金園茶餐廳

营业中

休息中

金園茶餐廳 佢哋嘅蛋撻真係世一 我最鐘意食佢地蛋撻 酥皮勁多層 超鬆化 勁正！蛋漿又夠厚 又多 吾會太甜 又滑！佢茶餐都好食 大大個包 好軟熟 沙嗲牛肉都好濃郁 麵質吾會太淋 整體都幾吾錯 仲大大份火腿蛋奄列 宜家出面好小有火腿奄列！

金園茶餐廳 📍：香港長沙灣青山道314號地舖🚗：長沙灣地鐵C2出口 步行5分鐘📞：+852 2725-6386💲：~HKD50/head for lunch Food quality✔️：酥皮蛋撻👌🏼：金園經典麵餐 、曲奇皮蛋撻總結：😋一間長沙灣出名嘅茶餐廳名店 酥皮曲奇皮蛋撻遠近馳名 同隔壁新華都各有擁躉‼️😋嚟到金園冇理由唔食蛋撻 酥皮蛋撻現時買少見少 而佢同新華嘅酥皮都各有千秋 個人喜歡💕食脆口硬身啲所以係金園派 有個朋友喜歡淋身軟趴派就新華派🤔金園都有賣曲奇皮蛋撻 冇佢嘅酥皮咁有驚喜🙊🤔嚟到茶記 就要試試最經典嘅沙嗲牛面同火腿奄列 唔錯嘅但冇關注組吹奏得如此厲害 比較普通😣😨同一條街有兩間舖 正舖同分店嘅人流有明顯分別 唔想排嘅就可直入新店食🥺

今天到金園茶餐廳用餐，點了他們的特餐，味道相當不錯！首先是沙嗲牛肉麵 🍜，麵質彈牙滑順，搭配濃郁的沙嗲醬，讓人一口接一口！接著是火腿奄列 🍳，內有濃郁的蛋汁，火腿切得很幼細，明顯可以看出廚師的用心。搭配鬆軟的餐包 🥖，口感非常到位。最令人滿意的是，點餐後沒多久就有食物上來，讓人感覺非常高效！最後，來一杯熱奶茶 ☕，香滑可口，為整頓飯畫上完美句號。整體來說，金園茶餐廳的特餐不僅美味，還很快速，值得再來品嚐！如果你在找一個能快速享用美食的地方，這裡絕對是不錯的選擇！💯👌🍽️

蛋撻不嬲都係港人最愛🥧今次跟住「蛋撻關注組」搵食🍴 嚟長沙灣試兩間人氣茶記嘅酥皮蛋撻🆚.📌酥皮蛋撻 $11開業20多年 喺關注組no.1🏆外層以酥皮+水油皮製作 Keep住出爐 新鮮熱辣🔥入口扎實酥脆 唔算太鬆化有層次 味道都好淡🥧但蛋餡好出色 飽滿滑溜 蛋奶香氣濃郁 唔甜膩💛酥皮新華勝 蛋餡就金園勝🌟.如欲查看相關食物相片 可查閱本人已上傳之影片🎦

不嬲有幫襯開隔離間懷舊金園茶餐廳，後來見開左新既分店，多左小菜食，決定去試下，點知街坊茶餐廳黎計，真係貴到可怕，而且唔好食。叫左2個小菜，一個蝦乾什菜煲一個蝦膠釀雞翼，落單既時候話無蝦乾所以轉隻荷包蛋，但係價錢一樣，居然攞一樣貴既野換一樣超平既野，然後所謂既“什菜”，就係得3款菜，仲有極少量極少量粉絲，可能平時其他茶記全部都會跟少少菇或者其他野，真係第一次食到咁簡約版既什菜煲。雞翼就係重點：落枱居然得2隻雞全翼，雖然中間係有啲蝦膠，但係長沙灣地段，一間咁平民既茶記入面既小菜，賣緊$78呢個價錢，居然得2隻，差唔多$40一隻雞翼，如果3個人一人都分唔到一隻，真的覺得好貴，以呢個地區，一個下午茶餐都係$40，而且2樣野都唔見得好食，味道唔難食既，不過完全唔會用好食黎形容，什菜煲淡淡既清湯，然後有3款無味既菜，全靠啲淡清湯浸住有少少咸味，雞翼就係一段雪藏雞翼加蝦膠炸左，不過啲蝦膠一啲蝦味都無，味道同平時茶餐既炸雞翼完全無分別，只可以用極度普通黎形容。

