金乐轩鸡煲鱼锅

营业中

休息中

 北角搵食编金乐轩鸡煲专门店有鱼锅有鸡锅选择！用料都几靓，平日晚上都好多人来吃!老板好友善,会问清楚你食辣度仲会有建议小菜或菜式比你小店FEEL人情人味除左火锅,仲有小炒小菜！ 老重庆奇味鸡煲$188有黑椒,辣椒,香菜,洋葱,豆腐卜爆香左再加入鸡肉炒上菜时已经闻得浓浓香味我地选了小辣,食入口辣味不重最好夹走小辣椒,因为会越煮越辣 鸡肉非常入味,啖啖肉,鸡肉好嫩估计选用既食材都系几好 肉多骨少,非常抵食！ 食完鸡肉就加浓汤打边炉！鸡煲汤食完都唔会口乾！唔会要狂饮水! 手工韭菜饺！由店家自制馅料包成新鲜韭菜好清香，满满既韭菜馅!呢款必点！ 新鲜海中虾肉质细致弹牙，十分有鲜味!一份有6只 新鲜鱼片,份量比得足有接近20片好鲜味,已起骨,啖啖肉,只需灼煮十数秒就食得食其鲜味与嫩滑感  加点一份特级蟹柳 有十几条煮个3分钟左右就会吸尽汤汁食起来无雪味之余仲几好食 特级黑豚肉 $128 没有任何激素,无腥味,脂肪少,肉味浓郁肉质松软相当唔错 海虾灼3分钟就食得,鲜味而弹牙！招牌竹蔗茅根水清甜解腻而且不会太甜

突然间好想食鸡煲，就打算一见到有鸡煲既话就食！-🥘老重庆奇味鸡煲(小)$188羊肉片$98蟹柳 $40土鱿鱼 $48鲜墨鱼滑 $68丸饺双拼 $68唐生菜 $35椒盐九肚鱼 $88竹蓆茅根 (小)$33-1️⃣ 老重庆奇味鸡煲(小)$188⭐️⭐️⭐️⭐️望落去汁有啲小，通常小都会好浓味🤤味道对於年轻人黎讲算系中上浓度，如果系成年人应该就会觉得浓得济，我地叫左小辣，因为怕食唔到，老板就只系落左两三条辣椒，就冇乜辣味，如果食得辣可以叫大辣，味道会更好！後尾加左汤打边炉都冇话淡左好多/2️⃣ 羊肉片$98［满星］⭐️⭐️⭐️⭐️⭐️‼️我唔算太中意食羊，但都唔抗拒，依个羊片系新鲜到不得了，食落去系夸张到有弹牙感觉，好食过岀面卖好贵既肥牛仲！/3️⃣ 鲜墨鱼滑 $68［满星］⭐️⭐️⭐️⭐️⭐️‼️一黎到个size吓亲我，超级大，而且仲系新鲜手打的，就算未食，只系”不”落去个一下，已经feel到好滑！4️⃣ 丸饺双拼 $68⭐️⭐️⭐️⭐️一样都系手打既！鱼蛋、牛丸个形状一睇就知同岀面买一大包既唔同，味道都好爽口，就算好饱都要食多旧先收手😂😂-环境：6.5/10服务：10/10好味指数：9/10回头率：9/10

