金冠大酒樓

营业中

休息中

今日工作需要，要去長洲工作四天，朋友介紹之下就一齊過嚟金冠酒樓食飯。喺碼頭行5分鐘左右就到，快嘅話3分鐘，非常方便。同傳統茶樓一樣，要搭枱，中午非常幸運，唔需要等位，場地都算乾淨，碗碟都好乾淨冇油膩。冇點心紙，自己出去㨴起個籠有乜攞乜，好有懷舊感！朋友話呢間酒樓好多點心都係自己整，唔會叫貨因為唔方便，食得出特別好食，本人唔太鍾意食茶樓點心，但係嗰日都食到捧住個肚仔！好多懷舊點心都有得食，但係冇點心紙所以要問個姐姐有冇，蛋球好靚仔但係冇驚喜可以唔食，因為完全冇蛋香，芝麻卷食落似五花茶，比較爽口亦都唔係好食，個人唔鍾意。叉燒包OK ，但其他鳳爪牛筋魷魚等等唔同嘅點心，魚翅餃都非常好食！ 牛筋非常柔軟，已經炆到好腍，老人家都咬到，排骨都入味。而且每碟點心份量非常大，真係好抵食。

唔該你哋真係 #千祈唔好幫襯！1️⃣ 等位奇遇：明明大把吉枱，我哋2個人硬係要被逼同6人團體搭枱（1樓）。轉場上2樓先有得坐。1️⃣ Table Puzzle: Empty tables everywhere but got forced to share with 6 strangers (1st floor). 2️⃣ 熱水襲擊：侍應拎住滾水準備放置桌上，我右腳中招燙傷！好彩尖叫得快，唔係就熟咗...#大腿煲湯 🚨💦 (附醫院證明📄)2️⃣ Waiter showered my right foot with scalding water. Screamed just in time—else it'd be "foot soup"! 🏥❄️ (Medical proof attached)3️⃣ 昆蟲先食：叫咗鳯爪變排骨，仲要加料—會郁嘅「蛋白質」！店員扮盲睇唔到，要指足3次先肯退...🪓❌3️⃣ : Ordered chicken feet, got ribs... with MOVING "toppings"! Staff "couldn't see" the bugs until we pointe

星期六去嘅一心諗住同家人喺長洲飲下茶呢間酒家最近碼頭但係呢間所謂酒家服務太差點心要自己由樓下攞上樓上叫碟頭飯要成半粒鐘至九個字都冇我哋好激氣所以要取消單，所以佢嘅品評係極差極

去長洲staycation, 一早起身就梗係去飲個早茶， 之前冇上網搵定去邊間， 約9:00 am由酒店行出黎見d 間好多人入去， 樓高四層， 要自己搵位， 上到2⃣️樓， 全滿， 上多一層， 同其他食寫搭枱先勉強搵到位.一坐低， 我囡指住d 點心車， 問我是什麼， 咗刻先醒起而家d 一代小朋友係香港其他酒樓見唔到， 介紹囡囡認識點心車， 再帶佢出去自己棟點心， 自己攞點心咭俾姨姨蓋印， 好興奮， 好開心， 滿有好奇.整體野食質素都唔錯， 用料足，所有點心都熱辣辣👍👍👍😍

長洲朋友介紹金冠大酒樓，夠晒老字號又多手工菜，難得遠行入到長洲就黎食個下午茶先😋下午茶有唔同既特價小菜及小食，當時大約三點，有啲已經售罄，我地就揀左兩款黎試下蓮藕餅同想像中有出入，好少蓮藕，好多粉，都幾煙韌既，熱辣辣煎到個面脆脆地點心質素就達標，叫左最基本既蝦餃，燒賣同鳳爪，蝦餃同燒賣都大大粒好足料同多汁，正🤤🤤🤤鳳爪正常份量同味道，亦唔會染到好紅下次再去都係叫返點心穩陣，或者可以試下晚市既撚手小菜😊

住了一晚長洲之後，一早起來，食早餐是一個必定的節目。島上，茶餐廳有許多，找地方食早餐確實是半點也不用煩。但，說要找點特色同文青味的地方，一大清早就未必會開門了。那天，一早趕了兩個小朋友起床，我問他們有沒有興趣飲茶食點心，兩個都 Yeah 了之後，我們就決定來到島上最顯眼的酒樓《金冠大酒樓》飲早茶。這一間《金冠大酒樓》，樓高四層 (用餐的地方至少佔兩層)。在星期六的早上9:30 左右入到來，已經是要等位的啊。不設門外等位，我們就像舊時一樣，在一些似乎已經食飽的茶客旁，等位。等了15分鐘，終於有位了，果真是 "長洲賓客人數多"。開了點心卡後，我同阿仔就急不及待，去點心車找點心。對，是點心車，在香港，已經買少見少了。我常說要帶兒子去一些仍有推車仔點心的地方飲茶。但始終都係得個講字，沒想到，我們竟然在長洲遇見。茶樓不大，而且分兩層，有一兩次為了追點心，我要跑落一層去找。《金冠大酒樓》並不是什麼頂尖兒的酒樓，所以點心的品質同款式都是很街坊 style。而街坊 style的飲茶，最受大家歡迎的一定是燒賣同蝦餃。在點心車拿到的燒賣同蝦餃，都是大大件的，而大件夾抵食就是人人都喜歡的口號。再加上味道算是

