮, 老公就鐘意食辣, 我地見有set餐, 價錢又唔算貴就試一試, 先唻醉將軍雞油花雕蟹, 花雕酒聞落非常香, 但食落又唔會好重酒味, 帶 出個蟹好鮮甜！又有伊面底索埋d汁, 非當絕配！另外仲order左豬仔脾, 炸香既蒜粒非常香口, 勁入味! 至於豆腐都非常高質, 外脆內軟, 最衰今次兩個人冇得再食更多, 下次要叫埋屋企人一齊唻先得！

今晚同家人去左荃灣路德圍金將軍辣蟹坊食晚餐其實經過左幾次都想食架喇,今晚就決定去食下叫左個二人餐有招牌蒜辣蟹,脆皮燒乳鴒,豉椒炒大蜆,雜菌漁湯米,再叫左枝ASAHIASAHI-凍冰冰超正招牌蒜辣蟹-蟹肉質一流,實肉.個蒜辣非常香口,用一點食湯米更加正.豉椒炒大蜆-蜆冇沙,夠鮮味.豉椒味道良好唔會太咸或唔夠味道雜菌漁湯米-個米粉軟硬岩岩好,菜好新鮮好甜,雜菌正常脆皮燒乳鴒-熱辣辣咁,都幾香乳鴒味道,加上鹽更加好味道

今日同朋友黎荃灣搵好嘢食，行過見到呢度有個二人套餐，$388套餐仲有避風塘炒蟹，好似好抵食，所以試一試佢～🔸脆皮燒乳鴿🔸乳鴿表皮燒到好香脆，乳鴿肉味濃郁，淹味剛剛好，皮脆嫩滑，真係做到外脆內軟🔸鼓椒炒大蜆🔸蜆肉好大隻，再配上鼓椒，而且有鑊氣，呢個時候真係好想叫飯，不過套餐包咗個米粉，所以等一等先～🔸招牌辣蒜蟹🔸今日嘅主角嚟喇！蟹都好大隻，蟹肉嘅鮮味冇因為蒜蓉同辣椒搶咗～ 蟹好新鮮，仲食到鮮甜味，而且蟹多肉尼，蟹蓋仲有膏，抵讚！👏🏻🔸雜菌魚湯米粉🔸可能之前食嘅嘢每一樣都好重口味，魚湯嘅味唔算太濃醇，但店員教我係湯米粉加上辣算係嘅蒜蓉粒，撈埋一齊食。試咗呢個食法，呢碗湯米粉變到好香，成碗食晒喇😋套餐包晒你四樣餸，呢個價錢，真係超級抵食！

又到blue Monday , 不過難得老公夾到放假, 當然要放工搵間好餐廳拍下拖, 今日都係離唔荃灣區, 老公話想食d小菜店, 食日本野食到厭咁話, 經過一間叫金將軍辣蟹坊, 我就好like食海鮮, 老公就鐘意食辣, 我地見有set餐, 價錢又唔算貴就試一試, 先唻醉將軍雞油花雕蟹, 花雕酒聞落非常香, 但食落又唔會好重酒味, 帶 出個蟹好鮮甜！又有伊面底索埋d汁, 非當絕配！另外仲order左豬仔脾, 炸香既蒜粒非常香口, 勁入味! 至於豆腐都非常高質, 外脆內軟, 最衰今次兩個人冇得再食更多, 下次要叫埋屋企人一齊唻先得！

細個親戚聚會成日食嘅避風塘辣炒蟹，大咗之後好少有機會試。一來當然因為忙左，更多時候貪方便求其食個飯就算，二來喺煮得好嘅避風塘炒蟹買少見少。今次呢個二人餐，首先價錢嚟講非常抵，喺火炭大排檔或者銅鑼灣橋底就咁叫個避風塘炒蟹都喺呢到一半，加埋碟乳鴿可能已經平左呢個餐嘅價錢。所以成日都話路德圍喺荃灣嘅美食中心，食乜都抵。先上炒蜆，份量夠晒兩個人，豉椒炒蜆經典配搭，趁熱食千祈唔好攤涼。第二碟上已經喺炒蟹，蟹一早已經幫你夾開晒，食嘅時候好輕鬆，非常香口，完全引出蟹嘅鮮味，唯一喺嫌佢唔夠辣，不過我諗你同伙記講明先佢應該可以同你加辣。呢間餐廳用嘅用嘅炸蒜酥絕對唔手軟，伙記特登提我可以加落個湯米到，雖然我本身已經打算咁做。(剩嘅炸蒜酥仲拎左番屋企食多一日)其他菜都完全唔輸蝕，湯米喺用魚湯唔喺白水。乳鴿又香又惹味，肉質明顯喺嫩過平時食燒味嘅燒鴨，又喺好耐冇食過嘅菜。食完怕熱氣嘅人可以去附近執番支涼茶，都喺果句，路德圍細細地但咩都有。

