金功夫點心小廚

营业中

休息中

今日一家四口食午餐，嚟到黃金海岸，發現呢度嘅餐廳食物價錢都偏貴，好彩搵到呢間酒樓，唔使等位，價錢合理。叫咗馬拉糕、新鮮熱辣，非常鬆軟，甜甜地，好好味。香煎蘿蔔糕，比較林，有蝦米、臘腸，好足料。豉椒金錢肚，金錢肚好有趙口，好入味，豉椒汁好香濃，下面仲有白蘿蔔做配菜，同樣吸收晒豉椒汁，好惹味。脆皮叉燒包，係餐包嘅質感，上面有菠蘿包嘅脆皮，入面係叉燒餡，幾特別。春風得意腸粉，香滑嘅腸粉包住脆卜卜嘅油炸鬼，食入口感覺好特別。鳳爪排骨飯，原個煲仔上枱，排骨好滑，加上鼓油汁好正。甜品桂花燉蛋白，蛋白非常香滑，上面加咗桂花同埋糖漿，超好食，非常推介。總結，一家四口連埋茶錢+1，$400有找，食物質素高，性價比高。仲有對住黃金海岸嘅靚景來食，再加分。

服務態度差，叫員工跟進餐點上桌速度反串我，但已經25分鐘... 咕嚕肉硬，雞太韌，菜不熱，茶太淡，冷氣太凍，性價比低，整體水平極差，用餐體驗不愉快，尤其員工服務態度有待檢討

今次同同事嚟到黃金海岸嘅咁金功夫飲茶,朝早幾個同事都肚餓特意摣車過嚟呢邊食嘢，點講講餐廳環境，餐廳環境唔算逼服務人員比較多,你今次坐嘅係可以望到海係餐廳比較好嘅風景位置一坐低就即刻叫點心過嚟好快脆就有熱辣辣嘅點心送到其中必食嘅點心牛肉球燒買藥膳雞腳鳳爪,牛肉球肉質比較軟，容易入口老人家食到都可以，燒賣唔會太多粉肉質比較堅挺又咬口。藥膳雞腳，應該都煮得比較耐好入味上湯水餃，湯比較入嚟而且水餃份量大隻亦都容易入口，我今次係飲埋啲湯

今天同屋企人去完屯門拜祭，唸住搵個地方與屋企人嘆嘆中午茶兼食晏晝，想起黃金海岸有一間金功夫點心小廚，所以就揸車去碰碰運氣! 今次重臨，果然沒有令大家失望，人氣依然旺盛，好熱鬧! 我們一行5人去到大概等了20分鐘左右，就等到枱， 因為已經是下午1點鐘，我倆位長老已好肚餓，坐低後，我就即刻拿起點心紙 order 嘢食了!我的必食點心推介有：蝦餃、燒賣、流沙奶皇包、 酥皮叉燒包、小籠包、炸兩、 叉燒腸、炸魷魚鬚! 而且小廚好細心， 蝦餃和燒賣可以寫件數來落單，邊個想食就點，每次最少兩件，所以不會怕份量過多，食唔晒!值得一提，係佢哋個熱辣辣、大大個的流沙奶皇包， 包包非常鬆軟，而蛋黃吉士係流心，味道適中不會過甜，鬆鬆軟軟，真係好好好味呀!由於這裡人氣旺，點心流量去得好快，所以佢地啲即叫點心樣樣都好新鮮! 雖然係要等位，但好味嘅嘢等下都冇所謂啦!!

