影片
以上资料只供参考，请与餐厅确认详情
朋友仔住系石硖尾🚇，佢极力推介呢间隐世高质小菜馆👍「金华餐厅小厨」，呢度价钱💰虽然比较大众化，但系食物质素绝对👏拍得住一啲高级酒楼！呢度仲有啲时令🌊海鲜系餐牌未必会有嘅，好似今晚就有🤩大元贝，我哋拣咗用蒜蓉🧄粉丝蒸，火喉啱啱好，蒜蓉♨️香味扑鼻，元贝大大粒，食落鲜甜又惹味🤤！ 金牌榄角骨🍖真系必点，榄角嘅酸甜味同🐖排骨嘅肉香完美结合，😍咬落去外脆内嫩，送饭🍚一流！金华当红🔥炸子鸡皮脆肉嫩，🐓鸡肉好juicy，调味啱啱好，😋真系好食过好多大酒楼出品。椒盐🐟九肚鱼份量十足而且🔥炸得金黄酥脆，🧂椒盐味道够晒香口，🐟鱼肉鲜味滑溜，真系好食到停唔到口👍！ 芥辣脆皮🐖猪手外皮脆卜卜，肉质又香又软腍☺️，加埋呢度菜嘅灵魂芥辣酱🌶️，味道层次好丰富，食落肥而不腻👏！ 食完🔥热气嘢，饮返杯红豆冰🧊就最正喇，入面嘅红豆煮得够淋，🫘甜度适中，冰凉解渴，好满足！ 咸柠檬七喜🥤亦系经典风味，咸柠檬🍋嘅咸香同七喜嘅🫧气泡完美融合，饮落清爽又🥰解腻！
继续阅读
小时候经常在南山邨出没，现在旧地重游，面貌改变了不少。到此一游，当然要来个晚餐，才不枉此行。金华餐厅小厨，环境干净企理，地方相对阔落，亲切而舒适。是夜的丰富晚餐 😋😋😋艇王酸菜鱼 $198卖相豪华，份量超多！鱼片嫩滑鲜味，窝荀爽脆，薯粉滑漏，汤底惹味，高水准！蒜蓉粉丝蒸蛏子 @$48蛏子鲜甜，粉丝吸满了蛏子的精华，加上豉油汁吊味，正！咸排骨芥菜煲 $98虽未到十月，芥菜都嫩滑无渣，咸排骨有肉香，有咸味，好食！啖汤更是下火的好料子，热呼呼的给喝过清光金牌炸子鸡半只 $148火红色的卖相，鸡皮脆口，鸡有肉汁，不愧为大热招片菜式冻柠檬可乐 $8及冻柠檬利宾纳 $8
继续阅读
🍽️金华餐厅小厨 (石硖尾)📍石硖尾大坑东道111号南山邨南山商场地下1号舖新开张嘅屋邨贴地茶餐厅，听闻菜式真系超多，位置方便！今日收工专登过嚟试下。～椒盐九肚鱼经典粤菜，炸到外脆里嫩，鱼肉好新鲜，椒盐搭配得啱啱好，就算唔送饭都唔会觉得好咸，份量出乎意料，够三个人食。～顺德驰名碌鹅（1/4只）一上台我就以为我落错咗一只定半只，份量会唔会太大份太抵食咗啲？？味道可以话胜过深圳食，卤水汁浓郁够味，肉质唔会好韧，卤到呢个质素，不愧系招牌菜。～鲍鱼滑鸡煲（半只）最高性价比嘅𩠌，半只鸡有一个大煲，证明只鸡本身真系好肥美，最重要系鲍鱼爽口弹牙，有六粒大大只！味道比较浓啲，送饭一流。～野山椒炒牛柳粒小辣牛柳粒，辣度啱啱好，超好味一口牛，锅气十足，但如果两个人食就要小心食唔晒，个个𩠌都系一百蚊多少少但起码够4个人食。南山邨真系好有历史，一路行过黎穿过街市好似返咗90年代，屋邨小店都可以好高质素，经理话可以自带海鲜加工，下次要试下先！
继续阅读
石硖尾南山邨嘅金华餐厅，胜在够地道，想食港式小炒，呢度系个唔错嘅选择胡椒猪肚花蛤汤，汤底清甜得嚟带微微胡椒辛香，猪肚爽口冇异味，花蛤鲜味突出，饮完成个人暖笠笠，尤其适合转季时饮。金牌榄角骨系人气之选，排骨炸得外脆内嫩，榄角酱咸甜平衡，唔会太腻，送饭一流。 至于小炒皇，镬气十足，虾干、鱿鱼同韭菜花炒得爽脆，加咗啲银鱼仔增加口感，整体香口得嚟唔会太油，算系水准之作。如果想试其他菜式，蒜蓉粉丝蒸海鲜都几受欢迎！环境方面，餐厅光猛企理，坐得几舒服。服务就正常，上菜速度都算快。
继续阅读
今日去石硖尾朋友度打麻雀，打完饿到癫，就去咗佢楼下间新开咗几个月嘅金华餐厅小厨试吓，点知有惊喜㖞！ 首先叫咗个鲍鱼滑鸡煲（半只）啲鸡真系好嫩滑，仲要吸晒鲍鱼汁嘅鲜味，估唔到啲鲍鱼咬落够淋又入味，送饭一流！ 跟住个（豉油皇海虾）都好出色，啲虾大大只又弹牙，豉油炒到啱啱好，唔会太咸，仲有少少甜味，连虾壳都脆到可以食埋！ （西兰花炒龙趸球）就够晒健康，龙趸肉厚实又冇骨，啖啖肉，西兰花炒得爽脆，个芡汁都唔会太厚，抵赞！ 最正系个（蒜蓉粉丝蒸蛏子）蛏子鲜甜到爆，蒜蓉劲香，粉丝吸晒啲精华，我同朋友争住食！ 整体来讲，呢间小厨抵食夹大件，服务又唔错，＂如果你喺石硖尾附近，值得试吓！
继续阅读