21
1
0
电话号码
28332188
开饭介绍
招牌海南鸡饭,油饭香,无骨鸡件够滑溜。亦有供应惹味泰式串烧及其他粤式煲仔小菜、海鲜。 继续阅读
营业时间
今日营业
12:00 - 02:00
星期一至五
12:00 - 02:00
星期六
18:00 - 02:00
星期日
12:00 - 02:00
付款方式
AlipayHK 支付宝 现金
其他资料
网上订座
深夜营业
赏订座积分
外卖服务
加一服务费
独家网上订座
当面支付
有关奖赏计划
食记 (23)
等级3 2020-01-30
181 浏览
星期六同几兄弟姊妹一齐去新蒲岗泰粤食晚饭,去到店内好细,不过可以选择坐外面,比较有大排档风味,等咗5分钟等店员执好位就可以入坐,坐底咗之後,我地一人点了一个餸,分别点了支竹羊腩煲,羊腩非常多,好淋身,汤底好丰富料足之後点了酸菜鱼,鱼肉滑身,汤底中辣,酸菜配搭鱼肉一齐食非常开胃最後点了白切鸡,白切鸡好一般冇乜特别,同埋海鲜炒饭,炒饭还可以,炒得够乾身饭粒分明,味道唔错够香,份量相当足食饱後细妹话想试下啲串烧,所以叫多个芝士串试下,芝士太咸,食落有少少漏,整体上菜色都唔错,价钱上因为晚饭时段都合理,坐出面有大排档风味,比较舒适 继续阅读
(以上食记乃用户个人意见 , 并不代表OpenRice之观点。)
等级1 2020-01-12
115 浏览
酸菜鱼确名不虚传,汤头美味,酸度啱啱好,锺意食辣可加入,定更好味。无骨鱼肉好滑,啱啱好,唔会好油、好咸,连鱼头都食埋。烧茄子也做得好,串烧都有水准,烧波萝也不错,反而泰式菜就一般:海南鷄饭嘅饭比较乾,用鷄油饭、润湿些会更好;炒金边粉做得唔油,但味道就中规中矩,虾饼份量够大,也是即炸,味道可以更好。看见其他枱大都食酸菜鱼或炉烤鱼,相信系镇店之宝了,希望下次试吓其他粤式小炒,泰菜有改善就perfect嘞!重有一句很重要:价钱唔贵,唔使$150一位,很抵食! 继续阅读
(以上食记乃用户个人意见 , 并不代表OpenRice之观点。)
等级4 2019-12-30
140 浏览
<串烧同烤鱼都好正>👍🏻呢间喺新蒲岗既醉标 中菜同泰菜为主 仲有鸡鱼煲 串烧等 食店细细间 以木枱櫈为主 食物质素高 虽然唔系交通方便 但好味值得试下👍🏻🔥 🍴麻辣烤鱼 228 蚊 麻辣烤鱼上面放满葱花同乾辣椒同芝麻好够香 底下用名火煲住 鱼系用左乌江张罗 骨有少少多 但好香甜 好够软滑🐟 鱼肉新鲜 尽吸麻辣汁 麻辣汤汁辣咸度适中 煲煲下会咸辣 d , 所以一开始点自己食到浓味 level低一级就可以🌶 底层加既配料配薯仔片 🥔切得大细适中好有粉口感尽吸麻辣汁👍🏻大豆芽 好爽口新鲜 芽菜味够清甜又吸左 d 麻辣汁 同青瓜 🥒大大片好鲜 煲一阵吸左 d辣汁仲正😃🍴原条烧茄子 32 蚊🔥🍆茄子 大大条 烧得好软熟口感好好 上面葱花七味粉调味 渗哂落 juicy 既茄子肉入面 又香又正 🍴鸡泡鱼乾36 蚊🐟切成一条条幼身 食落好烟靭 鱼味够 上面带 d蜜糖香 唔错🍯 🍴法式焗蒜蓉包28 蚊🍞四块蒜蓉包厚度适中 蒜蓉味香 带 d牛油 重点系焗得够脆👍🏻🍴烧猪仔脾 20 蚊🐷猪仔脾啖啖肉 有咬口 带 d甜味 猪肉味浓🍴烧猪颈肉 🐷16 蚊比较香脆 入面好有咬口 唔错🍴烧鱿鱼须16 蚊🦑虽然细条 但佢烧得外面香脆 入面都有 d juicy正🍴鸡软骨22 蚊2 串🐤鸡软骨好爽口咬落有鸡软骨既鸡油 正#串烧 #烧烤 #蒜蓉包 #烤鱼 #茄子 #鸡软骨 #猪仔脾 #烤鱼 Score 平均分 <7.8/10>Taste 味道:👍🏻👍🏻👍🏻👍🏻Present 外观:👍🏻👍🏻👍🏻👍🏻Decor&Hygiene 环境衞生:👍🏻👍🏻👍🏻Value for $ 性价比:👍🏻👍🏻👍🏻Service 服务:👍🏻👍🏻👍🏻~~~~~~~~~~~~~#醉标泰粤小厨新蒲岗锦荣街5至7 号东诚大厦地下 b c铺~~~~~~~~~~~~ 继续阅读
