金城。漁

营业中

休息中

朋友知道我好鍾意食蕃茄焗豬扒飯就趁住今日放假特登帶我過嚟非常之有我心，而且冇失望呀！好食！呢一個茄汁焗豬扒飯係我食過最好食嘅三甲之一炒飯飯底做得唔錯炒飯炒得粒粒分明，但係唔係太油食落個飯底有口感有蛋香！厚切豬扒夠厚身醃得好好食夠味道豬扒食落去軟嫩彈牙，唔會乾身鞋口個茄汁都做得好好酸甜味道拿捏得好好，而且唔會過甜過鹹濃稠程度亦都係恰好整體配搭係好均衡好好👍🏻因為個平衡一做得唔好飯太多汁太少就唔好食豬扒太薄太鞋又唔好食呢一個焗豬扒飯係非常之好食一定會為佢再嚟食過炸雞髀配金鏄多士呢一個下午茶相比焗豬扒飯係相對失色㗎雞髀冇乜點醃過就點一點咖喱汁做個底味 再炸金磚多士 唔夠花生醬外皮唔夠蛋漿 所以炸起身唔夠脆身麻麻哋但係個焗豬扒飯已經超出預期完全彌補到另一樣嘢嘅失色整體都非常之滿意期待下次再途經筲箕灣一定再食個焗豬扒飯！

4:30到諗住過嚟試吓啲人話好味嘅下午茶，想食瑞士雞髀同西多士，朋友叫左抄河。叫落單兩三次都冇人睬，個男人只係答你「嚟緊，等陣」🤔跟住個男人走咗去接外賣單😨終於落咗單，傾傾吓計冇乜禮貌嘅侍應過嚟話瑞士雞髀同炒河都賣晒😨正到呢😏唯有轉雞髀😵‍💫都等咗10分鐘左右，終於有得食。坦白講隻炸雞髀冇乜特別，裏面竟然用咖喱粉😳雞比較乾身。西多士更普通，夾咗少少花生醬，麵包都係乾嘅。最好味嘅係糖漿😆真心唔覺得呢份下午茶餐有咩特別。朋友最後食咗蝦醬炒飯，喊到不得了！排隊嚟呢度食嗰啲係咪冇飯食？！定係未食過真正又好味服務又好嘅下午茶？呢間嘢竟然可以喺疫情捱得住，真係要感恩！見到其他食評話呢間嘢冇禮貌，真係名副其實😝

平時星期五六日行過，都已經好多人排隊，所以今天和媽媽已經六點去到，一心想，早啲去都唔會咁多人。最終都要等候10分鐘才能入座，由於我們二人的關係，所以便要和人搭枱這樣我們也不介意。我們6:09分落order，叫了一個<焗豬扒飯>晚餐<XO醬炒雞柳>，大約等到6:30分，坐我們對面亦有叫「XO醬炒雞柳」已經食完，但我們仍未上菜，我們已經知道焗豬扒飯是需要時間的，所以叫老闆娘跟一跟我們的XO醬炒雞柳，幾分鐘後店員說XO醬炒雞柳「現在炒緊」OMG😫最終6:39終於有「XO醬炒雞柳」但這個完全沒有XO醬的味道及顏色只是一個普通的炒雞柳。約5分鐘後豬扒飯亦上枱了，豬扒飯10分一般十分多汁，好像「水浸豬扒飯」一樣。其實早於他們重新營業的時候，我也試過幫襯外賣服務，當時外賣服務亦要等半個鐘以上，起初都覺得可能他們重開，運作未必成熟，但經過這麼多時間，他們能保持水準「外賣給堂食都要等半個鐘以上」

今日到筲箕灣出海釣魚，有時間，諗住先吃個早餐，去到，坐低，嗰個唔知係唔係老闆娘，叫佢落單，一句轉頭先，轉頭又唔見佢嚟，都費事再叫，揾另一個人落，好啦，想攞杯水，又話轉頭先，點吖又轉頭。。。。你啲嘢好食都算，通粉唔熱，叫熟蛋又變太陽蛋！熟客就招呼好，咁態度，即刻趕客，，不如掛個牌，只招待熟客！轉頭，轉頭。。。。轉頭俾個太后你做吖！

平時食開佢哋既炒野，好有鑊氣！海鮮炒飯，咸魚雞粒炒飯都係極度推薦👍🏻👍🏻今日放假見有時間就揀咗想試好耐既焗豬黎食！果然無令我失望，豬扒厚得黎一啲都唔鞋，炒飯底一樣好乾身，個汁夠味得黎唔似大牌子咁會係咁想飲野👏🏻👏🏻👏🏻而茶走一樣咁好味☺️新黎既服務員重好好禮貌添，加分加分👍🏻