朋友介绍来左北角和富道食鸡煲，依家开始系时候食鸡煲噜，夜晚又秋凉，食完都唔会觉得热，岩岩好：P同男朋友两个来食，一开头无EXPECT到佢啲份量咁多，我觉得可以嗌少啲／多啲人来SHARE食  老板娘好细心问我地怕唔怕辣，我地话OK啦，唔系特别食得辣，佢推介左「奇味鸡煲」畀我地：） $188 （如果食得辣重有麻辣鸡煲架！！！鸡重可以转田鸡！）好浓鸡煲味，奇味来讲，有辣香，但唔辣，食得舒舒服服。啲鸡好滑好滑！！！但一啲都唔肥（你知啦。。。港女最怕成旧都系黄色脂肪既肥鸡。。。）好正！！重有啲冬茹衬底，一流！足料竹蔗茅根大大枝只系$33 痴左线....好味到我最後拎埋佢啲萝卜出来食 LOL 我地叫左五个dishes  —　鲜墨鱼滑 $68呢个老板话系亲手手打！鲜墨鱼滑！ 不过其实佢唔讲我都食得出系鲜墨鱼打成，无偷功减料，加啲carbs落去 >_< 超大旧！！！食到好饱，但都食晒，因为真系好好味 —云tun双拼 $68一半虾；一半韭菜猪肉！！！！！呢个老板话云tun入面啲料系自己mix 出来，而且云tun都系自己即日包，超有心机！—炸鱼皮 $45超大兜omg！！系新鲜炸起，好脆口—

北角呢个地方平时真系无咩点去,今日去附近揾朋友顺便食饭,住北角既佢就带左我去呢开位於街市後面既一间鸡煲店.餐厅系以简单既装修风格有街坊feel,店员感觉都好亲切推介餐厅既招牌菜,主打当然系鸡煲但唔好以为净系得鸡煲,餐厅同时亦都有水煮同川菜系列同其他小炒.胡椒猪肚鸡煲用电磁炉滚住,虽然$188已经系最少份量但内里鸡件同猪肚件十分足料,汤滚起後已经闻到淡淡香浓既胡椒味.汤底饮落带淡淡香胡椒味又唔会过份浓令到一入口好辣,饮完绝对无口渴,饮完一碗汤会见到有好多胡椒壳系底.猪肚内外膜处理得好好洗得好乾净洁白而且完全无猪既内藏腥臭,咬落仲好爽弹.鲜墨鱼滑真材实料$68大大旧又够实,店员推介每日新鲜制造人手打.入口好爽又弹牙,咬落内里墨鱼味香又鲜,每一啖墨鱼滑内都食到一粒粒墨鱼肉好有咬口.鲜桂鱼片鱼肉薄得黎食落又嫩滑,滚一滚好快熟.鲜鱿鱼新鲜而且弹牙就算滚耐左仍然都爽弹.什菌炒牛颈脊呢份小菜系老板推荐,见佢咁好客就点左黎试试,一食真系几正.牛颈脊食落爽又够淋配上什菌洋葱同芹菜蒜味道够浓得黎又几香甜.👍🏻👍🏻

其实一直都好期待有一间鸡煲系啱我口味嘅， 喺openrice度搵到呢一间位於北角嘅金乐轩。见网上评语唔差， 所以嚟食下。🤣🤣问老细边一只鸡煲最好食最受欢迎，佢就推荐咗我呢个招牌奇味鸡煲。打开个盖就闻到好惹味嘅鸡煲，口水都流晒啦！仲争啲辣亲个嘴㖭！真系色、香、味俱全！👍🏻👍🏻我地嗌嗰个系bb辣， 原来唔算好辣，下次试更加辣既鸡煲， 会更加好食。 我个朋友唔系几食得太辣，所以嗌咗一揸竹蔗茅根。 清清热气👍🏻另外推介大家食呢个手工包嘅饺， 老板娘话系自己有份包嫁， 够晒有心机。啖啖都系老板血嘅心血！呢间 金乐轩仲有好多小炒巧菜， 望落隔离枱嘅时候成枱都系餸。开party嘅时候喺呢一间度嗌到会， 都系唔错嘅选择。 期待下次再嚟食。

🍴🍴🐠今次系食 酸菜桂花鱼锅 火锅啦🐟酸酸甜甜 咁好开胃，鱼都几滑既又冇骨。仲有食左必食的特级安格斯牛🐮牛唔肥都几好食。另外，鱿鱼同牛肉墨鱼丸都好弹牙。饮左2瓶竹蔗茅根。叫左满满一枱食物哈哈

