影片
千祈唔好帮衬！未入去𠮶阵话自己啲丝袜奶茶好好味，又叫人唔好食海鲜。我今次就真系...，入去之前又无讲无餐叫，话除咗下午茶样样都有。到攞到个 QR Code 就话而家开始系晚餐时间，18:00 都未够，你氹我入嚟𠮶阵又唔见你咁讲？唯有叫个黯然销魂饭，见佢餐牌括住话秘制酱汁叉烧，同埋佢话丝袜奶茶掂就叫奶茶。奶茶嚟到即刻饮啖，有几好饮呀？可能我唔识嘢啦，我觉得薄过我平时饮𠮶啲普通茶餐厅啰。到碟饭嚟咗，吓？！饭🍚，普通白饭，叉烧，唔好同敏华黯然销魂比，但都唔好咁普通吖！说好的秘制酱汁呢？普通豉油咋㖞，加只太阳蛋就叫黯然销魂？咩料呀？我两人入座，佢催我话二厨就收工，叫我快啲落第二个餐，见到个饭同杯奶茶，已经唔想嗌。问仲有无全日餐，佢话有，点知一样唔包饮品，咁咩叫餐呀？算，就叫咗个沙嗲牛肉米+火腿太阳蛋，最好食嘅原来系个太阳蛋，我未试过茶餐厅沙嗲牛肉都系唔掂，得黑椒味，辣嘅，唔系沙嗲味，米粉个汤水哼哼，无味！真系懒打字嘅我都忍唔住要出手写食评。都未讲个价钱，由于唔系我埋单，食到一肚气我问头先几多钱，我老公话 $160。$160？我食咗啲咩呀？我老公话佢有加一，激死 x 3！仲谂起个职员喺临走仲同我哋讲，得闲再嚟食过，我哋初一到初四都唔休息㗎。多谢晒啦！请都唔再嚟！
继续阅读
lunch叫左个外卖自取，拎𠮶阵发现比漏左份多士，好彩发现到，行左几步返转头，餐厅都肯比返我，到食𠮶阵发现原来仲比少左份蛋，叫贝壳粉又变左做螺丝粉，十样野错九样，唔知间餐厅搞乜
继续阅读
去完西贡露营，返到市中心有啲肚饿就同朋友系西贡揾左间茶餐厅食啲野先返屋企😎我地之所以会拣依间餐厅，全因为个老板太friendly🤣 由于一坐低嘅时候，佢地有太多单，老板叫我地可以食住隔离舖嘅葡挞同菠萝油先，等5-10mins先再落单😆最后我地三个人叫左2个lunch + 1个tea 😋1. 黑松露海鲜炒饭黑松露味系几重嘅，而且个饭都炒得几干净身！算系正常发挥嘅炒饭👍🏽2. 日式鳗鱼蛋饭外貌好吸引嘅，不过味道呢就唔系话好特别🙈3. 日式煎饺子配和风柚子汁依个系出奇好食！个和风柚子汁好开胃🤤饺子煎得咁脆👍🏽👍🏽😋😋值得试！*老板特别推介冻柠茶，话佢哋个茶底好正🙈个人认为系好饮嘅，不过未至于话真系超级特别🙈🙈🙈
继续阅读
喺街头随意闯入嘅店铺，有时就会俾你啲意想不到嘅惊喜！今次我走入一间外表唔起眼，但内在却好有料嘅小店。👨🍳话说佢哋嘅越式香茅猪扒，颜值正到爆，色泽金黄诱人，令人垂涎三尺。浓香嘅香茅味道扑鼻而来，猪扒煎得啱啱好，外层微酥，内里肉质腍滑，真系一绝，食落去真系话唔埋口好味。个珍珠饭又系一方面，烟韧有咬口，吸满咗肉汁，食落克锦克有饱足感。喺度品尝到嘅另一款龙虾汤泡饭，亦都唔逊色。汤头鲜美，龙虾当然系主角啦，咬落去Q弹，加上油封鸭髀，皮脆肉嫩，咁配搭系唔常得到嘅。真系食碗嘢都要赞声，好过瘾！🦞而家我只能讲，下次要系想食平民价钱嘅高级美味，这间店一定喺我嘅首选名单入面。货真价实，食到饱，开心过瘾，真系无得顶！👌💯
继续阅读
其实有食开茶记都知，酷啡d野系有心机，同街口三宝（和记、全记、陈权记）比，酷啡价钱唔系最平，但性价比肯定最高同埋我个人觉得几有人情味，不过可能要西贡街坊先感受到
继续阅读