70
6
1
电话号码
37554899
营业时间
今日营业
12:00 - 21:30
星期一至日
12:00 - 21:30
付款方式
Visa Master AlipayHK 支付宝 现金 银联 OpenRice Pay
其他资料
网上订座
加一服务费
当面支付
素食
有关奖赏计划
食记 (80)
等级4 2021-07-17
0 浏览
本来谂住同朋友黎食个半自助餐,点知晏左黎,平日的半自助餐在12:30-14:30提供,我地两点黎到咁就算啦,睇下下午茶餐牌有咩食,朋友一见到个窝夫就决定要食佢,哈哈,咁好啦,错有错着啱食就好~早左少少入座,再睇下除左窝夫叫咩食先,下午茶咸食选择不多,主打甜品蛋糕等,仲有个好吸引值得打卡嘅三层架tea set。最後决定叫两款咸食,一份甜品,再转个特饮添,呵呵,好丰富啊~饮品先到,点了紫薯鲜奶&朱古力咖啡,卖相真心靓。自己叫左紫薯,淡淡的紫色好吸睛,真系有紫薯味同粒粒嘅口感,好香又不过甜,啱口味~朋友杯朱古力咖啡同样好饮,啡味同朱味够平衡,同样不过甜,抵赞。主食点了车厘茄罗马菜沙律配田园酱加烧鸡,样子也不错。罗曼菜爽脆甜,呢种菜真系好啱做沙律。酱汁不多不少刚好包着菜叶,少少酸味去了芝士的腻感。至於加配的烧鸡不似预期,以为是“烧”过的鸡肉之类,原来上的鸡胸肉,入口软嫩完全不带油脂,感觉好健康,味道有惊喜,哈哈,不要以貌取人啦。另一款点左牛油果藜麦流心蛋牛角包,还有少许薯条伴碟的,正喎。牛角包香脆重牛油味,内里夹着生菜、蕃茄、藜麦、蛋同牛油果片,酱汁是牛油果酱,入口好清新好好味,但流心蛋略微熟了点,没有蛋汁爆出来,个人也喜欢食熟蛋,所以没差,好味就够了,呵呵。见餐牌写+$15有薯条,又叫了一份,意外地大兜呢。朋友作为餐饮业的同行,讲话薯条黎货价都唔平,十五蚊居然有咁多超抵食,仲要系靓薯条黎,粗身有薯味个种呀!最後就系朋友期待已久的香蕉窝夫配movenpick朱古力雪糕,巧靓靓呀~窝夫外脆内软重蛋香,蕉糖香蕉好味,仲有球好多朱古力碎嘅朱古力雪糕,成份都好好味,虽然好饱但绝对会争住清碟,正!好味好味~食物有水准,餐厅环境又唔错,平日下午茶时段人不多,慢慢坐下倾下偈真心抵! 继续阅读
(以上食记乃用户个人意见 , 并不代表OpenRice之观点。)
等级4 2021-07-07
906 浏览
同事推荐来试试的就系ISQUARE 3楼, 放工过嚟食, 食完再去行街就啱晒喇~7点去到唔洗排队~目测餐厅大多数都系4人台, 我哋两个人都坐得好松动估唔到有餐包仔, 暖暖哋唔错的烟三文鱼牛油果红菜头沙律配青柠醋$148成碟都好REFRESHING, 而且份量又多酸酸哋好开胃, 做前菜就最适合啦菠萝黄金树 $78劲高身嘅菠萝沙冰 (有D比佢吓亲), 饮落凉透心 PASSION FRUIT SODA $78微酸又带甜, 味道清新两杯都好适合夏天饮~Thai Squid $128原条墨鱼烧得刚刚好而且隐约闻到D炭烧香味咬落有口感得嚟一D都唔韧点埋酸辣汁好惹味呀~日本顶级带子蕃茄汁意大利饭 $198睇MENU已经觉得好味, 带子又大又厚身, 煎到好好食呀Risotto 软硬适亦煮得好入味番茄味都好重, 感觉食得好健康晚市惠顾满港币$500+仲可以收到「微菜苗」种子以及可爱动物造型盆栽一份添 继续阅读
