影片
以上资料只供参考，请与餐厅确认详情
招牌菜
呢间快餐店我已经帮衬咗几年,最初见到餐牌真系吓一跳,上环区竟然仲有廿几蚊一个餐,而且仲要包埋汤或者饮品.虽然依家已经加价但点都系同区既平价之选.先讲汤,店员成日赞啲汤真材实料,的确饮得出无加味精,而且见到大量汤渣.虽然味道略淡,但总比好多味浓但加味精嘅汤好.最重要系加两蚊就可以将个汤加大,用大汤碗嚟装,将碗汤同埋成碟饭摆埋一齐对比一下,就会知道份量有几夸张.相信一个女仔饮完晒成碗汤已经唔使食嘢. 呢度嘅主打就切鸡饭同埋咖哩牛腩饭.就算系熟客都要讲,食物质素真系非常一般.切鸡饭会有鸡髀,鸡肉唔算鞋,但系无乜鸡味.咖哩牛腩/红酒牛脷饭汁多肉少,而且越来越少,按年递减,汁味太浓而唔辣.呢度嘅饭量非常多,无信心食晒嘅记住要求少饭.虽然依度缺点都几多,单以味到嚟讲,呢度只系仅仅符合合格水平.但以价钱嚟衡量依然系物超所值(少少啦)嘅.另外呢度嘅店员认得熟客㗎,有讲有笑有人情味,见你热会俾纸巾你抹汗,见你流鼻水都会问候下你,依类旧式快餐店系应该支持嘅
继续阅读
路过见到以平价作招徕, 作为穷毒L当然狗冲试下。坦白说$30以下真系好难揾到饭食。见系招牌炸鸡心谂应该唔差得去边, 试完就知我错了。真的不能贪平。成盒嘢都系冻的, 不论饭定鸡。鸡系咖喱味, 粉超厚, 肉不多。汁的颜色极不自然, 萤光汁啲fd。啲饭冻晒唔知放咗几耐。热柠茶有色冇味, 真系第一次见。呢个故事教训我唔好乱食炸鸡, 特别系平价的, 拎得去炸通常都系唔新鲜。如果唔系拣炸鸡, 可能冇咁差。或者下次都系食返斋算了......
继续阅读
以前系上环返工，同一班同事出去食或者外卖，都好少黎呢Ｄ细间快餐厅食。告别上环工作多年，咁岩呢次黎上环揾朋友，系佢公司附近就见到呢一间咁平既快餐食店。可能门面同睇落都有Ｄ残残旧旧，又不太起眼，所有以前没为意，今次行过见到佢LUNCH Set好平，比起附近一带既平十几蚊，于是就胆粗粗黎试下啦。店内位置唔大，台都系几张，有点儿迫。同埋男性和工人比较多～系收银处落完单，好快就有得食！粟米肉粒饭，中汤 $26粟米肉粒饭：忌廉（白汁）粟米汁是我的最爱～呢间仲要几多汁下，好creamy！至于肉粒都够滑，个人黎讲觉得好味！中汤：刚刚好，够浓味的，味道同大x乐果ｄ味精汤差唔多，不过呢个价钱预左，一分钱一分货，而且味精汤我从不讨厌，多味道就可以了！的确系够平同抵食，份量又够多！不过我见炒饭好似麻麻地，有客人食剩好多；相反碟头饭呢ｄ既就卖相好睇ｄ，多人食ｄ唔想lunch日日食咁贵，都可以考虑黎呢间试下啊！怕迫既可以外卖。
继续阅读
苏杭街，小店林立，茶餐厅、点心店、凉果小吃、西式cafe、日式寿司饭店都有，百花齐放、丰俭由人。二十几至过百蚊既lunch 都揾到，养活左不少嘴馋既中上环打工仔！是日走到近上环既苏杭街头揾野医肚，路过门口旧旧既装修，却用一块莹光版作为餐牌，都几吸睛！餐牌头二位系金太阳快餐牌永不磨灭既笔迹，分别有唔见光既秘制切鸡饭，同金太阳炸鸡饭，其他就日日唔同款，以一个中午饭黎讲，佢个价钱系接近无得输的，加埋野饮都唔过三草野，难得啊！我买既时候都下午茶时段，舖内人烟疏落，系柜台俾钱叫外卖，要金太阳炸鸡饭配中汤，凭票去水吧位自己拎外卖，都几有8，90年代既快餐feel 。返到写字楼，打开外卖盒.....一pat 酱就系鸡扒上，佢酱就话系蜜味波罗汁，但我食落就似洋葱茄汁，咁味道又确系甜甜酸酸，拎黎拌饭真系可以接受架；到块炸鸡扒，女仔既手掌咁上下大，咁店员都会斩好一旧旧排好，算系咁，由横切面睇，炸粉略微厚左D，同埋系炸定既关系，鸡系冻既，但因为有酱汁关系，掩盖左炸粉厚呢个缺点，至于鸡肉方面炸得算唔错，未到好干，仲有水份，唯香气欠奉，想要食到脆卜卜咁我谂要等好彩炸起果时喇。食完饭梗系饮汤水通通肠胃啦，当日例汤系青红萝卜猪骨，个炸鸡饭虽然一段货仔，但个汤好正，足料不在话下，仲有南杏等等，味道十足，唔会偏咸，系煲出黎果种感觉，味精唔多觉，但做餐厅点都会落些少。总括呢个价钱食到个饭连汤都算系咁啦，有咩好要求！
继续阅读
上环吃个午餐并不便宜，一般最平都是四、五十元，难得有一间三十元楼下便有饭盒加饮品，我这些低下层上班族，当然经常去啦!金太阳的午餐选择几乎天天都不变，通常有切鸡和咖哩牛腩等。内在装修简陋，店员又很豪气，有种很重的麻甩味，所以食客又以男人居多。秘制切鸡饭加杯装汽水 $26鸡件虽然不算是新鲜，但又大大件，何谓秘制? 除了葱油外，我估可能是雪过，然后再煮，鸡肉有点爽，鸡味并不特别浓，配合大大份量的白饭，26元真的很抵吃!
继续阅读