重慶燒燒烤專門店 (已結業)

有時去食，食物好新鮮，味道無乜野，不過質素越做越差，唔穩定，唔知係咪少左人去d食物擺左好多日，本身想試下烤魚，話無入到貨，所以試雞煲，勁難食，又多油，完全唔係半隻雞，好多有骨無肉部位，好似將成隻雞無肉既位拿來整雞煲甘，唔怪得成日無乜人唔洗排隊，有一次同三個朋友去食，三個都食到肚痾，d菜同肉完全唔新鮮，有縮味，d菜好明顯係爛娃娃菜，食完大家都唔飽，又貴，我依加先知蠔殼會重用，衛生程度可想而知有幾甘好...…查看更多

星期五最開心就係放工之後可以休息一下，將所有煩惱放空，食最想食嘅嘢！今次就揀咗食重慶燒，因為我真係好鍾意食辣野！呢間重慶燒有分店，佐敦就已經有兩間，但我認為最好食都係呢間！自從以前係四川食過燒茄子，我就念念不忘，雖然有時會食街邊檔嘅燒茄子，但都唔夠重慶燒好食！燒茄子嘅秘訣係要夠多蒜蓉又多，又唔可以太油膩，呢度嘅茄子軟綿綿，蒜蓉又非常足夠，味道又唔會太咸！呢度最好食一定係牛脷，真係嘅，要食到軟綿綿，入口即溶，夠味道，又唔會過分老嘅燒牛脷係非常難，呢度真係好好食！我見到每一台都有叫茄子同燒牛脷，就知道呢度嘅招牌菜就係佢啦！佢呢度啲燒海鮮都偏貴，但係我真係好想食所以都嘗試了，不過都OK ！帶子燒得太耐了，有啲乾，反而聖子就幾值得食啦！不過都有令我失望架，呢度嘅消暑仔好乾，有冇味道，都成＄15架，得三片，真係唔應該叫！呢度嘅食物上得都幾耐，我哋叫咗個燒雞脾，等足一個鐘頭先有得食，催左幾次，都係話雞俾肉比較厚所以冇咁快得！但一個鐘點都整好掛，其實係佢嘅人手不足以應付咁多客人！所以我都建議大家如果星期五要去就早啲去！…查看更多

本身諗住去川燒，點知人多到喊，對面又見到間重慶燒，唔多人咪去試下，海鮮冇味夾多油，食物隊海鮮無得小料外，如燒青椒…13蚊. 佢真係燒一條咁大把，街市6蚊一袋，真係誇左點，都味坐滿客，上菜同法國餐差唔多，等5min上一樣野你食位先囉不過牛羊等肉類唔錯幾好味，但冇下次！！講唔多出200字，無語中…查看更多

因為朋友講過呢間嘢嘅烤魚幾好食，所以就本著一試無妨嚟到食。點知中伏嘅一餐開始了....可能係假期嘅關係，去到唔使等，直接坐低，叫嘢食。大半條烤鯇魚，泡椒口味，小辣。烤蠔，烤雞皮叫完菜，好!等食。咪住!!!!水都唔俾杯我?啲筷子仲要係即用即棄嘅。我响呢個情況只可以安慰自己。（冇嘢嘅，呢啲未叫做大陸風味囉。响大陸食宵夜檔都係咁啦。）十五分鐘後...烤魚到左了。er~~如果冇記錯，我好似嗌泡椒。可能啲泡椒切碎左姐，點知真係一顆都冇。食左一陣，有啲腥。條魚仲要唔新鮮。同佢講，佢居然答我個雪櫃唔夠凍，一係重新整返條俾我。（咁樣第二條魚唔係放响同一個雪櫃嘅咩？）答佢唔使，叫多2碟菜食。算。但老實講個烤魚嘅味道都幾好嘅。烤蠔居然係重用嘅殼，重用都唔緊要。但個殼可唔可以唔好咁爛?一睇就知係重用。啲蠔肉相信係桶裝果啲，但真係唔知放左幾耐，冇味道。雞皮係凍肉店買果種。見到真係有啲尷尬。埋單，free左2碟菜，同我講唔好意思。（真係覺得唔好意思，條魚就唔好收足錢啦。好明顯，响佢眼中，我應該係啲X街客）總結:唔會再去第二次。（可能我自己有啲怪，我去餐廳食嘢。見到即用即棄嘅餐具會覺得間舖冇尊重啲客）Ps.相，我就冇影。信不信由你。…查看更多

