酒鍋 (V Point) (已結業)

男朋友今日突然興起想打邊爐，openrice見到呢間酒鍋好有格調，而且好多好評，一於試試~我地試左新出嘅鍋底 - 夢幻花園，厚厚嘅蛋白泡上蓋住五款不同口味嘅湯底，包括：四川麻辣、喇沙海鮮、黑松露雜菌、藥膳花膠同木瓜雪耳，唔同口味啱晒我地！玫瑰黑豚肉將黑豚肉捲成玫瑰狀，賣相精緻，肉味濃，肉質嫩滑，口感軟棉！黃金炸魚皮即叫即炸好加分，爽脆魚皮帶淡淡魚鮮味，加埋相當邪惡的咸蛋黃，令人完全停唔口！蔬菜併盤蔬菜併盤都色彩繽紛相當吸精，有多款蔬菜如油麥菜、生菜、蕃茄、南瓜、粟米、紫椰菜等，翠綠新鮮！最驚喜係仲有羽衣甘藍，營養高味道好👏🏻稻庭烏冬烏冬口感爽滑，而且配上黑松露湯底完全吸收曬湯底嘅精華 黑松露嘅香，味道非常好👍🏻開心小企鵝+咪走雞可愛嘅外表非常吸睛，即使煮熟後都仍保持到其精緻造型~企鵝係以墨魚滑同魚肉而成，而咪走雞則以蛋白同墨丸而成，有咬口又帶魚味👍🏻

這晚我哋試左個五合一火鍋湯底，「夢幻花園」湯底。上台嘅時候真係話一聲，好靚。湯底面用蛋白造左個蛋白泡再加上啲食用花，真係有夢幻感覺，絕對係一流嘅影相位。影完之後，店員會幫你整走啲蛋白就會見到個五合一火鍋湯底。中間係木瓜雪耳鍋，周邊嘅湯底就係四川麻辣鍋、喇沙海鮮鍋、藥膳花膠雞鍋、黑松露雜菌鍋。整係個火鍋底其實已經好足料，四川麻辣鍋有豬皮、豆卜、木耳，喇沙海鮮鍋有大蝦、青口、蜆、象拔蚌，藥膳花膠雞鍋有花膠以及滑雞，而中間就有原隻木瓜及雪耳，淨係食個鍋其實而且飽飽哋，不過唔可以比佢停。作為牛魔嘅我，最緊要叫個掛架頂級安格斯牛小排，雪花平均又細緻一睇就知係靚牛啦，就算熨耐左肉質都可以保持到。之後見到個餐牌有個嘅得意嘅小企鵝墨魚丸，所以就叫黎試下，而有真係可以整到好似企鵝咁，去到依個位相機又要食先喇。唔好以為佢只係得個樣，食落去係彈牙嘅，墨魚嘅鮮味都好足。其實去都依個位已經飽飽地，但係食火鍋點可以無海鮮呢，所以我哋叫都叫左海線拼盤，有聖子啦，帶子，蜆同蝦等等。。。啲海鮮只可以用一個字黎形容-新鮮！總要隻隻都大大隻，隻蝦放落湯底前重好生猛。食到尾係時候要食反啲蔬菜唔係真係怕好食到滯。蔬菜拼盤入面有

好友生日於是去吃她最喜歡的火鍋，我們去了銅鑼灣酒鍋今次第二次食了！餐廳柔和燈光令人感覺舒服，落地玻璃的設計望出窗外一覽無遺維港夜景，今晚要慢慢享受晚餐!落單前店員拿了12款醬料包括蔥花,辣椒,蒜蓉,麻醬等等調味料給我們混醬。首先來一個"黃金炸魚皮"用咸蛋炸到金黃色的魚皮香脆可口，咬去脆卜卜咸蛋黃好美味魚皮也不油膩。“夢幻花園” 湯底湯底面配上了綿綿蛋白，鋪落了色彩繽紛的食用花好吸精。五格火鍋有湯底有不同味道，包捨我們最愛的四川麻辣鍋、藥膳花膠雞、喇沙海鮮、黑松露雜菌、木瓜雪耳，每格食材都有足料，可以品嚐多款的口味，不錯！"二人海鮮拼盤"拼盤有蟶子、扇貝、蝦、花甲，海鮮味道鮮甜及爽口。"頂級安格斯牛小排"一片片薄薄牛小排放在掛架上，把牛小排輕輕放在喇沙海鮮湯底灼一灼便可以食得，食落去肉汁豐富口感嫩滑。丸類有7星報喜和咪走雞“蔬菜拼盤”各種不同新鮮蔬菜，多種選擇，正。"什菌拼盤”我最愛的金菇和雞脾菇，火鍋必食。"三色鮮製生麵” 波菜和墨魚味道特別，咬落去意外驚喜很彈牙和煙韌。再來一杯竹庶茅根和檸檬薏米水食火鍋最佳的飲品。

