51
3
4
电话号码
67308819
98703723
营业时间
今日营业
06:45 - 23:00
星期一至日
06:45 - 23:00
付款方式
现金
座位数目
80
其他资料
网上订座
Wi-Fi
酒精饮料
电话订座
赏订座积分
电视播放
有关奖赏计划
食记 (63)
等级4 2021-05-27
1096 浏览
适逢屯马线就嚟全线通车,今日特登同朋友去大围食下野,因为之後返屋企都好方便,即使我哋住屯门都唔使转车,可以舒舒服服一程坐到尾,甚至乎可以瞓下觉添。大围站附近嘅餐厅都比较多人,知道大围美林邨以前有几个出名嘅冬菇亭(大排档),但系已经改头换面,转晒有冷气嘅现代化冬菇亭。其中(金凯小厨)店舖门外张贴咗放题Menu,睇见都抵食,最平只需要$198一位(两小时)冇加一,有齐任食鸡煲丶串烧丶火锅放题,呢个价钱竟然牛肉都有三款选择,唔使谂一於去食。拥有着怀旧老冬菇亭的外型,却颇现代化的装修风格。灯火通明,灯光柔和,光洁亮丽,咁嘅环境一定要啤啤佢。呢个价位竟然有串烧,简直超值。每位更可自选四款(四串),当然唔可以执输,要叫一啲性价比高嘅海鲜啦。一次性添加麻辣鸡煲,预设BB辣,喜欢大麻劲辣嘅朋友可以出去酱料区自行加酱料。蒜蓉烧生蚝,价值$18 ,净系睇剁蒜蓉嘅精细度都知金凯嘅出品一定用心。朋友喜欢食鲜虾,我哋叫咗盐烧海虾,蒲烧鸡泡鱼乾,五花肉,呢度嘅价值已经过$100,差唔多回本。有几款汤底选择,我哋叫咗花胶鸡浓汤,一於饮番啖汤,补补佢先。虽然价钱经济实惠,但系款式都好多。我哋叫到成枱都系,当然我哋会喺食得晒啦。有比较少见嘅台式鸭血,日式芋丝。三款牛肉:安格斯肩胛,安格斯牛板腱,美国牛颈脊。 继续阅读
(以上食记乃用户个人意见 , 并不代表OpenRice之观点。)
等级4 2021-05-20
539 浏览
大胃第二次嚟到冬菇亭,贪呢度打边炉够晒屋邨情首先就嚟个鸡煲先,味道几浓,有啲辣,份量适中,肉质嫩滑好快食完叫楼面倒汤打边炉噜!大胃拣咗醉鸡锅估唔到汤底同啲鸡劲重酒味,啱晒啲酒鬼配料方面都系好似放题咁填纸仔,猪牛鸡任叫,肉质唔系讲笑,又真系唔嚡口最抵玩嘅系,广岛蚝任叫,嗜蚝如命嘅大胃开心到跳起份量方面唔好一下子写5份10份,因为一两份都已经好够两条友食尤其是蔬菜篮,一份已经食到你天荒地老同场仲包埋每人4串串烧,大胃就推荐烧蚝同鸡泡鱼乾,质素较为上等其他就meet返呢个放题价啦当然佢仲有得任饮嘢,呢度有汽水同凉茶,仲有唔同味道嘅道地解茶,大胃就建议大家系咁饮茶,消滞又解脂,就算食到好饱,都唔会有好唔舒服嘅感觉啲staff虽然多数系後生仔女,但服务技巧纯熟,好快同好好咁serve到你另外,价钱相当屋邨,冇加一两旧水都唔使就有得任食唔嬲 继续阅读
(以上食记乃用户个人意见 , 并不代表OpenRice之观点。)
等级4 2021-05-02
791 浏览
香港人近年都喜爱去些任饮任食的餐厅,可以随意任叫,唔驶烦谂食什麽,今次就推介番间食得「蚝」放火锅任食烧烤又有特色既比大家试下啦!佢就系位於大围既金凯小厨啦!呢间餐厅其实都算方便,大围站一出,行5一10分钟就到美林邨入面小食亭,出面仲有巴士总站,约朋友都易d,胜在做街坊生意够亲民,约埋三五知己聚聚啤一啤实在很有趣味!D野食先至系重头戏,一来先来个鸡煲,份量都唔少,味道刚好,又滑又鲜,唔错,再来又简了个花胶鸡汤底,谂注汤底无咩特别啦,点知原来有好多大大只花胶送埋,真系个汤底都值回票价,大大只够滋补啊!之後呢间仲有每人送串烧,有烧蚝,扇贝,烧菠萝等等好多样野简,唔驶净系打边炉咁单调,有多个选择都几好!边炉d材料来了,除左有海鲜,蚝简之外,仲有埋唔同款式既极上牛肉简埋任食,真系街坊价,多重享受喎!相当新鲜,有纸仔剔任选,罗埋黎,唔驶摆哂系度咁,野饮都包哂,环境都卫生光孟,装修有些时尚,坐得都舒适喎!咁既环境,真系约埋三五知己聚聚既好地方,街坊价钱啫都唔知去边度搵! 继续阅读