金園嘅酥皮蛋撻前排勁受歡迎，好好彩今次去到冇人等，一去到就買到😋仲要咁啱遇到新出爐‼️夠哂熱辣辣♨️🥧酥皮蛋撻 $8Size比平時食到嘅大，撻皮好夠厚，聽講係有成足足百幾層😍食落仲好夠酥脆除左撻皮夠厚之外，入面燉蛋都一樣夠厚😋😋燉蛋好有蛋香奶香，好夠滑，仲有少少流流地心咁，食落都唔會太甜😋

入邊啲姐姐都幾有友善，會同我哋傾偈&介紹有咩好食。嘢食正常。蛋撻都正常（聽講幾出名），味道上有少少偏甜，唔係好夾我個人口味。整體都係一間唔錯嘅街坊茶記～ 經過可以試吓

搭6D專登過黎食早餐，真是一般茶餐廳，其實間間都差不多，但呢間有點貴，$49早餐，8蚊蛋撻，，沙牛面好咸，奶茶正常，蛋撻我無叫蘇皮，俾左曲奇皮，唔緊要照食，都係一般普通蛋撻囉，但唯一最好就係好乾淨，好整潔同光猛，又有多卡位，無太多客，可能閒日9:30 d人返哂工，總之無需專登黎食，食完都係覺得一般茶記囉😀，仲有呢間勁多熟客，個個客都大聲傾計，呢枱同隔離枱傾下，隔離枱又同前面台傾下，樓面兩個阿姐又傾下，好鬼有街坊人情味茶記，唔會食完急急腳走😄

睇完好多KOL 推介, 專登WEEKEND 黎TRY , 路經新華同金園, 決定今次去試金園先, 佢有2間鋪連住既, 一間新一間舊, 但門口都好多人排隊入舊鋪, 所以決定入新鋪唔洗點排, 入面環境乾淨, 燈光猛, 係坐得迫左少少, 員工態度好, 做野快同爽手,叫左蛋撻同沙爹牛面出奇地快, 先講蛋撻,新鮮出爐熱既 酥皮真係好厚脆, 蛋身亦都重蛋味, 成個口感都係厚實, 食果時要搵野裝住,再講沙爹牛面, 食到佢係有花生醬味, 牛肉多算多片, 真係冇令我失望, 大推各位黎食!

【深水埗區】【金園茶餐廳】之前講到喺蒙古做嘢識到香港朋友，佢知我做 foodie 嘅，所以都喺對話裡面包含好多飲食嘅元素。嗱又咁講吖，好多嘢都係講吓是非嘅啫，呢啲嘢又冇理由擺上枱面講，所以都係講返我哋做過嘅飲食交流咪算囉，係咪。咁大家見到呢間係茶記嚟，就知我哋講親啲都係比較市井啲嘅飲食文化。香港呢個地方都係經歷咗好多年嘅拼搏，加上民智上比鄰近地區早發展，所以先有今日嘅煇煌。其實當年嘅平民百姓，咪又係由呢啲唔起眼嘅茶記養大。嚟到長沙灣呢間金園，都係經典嘅格局，不過感覺佢哋裝過吓修，有啲新淨。叫咗個 $45 嘅「全日經典麵餐」，加 $8 轉「香煎雞扒麵」，都幾大碗，配菜仲有「火腿奄列」，不過整到好薄，隻蛋略嫌唔夠生、唔夠滑。加 $2 轉嘅「牛油多士」幾好食，呢塊包似樣，牛油亦都好香。餐飲飲「熱奶茶」，都係好飲嘅。之後用 $14 叫埋「鮮牛油菠蘿包」，個菠蘿油叮到硬晒，唔得。夾埋 $69 埋單，價錢可以啦，下次點都要食「酥皮蛋撻」至得。。。（地址：長沙灣青山道314號地舖）#1amfoodie #foodie #hkfoodie #thatfoodiething #hkfood #food