Book 位記得book窗口位 歎住海景打邊爐酒鍋係新派火鍋店 湯底配料都別出心裁又高質！雲騰菊花台 $288賣相一流！點影都咁靚有五格湯底 分別係鮑魚雞粥 麻辣 黑松露雜菌 藥膳金菊湯底 四川麻辣夠正宗後勁十足平時食開辣嘅我都覺得幾辣 金谷湯底係新家 好清熱 每個湯底都有啲配菜吸晒味 例如麻辣係芽菜同豆卜 藥膳係雞加拿大海膽杯 $108海膽又多 又無腥臭味 加埋吞拿魚茸對住個海景嘆 零舍chill海鮮拼盤 $368個蝦同帶子都超鮮甜 聖子夠大隻 肉質彈牙蜆都無沙家蔬菜拼盤有羽衣甘藍比較少見再食埋個雜菌拼盤夠晒健康三色鮮制生麵 $58淥完都唔會過淋 七星報喜$88七粒丸有唔同顏色唔同味道 有芋頭墨魚丸等 粒粒都爽口彈牙頂級安格斯牛小排 $188肉質靚 自然配咩湯底都甘正飲品揀咗自己煲嘅檸檬薏米水同紫貝天葵 岩哂打邊爐

酒鍋食物質素高，有水準，終於有時間同朋友去試下。約咗朋友去位於登龍街嘅分店。餐廳帶中國特色，又有一種新潮感覺。夢幻花園，以五款湯底組成，木瓜雪耳鍋、四川麻辣鍋、喇沙海鮮鍋、藥膳花膠雞鍋、黑松露雜菌鍋，蛋白上加上食用花，與空中的夢幻花園一樣。海鮮拼盤，有扇貝、蟶子、蝦、蜆，味道鮮甜。頂級安格斯牛小排 ，脂肪呈雪花狀，分佈平均。日本頂級黑毛豬豚腩肉，嫩滑，肉汁豐厚。開心小企鵝、咪走雞，造功細緻，以墨魚滑製作，口感彈牙。黑松露蝦蟹餃，黑松露味濃，皮薄餡鮮甜。蔬菜拼盤，種類多而且鮮嫩翠綠。什菌拼盤，菇味濃郁，稻草庭烏冬，口感軟稔。黃金炸魚皮，香脆嘅炸魚皮加上鹹蛋黃絕配。即炸手工紫菜響鈴卷，火鍋必備之物。紫貝天葵酸甜開胃，竹蔗茅根入口清甜。

早在半年前已經同朋友黎過一次酒鍋，係火鍋界中味道確實一流，而且同行朋友都讚不絕口。可惜嘅係當時冇影到相，所以都冇寫到食評。今次就約實朋友再三回味啦!!!酒鍋位於美食集中地VPOINT 的27樓，位置並唔難搵，鄰近時代廣場出口。秘制麻辣鴨血鴨血同豬紅口感相似，但個人覺得比豬紅略較實淨更有口感，而麻辣湯夠哂惹味，唔會過辣夠哂刺激。除鴨血外，入面更有炸豆腐，豆腐唔會過份吸收麻辣湯底味道。所以唔洗擔心太辣。因為上一次黎到已經試過招牌火鍋 -- 酒火入鍋，所以就點左款以酒為題既行酒江湖。行酒江湖確實冇酒火入鍋5種款式咁多，但亦都有4種不同湯底，分別係:花雕醉雞鍋、紅酒牛尾鍋、啤酒魚鍋及清酒花甲鍋。火鍋名字很簡單講出每款所用之酒，而且配料非常多。當中紅酒牛尾鍋最易分辨，其餘3款湯底顏色都大約相似。湯底可以話係靈魂，而食物都只不過係配菜，出色美味湯底可以令食物味道同質素再昇華。開頭都擔心酒味會唔會過濃，但其實恰得好處。因為火鍋滾起後，酒精就好易揮發走，而剩低既酒味份量就岩岩好。海鮮拼盤率先黎到既就係海鮮拼盤，海鮮好快就熟，而且可以大大提升湯底鮮味，所以必先落入鍋中。海鮮拼盤有鮮甜大粒帶子、爽脆蟶

