影片
以上资料只供参考，请与餐厅确认详情
食家推介
相关文章
食记 (56)
本人（一人）今天晚上约7:20到此茶餐厅打算食晚饭，原本一位中年男侍应安排我到一张小型卡位，然后一位中年女侍应声称该卡位已有人订座。当时餐厅内另有两张四至五人的吉枱，但最终该名女侍应安排我坐一张放在厨房门口的木制小折台，而折台上放满一大袋待取的外卖。当时我挥手表示不接受并即时离开餐厅，因为感觉作为顾客不被尊重。明明有其他吉枱，但竟然安排我坐在厨房门口的一张小型折台，而这张折台明显是员工用来放置外卖。
继续阅读
喺美孚新邨嘅金利银辉茶餐厅，我哋一行四个人嘅晚餐体验不错。餐厅就喺地铁站出口附近，好方便。入面嘅装修系本地旧式茶餐厅风格，感觉好亲切。叫咗5个𩠌，生炒排骨嘅酸甜味道恰到好处，排骨外脆内嫩，啖啖肉感，味道不错。椒盐白饭鱼炸得金黄酥脆，又唔会太油，食落去真系过瘾。西兰花炒鲜鱿嘅西兰花爽口，鲜鱿够弹牙。不过，梅子蒸排骨就有少少失望，排骨有啲雪味，影响咗整体口感。至于盐焗鸡就咸咗少少，不过份量都算系足够，2至4人食都冇问题。值得一赞是上菜前送上一锅热辣辣足料例汤。员工嘅态度真系无得顶，好有礼貌，仲主动提供加汤同埋清理枱面嘅服务。整体嚟讲，呢间茶餐厅嘅食物同服务都系值得推介嘅，下次有机会一定会再嚟！
继续阅读
Lee 间在区内出晒名，根本唔我宣传😎食咗好多年都未写过，所以今次留个记录🩷 电视节目效应，呢几晚都买茶餐厅外卖俾屋企人食（琴晚个芙蓉蛋饭同埋鱼香茄子饭冇影低相），今晚嗌咗小菜西柠煎软鸡同埋家乡蒜蓉蒸茄子，例汤系合掌瓜，再加白饭同冻柠茶，盛惠$177。两盒小菜嘅份量足够，蒸茄子第一次叫，够焾够味好送饭，西柠鸡系情意结，外卖返到屋企先食其实已经唔够脆，but it’s ok! 食儿时回忆。个例汤有诚意，有成4件合掌瓜，成餐饭嘅蔬菜比例顿时增加！ 唔觉得个汤有味精，所以饮得好舒服。
继续阅读
真系地道茶餐厅格局，一张张圆枱，有时需要搭枱。里面干净企理，做街坊生意，我都系朋友介绍先识嚟。番茄薯仔排骨螺丝通粉呢个早餐，只有星期六日先有得食，好矜贵🤭汤底好重蕃茄猪骨味，明显熬制咗好耐，啲汤饮落口好甜。螺丝粉煮得唔淋又有少少弹牙，加埋蕃茄、薯仔、排骨，非常足料！食完满足有饱肚！诚意推介～
继续阅读
金利银辉茶餐厅位置一啲都唔起眼/唔系有街坊带路一定唔会行到入去𠮶个位仲要系去揾嘢食装修都系一般茶餐厅格局入面都算干净企理同好光猛一坐低伙记就摆低大大碗汤/大碗到饮都饮唔晒✨白饭鱼煎蛋白饭鱼都真系算多同大条/系唔好彩夹中一个位成旧都系盐✨蒜蓉粉丝蒸大圣子 $58/只都叫大只嘅/不过上咗台摆咗一阵先食就略嫌熟得际✨生炒骨冇咕噜肉嘅关系所以都照试咗生炒骨整得几好/件件都挂汁/唔系湿立立同个汁好水咁价钱方面最多人评论抵唔抵食方面个人觉得呢间茶餐厅系咪好贵又唔系/好平又唔系只能够讲收呢个价钱都公道嘅最起码食物系对得住个价钱其他嘢就见仁见智啦🥢金利银辉茶餐厅 (美孚)🇭🇰美孚美孚新邨第6期兰秀道25-27号地舖
继续阅读