影片
以上资料只供参考，请与餐厅确认详情
好耐未嚟过呢度食今日经过，所以黎食下呢度出咗名系唔贵，大件夹抵食我就食咗个鳗鱼饭鳗鱼饭嘅鳗鱼有少少骨，味道ok嘅，不过鳗鱼份量一般般，不过40零蚊咁大兜饭都几饱，鳗鱼汁就唔系好够老婆就食烧青鱼见佢25蚊一碟 ，以为好细条所以嗌咗两碟，黎到之后发现原来就碟已经好多仲有几粒炸薯角最后两个人食咗两大片鲭鱼！饱饱之外仲食咗三文鱼刺身，十五蚊碟，相比争鲜黎讲呢度就无咁抵食腐皮寿司同鱿鱼寿司 正正常常质素呢度好嘅就系好多饭粉面选择，同埋小食基本上嚟多几次都应该未会厌不过我哋𠮶日就申请唔到会员蚀咗个九折不过埋单其实都系百五蚊，真系好抵
继续阅读
以前有好多分店既金太郎，而家就净返深水埗店咋~店内有少量卡位，同大量既回转寿司既位，坐得有啲逼，不过尚可接受~蒲烧鳗鱼饭(定食) $455条肥肥既鳗鱼加饭，金太郎既鳗鱼偏向比较烟韧，个人觉得惗既鳗鱼系比教好食同埋入味，但系以呢个价钱食夜市既日式野食系绝对抵!三文鱼*鱼籽盛饭 $58(包饮品)三文鱼同埋鱼子铺满左碗饭既表面，好吸睛呀～三文鱼粒既大小刚好，食落口既口感唔错，亦都唔会有腥味、口感唔会「梅」!!如果大家想食平价日式餐厅，金太郎既性价比高，系个抵食夹大件既好选择。
继续阅读
六点几先食完下午茶, 所以冇食饭。男朋友话惊饿住瞓唔到, 所以去左食金太郎。我哋叫左碗日式叉烧拉面, 一客照烧鲜鱿须, 照烧鸡软骨串, 软壳蟹手卷, 珍宝带子寿司, 两客芝士炸虾卷, 同埋木鱼冻豆腐。可惜店员话冇冻豆腐, 男朋友话试下个鸡翼饺, 就order左一客嚟试。拉面好大碗, 但面质似系港式拉面多过日式, 我自己就唔太中意。照烧系列味道不错, 如果个照烧汁可以稀返少少更好。软壳蟹手卷炸得刚刚好, 香脆可口, 本来仲以为个手卷包左好多饭会好饱, 但原来只蟹都几大只, 饭占嘅比例唔算好多😋😋珍宝带子寿司, $15有两件算系好抵食, 而且质素唔差。👍🏻👍🏻芝士炸虾卷维持水准, 但个饭可以少啲😂好难一口食晒一嚿😂最失望嘅系鸡翼饺, 虽然个外皮炸得刚刚好, 但一咬落去个馅度, 就觉得个馅好油腻, 唔会再食呢个𩠌🙊整体嚟讲, 金太郎嘅宵夜都唔错, 难怪成日都有人排队👍🏻
继续阅读
呢间寿司店几平几抵食，得闲去开深水埗都系唔错既选择～～三文鱼刺身几厚切，尚算新鲜，呢个份量价钱都唔错～软壳蟹手卷即炸够香脆，维持水准～～寿司大大件，除左回转寿司，我order左好多唔同款既寿司，带子几好味～除左刺身寿司，仲order左一啲熟食，都有好多选择～～洋葱炒一口牛柳粒，牛柳粒炒得几有获气，热辣辣香喷喷～～洋葱都几多下......两只饺子鸡翼，好味！！炸得刚刚好香脆，金黄色卖相，鲜嫩鸡肉，高质！
继续阅读
鲜茄牛肉拉面， 鲜茄只系用未溶晒茄膏， 为左加酸味 居然加酸菜系拉面😖， 乜拉面唔系日本嘅咩点解变左中菜， 牛肉系用 黑椒牛展😱， 拉面绝对唔系日本拉面 只系用煮淋晒嘅中式拉面😓 成个面完全九唔搭八
继续阅读