蛋撻迷主要分兩大派別：酥皮派 v.s. 曲奇底派。而我就撐酥皮，因為做得好嘅酥皮撻，可以俾到好多層嘅鬆化口感！🫠金園嘅酥皮撻係幾出色！但係，都有d飲食小tips俾大家！🤡1. 佢有兩間分店，建議食舊d果間(唔係食評呢一間🙊)2. 捕住佢有新撻出爐先嗌！熱辣辣食，個撻嘅狀態係最正！🤤3. 佢哋嘅奶茶好滑，茶味香濃，配酥皮撻，係一絕！😻4. 我通常星期六日，下午茶時間先會去。平時收工時間出撻量少，變相好大機會食舊撻！🤐

金園既蛋撻出名大家都知酥皮蛋撻就算左今次就黎曲奇🤨曲奇蛋撻今次覺得無咩head櫃拎，連加熱都沒有不過味道係ok相信剛出爐會更好應該同酥皮不分上下😉金園豬扒包叫得店名既項目相信餐廳都有咁上下信心❤️咁就試埋啦😉包就普通餐包咁既口感中間有蕃茄片，椰菜，千島醬豬扒入口脆既(工力👍🏻🤨)用得胡椒處理過但品質差，食得豬蘇味🙊結: 曲奇蛋撻可以希望下次至少食到暖撻🙈金園豬扒包希望用有品質豬扒#曲奇蛋撻#金園豬扒包#金園茶餐廳

之前試過新華，食物味道普通但服務就超唔掂，想叫件tart都俾伙計嬸嬸唔揪唔啋，咁咪今日行去相隔十幾個舖位的金園試下nor😀😀😀🍜雪菜肉絲米粉套餐$43米粉份量都算多，湯底夠熱，味道清淡不油浰，雪菜味道偏醎，肉絲偏"鞋"，水準普普通通，和其他茶記差不多。跟餐個包和Omelet 反而幾好味，個包夠軟熟新鮮，剛剛出爐冇幾耐，非常好食👍👍。Omelet D ham 唔係好掂偏淋，但蛋味濃香，有味道，同ham互保長短啦。🍮蘇皮蛋撻$9蛋漿漲卜卜的，伙計叔叔温馨提示隻撻刚出爐好熱，個皮香脆有牛油味，蛋漿夠滿，甜度適中，皮漿一齊食口感最好，一般食評都讚好不絕，但我卻覺得蛋味不足，更沒有温哩拿的層次，法式Creme Brulee或者加多娜的燉蛋法包就好味得多，但佢個皮就非常好，沒有豬油味。🍵奶茶茶夠熱，清清淡淡，没有新華奶茶的苦味和封脷的感覺。金園新裝修，乾乾淨淨，光光猛猛，坐得舒服👍👍👍。要多件tart, 伙計叔叔第一時間就出舖去攞件刚出爐的蛋撻，還提醒你件撻很熱，服務超好👍

年廿九晚，冇堂食，我哋叫咗個金園呢個2-3人份量盆菜，擺盤精美。我哋三個人食，食到好飽，仲有剩少少。真材實料。盆菜裏面有鮑魚花膠海參鵝掌，超過10幾種食材，樣樣新鮮, 應該係即日做起，(不是在工廠預先生產後靠冷凍保鮮那種)味道唔會過鹹，可以食到每一種材料各自嘅味道。個盆菜拎到返屋企，明火翻熱至滾起，焗一焗，熱辣辣，又唔會黐底，老闆在食材擺盤，份量及包裝都精心設計過，方便客人良心餐廳，值得推薦👍👍👍

《金園茶餐廳》長沙灣我係一個奶茶怪👹奶茶係我解攰既靈丹妙藥💊＜金園＞係我奶茶排行榜中頭三位😻自從佢開埋隔離，就多左飯餐🍚（舊舖係無飯茶餐廳），主打常餐，當然仲有名物蛋撻🥧本來都只係想叫常餐，但見隔離叫既飯餐好吸引，咁就試下🍱＜霸王雞飯＞🐔霸王雞最重要係薑蔥同埋個豉油，但個雞蒸得算，但雞肉咸味有點不足，真係要靠豉油，叫還可以啦！＜蕃茄蛋班腩＞🐟🍅通常都係蕃茄最多，點知佢係班腩最多，食極都唔完，而且炸得好好，外脆肉滑，整體係好好食，回點率高🤗其實除左奶茶，真係要推薦下佢既凍檸檬茶🥤，佢用既檸檬比較有水準，飲落係唔同平時茶餐廳，天氣太熱的話，我就會捨奶茶取凍檸檬茶😂