要系The One揾到一间$50以下有茶餐食嘅食肆系非常之难。但今日我终于揾到位于The one 1/F 的醒辰冰室。复古的英式设计，再加上餐厅楼底高，令成间茶餐厅变得好Grand 。而且喺疫情期间冇乜人帮衬，所以非常安全。可能冇人会谂到The One都会有$45以下嘅下午茶食。当你见到街边嘅下午茶都要$40嘅时候就会觉得呢间好抵，而且最紧要坐得舒服。讲返我今次叫嘅花生酱西多士，外皮炸到金黄色，面包外脆内软，一啲油腻感觉都无。面包中间夹住浓浓嘅花生酱，每咬一啖口中都充满了浓浓嘅花生酱香味，但可惜蛋味唔够。而佢哋嘅冻柠茶同街外平时茶餐厅饮到嘅味道有啲出入，望落去嘅茶色亦比较浅色。饮落去有啲似雀巢柠檬茶嘅味道，而唔系平时茶餐厅饮开用锡兰红茶叶冲出来嘅冻柠茶味道，所以有d失望。反而对上一次下午茶时段，叫了干炒牛河食，它们炒得非常出色。每条河粉都吸收了老抽生抽的色泽同味道，牛肉的口感亦唔韧，非常鲜嫩。 极力推介佢哋嘅下午茶干炒牛河。…查看更多
