金寶美食 (已結業)

6月21日揾食肥華，驚見到呢間在鳳凰村矻立廿多年，更被肥華譽為係鳳凰村，最強車仔麵店嘅金寶美食店，貼出會在7月1日，光榮結業告示，真係難以接受呢個事實，因此店係肥華食車仔麵，唯一嘅選擇若真係光榮結業，即是叫肥華失去一個食車仔麵地方，幸好今日肥華光顧此麵店時，同老闆娘傾起呢個問題，佢向肥華透露，因受到很多老顧客關注此店前景，極多人面露不捨之情，令佢深深動，所以佢巳經游說店中後一輩人仕，能接手麵店繼續經營，肥華得知此消息，希望老闆娘游說成功，令肥華繼續食到鳳凰村，最強車仔麵👍🙏…查看更多

6月17日專誠到呢間，被揾食肥華譽為鳳凰村，車仔麵最強食店，食番碗啱晒肥華口味嘅正宗車仔麵，因恐防日後肥華因打抗疫針問題，而不能再到此店堂食，故今朝呢碗車仔麵加料點餸，共點咗豬皮，豬紅，豬腸，尤魚，蘿蔔，九菜，合共六種餸料，再加一個粗麵餅及一杯凍奶茶，合失收費$66元，咁呢碗六餸麵，肥華就叫做一個係六六無窮車仔麵早餐，此車仔麵店除咗主角車仔麵味道出色外，而其他配角即調味配料也相當齊全，尤其是個支辣椒醬更非常好味但係市面難揾，連此店市頭婆都唔肯話俾肥華知，呢支正嘢；係邊度買到🤨🤨🤨…查看更多

若論能夠成為香港本土傳統食物，車仔麵一定榜上有始，由孩童時在佐敦谷徙置區木棚賣一毫子碗豬皮麵，到年少輕狂在廟街食一蚊一碗大什會(即一個麵有六，七樣餸)到早兩年在觀塘一街市内賣$38一麵十二餸嘅車仔麵，我都食過，而我居處附近的鳳凰新村，更可說是車仔麵武林勝地，全盛時有超過十間車仔麵舖在該區營業，經過一番汰弱留強，現在仍有七八間車仔麵舖在該區打拼，每一間都有佢嘅捧場客，而我就特別鍾情位於銀鳳街巳有多年歷史嘅金寶美食車仔麵舖，喜愛此店的原因是他没有嘩象取寵的配料或湯底，而能做到一碗近乎六，七十年代風味的車仔麵給食客，而不可不提此店所選用調味辣椒醬其係一絕，比起坊間名牌x珍，x益，x記，好味数倍，總之食過鳳凰村咁多間車仔麵店，還是覺得金寶最好。…查看更多

路痴指引：黃大仙站E出口 (一出站，調頭，向山上行，近消防局)li間真係好食，幾年前會每星期揸車一家人去食，自從親戚搬左，就好耐冇來了米粉：好滑，順口，浸得夠軟，吸湯力高好好味湯：加沙嗲汁，牛腩汁，會好好食的麻辣醬：超級香辣，麻味出，怕辣者可淺嘗，不會後悔，係令成碗麵upgrade 嘅必加辣醬，每張枱上面都有4個送連凍飲：$45 好經濟牛肚：好鐘意佢整得爽口d，個味好好，雖然唔係好貴嗰隻金錢肚，但係係佢特有嘅風味，次次都食豬紅：滑得來唔削，唔會腥，有味水餃：好食，有兩隻，可以揀韭菜餡，椰菜餡各一咁食酸齋：細心之選，會分碟仔另上，酸味適中，溫度唔會凍冰冰，亦唔會油佢仲有樣好，好衞生方便，每個人客都有個膠盤托住食物同飲品，好細心…查看更多

港式車仔麵還是我們的最愛，這次👦🏻帶了我去金寶，好吧又一家我會很喜愛的車仔麵店，一入店先叫好再拿到枱的這種店很有那種很地道的感覺～甜酸齋是我超喜愛的，而這家有真的時超開心der還有一整碗很多，另一個很好吃的是炸雞翼，熱騰騰的馬上炸真的好好吃！份量都真的很多，豬紅超多加上油麵，這兩個基本上是我每次吃車仔麵都會叫的！車仔麵除了餸外，最重要的是湯！底！這邊的辣醬是好好好吃辣得好過癮，還可以加沙嗲醬是再超級過癮的👅…查看更多