(以上食记乃用户个人意见 , 并不代表OpenRice之观点。)
等级4 2021-04-24
860 浏览
小时候住沙田咁耐,都未去过美林冬菇亭食野,呢排清假沙田友推介左好耐既餐厅,今日终於有时间去食了! 原来呢间小厨价钱几亲民,街坊生意几抵食,我地拣左鸡煲串烧+火锅$198 。串烧都几多选择,我地点左烧蚝+扇贝。唔算话好大只不过味道不错,很野味蒜蓉味浓!微辣鸡煲鸡煲拣左小辣,鸡肉钞至转金黄色就食得,鸡肉几嫩同腍身,花椒八角味都几浓够洒野味,加左芫茜就再香d!KO 完鸡煲都有半饱,再食火锅!汤底点算了药膳醉鸡汤,滋补d!都几足料,有红枣、龙眼肉同杞子同埋主角醉鸡!味道不错岩洒女生可以补下!牛粉当然必选火锅牛类,我地就拣左三款,安格斯牛肩胛、牛板腱及牛颈脊! 肥瘦适中较有咬口的,牛味浓d ! 牛肉薄切渌1分锺到就食得,肉几嫩简单点下辣椒豉油最好食😋疏菜盘+响铃除了肉类,要食番d 疏菜平衡下。粟米、金菇、响铃及芋丝都索洒汤既精华,正!其他丸类都几多选择,有陈皮鱼旦、龙虾丸、芝士丸等。 继续阅读
(以上食记乃用户个人意见 , 并不代表OpenRice之观点。)
等级4 2021-03-27
1282 浏览
第一次入大围美林邨, 朋友特意介绍我过嚟呢度嘅熟食亭, 话呢度有间小厨内有乾坤, 晚上有超亲民价嘅鸡煲串烧火锅食~ 吓, 呢个配搭听落真系冇得输喎, 即管试下平日六点钟入座已经有几台客喺度开始食紧嘢啦, 第一样要赞既系店员好有礼貌, 无论系介绍入座嗰位, 或是系落单上菜嗰位, 都超级友善我哋选择咗 HK$198 鸡煲串烧 • 火锅放题~ 首先会上鸡煲 (系一次性嘅, half chicken/2 person), 本无抱太大期望, 有惊喜, 啲鸡又滑喎‼️麻辣酱料都几惹味, 唔会太辣, 配上好多芫茜, 蒜头, 洋葱, 质素唔错期间任何时间都可以落单叫串烧嘅我哋个套餐每人就包咗四寸-> 可以喺个list度拣, 我哋拣咗羊架, 烧蚝, 烧扇贝, 同埋麻辣鸡翼~ 串烧又系有惊喜喎‼️热辣辣上枱, 全部都烧得几入味, 又唔会过火食完鸡煲之後就会直情换走咗个煲, 上火锅汤底, 我哋拣咗花胶鸡煲~ 有几嚿大大嘅花胶鱼肚, 补充骨胶原啊😆 至於任食火锅配料都系喺张list度填嘅, 选择唔算系话特别多, 但以放题嚟讲质素算系几好蔬菜就冇喺个list里面, 每一台入座嗰阵就已经有一盘蔬菜提供🥗价钱已经包埋酱料 (喺出面有得自己调味, 个椒辣椒酱好正🌶️)~ 罐装啤酒及汽水同埋纸包饮品任饮~ 食足两小时, 走嘅时候见到出面有人等紧位‼️如果我系住附近嘅话真系可能一星期都会过嚟食一次😆 真系特别要赞呢度嘅店员, 就算我哋够时间要交枱, 佢哋都好有礼貌咁同我哋沟通‼️都听见佢哋同其他顾客有倾有讲, 服务质素好真系令人哋会回访嘅其中一个大原因 继续阅读
(以上食记乃用户个人意见 , 并不代表OpenRice之观点。)