上次去咗食海鮮鍋，今次就食燒烤。去咗佐敦一間開咗幾耐嘅串燒店食，都唔係第一次嚟，不過以前就只會食吓羊肉雞翼嗰d，今次叫d海鮮食吓。我哋兩個人，七點半去到，入面唔算多人，始終未係嗰度嘅黃金時間。鮑魚同蟶子都好新鮮，用蒜燒味道好夾。尤其鮑魚，絕對推介，就算要到38蚊一隻都值回票價。細龍蝦就叫咗一隻芝士，一隻蒜燒。個人一向都鍾意食芝士焗龍蝦，呢隻都差唔多口味，幾香口，芝士味好夠；蒜燒就不過不失啦，龍蝦本身都算多肉，整體唔錯。只係以呢個size，58蚊一隻就略貴了燒羊肉串係呢間舖嘅名物，可惜第一串失準，燒過咗肉質比較韌，味道亦一般；好在後來encore嗰串先回復水準。辣酒煮東風螺係成晚比較失敗之作，辣味唔夠，香味亦唔夠，個汁只一味鹹，螺本身亦好細隻，58蚊唔算抵。燒茄子都係呢度名物，都係水準依舊唔錯，茄子口感好好，配蒜蓉好夾。燒魷魚鬚都好食嘅，唔會太韌，用日式照燒汁亦夾，只係又唔會特別推薦咁解另外仲叫咗燒雞翼同芝士牛油焗帆立貝，不過冇影相。雞翼就失準，略燒焦；焗帆立貝都係食個芝士汁，保持水準吧。整體嚟講海鮮水平唔錯，但其他食物嘅水準冇以前咁穩定了。兩個人食連埋飲品，埋單差唔多600蚊，當然貴啦，不過唔係成日食咁嘅價錢，當weekend豪吓啦！…查看更多

食串燒係最好既直落節目，同班老友食完飯未想咁快散Band，去搵間宵夜店繼續吹，點下小食飲下酒咁雞軟骨好有咬口，有肉得黎好脆口，微微焦先係最好食豬頸肉夠香軟，啖啖豬味，最緊要一口一啖燒雞翼同肥牛金菇，雞翼唔會燒得太燶，本身已經調左味，啖啖肉好食肥牛金菇唔會太韌，反而牛肉同金菇煮得夠軟林，食落有D香甜味芝士牛油焗帆立貝，超多芝士，同時聞到好香牛油味，帆立貝唔算太細粒，肉好軟滑，配上芝士牛油非常香口入味，只是6粒有少少唔夠喉燒魷魚鬚加燒烤汁，少少焦味加上醬汁好惹味，魷魚鬚有D咬口，好一款牙痕既小食牛舌反而厚身，沒有平時既咬口感，頗為軟身，調味不錯，帶點牛味再多支Apple cider，慢慢吹水，唔怕比人趕走，只是位置唔係大街，但都頗為多人！…查看更多

We're on holiday here in Hong Kong and neither of us can read chinese, but my bf does speak cantonese. The ladies who helped us order were very nice and helpfull. The food was delicious! The portions were a bit small, but very flavourfull. This way we were able to taste more dishes.…查看更多

成日都聽過重慶燒依個名，今次終於有機會試下啦！😋😋😋原來重慶燒係唔單止有燒烤仲有雞煲食，選擇都幾多。我地食左好多野，但就特別介紹d比較好食既。先黎個冷盤，川味海蜇好惹味，夠曬辣，好爽口，而且份量都幾多。麻辣雞煲真係唔講得笑，雞好嫩，而且夠曬辣，食完我個咀已經腫腫地。燒翠玉瓜好爽脆，咬落入面仲有汁，冇燒乾👍🏻而且都好夠味，仲有少少辣。芝士焗金針菇，芝士十分多！！！焗到芝士溶曬，再配以牛油調味既金針茹，依個配搭真係無得輸！燒雞中翼外皮燒到好脆，入面d肉仍然好嫩😋好好食！燒雞皮係我既推介，雞皮燒到好脆，而且d雞油香滲曬出黎，香到不得了，嗅到已經好吸引。一串話甘快就已經食曬。燒娃娃菜吸曬調味料既味😋唔會太冧，岩岩好，但份量就少左左d。燒雞軟骨都好好食😍😍😍雞軟骨都好有咬口，而且燒到好香，食到軟骨同雞肉既同時，仲食到少少脂肪，正到呢！黎依到食串燒係一定要叫！黑椒腸上枱已經切左一粒粒，好細心，方便我地甘多人share。黑椒味濃，而腸仔個皮燒到好脆，入面腸仔肉仲好juicy…查看更多

