影片
云腿鱼肚鸡煲七味炸豆腐鲜炆海鱼鸡煲啲鸡新鲜够晒滑炸豆腐够晒火喉炆海鱼够晒味总括嚟讲有93.34分老板仲会教你点食个鸡煲先最好食服务都算好好，下次去长洲都会再去食，希望呢啲小店做得住啦
继续阅读
是日假期，无野做就过来长洲饮饮食食。到了晚餐时间，近海旁的大排档通常唔好食又揾笨，原本谂住食之前电视介绍的椰子鸡煲，然后就来佐呢一间，一坐底老板娘好好态度甘同我地讲已经转了手，原本有D想走啦，然后我老公话是但食D野算了，加上老板娘建议我地试下佢地嘅云腿鱼肚鸡煲，所以我地就order佐半只鸡份量嘅云腿鱼肚鸡煲，还有一碟鲜焖海鱼，唔识就真系走宝了，一饮就不得了，个汤非常足料，而且可以饮得出系无加味精的，选用嘅鸡一食就食得出系靓鸡，好结实同无脂肪，鸡皮非常爽口，鱼肚分量好多，味道简直鲜到不得了，我谂呢煲鸡煲可能四个人都够。是日海鱼系𩾃鱼，鱼极度新鲜，当然了，身在长洲。肉质非常弹牙，鱼味浓郁，而且𩾃鱼无乜骨，加上一位好厨师嘅手艺，味道就系正到不得了，简简单单一碟鱼都令到我返到香港都回味无穷。非常值得一试。环境就系家庭式大排档，老板娘好亲切。而且周围食客都系本地人多，充满住浓浓的人情味。
继续阅读
餐厅：醉鸡煲 (长洲)地址：长洲北社七里3号地舖趁着假期入到去长洲，因为有当地居民介绍嘅关系，所以就去咗一间叫咗醉鸡煲嘅餐厅食晚饭。晚上大概八点，餐厅几乎爆棚，呢度尤其系建道神学院学生嘅聚餐地方，餐厅外五围有两围已经系建道神学院嘅学生黎🤓我哋五个人一坐低，老板娘就已经好好客咁介绍比较多人叫同埋餐厅嘅特色菜，而我地亦都决定试一试呢度出名嘅鸡煲。云腿鱼肚鸡煲(一只)呢个鸡煲无论系云吞、鱼肚、定系鸡都系超级足料，我哋五个人叫一只都有啲多，鱼肚差唔多都有成30块咁济，爽口弹牙。汤底非常浓郁，老板娘话系一大煲由好多只鸡烹调几个钟而成，精华中嘅精华都系哂入面🤤每一啖汤都鲜鸡味，真系捞饭都可以食几碗😎菠萝咕噜肉咕噜肉无得顶，每一旧肉都系外脆内热，汁唔会太多所以唔会有好腻嘅感觉。大概20旧嘅咕噜肉令人食完一旧又一旧，话咁快就食哂😂虾仁炒蛋炒蛋相对比较少蛋味，可能系比虾仁嘅鲜味抢左，不过韭菜增加咗成碟炒蛋嘅口感，救返唔少分。啫啫通菜煲虾酱汁唔会太浓太咸，个人认为酱汁嘅比例调较得岩岩好，通菜亦容易撕开，唔会过咗火候。食完饭同朋友坐咗一阵，见到老板娘、员工同食客都坐系同一张枱有讲有笑，可见长洲居民嘅关系有几深厚☺️
继续阅读