(以上食记乃用户个人意见 , 并不代表OpenRice之观点。)
等级4 2021-06-17
1810 浏览
/野玩田店🇭🇰/#sa尖沙咀篇➖➖➖<田园主题餐厅🥬🥕🥗🪴🌱>➖➖➖如果锺意田园风嘅话呢间应该都几岩🌱入面真系有好多绿色植物✨之前仲系旧店嘅时候都知呢间店😆後来先知道原来搬咗去isquare 嗰边~佢地主打一啲嘅superfood 同有机食材所以都食得放心😁😁食物方面都有好多拣 款式都几吸引大部分都有以上提到嘅元素而且蔬菜都真系几好食同新鲜🤩价钱方面可能用嘅食材较高质 所以都偏贵🙈➖➖➖1️⃣日本顶级带子番茄汁意大利饭 $198🌟几锺意食佢嘅带子😆唔会overcooked ! 虽然份量唔算好多 但都算几大粒 够新鲜几有鲜味✨✨ 调味唔会太重饭唔会炒得太湿 软硬适中意大利饭配番茄汁 食完都唔会好口渴🌟亦加左啲菜系米饭入面 都算balance 到😶➖➖➖2️⃣香煎海鲈鱼配青柠牛油汁及烧薯仔 $268其实锺意系佢地嘅伴菜多过鱼🤣有多种不同种类茄子、玉米笋、红萝卜等等 红萝卜无草青味另外仲有薯仔做配菜 调味有少少过咸鱼亦都正常😆算几香脆 新鲜热辣辣系觉得有少少鞋口~ 调味方面可以轻手番啲加少少柠汁中和会较好➖➖➖3️⃣veggie crush $78 有多款冷压果汁拣☺️☺️呢款甘笋+青苹果+姜同青瓜🙈🙈姜味十分重~ 另外都隐约饮到苹果味✨不过就觉得偏辣未必个个岩😹➖➖➖4️⃣天然蝶豆花伯爵茶汤力 $78 蝶豆花嘅天然颜色好靓😆个波波冰都系几岩打卡嘅~不过伯爵茶味就唔太突出 反而系tonic 嘅柠檬味会重啲! ➖➖➖📍野玩田店 继续阅读
(以上食记乃用户个人意见 , 并不代表OpenRice之观点。)
餐厅:野玩田店 (尖沙咀)地址:尖沙咀弥敦道63号iSQUARE国际广场3楼307号舖野玩田店已经由K11搬到嚟iSQUARE新店两个几月喇😎,今次都系第一次嚟呢度食嘢,入到餐厅就见到好多植物同盆栽🎍,比人感觉好healthy and green♻️芝士磨菇酿鸡翼 $98大概$25一只嘅鸡翼有少少贵😂,不过将芝士同蘑菇丰丰满满咁塞入去呢只无骨鸡翼,香脆得嚟又热辣辣真喺几好食😋炭烧猪颈肉配自家制泰式汁 $138无咩卖相可言,不过猪颈肉烧得几惹味,咬落爽口微脆,餐厅仲自己整咗啲特色泰式汁,又真喺几香辣🌶,蘸埋嚟食都几match👍西班牙植物素鸡菠菜苗配黄姜粉意大利粉 $158黄姜粉味道较重,所以餐厅分开比我哋按需要去落,植物素鸡肉像真度极高,食落唔讲以为喺真鸡肉😂,菠菜苗同杂菜混合喺意大利饭之中,食落湿润,口感丰富,份量仲唔少乌龙茶蛋糕配Movenpick云呢拿雪糕 $98顺势同朋友庆祝生日🎂,同餐厅讲咗声,仲提供埋生日牌同蜡烛比我哋🕯️,好贴心💛,比个小surprise朋友都唔错😚。乌龙茶戚风蛋糕茶香浓厚,松软得嚟有少少乾身,连埋雪糕一齐食会好好多🍨,面头仲加咗cream同杂果,睇起上嚟都靓啲🤩最後同朋友一人叫咗杯鲜奶🥛,佢饮黑芝麻鲜奶($58),我就饮紫薯鲜奶($58),值得一提紫薯鲜奶仲有棉花糖,仲插咗一枝紫薯乾,可以用嚟搅拌,浸淋之後食埋都仲得😆晚市食满$500仲有一个劲cute嘅动物盆栽连微菜苗种子送🪴,喺屋企都可以有farming体验,so nice😍 继续阅读