(以上食记乃用户个人意见 , 并不代表OpenRice之观点。)
等级2 2019-12-10
82 浏览
收工同朋友去新蒲岗搵食,行过见到一间食粤式同埋泰国嘢嘅餐厅,而且价钱相宜,於是就入去一试。餐厅环境乾净,虽然未有豪华装修,但老板娘同埋啲员工都好友善,绝对系好温暖嘅小店。睇一睇餐牌,大部份食物嘅价钱都相宜,而且食物选择多,有粤菜同埋泰国菜,绝对适合三心两意嘅朋友。我同朋友首先叫咗呢度嘅招牌酸菜鱼煲,点知好友惊喜点,鱼好滑而且冇骨,仲要唔系出面浸到淋晒发胀嗰种,听老板讲系即叫即整,非常新鲜。另外佢个汤底辣到啱啱好,唔会话太辣抢味,亦都唔会好似坊间嘅酸菜鱼一样咁油,绝对值得一试。另外亦都叫咗海南鸡同埋一啲串烧,海南鸡水准还好,比较有惊喜嘅系佢个烧鳝,外脆内软,而且好juicy,绝对值得一试!最後佢个饮品非常有诚意,唔系出面嗰种,听老板娘讲系自己冲嘅,佢个咸柑桔好有屋企味道,亦都非常下火!嚟呢度一定要叫佢嘅饮品!我同朋友眨吓眼就清晒枱面啲嘢,可想而知佢有几好食!呢类型嘅小店买少见少,绝对值得大家去支持! 继续阅读
(以上食记乃用户个人意见 , 并不代表OpenRice之观点。)
以前喺呢区附近返工,都知道黄大仙新蒲岗其实有好多小店舖,未必好出名但系都会食物质素唔错。星期五夜晚放工之後,我哋去依一区回味下食下野。呢一条街仔其实都有唔同嘅小店,记得以前同一个位置系一间都几好食嘅店,以前系卖猪扒饭及牛腩面店。(呢个组合都好奇怪,哈哈)今日嚟到,依间新开冇几耐嘅店系又有泰国野又有粤菜,仲有意想不到嘅串烧同埋酸菜鱼。做咁多种唔同嘅食物,但店舖细细,厨房亦都唔够好大,呢间店真系好神奇!餐牌里边有唔同嘅餸菜,结果我哋散嗌左饮品同埋四款嘅嘢食。当热天气饮冻野真系最正,呢杯椰汁冰感觉好清润。而龙眼冰我更加喜爱,甜度适中。仲有一粒粒嘅龙眼喺里面,好清甜。好期待嘅酸菜鱼等左一段时间终於上枱啦!呢个系老板娘大力推介,佢指每日鲈鱼嘅入货量喺10条以下咋,要慢慢拆骨起肉,系心机菜嚟嘅。仲有,你发现餐牌系唔会有见到酸菜鱼嘅,哈哈!系要老板娘或者店员介绍话有,你先有机会叫到😊之前都有同朋友喺大陆食过酸菜鱼,佢同大陆果种酸菜鱼感觉差唔多,但系冇咁肥腻。酸菜鱼汤底有唔同嘅选择,我哋拣咗白汤。白汤系主要鸡及鱼一齐煲嘅汤,唔太食得辣嘅我地点白汤。而另外都有红汤,应该会辣好多同埋浓味啲。鱼肉质非常之滑,感觉条鱼应该真系好新鲜。食鱼嘅同时连埋酸菜叶,味道好夹。再叫多一碗白饭,酸菜捞饭都非常之好味。其实食酸菜鱼我哋已经好满足!但老板娘推介之後,我哋再点多三款嘅小食。串烧刚刚烧起香喷喷上枱,好好味好香!烧猪颈肉配合埋佢地自制嘅酱汁,小小香辣又有小小酸又有蒜香,好喜欢依款泰式感觉。烧茄子充满全蒜香,白色嘅茄子肉好滑,送饭一流!另外吸引我哋嘅仲有一份人情味,感觉老板娘对菜式好认真,好希望得到客人欣赏。我哋两个人食到肚腩大大,haha😊下次再约多啲朋友,点多啲唔同款式嘅餸菜。 继续阅读
(以上食记乃用户个人意见 , 并不代表OpenRice之观点。)