醉辣鮮 (天空之城)

营业中

休息中

之前一直都好想試呢間，今日終於食到，裝修一入去已經好有feel！店員Service好好，我揀左個368set 餐，蟹同蜆係任食，啲蟹同鮑魚係自己揀完比店員，店員會幫我開埋蟹蓋，好貼心。野食方面真係好正，佢有啲菜茄子粟米係任食，個餐仲有埋湯同溫泉蛋加蟲草雞，啲雞係真心滑，我最驚食個啲鞋碩碩嘅肉，反而佢唔係主打雞都咁好食，另外啲蟹隻隻都爆膏，好驚喜，加上好生鮮👍🏻👍🏻啲蜆冇沙嘅，仲有4款蜆揀，好好食，佢個粥超足料，有埋白蘿蔔同排骨，令到個粥好鮮甜，食唔哂我都打包返去做宵夜。物有所值，讚！

之前一直都好想試呢間，今日終於食到，裝修一入去已經好有feel，店員Service好好，我揀左個368set 餐，蟹同蜆係任食，啲蟹同鮑魚係自己揀完比店員，店員會幫我開埋蟹蓋，好貼心。野食方面真係好正，佢有啲菜茄子粟米係任食，個餐仲有埋湯同溫泉蛋加蟲草雞，啲雞係真心滑，我最驚食個啲鞋碩碩嘅肉，反而佢唔係主打雞都咁好食，另外啲蟹隻隻都爆膏，好驚喜，加上好生鮮👍🏻👍🏻啲蜆冇沙嘅，仲有4款蜆揀，好好食，佢個粥超足料，有埋白蘿蔔同排骨，令到個粥好鮮甜，食唔哂我都打包返去做宵夜。物有所值，讚！

💖幾個星期之前同屋企人食蒸汽鍋🍲，圖片係四個人嘅份量，CP值唔高🥲環境同服務態度都唔太好，唔太推薦😞😞😞1⃣️海鮮餐🦞 $198-$368不等 (未連加一服務費)💖$198基本套餐包括老火湯🥣、溫泉蛋🥚、元貝、蟶子、鮑魚、生蠔🦪、蒸雞🐔、海中蝦🦐、沙白、花甲、蜆、粥同埋甜品。其他套餐包括龍蝦🦞同埋肉蟹🦀。蔬菜🥬就係放題，可以任攞。飲品🧃就需要另外俾錢買。💖我哋坐喺室外，隔離有個舞台同音響，一直播好嘈嘅音樂。嗰度環境偏嘈同好熱，唔係幾啱食蒸氣鍋😂成餐飯落嚟，四個人千幾蚊，應該可以食到質素更好嘅食物。

今日同左老公仔仔一齊黎左醉辣鮮食飯，餐廳門口就有得3小時免費泊車，岩埋啲揸車人士中意食蟹既我地就揀左個肉蟹放題套餐2.0，聽老闆講佢地仲想出個3.0出左一定再即刻黎食多次，同埋真係要讚既係呢到吾單止食物新鮮，店員姨姨同老闆好好人，細心又有禮貌，成餐飯我地都食得好開心好快手，就上左前菜，溫泉蛋同老火湯，個湯勁正我地出去夾蟹同鮑魚，好新鮮正式蒸野喇～店員姨姨就較左我地用個蒸爐首先食個蟲草花蒸雞先，啲雞好滑之後就到戲肉蒸海鮮啲海鮮好鮮甜，啲蜆冇得頂完全冇沙仲有啲鹹鹹地既海水味，又多又大粒，重重重重點來了，肉蟹係勁甜啊，仲好多膏，肉蟹放題冇諗過都可以咁高質我仲單點左個蠔，黎到我都嘩左一聲，竟然咁大隻，熟左都冇縮水，一口食落去勁滑，過左一段時間都仲有蠔味係個口入面，中意食蠔既，一定要點最後食埋個南瓜芋頭粥，勁飽勁滿足，本身我地諗住蒸埋啲時蔬都食吾落lu ，不過店員姨姨話有糖水，係腐竹薏米糖水，我都係忍吾住食左一碗haha，下次一定要再黎食過