與外地朋友逛黃金海岸，順道吃傳統點心，就去了這間餐廳。因人多，我們被帶到，原本是員工用膳的位置坐，環境尚算不錯，可以自成一角傾計，另一面可看到外面海境。這裡流沙包大大件，味道不錯呀！

平時呢間餐廳都好多人，今日見門口無人等就入去食個lunch試下，卡位兩邊櫈勁多漬不在話下，仲落漏單叫左兩個煲仔飯兩個點心，落漏左一個煲仔飯，已經即時同職員講，因為趕時間，所以都問埋可唔可以快少少，前後3個侍應聽完就行開左無比反應，後尾食哂其他野等多15分鐘都未黎，前後最少等左半個鐘，仲耐過第一個煲仔飯既時間，最後唔要埋單走人，收銀完全唔係做，全程唔知發生緊咩事，同佢講個煲仔飯唔要佢淨係講句 吓... ，仲有個侍應話後加果個，我即時更正，係落漏，等左半個鐘都唔出番；落漏野唔盡快出番比個客不特止，sorry唔好意思都無句，完成係采你都有味野食正正常常唔係特別好食，蝦餃燒賣要10蚊粒又唔係有啲咩特別材料，黎左個雞蛋牛肉煲仔飯，無飯焦都算，啲飯全部又淋又爛，雞蛋牛肉正常，蝦腸ok, 中規中矩叫左壺鐵觀音，茶葉好多好似好抵咁但係澀都飛起，低價茶葉其實搭遠少少是旦一間平民酒樓都食到差唔多質素既野甚至可能仲好啲，至少唔洗咁貴而且服務態度好好多，個個侍應淨係得個忙字，你講咩都唔會理無下次

晚市完全唔夠人手，總共呆等左三個鐘最後連碟餸都冇都唔出聲，直至出去問先同你講冇，中間差唔多一個鐘先上一個菜，碗飯追左15分鐘先到。 有好幾檯都出現呢種情況，並且浪費顧客時間。

話說 7 個人 (5 大 2 小) 去食飯, 埋單個陣 Cashier 叫我睇吓野食齊唔齊. 我話齊. 但茶錢多左 1 個. 我只有 7 個人. Cashier 解釋點收費. 細路過左幾多歲就要收. 我話明哂. 但我只有 7 個人. 係 7 個有人頭的人. 但阿姐堅持話我地有 8 個人. 因為檯上有 8 個杯. 我話你放多左個杯就計我多一個? 咁你放 100 個杯就會計我 100 個茶位? 阿姐堅持話我地 8 個. 我話, 原來你今晚生意爭 $10. 咁我俾你. 但聽日開始唔知你會少幾多.

最享受的一頓午餐，莫過於看著美景，優閒的享用食物。今天有空，所以去了黃金海岸一間中式餐廳，坐了一個窗口的位置。外邊一望無際的海景，令人食慾大增。餐後還可以漫遊黃金海岸，這裡也有很多打卡景點。午餐以點心為主，看到有原盅燉湯，所以點了平時在家少做的，土茯苓生意米燉唐排，湯料十分豐富充足，除土茯苓和意米外，還加入了冬瓜，乾瑤柱和雞腳等材料，所以味道香濃。這裡還有很少有的虎蝦蒸籠飯，蝦肉彈牙爽口，加蒜蓉蒸，更有鮮味，而且細細籠最適合2位食用。其他點心比較大件，蝦餃和腸粉都略嫌皮厚，燒賣有蟹籽在面上，口感和味道都唔錯。春卷炸得很香脆，馬拉糕大大籠香甜綿滑。金功夫蝦餃皇蟹子香菇燒賣皇松葉蟹棒春卷土茯苓生薏米燉唐排荷香蒜蓉虎蝦飯翡翠叉燒腸懷舊綿香馬拉糕

帶位個位阿姐，嘈到不得了。服務態度差，自己睇門口又唔跟足，酒樓最多呢類明明冇做野擦存在感嘅人（大大聲、扮忙），客人比佢睇又唔睇，入到去鬼殺咁嘈兼欠左佢態度：「做左安心未？」。食物質數尚可，食物溫度只屬和暖，遊客區價錢合理。