這間懷舊酒樓位於長洲，在碼頭附近，沒有Booking，你要攞位就要係差不多食完的客，後面等，沒有畫紙order食物,，有特定位置放置了很多蒸籠點心，或者有時阿姐會推車仔賣點心，在香港這裏酒樓已經好少見，店員都好有禮貌。今次好好彩一上到去就有人埋單走了，不用等位就有位坐😃，仲要價錢唔貴抵食➡️燒賣足料燒賣大大粒，好味➡️鳳爪排骨穩陣冇嘢挑剔➡️煎魚餅這個煎魚餅真的不得了，魚肉入味，煎得好靚👍🏻推介大家食😋➡️鴨腳扎現在已經很少見到這個鴨腳扎👍🏻大家都要食，這是懷舊的味道搵

嚟到旅程最後一日，我哋好早就起咗身，收拾好 #行李，預備中午搭船出 #中環。#朋友仔 本來 好想去食 #蠔仔粥，可惜時間太早，去到餐廳門口，人哋都未開始營業，仲喺度執緊貨咋😅 唯有轉陣。記得細細個爸爸曾經同我去過碼頭附近嘅 #金冠大酒樓 食 #點心，機緣巧合，就齊齊入去懷舊吓。我哋搭lift去到2樓，地方的的式式，牆上竟然仲搵到一幅用 #金色龍鳳 做裝飾嘅紅絨面牆，如果面前唔系坐滿人，我一定埋去影張相啫😅 可能系地方太細，#點心姐姐 架 #戰車 只可以停留喺同一個位置，大家想食啲咩... 咪自己行去攞囉🤤 作風夠曬街坊、夠曬貼地🤣 我哋都入鄉隨俗，拎住張 #點心卡 去搵嘢食，因為冇餐牌亦冇指示，只可以好似尋寶咁，搵自己想食嘅嘢。我哋最後拎咗 #蝦餃、#燒賣、#鴨腳扎、#馬拉糕... 雖然 #點心賣相 唔係好精美，不過勝在樣樣都熱辣辣，尤其系個馬拉糕，仲保存到兒時嘅風味，#片糖 嘅香味撈埋啲 #豬油，咬落去又香又軟熟🤤 間唔中食吓啲懷舊食物，真係有另一番風味㗎😃

長洲公幹之旅進入尾聲，本局長是日特地設宴慰勞局中兄弟，慶賀工作進度良好。乳豬拼盤，乳豬較好吃，叉燒較「鞋」。西蘭花帶子桂花蚌用料豐富，西蘭花菜味濃，海鮮爽滑。北菇扒鴨掌，味道頗濃，正常水準。乳鴿蝦片香脆，鴿肉不過不失。生炒骨炒得香脆，肉質鮮嫩，不俗。冬瓜盅內有蝦肉、蟹肉等，味道清甜好喝。蛋白金栗炒飯非常好食，飯粒粒分明，以栗米粒、提子乾等炒成，雖無一粒肉，但依然好食，屬本局長推介之選。壽桃軟熟好吃，馬拉糕香甜美味。大菜糕正常水準。總括而言，是晚食物水準不俗，局中兄弟大快朵頤，盡興而歸。

點心選擇少，小小貴，又唔好食，覺得中伏，街邊小店點心仲好食。 蘿蔔糕無蘿蔔勁多粉，係完全食唔到有蘿蔔，真係未食過咁難食嘅蘿蔔糕，蝦腸啲蝦唔新鮮。佢啲點心真係勁少，之後出去想再睇下有冇新出嘅點心，服務員態度甚差，好似唔想我哋再睇嘢食咁，因為點心係出去自取，我哋睇下有咩食，出到去服務員話：你哋想點？做咩？(・へ・)我心諗，出嚟拎嘢食囉。我哋食咗小小就忍唔住走咗。所以人均消費唔高，但我哋食嘅點心都真係好少。點心選擇少於十樣，咁嘅食物質素，真心唔抵食。好難食，好難食，好難食。

