影片
以上资料只供参考，请与餐厅确认详情
食材唔新鲜，款式少，汤底只有四款，仲要无味。只有送既牛肉正常，其他肉类细夹唔新鲜，冇鸡。某啲食物点几次都冇送黎，后尾问职员先再补送。价钱偏贵，同等价钱可以食更好的。总括而言⋯⋯冇下次～
继续阅读
经过见佢三百几蚊任食几抵，仲必定包左五样野，包括海鲜，刺身，鲍鱼或花胶，优质牛颈肉同皇帝饺。今次我地食鲍鱼，好soft 好味👍刺身同海鲜都新鲜，特别系龙趸片，带子好大粒，圣子鲜甜😋火锅汤底拣左芫茜皮蛋，我地任叫食只系食左两轮，战斗力有点低😂肥牛每份有两卷，鳝片好弹牙😋羊肉系薄切既四宝丸就麻麻地，牛同鱼丸好似有点唔新鲜，所以都吐了。总括黎讲佢野食系大份同新鲜既，野饮任拎但多数系纸包饮品。职员超nice 有礼貌👍☺️
继续阅读
之前食过觉得ok谂住再嚟帮衬点知今次嘅感觉唔太良好先讲好嘅嘢like Facebook每人减$30👍🏻海鲜拼盘都新鲜，有虾，圣子等等刺身有四款，每人每样一款送嘅牛颈脊好好食，之后追加嘅肥牛都唔错不过略嫌有啲大片座位舒服，两个人都有梳化唔限时同朋友可以慢慢坐慢慢倾讲完好嘅嘢，讲下啲令我感觉唔好既1.只有纸包饮品，汽水竟然话冇晒（但系入座嘅时候冇讲）2.问佢攞多一张湿纸巾，佢话一人只系得一张唔可以有多一张，讲真，人哋贵过佢嘅都唔会有呢个规则食完今次唔会再食下次，但平心而论，啲嘢食种类系唔错既
继续阅读
订枱时职员表示有优惠每位可减30元，但用餐时职员表示该优惠已于数天前取消需收取正价，找经理理论对方谎称职员有致电告知优惠取消，反指我们说谎，并且没有任何歉意，一句唔好意思都无，对此种恶劣待客不负责任之食店，绝对不会再光顾。食物方面，免费汤底选择配搭奇怪，要最大众化的麻辣锅反而要额外收费百多元，主打海鲜牛颈脊质素参差，带子鲜甜但圣子有沙，牛颈脊更完全没味道，任点普通肥牛反而更有牛味，总括而言食物没有惊喜，属于不再再光顾那种。
继续阅读
同朋友临时决定食火锅，即日打电话订枱好多间都full 左，但好难得俾我地book到醉翁亭。依度既火锅除左刺身、鲍鱼、牛颈脊、水饺皇，其他配料都系无限时任饮任食，星期五计埋加一$328 一位任食配料选择都算多环境阔落，不过2人枱有啲长，同朋友倾计有啲远刺身不过不失蚝皇扣鲍鱼，细细只但几淋鸡煲无得选择辣度，鸡都几入味，唔食得辣嘅人建议拣其他汤底，因为食完鸡煲就直接加汤打边炉，愈滚得耐个汤底就愈辣！海鲜拼盘有虾、鳝片、青口、扇贝、蛏子，都几新鲜，尤其蛏子鲜甜爽口！牛颈脊似本地手切牛手肉，肉味浓！至尊水饺皇好足料，有好多只虾系入面！任食火锅配料普普通通，手打丸类、墨鱼滑、虾滑就唔多新鲜，食落有啲腥味，口感好淋！整体来讲，食物质素一般，价钱偏贵，虽然话系无限时，但侍应见我地停晒手就开始帮我地执野，叫我地埋单先，但其实仲有几枱食客都未食完，好似赶住收工咁！
继续阅读