明明店入邊好多空位，算，我當疫情有啲位唔坐得，等咗半個鐘，啲阿姐懶懶閒一入到去即刻嗌嘢食，嘢食陸續到，等咗一個幾鐘，個鳳爪都未到，已經叫阿姐check過幾次有冇落單，佢係咁話等，明明隔離枱遲過我哋都有個鳳爪啦，好啦終於等左一個鐘又10分鐘，仲要變壞，個經理係隔離枱傾偈傾咗成大半個鐘終於肯過嚟，真係成肚火。。。其實真係唔鍾意呢間野，最衰阿媽鍾意咁貪佢平，次次黎親啲阿姐懶懶閒so都唔騷你，落個單都要睇佢哋心情。絕對冇下次。完

金功夫 屯門黃金海岸識我嘅人就知我最鍾意就係去飲茶😎😎今次去咗屯門黃金海岸飲茶，從此呢間嘢就入咗我飲茶嘅top5😝😝佢嘅點心種類唔算話真係好多，但係佢一至日都係同一個價錢，平日下午茶仲有折添！超抵食呀！❣️瑤柱魚肚灌湯餃湯底好鮮甜！灌湯餃入面有好足料，包括豬肉、冬菇、木耳絲等、成碗食曬超滿足😋❣️香煎蘿蔔糕蘿蔔糕充滿蘿蔔絲！唔係淨係靠麵粉嗰種！好食！❣️煎糯米雞平時都係蒸，好少有煎，呢個幾特別！外脆內軟，外皮應該仲有少少鹹蛋黃，所以好嘢味！❣️鳳凰叉燒腸叉燒腸都幾好食！腸粉皮好煙韌😋❣️桂花燉鮮奶食埋個甜品就最滿足！桂花好香，鮮奶又唔會太甜😋食完仲可以去海旁行下！超舒服的一日❤️

點心應該算系香港最具代表性食物之一，飲啖茶食個包，為新的一天做準備金功夫主打傳統點心，價錢公道，坐落於黃金海岸，靠近窗口位置可以睇到遊艇會美景家住附近，倆口子假日都會到金功夫嘆吓茶金功夫定期會轉菜單保持新鮮感，但自從翻新之後人手都晤夠，不過食物質素尚算保持到點心都係即叫即制，假日可能要等耐啲，不過點心嚟到都系熱辣辣，尤其係炸物，直情辣口值得等待生煎菜肉包鳳凰煎糯米雞豉汁煎釀茄子蔥花魚茸炸兩腸金珠脆皮鹹水角

在黃金海岸酒店 stayvocation , 第二天 check out 後，已經中午 12時，便在附近找點東西吃。因為當天食咗自助早餐都很飽，所以揀這間小酒樓，可以不用每人一份，揀多少東西吃也可，旨在大夥兒再聊聊嘆嘆茶。😊有朋友住在附近推介這間👇地方不算太大，環境也整潔， 價錢也不太貴。 朋友推介呢個馬拉糕，味道不錯。朋友亦有推介呢個菠蘿叉燒包，不是很大個。上枱的時候已經是凍的，味道大打折扣 ，有點失望。😔呢兩款不過不失呢個叉燒炒麵 ，啲叉燒又碎又少， 同埋啲麵太濕，麻麻地。

家人中秋節約食飯，諗下去邊度食好，最後去咗黃金海岸，遊艇會旁，散步遊覽後再食飯就最啱，中秋節佈置如果駕車就最方便，有停車場，消費滿$300元，有2小時免費，家人做節，選了這間 中菜，（晚上沒有點心供應，做小菜）金功夫點心小廚，上菜後，相當有鑊氣，估唔到樣樣都似樣，沒有一樣劣評，乳鴿最驚喜，40元隻，大隻肉又幼嫩，（好快賣晒），原裝美國桶蠔 $178 ，黃金百味豆腐 $42 ，大龍躉兩味 $298， 蜜桃咕嚕肉 $78 ，瑤柱蛋白炒飯 $98 ，豉油王銀芽炒麵 $88 ，紅燒乳鴿王 5 隻 $40.-隻 $200 ，魚露乾煎虎蝦 $78 （這是特價菜，有幾款選擇，6人以上可選用2款），餐前花生小食 $30.- ，茶芥 $10 位 。人頭平均，每人不用$200，晚飯計，算可以。。