本人都幾鍾意食鮮茄焗豬扒飯，所以間唔中都會食一餐，今日過開港島東區，專登搭叮叮到筲箕灣東大街「金城•漁」茶餐廳，以我所知呢間以前就咁叫「金城餐廳」，而家搬過隔離又將個名子加左個漁字，唔知係咪因為多左啲用龍躉魚入餚嘅關係呢🤔裡面不大，但裝修簡潔、乾淨及舒服👍🔻厚切豬扒芝士焗飯要15分鐘即叫即焗，樣子好靚，豬扒係用帶骨果隻，炒飯底好干身，唔會好似其他餐廳或快餐店咁，加埋汁之後一pat pat 咁樣，「金城」呢個食到最後啲飯都係一粒粒好分明👍，豬扒亦大大件好厚身，鮮茄做嘅汁唔會太酸，偏少許甜，成個飯熱辣辣真係好好食😋🔻干炒肉片河呢個河粉炒得好有鑊氣，肉片、銀芽、蔥段夾埋一齊非常好味，再配上個辣椒🌶️醬真係冇得頂，去茶餐廳就係想要呢啲味道😂再睇下個餐牌，裡面有好多小菜都幾吸引，價錢亦算公道，下次再黎一定會試吓佢哋用龍躉入餚嘅菜式👍

剛去咀頭行完山就返來筲箕灣搵野食，東大街行咗大半吾知食咩，見門口歺牌寫有「摩羅雞扒飯」，對佢有啲興趣就揀咗哩間野。我問個friend坐邊度，有個厚生仔態度好差，以為我問佢，佢好大聲兼帶示意我坐埋邊張檯。最後我哋揀咗中間嘅圓檯坐。叫咗一個肉片炒河，一上枱，聞到成浸「膿」味，食咗一啖，超難食，同侍應反映，重新炒一份，又係有少少膿味，肉片冇醃過，河粉得個色，吾咸，直頭冇放鹽，芽菜仲未斷青。摩囉雞扒飯冇咩特別，第一次食。都吾會有下次。

放假行完個山就想去搵食, 開app睇附近冇咩好選擇💛💛, 行山個陣心心念念咁諗住食西多士, 最後揀選咗依間😛😛 就試吓佢💬摩囉雞扒飯- $72黃薑炒飯好微微既辣味, 大概係好少星洲炒米個款, 都幾惹味 😋; 味道好豐富, 有炒蛋 提子乾 青椒等既配料, 隨飯配埋橙色既酸酸哋醬汁, 感覺似平時据扒既蒜汁然後再食到酸酸哋味同好香既herb味, 成個飯係好有誠意既, 跟住就明白點解賣$7x ; 最重要仲有塊香煎雞扒, 又真係好香煎咁燶燶哋, 再加上煙肉黎食, 真係😋😋😋😋💬傳統法蘭西多士(茶餐)- $33西多士用既多士比一般既厚, 係有驚喜既, 鮮油糖漿加上甘香既花生醬, 熱辣辣食真係超正!! 如果星期六去食, 仲有得試吓華田奶爆西多士😍跟飲品我叫咗熱朱, 唔駛落糖都好夠味, 真心唔hea你 😆😙總括而言, 兩款食物都係有驚喜地好味, 見到餐廳既用心製作, 下次仲想試埋其他😍😋資料補充: 網上有人話依間前身係💙, 之後轉💛, 見lingduck 同和你pay都有份, 係意識形態建立上幫襯💙轉💛都唔係最差既

平時食開茶餐廳嘅早餐，追求都係快靚正！真係估唔到今日等咗十幾分鐘之後，我都只係有禮貌地追下單問點解十幾分鐘都未有？點知可能一直以為自己經營緊高級餐廳嘅腦細一句唔好意思或者幫我跟吓張單都無…..然後仲要同其他客講話: 而家唔係你話坐低十分鐘就有得食，呢度個個都等幾個字先有得食。真係好大嘅官威！唔知以為佢個番茄新鮮到啱啱喺田到收割，啲肉係啱啱新鮮劏嘅……事實係已經用緊快熟通心粉，啲湯咪一早準備好！真心講句嘢，無咁大個頭唔好戴咁大頂帽，接唔切單就cut咁啲位！無心做飲食就執_咗佢！在味道方面，通粉太淋，唔使咬就可以直接呑。番茄湯底係無味的。雞蛋係凍嘅，麵包都係凍嘅唯一正常係火腿！

