醉紅豆花 (已結業)

食完晚飯，行一陣消化下，行下行下見到有間甜品，門口見望落甜品幾吸引，而且都幾多款式，所以就入去試下😊舗頭細細，但坐位都幾寛闊，坐得幾舒服😊😊😊😊😊😊😊😊😊😊😊😊餐牌多款式，仲見到有我最愛吃的芋丸😍😍八寶芋丸——-芋丸彈牙有口感👍 大大碗，配料齊全又好味，味道又不會太甜，正好合我心意😋😋😋😋😋😋😋😋😊涼粉西米露———又夠涷，又足料，味道不太甜，好味😋😋😋😋😋😋😋😋😋😋牆上圖案特色

呢間甜品店舊年年底見有人介紹過，而書籤低，喺附近食完晚飯見唔係太遠，又口痕想食甜品，就行過黎試一試。入座時都冇其他客人，坐坐下就愈黎愈多人。小店家庭式經營咁，鋪頭簡潔，冇花巧裝潢。餐牌選擇頗多，一般大路糖水都有，紅豆沙、豆花、西米露、涼粉、桃膠等，仲有小食。一心為芋圓而來，就點左兩份含芋圓嘅甜品，而豆花亦如店名係招牌，標榜用加拿大天然有機黃豆製作。可惜味道不似預期，屬於近期食過最雷嘅餐廳薑汁芋圓 $20芋圓紅豆豆花 $28薑味夠重，冇乜難度；豆花唔夠熱，順滑度一般，豆味都係一般，平常黎講都收貨嘅，因為我要求唔高，值得讚係紅豆沙夠綿 煲到起沙。芋圓係最大敗筆，份量我諗係隨心嘅，芋圓、地瓜圓、紫薯圓，仲有隻深紫色完全食唔出乜味。豆花嗰碗嘅圓不堪入目 ，顏色偏淡，芋圓半透明狀態，其實有少少芋味， 但粉多，口感散兼超腍，絲毫彈性都冇

係深水埗區呢間甜品店比其他甜品店優勝之處就係一間良心店，做街坊生意，甜品用一個字形容《正》，價錢合理吾算貴，甜品份量好足料，比起其他甜品店呢間好食好多，食過都想再食，地方都ok，甜品款式都很多，老板娘都好靚女

中秋食完飯同老公落街拍下拖，行經見到豆腐花就好想食，見係節日就同老公食下糖水啦呢到有好多各色各樣唔同種類既糖水，樣樣都好想食，真係花多眼亂呀！最後都係決定食返呢到既招牌糖水，豆腐花我就叫左個芋圓豆腐花，原來呢個有紅豆，但我自己本身都唔太鐘意食，所以走左紅豆！芋圓好大粒好彈牙好好食，唔會太甜，而個豆腐花就好幼滑好香豆腐味加埋黃糖更好食我老公就叫左芋圓涼粉綠豆豆腐花原來亂咁配搭都幾好食個服務員都提醒我地：鐘意食咩自己配搭就可以架啦！唔一定要跟個牌真係好好人呀，唔洗指定一定要咩配料

今晚放工太攰，唔煮飯，平時福華街一帶文記車仔麵，泰潮海南雞豬脾飯，媽咪雞蛋仔，統統都食厭哂。記起上星期去太子途經大埔道，有間新開張糖水舖似乎專門食豆腐花，門外二拉架仲寫住有姿飯!!! 當然，今晚晚餐，一於呢度搞掂啦!姿飯 $10，長方形，好似漢堡包嘅砌法。唔係熱食嘅，姿飯軟糯，飯嘅質地有d 似食淋d 嘅珍珠雞。餡料就有豬肉鬆，類似油炸鬼嘅麵根。同想像中/ 平時係豆腐大王食嘅姿飯有d 出入，不過呢度$10 同豆腐大王加價加到接近廿幾三十蚊，材料會有分別。志在平平地過吓癮都唔錯!!!下次會試炸燒賣炸豆腐另外，仲外賣咗碗熱紅豆沙芋圓。份量唔算多，普通一個膠碗，不過夠哂熱，紅豆沙夠沙，有d 似茶樓嘅品質。至於芋圓，唔係有餡嘅芋圓，三色。包括: 黃色係地瓜，白色芋頭，紫紅色係紫薯。芋圓數量唔少，粒粒都好煙un，每粒芋圓都好有咬口，仲幾濃味! 唔知d 芋圓係咪自家製呢?? 不過，紅豆沙真係過甜，圖中係因為太甜而食唔落去。ps. 木子甜品嘅芋圓係有餡，非常正! 經常念念不忘，但價錢太貴，只有廖廖數粒。而且芋圓配嘅糖水/ 冰唔太岩心水，分店好似執得7778。今次芋圓可以有代替品喇! 不過，而家嘅一田超

食過3次芋圓紅豆涼粉都滿到漏曬出黎，芋圓彈牙份量又多。老婆叫咗碗豆腐花同支凍豆漿，真係重豆味又無防腐劑因為全部都係自家製 吾洗成日食超市啲加工製品。會繼續支持老闆娘良心生意

本來想街去xx 糖水外賣，點知經過呢間應該新開既糖水店，見價錢吸引，所以就外賣一個雞蛋腐竹糖水，$16比前面果間大大碗啊，味道唔錯，如果有洋意米我仲開心，地方環境都唔錯，最正係近屋企唔駛行咁遠，推介👍