影片
以上资料只供参考，请与餐厅确认详情
虽然住左系元朗几年，不过从来都未帮衬过呢间粉面店😅因为如果要食面通常都系食酸辣米线或者车仔面今日突然想转下口味食港式炸酱面，近近地揾左后面街呢间⭐京都炸酱面料算几多，不过略嫌多酱左少少所以食到后期有D腻😅面条弹牙无碱水味👍🏻个汤无乜特别❤️金钱肚鱼蛋河见到佢既鱼蛋系自设工场百分百鱼肉，即刻想试下😂食落系好弹牙，无腥味👍🏻金钱肚正常，河粉几滑❤油菜拣左菜心，加$8份量唔算少，性价比好高😂
继续阅读
早餐想简简单单搞掂，我通常都会揾间粉面铺，金城香港仔鱼蛋粉应该系我既食堂之一。每次到金城，十次有九次半我都会叫牛腩河，因为呢度既牛腩汤底加左腩汁之后香浓又唔会太咸，牛腩炆得入味，食得出五香味既加持，牛肉纹路清晰，肥瘦适中，瘦既部位肉味香浓，肥既地位唔会太油腻，仲好重牛味，所以每次食完都好满足。
继续阅读
正系度谂紧中午放饭去边食之际，就自然上黎睇下有咩好食啦，无意间睇到呢间金城香港仔鱼蛋粉d牛腩好靓㖞，1层肥1层瘦仲带少少筋，个样似崩沙腩但只收普通牛腩价钱，就一于黎试下啦，位置都新朗屏西铁站，世宙对面马路，唔难揾。店内环境唔算大都有几张卡位，今日坐左系比较角落既位，由于店内每个位都间左板同有d食客系度所以就唔方面影咁多啦。系咁意睇下餐牌，除左一般粉面类都有饭类，猪排鸡排果d都有，轻食有3文治，都系十几蚊，下午茶餐西多薯条果d都有，最特别仲有海南鸡饭，几多原化。原汁牛腩河主角牛腩切得好靓，真系成个崩沙腩咁，有大约7件，肉质腍滑半肥半瘦带少少筋膜，河粉唔会碎湿湿，汤底味道唔算好浓，饮落还可以唔觉太重味精，33蚊食到呢个质素既牛腩绝对超值。原汁牛腩米同事叫的米粉，牛腩一样咁出色。菜心跟餐加8蚊有饮品或油菜，我就拣左菜心，菜心上黎底有1层油，闻落有少少炸蒜味，食落都有d，唔知系咪特色黎，菜黎讲唔会渌得太腍，菜本身就未算好甜，但都ok既。整体黎讲牛腩质素系高，就算呢份唔系崩汤沙腩但食到差唔多款既牛腩，以呢个价钱都相当抵食，而其他粉面类既价钱就同其他粉面店既差不多。
继续阅读
见到社交平台 元朗group有介绍过依间餐厅经过肚饿谂起就去试吓虽然有好多选择，但最爱牛腩河既我 - 目标清晰落单姐姐无帮我remark肥腩 （有啲失望🙍🏼）但上到黎，啲牛腩好肥好靓仔😍一层肥肉一层瘦肉啲肉仲要好软腍 $39包埋饮品，超值🥰（冻，热同价）另外试埋牛根 都好好味😋炆左好长时间，又系好腍反而猪肉丸 普通，无特别 系group到好多人推介：墨鱼须、酸菜同埋猪手已经谂定下次要去试埋！！！
继续阅读
香港宜家好多潮州粉面，都转卖所谓嘅潮式扎肉，唔再卖鱼扎…搬咗嚟大西北之后，揾左好耐，好难先喺元朗揾到间潮式粉面店有鱼扎卖！一间貌不惊人，OpenRice评分唔高，店面亦极之普通极似普通茶记嘅面店，但食落又觉得几好味！叫左紫菜四宝河，鱼扎大大旧，弹牙味道亦几好！墨丸好香同弹牙！肉丸好爽！佢个辣椒油都好香，够辣！另外，好耐无见过，跟餐只系$8嘅生菜渌得咁翠绿，亦无草青味，好爽脆！唔可以话非常出色，不过整体好满意，足料实在！
继续阅读