心情唔靚，出街行下，想食車仔麵。平時食開嗰兩間都大排長龍，唔想等放棄左。今日試這間，基本三餸一麵連野飲。阿姐（都可以叫做婆婆）服務唔錯， 執枱清潔無馬虎，態度仲笑笑口，野飲送埋位。粗麵配通菜＋雞翼＋牛腩 合共$30通菜份量幾多下，還是青綠色，爽脆嫩綠。雞翼有成三隻 ，豉油醃得非常入味， 煮到好林身，唔使剪開 ，阿女都食到。牛腩 非常碎，而且好淡味，比較失色。粗麵無咩口感，已加腩汁但仍然湯底清淡。米線面牛肚（加$5）＋牛筋＋ 炸粟米魚蛋棒，配細支可樂，合共$40米線林身但因為湯底淡沒什麼味道。牛肚 煙韌彈牙。牛筋有硬有軟 軟身的有膠質， 口感不錯。炸粟米魚蛋棒 有兩魚肉棒彈牙算唔錯。叫餸個時，見到前門個叔叔狂加香蔥粒同菜甫，我自己都加左啲，阿媽食到一半都出去加返，結果成碗唔同曬至少有啲辣味。…查看更多

車仔麵相信每個香港人都食過,貪佢夠快價錢又合理😏,而金寶對我泥講係ㄧ個好特別既存在,因為係學生時期就經常光顧,而家食番味道無變額外感受到濃厚的人情味,回憶瞬間浮現,那ㄧ段青蔥歲月.😝金寶車仔麵,ㄧ般車仔麵該有佢都有,另外仲有漢堡扒,豬軟骨,炸雞翼等特別餸可供選擇😍,但對我來說這些特別的餸偏咸,若可接受重味的人是個不錯的選擇,佢地既蘿蔔 亦非常入味,而佢既賣點就係佢個沙嗲醬試ㄧ囗就感覺齒頰留香,唔係太辣,但真的十分難忘,到别家也找不到的,價格就由33-40不等,睇你幾時去,他們設有早餐,下午茶優惠時段,套餐仲有埋餐飲.😁店舖裝潢保留上年代的風格即不愛吃車仔麵去感受ㄧ下也不錯.😳…查看更多

住喺依頭咁耐，金寶真係從未幫襯過，見食開對面嗰間車仔麵食到厭厭地，不如試下其他喇!本住依個好奇心😅周圍試過附近嘅車仔麵，都中伏左幾次，冇一間真心食得過!今日公眾假期，雖然都2點半，但都係冇平，仍然都係$35三餸麵，連飲品。這段時間，入面只有5枱客左右，比起對面，靜局得多😑入到去揀餸先。做得好嘅係，有個托盤，方便客人拎，清潔都爽手好多，枱都唔洗抹。我點左豬腸、牛肚、牛腩。雖然加左腩汁，但完全taste唔到，個湯色都唔色下。豬腸好多肥膏，牛肚切得太幼，牛腩碎到不得了爸爸點了豬腸、豬紅、豬皮。相比其他車仔麵舖，全部餸的份量比得好少檸檬茶個茶膽都唔好飲，早知飲可樂仲穩陣。整體來說，都是不理想，番來睇以前食評，仲話好好食😖講句好啲嘅話，依度冷氣十足，唔怕食到出汗（坐坐下仲有啲凍添）…查看更多

金寶美食，我十幾年前已經食緊，最初旺到要排隊，但隨住付近越開越多車仔麵舖（有d仲係區內出名的），佢既生意同人氣好似冷卻左dd我一路都諗唔明點解佢係區內紅唔到舖頭感覺10年一樣，由一家人合力經營，店內有幾張卡位檯同園檯，講講下有段估金寶係多年前曾經整過車仔飯（車仔麵餸配飯），配埋佢地個沙爹，好味道我難忘到而家，，金寶係多年前曾經整過泰式咖哩飯，佢既好味更難忘，兩三年前推出左一隻麻辣醬（好似四川味咁），惹味x10...呢d而家都沒出啦，可能街坊生意覺得要純賣麵食，接受能力較低:(好彩，而家衣然有惹味沙爹，其實我望到佢地既沙爹可能只係大大桶交黎既沙爹，但配落一碗熱辣辣既湯麵到，感覺好似打緊一個沙爹湯底既邊爐咁呢日我食我既例牌，一麵四餸（早午茶餐唔同價）1. 炸釀茄子🍆，夠淋，魚肉夠脆夠香蔥味2. 滷水雞翼尖（如另上可叫咖哩尖，仲正），好淋好入味，唔似一般雪味重咁，配埋沙爹好似食緊一味小食咁3. 豬腸，勁勁勁，我唔記🉐️影低，佢地每日鮮製去炆，落肉桂葉同陳皮去煮，再炆到淋一淋，沒臭味，洗得好乾淨，反而帶出另一種鮮味4.炸雞翼點呢個要食剛炸起，因爲佢地落酥炸粉較多，剛炸超脆，鹹香味必埋d肉汁出黎，望落真係唔似留意，要去食lunch的話，會有好多學生排隊，要搭檯同有機會沒位，價錢叫到四五餸加埋底都係$38-40，佢既質素絕對有保證！…查看更多