經朋友介紹元朗新開咗一間餐廳可以自己捉生猛海鮮，即捉即食，咁一定新鮮啦！ 首先有溫泉蛋+ 老火湯，老火湯非常好飲，落足材料， 溫泉蛋又香又滑！之後開蒸《紅棗杞子蟲草花蒸雞》， 雞件加上紅棗，洒、 蟲草花醃製，味特香濃惹味，雞件又滑又嫩， 好味呀！ 之後有我喜歡嘅海鮮出場啦， 套裝由$118 起， 而我哋楝咗$268套餐，海鮮套餐非常豐富， 有即捉生猛大龍蝦和肉蟹各半隻、聖子、元貝、鮑魚、海中蝦& 生蠔等等。 嘩， 一大盆海鮮出場啦！👇登！登！ 登！ 龍蝦係我捉嘅， 真係又生猛又大隻， 啖啖肉，好厚肉， 鮮甜無比， 爽口彈牙！ 超好食！ 海蝦生生猛猛， 非常彈牙， 鮮嫩無比，可以encore 就好了！ 正呀！本地生蠔都好好食， 十分肥美， 入口飽滿、 勁新鮮！ 其實全部海鮮都勁鮮甜美味！ yummy 😋 其實仲有自助蔬菜區， 都有好多有選擇，包括有翠玉瓜，粟米、生菜，金菇同冬菇等等。仲有重點推介， 就係海鮮豬骨粥底，蒸海鮮嘅精華落哂去粥底 ，仲有南瓜&芋頭等配料， 真係鮮味十足， 我仲加了大量香蔥同芫荽，真係又鮮又香！ 正， 正， 正！ 其實已經好飽，仲有椰汁芋頭西米露糖水， 今餐好豐富

高埔村位於元朗新田，附近為行車公路，民居甚少，裏面的美食坊卻是充滿島國風情，裝修別緻，各國菜式餐廳兼備🤠。靠近大門口的醉辣鮮海鮮蒸氣鍋專門店佔地寬廣，門口一列魚缸放滿供活捉的各類海鮮🐟🐠，相當吸晴。海鮮蒸氣鍋有幾款套餐可選，價錢由每位$198、$268到$328。我們點了人氣🦞龍蝦海鮮餐 ($268)，然後便去魚缸揀食材了。食物區靠近户外，也有不少人帶同小狗🐶用餐，有小舞台和多張用餐大枱。我們怕熱，挑選室內冷氣區，室內深色木桌椅和原木裝修，甚有海島度假感覺😎。活捉體驗相當新奇，店員先給我們大桶和鉗，按我們的套餐可自己捉肉蟹🦀、龍蝦🦞、鮑魚和生蠔🦪。每款海鮮的數量很多，絕對可以慢慢揀。而且龍蝦、肉蟹十分生猛，鉗起要快速放入桶！玩完活捉後，將桶子交給店員，就返回座位等待海鮮處理好後上枱。🤣埋枱後先飲老火湯🥣，藥材味濃感覺真材實料，很想可以添飲呢。温泉蛋🍳的質感和味道很好，作為前菜已見對烹煮時間的講究，相當用心。之後店員為我們開鍋放粥底、上隔放蟲草蒸雞，約8分鐘後開蓋吃雞🐓，肉質滑溜。然後主角登場了！斬好的海鮮拼盤上枱，款式又多又大份，立即食指大動，按牆身貼上的建議蒸煮時間開動！😚•蟶子肉厚

今日去錦上路親親大自然，睇完夕陽，就要食餐好嘅慰勞下自己！行到高甫村天空之城，比醉辣鮮嘅環境吸引住，有露天雅座，可以帶寵物一齊食，而且正中間位置有幾個大水缸，裝住新鮮生猛嘅海鮮，當然必食啦！龍蝦海鮮餐，可以自己親自去水缸夾海鮮，而家店員洗得好乾淨蟲草花蒸雞，奄得好入味，雞肉嫩滑！龍蝦啖啖肉，蒸8分鐘剛剛好，爽脆彈牙！隻蟹爆曬膏，甘香可口，好實肉！當中仲有蜆，聖子王，蝦，多種海鮮，一次過可以品嘗多種鮮味最後，食個南瓜香芋排粥，吸收曬海鮮精華，每一啖粥都好似食鮮味，真係停唔到口

聽朋友講之前喺新田嘅醉辣鮮，原來搬咗去錦田新店，店內依舊有水池可以揀海鮮，今次我地去就食醉辣鮮$198海鮮餐，再加碼叫多少少野。海鮮望落新鮮又有光澤，我地跟住建議嘅烹調時間去煮就最穩陣！鮑魚、蟶子、生蠔、元貝每人各有一隻，鮑魚爽口彈牙，元貝肉質細嫩，就好似食緊帶子刺身咁滑，原汁原味經已非常鮮甜，鍾意濃味啲就可以自己加蒜蓉粉絲去蒸。花甲、沙白、蜆嘅份量頗多，隻隻都好飽滿，而且一啲沙都冇，可以一隻接一隻咁食，鮮味無比！另外加多咗一隻蟹，雖然唔算好大隻，但係都幾多蟹膏，海鮮的確高質👍蔬菜有近10款選擇，例如生菜、粟米、杏鮑菇等等，可以任夾任食粥底吸收晒海鮮同豬骨嘅精華，我地每人食咗兩碗都仲有剩，真係好夠飽！最後仲有甜品，有熱腐竹薏米糖水或者凍芋頭西米露，非常美滿嘅一餐～～