先點了燒豬頸肉和牛柳, 很快便來到了, 牛柳很淋, 特製的重慶醬汁很好味我最喜歡吃雞翼, 燒檸檬雞翼不錯, 檸檬汁加燒雞翼幾夾, 酸酸的先開胃, 下次BBQ也試試帶個檸檬!雞扒肉很多, 食肉獸必點羊肉出奇地不羶, 朋友不吃羊的也吃了兩口鴨胸上的一層皮必須一起吃, 口感才有層次, 而且感覺絕對不油膩超好味的芝士牛油焗帆立貝, 滿滿的芝士看見也流口水, 帆立貝SIZE不小, 而且很香,芝士控絕對要試 !!最後點了燒秋刀魚, 燒得很香, 皮脆脆的,都幾多肉, 可能已經太飽了!!…查看更多

上班忙碌，收工梗係要搵班姊妹食飯吹水放鬆下！我哋今晚想麻甩啲，食串燒飲啤酒，喺佐敦附近就搵到呢一間重慶燒烤一坐低就快手睇餐牌，就見到呢到非常多酒類選擇！想飲啤酒又得、紅酒白酒清酒都得簡直啱晒食串燒嘅心情！我見到有賓達蘋果味汽酒，未試過好吸引，就叫黎試左！正！啱晒鍾意果味嘅人，酸酸甜甜！串燒方面-必叫海鮮蒜蓉燒蠔！蠔隻新鮮連殻正！燒蟶子-超大隻啖啖肉 熱辣辣配上蒜蓉香味，惹味！燒花甲-又係肉質鮮甜 燒雞泡魚干-送酒一流！配上沙律醬入口有咬口！必食燒雞翼串-醃得超入味！熱辣辣加上辣椒粉超香口！燒丸串-足料墨魚丸，食過翻尋味！燒過嘅蟹子丸，亦係冇得頂燒茄子、韭菜-蒜蓉香口，韭菜鮮甜，必食！ 總括來講食物質素高，全部新鮮熱辣辣上枱，送上啤酒，簡直人生一大樂事，同姊妹邊吹水邊享受，都忘記咗返工嘅累有時間一定會再幫襯！…查看更多

餐廳位於佐敦, 柯士甸站一出很快就到, 餐廳門口散發著很香的燒烤味, 令人垂涎三尺燒雞脾啖啖肉, 雞皮燒至香脆又未燒焦, 最適合大口大口地吃燒魷魚鬚, 塗上燒烤汁, 口感煙韌而且份量不少燒雞軟骨, 雞軟骨燒得很香脆, 咬起來發出脆卜卜的聲音, 而且一串不是只有4, 5粒, 份量不欺場雞柳和雞腎, 這些都是必點吧!雞柳口感軟嫩,好回味 燒牛舌, 比較厚身, 火喉不錯, 沒有燒焦, 肉質軟軟 燒西冷牛扒, 十分惹味, 完全不韌, 一入口便能趙開, 而且切開才上, 十分體貼 蒜燒石蠔,重頭戲, 絕對必食, 每隻石蠔也舖滿了蒜蓉, 而蒜蓉下的絕不是蠔仔, 蠔肉飽滿的石蠔配上大量蒜蓉令人回味無窮…查看更多