唔知几时开始，一大班人食饭一定系约鸡煲。以前对北角嘅印象就好似有个剧院就无啦，今日就嚟到呢区觅食。听朋友介绍话呢间餐厅好多嘢食，主打系鸡煲。所以我地都点咗鸡煲，天时冻食啲辣嘢几暖身。老重庆麻辣鸡煲，我地叫咗小辣，麻辣嘅味道好足！好香！分量都好多，之後我地叫咗白饭配嚟食，净系食鸡煲都好够饱。不过我地都叫咗几碟配菜，安格斯牛肉，金针菇，同饺子。味道都新鲜。我地食7点，个场都好爆，我见都好多街坊帮衬。质素都真系唔错。

北角依间「金乐轩鸡煲鱼锅」，一向都为人熟悉，酸菜桂花鱼锅，落左大量酸菜，而且又有加柠檬、花椒落去滚，所以汤底味道微辣带酸，喺依个秋高气爽嘅天气饮依个汤，好暖胃、舒服。桂花鱼鱼片好鲜甜肉嫰又无骨，唔需要担心会啃到鱼骨。安格斯牛颈脊，肉质滑，油花十足，牛味浓。另外都嗌左墨鱼丸、牛丸，依两款丸类都好爽口、弹牙。蛏子好肥美、鲜甜，鱿鱼好厚实、新鲜。红薯粉连汤底味道，食落似食紧微辣版嘅酸辣粉。另外菇菌拼盘同蟹柳都同酸菜汤底好夹，推荐大家都要order埋。餐厅自家制嘅竹蓆茅根，用料好足，唔会太甜，解渴降火。

有朋友新居入夥，成班朋友就去咗附近搵间餐厅食入伙饭，餐厅喺後街，都方便泊车朋友嚟过呢度食过几次都OK我哋就叫咗个桂花鱼锅，桂花鱼份量超级多，每片肉都十分嫩滑，而且汤底酸酸辣辣咁好开胃，中间夹杂左酸菜，为味蕾带来冲击另外我哋仲带咗个水煮牛颈脊，分量依然系超多，牛肉好嫰滑，下面荐底嘅仲有木薯粉芽菜绍菜等等，呢啲材料超吸味道，永远都有种令你食完想再食嘅感觉另外，不得不提佢哋嘅蒜香椒盐猪手，炸之前已经腌到入晒味，外脆内软，最紧要食完唔觉得油腻

今日去左北角区做义工，活动完左之後就同班义工一齐去食晚饭，就拣左去金乐轩食啦除左日常小炒之外，佢地仲有羊腩煲、酸菜鱼、鸡煲同鱼锅食不过因为当中有部份人唔食辣唔食羊又唔钟意食鱼，所以都系叫返小炒食当晚叫左好几款小菜，例如小炒皇、炒牛肉、椰菜花煲、炸蚝同蟹煲等等小菜都几够镬气，仲好惹味，份量都唔细，大家都食得几满意特别系个蟹煲，只肉蟹大大只，蟹钳劲厚肉! 因为大家都好懒处理蟹钳个硬壳，所以两只大蟹钳都归我所有~哈哈蟹肉一梳梳咁，好鲜甜，应该唔系雪藏蟹大家倾到兴起都叫左几枝啤酒饮下，暂且放下大家既政见、立场、压力，畅快谈谈昨天明日，开心就系咁简单

今晚嚟到北角，除咗谂起东宝之外实在好少嚟食饭。行过见到有一间地道小店，天气又咁冻，闻到震震鸡煲未味，真系忍唔住入去食鸡煲打个边炉！暖笠笠😁我哋嗌左一只奇味鸡煲！中辣，十分之入味，而且鸡唔会好老，非常之嫩滑而且啲配菜都非常之好食，加咗猪皮萝卜，牛柏叶，牛肚放埋落个鸡煲度一齐食，吸晒啲汁，真系非常之满足！打得边炉，当然要食牛肉啦！我哋带咗安格斯肥牛，一嚟到就知道系好嘢，脂肪同肉嘅比例十分之完美，大约煮五至10秒就啱啱好啦，非常之有牛肉嘅香味，用料新鲜一啲都唔马虎！老板娘亲切有善，会主动黎提我地要早落d配料十分细心！抵赞！