同老友來開心飯局，估唔到平民格局的小館，水準竟然略高，最贊是每隻足4斤重的大肉蟹，豪食「將軍金沙蟹」拼「橋底避風塘辣蟹」，不得不贊師傅的火候拿掐得準，大肉蟹鋪滿金沙，香口惹味，又不「漏油」，令人食不停口；辣蟹的辣度剛剛好；最難得兩者夠鑊氣之餘，蟹肉不會過火，竟然仲是滑溜溜，啱哂成班蟹精！其他鑊氣小菜如辣雞煲、豉油皇大蝦、椒鹽豆腐、避風塘小炒都有水準，送酒一流，愈食愈開胃，是同朋友來晚飯宵夜不錯的選擇。

晚飯時間見到呢間餐廳唔係好多人，仲要見到佢個餐牌好似好抵食咁就忍唔住入去試試！我同朋友叫左三個小菜加招牌既金沙蟹 呢碟椒鹽鮮魷，外脆內軟，係即叫即炒，咬落去果下仲感受到佢入面係熱辣辣，脆卜卜咁，最重要我個人本身好怕食呢啲香口野會食到味精好重好鹹，不過好彩佢呢一碟煮得唔算流！第一碟已經來了一個菜，第二碟餸未你已經食晒😎本身想試豆豉菱魚炒油麥菜，但係我朋友話驚太鹹就用咗蒜蓉去炒，本身蒜蓉去炒油麥菜都覺得會乾爭爭，點知呢個菜又入味又多汁！係有驚喜的 之後就係重點黃將軍金沙蟹，呢一個蟹蓋，見到佢係勁多肉，平時食開啲蟹個蓋都係無乜肉，呢個蟹係用鹹蛋黃去炸，超特別雖然炸啲嘢皮會好多，但佢呢隻蟹本身就靚又多肉，完全同脆皮係平均的，啖啖都係肉黎！仲要係$228 抵食到喊👍🏻

今日終於可以準時收工，臨時決定同拍檔出荃灣行街食飯。去到路德圍附近見到個蟹仔招牌就過去望下原來就係呢間金將軍辣蟹坊，覺得唔錯就入去試試。入面雖然唔算大不過都有啲裝修幾企理，個menu分類都幾有創意，我地兩個人就點左四個菜，廚房都幾快手唔夠十分鐘就陸續上菜。金磚脆豆腐：侍應上菜既時候突意講要趁熱食咁我地梗係聽話啦，食落又真係外脆內滑，點小小鼓油真係食唔停口。鼓椒炒大蜆：幾入味，配啤酒一流！份量都適中😬招牌小炒王：打冷必食菜色之一！個人認為一間打冷合唔合格就睇呢味菜。呢間就有韮菜，蘿蔔條，腰果，蝦米同埋比較少見既白飯魚仔，幾有特色，口感好豐富，送飯應該可以食兩碗。招牌辣蒜蟹：老闆特別推介話平靚正一定要食！一上枱就已經閒到香味！啲炸蒜泥多到滿寫好有避風塘味道，隻蟹應該係炸過再炒，啲蟹殼已經炸脆到可以食，但係蟹肉都仲係鮮甜多汁，仲有啲蟹膏食下，好好食！今次得兩個人食唔得多，下次叫多啲朋友黎吹水飲酒再試多啲小菜。

呢間晚市主要食蟹同小菜，下午茶時段做返茶記下午茶餐，2pm開始。有炒粉麵、多士、雞翼沙拉等。今次叫左茶記必食既干炒牛河，夠穫氣，味道岩啱好，下午茶份量來講到時可以接受。另外叫了沙嗲海鮮炆米，本身好有期望，但冇咩沙嗲味唔夠沙嗲醬，海鮮冇咩，又太乾身，失望之作。

今次第二次黎，原因就係對上次嘅炒蟹念念不忙。今次同老公兩個人叫左：1）細嘅炒蟹，蟹多肉，炸蒜同黎撈飯食勁滋味。2）蒜蓉炒唐生菜，都好入味。3）脆皮牛腩，上枱時熱辣辣，外脆入面勁淋，超推❤️