我們七個人，食到又飽又開心，又有湯、鱔、點心、甜品，一共都係$610，最重要係食物質同量都好，服務態度又好，咪以為舊式酒樓服務唔得，侍應都唔知幾主動積極友善，讚。😊😊全日套餐 $320，包一煲湯、燒味兩款、兩款點心、兩個餸、甜品。我們再另再加兩個餸。白飯 $13, 茶錢每位$5。老火湯 葛湯 正👍😋唔覺有味精，原來在座七人中大部分人都中意葛湯，有埋湯渣食，正。燒鵝燒肉啖啖肉，唔肥，皮就唔係卜卜脆嗰種。椒鹽焗蒜香骨 ($108 單點) 😋👍呢個合我口味，我個人喜歡他們用有少少肥的，香口啲，並非全瘦排骨，好容易會太乾，焗得唔會太乾。雲腿扒津白 ($98 單點) 🆗雲腿和津白比一般上海餐館量較多，菜則較大條，無咁幼嫩同細塊，同時又不是老，可以的。雲腿唔錯。點心蝦餃😋本不抱期望，以為平酒樓蝦餃唔會高水準，會少蝦多肥肉淋皮，結果全部無呢啲缺點，完全意外驚喜，比好多酒樓好，無乜肥肉，多蝦肉。讚。😊豉汁蒸大鱔 $128 👍😋好抵食，抵過自己買回家煮，量足之外，夠新鮮，$128去街市買都要睇下邊個街市，未必買到咁多，又嫩又新鮮，極推介。金銀蛋浸菠菜 ($88 單點)夠多鹹蛋白同鹹蛋黃，皮蛋相對比鹹蛋少

大約19:00到左酒樓，親戚話呢間酒樓係最好食就去試下第一樣就叫左啫啫雞煲，一上菜就見到炸炸聲好吸引，果然一食落個汁好正。竟然仲有放望落似魚丸既懷舊葱頭，咁先夠正宗。 8/10 分唯一不足係豬潤唔夠新鮮。第二樣就叫左沙鍋魚頭煲，係我最鐘意食既魚雲，好乾身又脆口，無得輸。9/10親戚朋友話呢間酒樓既點心好值我推介。咁就叫左每款唔同既黎試下。質素普普通通。馬拉糕黑糖味重，好一般，可以不試。

有日本朋友遠道而來，所以特意帶朋友到長洲走走。因為朋友想試下香港嘅點心，所以就揀咗金冠大酒樓。我地一行人六大一小，抵達時間已經過咗飯市，所以並無太多食客，好快就已經有位添。*有Bb椅提供喔！*今次我地試咗好多不同款式嘅香港地道點心同兩款飯、麵。❤點心小評價❤👉🏻中規中矩之選👈🏻燒賣排骨馬蹄糕馬拉糕💞小推介💞👍蝦餃: 味道平平，勝在夠皮薄，餡內有少少胡椒粉味👍鳳爪:原隻鳳爪上碟，而家已經好少見，味道算不錯👍煎魚餅:皮脆內軟，唔腥之餘亦有蔥香，但要❌小心魚骨喔！👍乾蒸牛肉賣: 少見嘅點心之一，不妨試試😣牛栢葉就真係相對稍遜，味道同賣相亦不吸引。除咗點心亦點選咗一個飯同一個粉河介紹俾日本朋友。💞乾炒牛河:夠鑊氣，而且香口，味道適中。💞鴛鴦炒飯:一飯兩味。蕃茄汁味道有小時候嘅感覺。整體之言都算唔錯，唯獨無緣一試咖哩魷魚。。。可惜。

道教八仙的 「鐵拐李」 寶誕，又咁啱係 「張保仔」 建功紀念日，我就去長洲親下熱鬧。去到長洲食乜好，唔使問阿貴梗係食海鮮啦，開港都有話靠山食山，靠水食水嘛。唔通學啲花仔花妹咁樣，入到長洲去cafe，又食糯米糍咩，啲花靚仔花靚妹先會做呢啲嘢，我哋呢啲60後嘅傳統人梗係食海鮮啦。總有人會問道究竟長洲邊間海鮮酒家好食，計我話其實間間水準都唔錯，食海鮮只要啲海鮮新鮮就一定好食， 而且嗰度啲廚師個個都煮慣海鮮，唔會差得去邊嘅。等我講下果日食咗啲乜避風塘瀨尿蝦， 係斷兩計而且一啲都唔平，但係就好新鮮，炸到外脆內軟，好鮮味又好惹味。白灼蝦， 都係斷兩去計，白灼蝦原汁原味超級鮮味，點少少辣椒豉油食，正到冇朋友。上湯浸青菜，簡簡單單，叫做有啲蔬菜食下，咁樣囉。豉椒炒蜆，勁夠鑊氣，隻隻蜆都冇沙，炒得好正好好味，唔係市區嗰啲大排檔或者酒家可以比，呢啲先係小島應該有嘅嘢。所以話呢，去長洲一定要食海鮮。

這間酒樓在長洲，也是第一次來，有三層，好大呀，2點幾已經幾乎冇點心食，都好多食客的，點心全部放係出面自己取，不過已經得番好少選擇。馬拉糕都算軟身的，唔太甜，都ok呀！燒賣也是幾好食的，有杞子的，又有蝦的，唔算好肥的。鴨腳扎都正常，入面有芋頭，肉，腐皮都淋身，味道ok的。三色糕，眉豆，紅豆，鷹嘴豆，好多豆，成件也是豆，好豐富口感，好味呀欖菜炒飯，也幾大碟，乾身，料也多的，雞蛋，欖菜，肉碎，菜粒，好味道。