想試蒸氣火鍋好耐 今次終於搵到間比較新潮既店食 店雖然有少少偏僻，但搭巴士都可以去到 而且都適合揸車既人士去 有好多泊車位 而且佢假期設有live band 我估氣氛都好好因為我自己係book左枱啦 但我越食越多人平日都甘爆滿何況假期 所以想食真係早D book位😂😂😂我地選左$268個set黎食加埋甘就有一隻龍蝦🦞一隻肉蟹啦點解我會話佢新潮 因為佢有水缸養海鮮 又有得夾唔係好多地方有同埋佢既設計好似酒吧叫完餐 員工就會帶你去夾海鮮 好好玩職員好好甘教我地揀海鮮 佢重話蠔唔好以為大大隻就好肥肉 佢話殼脹卜卜 中size就好肥美其實d海鮮好隻隻都大大隻 真係好難揀😂😂😂自己鍾意邊款就夾邊款好玩夾完海鮮緊係要選蔬菜食下蔬菜都好新鮮 保持著鮮綠色 我就夾左瓜 蕃薯 粟米同菇多 因為覺得蒸落d粥到會好甜而且佢有提供埋粉絲同海帶 元貝粉絲好食🤗醬油都有好多選擇 不過食海鮮我自己都係鍾意唔點醬 甘先可以食到海鮮既鮮味 不過如果有埋醋 我都會拎😂所有野都夾完 翻到埋位就有時人老火湯 今日個湯好甜 同個溫泉蛋滑流流蒸雞 醃得好入味 黃酒好濃 雞肉舊舊都大大舊 加埋圓肉 杞子金針 紅棗 所以又補又好味

上網見到人哋教路去錦田一日遊，於是夜晚就嚟咗天空之城食飯，全場最吸引一定係呢間，尤其是海鮮迷更加唔可以錯過佢有幾個價錢嘅套餐，豐儉由人，最貴嗰個都幾物超所值，每人有一隻龍蝦同一隻蟹同海量海鮮，而平少少$248就是有每人半隻龍蝦同半隻蟹，聽老闆娘講最多人係叫呢個。重點係？大家係可以自己出去夾蟹/龍蝦，簡大大隻又生猛是常識吧！但我怕麻煩，出街唔食蟹，所以揀咗198嗰個套餐，海鮮嘅款式都唔少，又有鮑魚丶帶子丶聖子、蝦、蜆等等。不過要提提大家飲品係要另外自費，不過老闆娘好好，請我哋飲咗支豆漿，呢啲就係生活嘅小確幸。當大家選擇好食咩餐，店員就會幫我哋準備好個粥底，再教我地點用個蒸籠，超級簡單，較好時間，按大火就得。我哋首先飲咗碗老火湯，再食埋個溫泉蛋，個蟲草花蒸雞就煮好，d雞超級滑，調味剛剛好！跟住我又去左出面自助吧拎調味同夾菜同菇類，呢d係任食！大概煮左兩輪菜，成個海鮮拼盤就黎左，好新鮮！蝦同飽魚仲識郁，而且d蟶子係大條果種！正啊，之後我地跟住menu教既蒸海鮮時間，全部都好鮮味，基本上唔洗調味！D蜆全部無死，開到殻，不過可能太大隻，所以整第二次先全部開晒，而且冇沙！基本上食完海鮮已經好飽，但

趁着假期，第一次去了天空之城，今天特別多車，好彩剛好有一架車離開，就泊下來，泊好車的時候已經是下午兩點多，決定找地方食飯，我們看到有間比較大的食肆，地方都OK，所以一家四口就入去食飯，招呼都OK，我們叫了幾個餐，包括鐵板餐同蔥油豬扒餐等等，其中蔥油豬扒飯超好食，值得一試，亞仔平時食嘢比較腌尖，食了他的豬扒後，居然叫我試吓覺得好好食，另外又有公仔夾，啲小朋友最鍾意，睇餐牌晚上仲有蒸氣海鮮餐，下次有機會可以再來試試！