今日与老公二人到金乐轩晚饭两个人就只挑选了小菜，怕吃不下。拣了「水煮安格斯牛肉」「金银蛋皇帝菜」和「一碗白饭」两碟都好大碟，所以好够食。这店其实较多人食鸡煲，鱼煲，不过我就比较喜欢水煮，今次试的安格斯牛肉好有牛味，不过始终不能浸太耐，所以不太入味，下次还是挑选牛肉好了。老公比较喜欢金银蛋皇帝菜，觉得味道很好，连汤也想饮哈哈。整体食饭环境尚可，清洁也可以。三五成群来吃就可以多挑几个餸菜分享，有大排档的感觉。如果想要静静地倾计就难讲，视乎当日吃饭的客人了（刚好我吃饭时有大声阿叔讲左好耐电话）晚饭结账$21x，份量也ok，所以日後有机会也会再去的：）

听我朋友讲不过呢区有一间食鸡煲呢系好出名嘅， 跟住个地图行都唔系好困难， 喺地铁站a出口出过两个街就到啦。今次嚟到老板就介绍 佢哋招牌嘅鸡煲， 就系奇味鸡煲， 当中嘅秘制酱汁配料 同喺第二度食嘅真系好唔同。 呢一个我系极力推介嘅！辣度方面算系适中， 建议唔食得辣嘅朋友 要叫bb辣。 记得记得， 要嗌返一揸竹蔗茅根， 因为鸡煲真系好热气㗎， 饮返一啖即刻清热气。配料方面 我哋嗌咗鸡子，白菜， 特级安格斯肥牛， 同埋自家制云吞饺。 我哋三个人食真系食到饱住个肚走。 建议大家食完个鸡煲先至谂嗌咩配料啦。 特别想同大家分享一下等级安格斯肥牛， 雪花纹理分明， 放落个锅度唔好煮太耐， 咁样个口咁先至系最正， 唔系嘅话你就嘥咗㗎喇。最後埋单八百几蚊 都算ok， 呢个价位非常合理， 员工服务态度 良好 积极， 老板娘 好热情咁招呼客人。 上菜亦都非常迅速 环境整洁， 地板冇油淋淋嘅情况。

朋友在北角上班，佢话和富道114号康华大厦地下C3号舖 金乐轩鸡煲鱼锅，真材实料，用料新鲜。我们点左老重庆奇味鸡煲，鸡肉很嫩滑入味、酱汁很惹味，辣度啱啱好，鸡煲有豆卜、冬菇、洋葱，极好吃😋。吃完鸡件加麻辣上汤成火锅，特级安格斯肥牛，厚切牛肉味香浓，超正，鲜墨鱼滑，超爽口弹牙，大大碟真抵食。炸鱼皮是热腾腾地送上，非常香脆可口，真是好食到停不到口。唐生菜🥬也很新鲜爽脆。竹蔗茅根水很清甜又健康，餐厅很多食材都是自家制，是老板很用心制作，老板娘亲切有礼，我们很满意这餐，下次会再来试下其他菜色。

秋风起、最啱食D暖胃暖身嘅嘢食！火锅系一个唔错嘅选择！但普通打边炉成日食、唔食D特别嘅嘢点得啊！？所以就去左北角嘅【金乐轩鸡煲鱼锅 】、顾名思义就系鸡煲同鱼锅出名啦。我地就叫左酸菜桂花鱼锅啦。有别於一般火锅、酸菜鱼锅可以当一个单独餸，之後另外再配上D打边炉食材、变成火锅、一锅两食！酸菜桂花鱼锅鱼嘅份量都好多、鱼肉嫩滑、无咩骨，又唔腥；酸菜汤底鲜甜唔会太酸而抢走鱼肉嘅鲜味！本身搭配嘅蔬菜吸收晒汤嘅精华、好好食！搭配一D本身味道无禁浓火锅食材、可以完全体现到汤嘅鲜甜！我本身唔系好锺意酸菜鱼嘅人都食上瘾啊！