(以上食记乃用户个人意见 , 并不代表OpenRice之观点。)
等级4 2021-06-11
1187 浏览
iSQUARE新开无耐的野玩田店由K11搬到更舒适的空间,环境清新宽阔比K11店开扬,一贯田园风装潢感觉清新舒服,餐厅坚持支持本地农场的有机食材,餐厅中间种植着一排一盒盒的盆栽仔,就系将会加入菜款之中作配菜的「微菜苗」。要食得健康、轻盈而又保证高水准食材来源的新品牌,集合户外气息、潮流及美食於一身的主题餐厅,一餐多款式选择的Fusion 菜,野玩田店是值得推荐。店员带入座坐稳即上每台一客的餐前餐包,果仁及番茄两款味道各异,出奇地口感非常好,包身松软麦香特出。=̶玫瑰杞子茶=̶$58推介:⭐️⭐️⭐️⭐️⭐️有机认证的Heywood Tea曦活茶品牌,原粒保加利亚玫瑰与南韩GAP杞子冲泡,不含茶叶,没有咖啡因,是女士的健美茶品。🌹=̶菠萝黄金树=̶$78🍍Yellow Pineapple Tree推介:⭐️⭐️⭐️⭐️⭐️打卡一流,高身长玻璃杯装盛着的鲜菠萝沙冰,鲜甜透心冰凉,夏天可以做Signature! 解渴份量尤其满足。真心有成尺咁高,饮起来要伸到条腰同条颈直一直先饮到~🤣=̶日本顶级带子蕃茄汁意大利饭=̶ $198Japanese Scallop & Tomato Sauce Risotto推介:⭐️⭐️⭐️⭐️⭐️推介!上台看似份量唔多,但原来碟型中间深窝变得愈食愈满足的感觉,四片厚不带子片煎香诱人,蕃茄汁蕃茄汁酸酸甜甜开胃又香口,汁煮Risotto粒粒入味,再配上切粒三色椒,清甜爽脆,口感丰富再加埋旁边点缀的微菜苗就更加健康吸引食慾。=̶吉列炸酿海鲜蟹盖=̶$108Fried Stuffed Crab Shell with Seafood (3pcs)推介:⭐️⭐️⭐️⭐️蟹盖酿入白汁芝士蟹肉,面层金黄色的吉列脆皮卜卜脆,外脆内软滑,系唔错嘅一个餐前小食。🦀=̶蟹肉芦笋阔意大利面配忌廉汁=̶$158Pappardelle with Crab Mrat and Asparagus with Cream Sauce推介:⭐️⭐️⭐️⭐️⭐️ 推介!蟹肉泄合鲜甜忌廉酱汁,呢款小编觉得出奇地好味,阔意大利面挂汁满意, 配上鲜甜蟹肉、片片么我最爱的芦笋,意大利面的阔度有成只叉咁阔,口感特别,整餐最推介的一款惊喜体验。🦀=̶乌龙茶蛋糕配Movenpick雪糕=̶ $88推介:⭐️⭐️⭐️⭐️乌龙茶蛋糕感觉像是戚风蛋糕级的软熟,蛋糕上的配色花巧一定是相机食先的打卡品,由於云呢拿Movenpick雪糕比蛋糕浓味,建议先嚐蛋糕的乌龙茶,再一路食雪糕为妙。整体价格合理, 是尖沙咀大型商场标准价位,用餐环境与店员服务都总结满意,下次再来要试试有机沙律,相信有更大的田园吸引力,刚刚见到官方提到晚市惠顾满港币$500以上的客人,可以收到「微菜苗」种子以及可爱动物造型盆栽一份。教你种出新鲜的菜苗!美味: 8/10 惊喜: 8/10环境: 8/10 ‍♂️服务: 8/10性价: 7/10 饱肚: 9/10回头: 7/10  推荐: 8/10 继续阅读
(以上食记乃用户个人意见 , 并不代表OpenRice之观点。)