 什麼是水上人的味道?   筲箕灣東大街有不少餐廳都可以試到水上人的味道.未食過依間,門口的餐牌見到有龍躉打算試下.....waiter 哥仔介紹 我地試龍躉扣,係龍躉胃平時唔係成日有,因為好厚身所以口感似豬肚多過魚肉或者魚鰾. 我最鍾意試新野...講到甘真係要會一會佢...除左龍躉扣,重叫左菜心炒牛肉, 例湯有粉葛湯龍躉扣 惹味,的確口感特別. 不同厚度有唔同的感受,厚一點的確似豬肚,薄的像邊緣就似筋.果然無介紹錯 .菜心炒牛肉有點咸不過都算大碟.  粉葛湯無咩特別正常發揮.凍檸茶後加因為間餐廳通風一般,食食下有點熱所以要加杯凍飲降下溫. 凍檸茶好好,茶無苦檸檬有味.待應都勤快有禮,期待下次再去試不同的食品.

話係全城最好食既焗豬扒飯，咁就一於試下。蕃茄醬唔酸少少甜又不失蕃茄既味道，冇蕃茄，醬汁十分易入囗，好味道。加咗芝士落去焗就更加好味，有拉絲。豬扒厚切切開方便食，帶骨，肉嫩味道夠。蛋炒飯底乾身有咬口。份量剛好。一碟唔錯既焗豬排飯。

中秋佳節梗係去食晚餐，搬咗新鋪之後呢，見到中秋節有新嘅晚餐咁就去預咗試吓。第一款花膠響螺燉雞湯，味道好有雞味，d 肉好淋同肉好滑。比好高嘅分數啦！聽聞燉咗四個鐘！第二款奶油大蝦，炸咗的大廈加鹹蛋黃，又脆又邪惡又好食第三款炸子雞，唔知係咪又食雞總覺得好似好瀉咁。不過水比得上酒樓。第四款就係脆炸蜜瓜鮮奶。好新奇嘅餸，茶餐廳通常都冇，係中秋佳節先有得預訂。好有鮮奶味，我會比好高分。Overall , 我會比好高分，味道仲好過酒樓！係坐喺廚房出面好熱，一邊流汗一邊食野……不過食物質素好好，屋企人話都會再來食！

呢間茶餐廳「金城」唔係得舊式早餐A-D餐比人簡而係有全日早餐7:00am -5:00pm 俾人簡👍🏻呢間餐廳算係好耐歷史 由街尾搬到街中間裝修方面都唔錯😆 整睇黎講都叫乾淨👍🏻👍🏻👍🏻平日朝早10點半唔洗等位🤣真係爽打開個餐牌 (小編一心諗住食全日早餐)，點知好多選擇🤣簡直有選擇困難症最後簡左煎蛋，雞扒，腸仔，多士 😂大大份連杯凍咖啡都只係$45 炸性價比高🌟🌟🌟推介地址: 筲箕灣東大街東威大廈3號地舖

朝早到金城食自選早餐，其中一樣配搭揀選牛油野菌。食到一半發現有隻炒到乾晒身嘅昆蟲，大小有食指指甲大。經爆炒後精華流到野菌上，淡淡蛋白質，營養豐富，健身朋友必嗌！隨即嗌女店員嚟望下，店員拎上手睇話係乾蔥，絕非昆蟲，然後就拎入廚房。男店員過一陣就過嚟話下次唔好嗌野菌，原因係呢味餸唔啱你口味，話係我唔啱食就退嘅意思。我亦都指證係因為有昆蟲而叫佢收走，並非唔啱口味。收走碟餸嘅女店員其後都過嚟話唔係昆蟲，只係一隻小螞蟻。恕本人孤陋寡聞，螞蟻並非昆蟲？

下午茶餐肉通粉-配火腿煎蛋-凍鴛鴦圖中一樣，味精無窮湯又多，薄切餐肉多士真係乾爭爭通粉未熟透，呢個餐盛惠$50，真係見人見致再叫個招牌海鮮炒飯，以為出名食海鮮作招徠，可惜材料係蟹柳，嗚門卷加雪藏軟軟的魷魚圈，小蝦子兩隻，帶子BB ，餐牌上有個辣椒仔，以為會辣，點之一d都唔辣，幸好佢個疑似自製辣椒油拯救個炒飯，唯一可讚係炒得好乾身配上避風塘炸蒜的確有一番風味。另外再叫東大街之恩物，鮮油奶多，幸好不過不失