朋友介紹佐敦有間重慶串燒好好食，一條街有成三間鋪，竟然今日收夜晚十一點，就决定同朋友去試一試。門牌大大隻字寫住重慶燒－燒烤專門店，好易搵👍🏻👍🏻👍🏻👍🏻燒烤種類選擇多，除了燒烤還有雞煲，酸辣粉，焗類，不過今次我地就主攻燒烤川味涼拌海蜇-超多辣油不過非常惹味，加上完全沒有腥味開胃之選燒雞泡魚干-第一次食的，甜甜地而且煙煙韌韌，很特別，加上沙律醬，一流燒巨菇-平時外面買一個大菇都要差不多二十幾至三十蚊，這裏只是十八蚊，超抵！起初擔心燒完會好乾，但估不到每啖都有菇汁，超Juice鐵板蒜蓉花甲-Size不會太細，完全沒有沙，非常鮮甜。燒蒜香生蠔-一碟有六隻，每隻都大大隻，蠔肉超厚，正燒蒜香聖子王-手掌禁大隻聖子，鮮甜十足，燒既時間剛剛好，不會太老燒韭菜- 串燒必食之選，保持到水份，少少辣，非常惹味燒蒜香茄子-原條燒正👍🏻蒜味味道超強，加上孜然粉，好好味😋😋😋😋王老吉-香港竟然有王老吉，食完燒烤再飲涼茶無禁熱氣總括而言，食物選擇多，質素高，全部即叫即燒熱辣辣，價錢合理，每人都係百幾蚊，下次再食過…查看更多

今日放工真係好攰，就約左個friend去食野，啤啤佢！盡訴心中情😪因為返工實在太攰啦！最後為咗就個friend，所以就揀咗去佐敦食串燒！其實都幾就腳，喺柯士甸站行隧道過去幾分鐘就到一去到餐廳，個員工姨姨都好客地招呼我地可能岩岩到放工時間，比較少人，但之後都坐滿人，所以早去都有着數介紹下餐牌先：首先，緊係黎枝藍帶啦之後就重點介紹下d食物啦！燒雞泡魚干：好香口，配沙律醬唔錯燒豬頸肉、燒雞軟骨： 好爽口！燒花枝丸、燒海膽丸：個人必食😂燒菠蘿：好甜，同埋好大串，平時放題都係得一舊半舊！燒蒜香生蠔：生蠔都好大隻，生蠔面上鋪滿好多蒜蓉，好香好濃味鐵板蒜蓉花甲：花甲都好鮮甜，好入味燒韭菜：我地嘅至愛，韭菜燒到啱啱好，再加上辣粉，好有四川風味👍🏻燒茄子：茄子都好大條， 茄子上舖滿滿的蒜頭，好正川味涼拌海蜇：有少少偏辣，麻辣味好香，越食越上癮總括黎講，服務同食物質素都唔錯，有時放工攰攰地，同班朋友來吹下水，飲下酒，食下串燒都幾正:)…查看更多

香味可以留下深刻記憶！美味可以留住世人脾胃！一間食店能有回頭客，首要做到的莫過於此！• 重慶燒燒烤專門店• 佐敦渡船角文英街33號地下• 必點推介，蒜蓉燒生蠔！• 滿滿的蒜蓉蓋住脹脹的生蠔，味鮮，香味撲鼻，難怪當晚眼見近乎每枱客人都有柯打！• 燒秋葵，色澤嫩綠，口感爽脆滑潤！• 燒蓮藕，很爽甚有咬口！• 這裏的墨魚丸是黑色的，跟白色的墨魚丸比較黑色這種墨魚味會較濃。•燒過的鵪鶉蛋更有蛋香。•燒雞腎野味爽彈。• 燒蒜心，爽甜。…查看更多

重慶燒燒烤專門店佐敦渡船角文英街33號地下_________________________這間重慶燒烤給我的印象莫過於店內瀰漫著一股食物香味，眼望四方，客人大多點雞煲,烤魚,燒物，令人食指大動急不及待點了烤魚同數款燒海鮮,味道不錯可謂色香味俱全！麻辣烤魚，熬煮成的辣湯，加入烤過的魚邊吃邊煮，魚肉質地緊實不爛，香麻夠味，吃得眼淚鼻涕直流，手上的筷子卻始終沒停過！生蠔鋪滿蔥粒和蒜蓉，經過炭燒的過程把味道都滲到蠔裡去！蒜燒蟶子皇，大大隻，肉質鮮甜肥美，蒜香味撲鼻！燒海蝦，已將蝦身開邊進食更方便，蝦肉不會燒到很乾身，十分野味！…查看更多