係附近返工，一星期至少食兩次呢間車仔麵做午餐。佢嘅沙嗲醬好好味。33蚊3個餸，凍熱嘢飲都唔洗錢包埋（豆漿、汽水、檸茶檸水全部都唔洗加錢），真係好抵！同埋叫貴d嘅餸都唔洗加錢（e.g.牛肚、魷魚），初初都唔係食開呢間，之前食同一條街另一間車仔麵發現叫牛肚，魷魚個d要加錢，凍熱飲又要加錢，同樣都係嗌三個餸加一杯野飲已經接近40蚊，之後就黎試呢間金寶，一食左就返唔到轉頭,佢d沙嗲醬配落車仔麵度好好味！炸雞翼、魚肉釀茄子好好味，同埋唔係間間車仔麵有街坊價又好味個人覺得呢間唔錯，仲有部分卡位。 D姐姐仲會幫你拎埋成個餐去你個位。…查看更多

車仔麵既精髓就係醬料.金寶沙嗲汁再加檯面既麻辣係無得輸.由於係附近返工.所以日日都食.冷熱飲品都唔使加錢.30蚊3餸,34蚊4餸.2點半後下午茶仲會平2蚊.呢d係只會係小店先搵到既人情味/心意幾乎絕跡.今日仲比我聽到有店員講左句:有無人揸車,出面抄牌.呢d街坊精神 係香港好耐無感受到.…查看更多

金寶的味精沙嗲真係好味到發瘋, 每次我都叫佢多沙嗲多沙嗲一般的我都會叫豬腸, 豬紅同牛肚, 然後加番個底, 轉眼間就食晒配料無咩特別, 豬腸未夠硬有口感, 牛肚太細條, 豬紅唔夠入味, 但整體都ok gar:)…查看更多

聖母醫院覆診完畢，諗住食埋Lunch先返公司，喺雙鳳街、銀鳳街、環鳳街兜左個圈，本想去茶餐廳吃個飯，但午餐大多都要$40，仲以為街坊小店會比較平，所以都係揀食車仔麵，經過呢間唔太多人，門口又寫住沙嗲車仔麵，好似幾吸引咁，於是就推門入去.....這店是半自助形式，先去檔前嗌野食俾錢，之後有位姨姨會幫你拎野食埋位，都幾得意。先講價錢，3餸麵+飲品($29)、4餸麵+飲品($33)，早餐時段會再平幾蚊，都唔算貴丫~食物方面，雖然冇細望每一種款式，但感覺都相當多選擇，比較深刻既係見到有酸齋、炸雞翼、煎釀茄子等等....見前一位客人有嗌到酸齋炸雞翼，一於照跟，要埋豬皮+沙嗲汁，飲凍檸水，開餐。老實講，我覺得呢3款餸都好好味，酸齋味濃有咬口，炸翼醃得入味，豬皮煮得夠淋，加埋微辣惹味既沙嗲汁，的確唔錯。值得一提係酸齋同炸雞翼會用碗仔另上，唔會浸到淋晒冇晒味，唔係間間鋪頭都會咁做，抵讚!!!其間都見到唔少中學生、街坊入黎堂食外賣，希望呢類型既小店可以繼續生存，俾大家有多一個選擇啦~…查看更多

平靚正既車仔麵〜咁多間車仔麵食得呢一間令我回味回味再回味，每一天都會想起〜 店鋪小小的，入到去就好old school,餸方面差唔多有成20款揀而我成日食就有釀茄子，白蘿蔔，咖哩魚蛋，紅腸，魷魚，漢堡扒，雞翼加河粉或者米線，一路寫一路又想食，其實呢碗車仔麵既重點係個咖哩汁and 麻辣汁，令到碗麵生色不少，一碗麵加柸野飲都唔過$30 超值！…查看更多

今天回到中學附近 周圍的環境還是有熟悉的感覺突然有一種想回到從前的念頭 哈哈人大了 投身社會後 就會發現讀書時候的快樂走著走著… 走進了一間中學時常常跟同學們去吃的車仔麵店無論外面的門面 還是裡面的裝潢 擺設 等…..還是跟當年一樣 一點兒都沒有邊 都是簡單清潔的此時此刻 當年午飯時人山人海的情景一一出現在我的腦海裡 我點了我最愛吃的三款配菜 :: 蘿蔔 菜肉餃 冬菇蘿蔔 – 很甜 燉得好熟 很入味菜肉餃 – 餃皮滑滑的 菜和肉的比例剛好 味道也剛好冬菇 – 燉得很入味 很嫩!!湯頭還是香甜的蘿白味 很好喝~ ~ ~加上特製的沙爹辣醬 好好吃!! 那些年的味道 >3<…查看更多