見咁多人話呢間火鍋特別同好食，我又走去試一試🤤一去到，個景真係好靚！🌃我地揀左"行酒江湖"鍋底，每格都有酒既成份既~鍋底普通，正常味道啦至於野食呢...呢度啲價錢就中上啦，個掛架頂級安格斯牛好正！我仲叫多個牛拼盤，有牛筋，牛胸爽同牛心頂既。個牛胸爽好正，夠香夠爽，牛筋就一般，但個牛心頂極難食！又韌又冇味，我吾明點解要切到咁厚🙄-但有一樣永世難忘既菜式就係個七色丸，佢本身既墨魚滑底已經差，最慘係粒士多啤梨味既，難食到呢.....好似食緊香精咁🤢-個紫菜響鈴就林既，我覺得同平時係街買盒裝既差不多囉，好似仲差左啲添🤢仲有一樣係我冇影到既，就係藥膳小籠包，味道一般，藥膳味極不重，搞到冇乜特別！不過重點尼喇，我地其中一個人隻小籠包係未熟透既，亦叫左個侍應尼睇，佢都話應該係未熟透，但佢睇完回應完就算，講左句吾好意思就冇打算🙄我真係第一次見識到有餐廳奉上左未熟既野係乜都吾做既😂蒸返一粒熟既補返比我哋都吾過份丫🙄其他野食就一般啦，我就吾多講啦~~~-唉，呢間我真係吾打算再食🤢食完極失望！

呢餐係友人離港返屋企前唧一餐，為左遷就起飛時間，所以就早D開餐!  呢餐餞行就有佢鐘意唧火鍋!  之前食過佢唧尖沙咀分店，覺得唔錯，今次轉一轉去銅鑼灣店!  位於27樓，居高臨下，坐窗邊可以欣賞到海景!多種醬料比你任混，混合出個人口味行到熱辣辣，當然要叫返支自家製庶水同檸檬意米水，用燈泡器皿裝住，過癮喎.......CHEERS!湯底叫左呢個名叫夢幻花園 ($388)，上枱時真係呃晒LIKE呀，白煙四飄，面層加上食用花裝飾，仙氣100%白色部份其實係蛋白，可以食少少，之後撥走後就見到5款唔同口味唧湯底，包括: 四川麻辣鍋，藥膳花膠鷄，喇沙海鮮鍋，黑松露雜菌鍋及木耳雪耳，有辣有唔辣，有濃味有清甜!火鍋食牛肉就岩數啦，呢客係掛架頂級安格斯牛小排 ($188/小)肉色靚仔，油脂分佈適中，烚十秒就食得肉質柔軟，肉味香濃，岩晒牛魔王友人另一款肉為日本黑毛豬腩肉 ($188)，切成薄片，又夠大片，唔怕烚完得返好細片肉味香，帶脂肪令肉質更嫩滑今餐要食豪D，叫呢個二人海鮮拼盤 ($368)，有蟶子，扇貝，海中蝦及花甲蟶子大隻唔在講，入口超鮮甜又爽脆，正呀!海中蝦蝦肉入口彈牙，有蝦味仲有鮮甜味，品質新鮮

今次再次嚟到酒鍋，依然沒有失望。試咗新嘅夢幻樂園湯底，打卡一流。一上到枱全枱人都不禁“哇！”。圍住湯底既全部都系食得既材料，白色既系發打左既蛋白，加上sprinkles糖同花瓣，系創新既食品藝術🙈打完卡之後店員就幫我地撈起蛋白，可以揀食埋佢地或吾要。酒鍋signature當然吾小得企鵝同鴨仔圓，所有食品都好精緻，少女心極高！！頂級牛小排同埋海鮮拼盤既質量依然甚高，海鮮拼盤性價比高，$688有5種海鮮，聖子、帶子、蝦、魚片同花甲🤭相信湯底都被調校過，全部湯底都冇以前咁結，但味道保留，咁樣令到食客可以食多幾款唔同嘅食物，冇咁易濟。今次係我第一次食冬瓜蟲草花湯底，加上海鮮嘅鮮味，洞庭烏東都覺得夠味同帶有冬瓜甜味🤤

香港人慢慢演變到打邊爐無分季節火鍋聽聞是北方的飲食習慣 一樣無分季節喜歡食就食 今晚炎熱落大雨 但繼續火鍋 第一次去 酒鍋 仲帶左d 識食 aunties一開始 先選醬料 其實我個人不太需要加 醬料不過難得見到 有XO 醬 就試試都有d 辣呢d aunties 就混得好開心 野食未到 先飲杯 菊花飲  再望一望隔離的海景～～～蔬菜 菇菇 蝦丸  慢慢上 d菜 好甜 新鮮蝦丸結實 彈牙 auntie 好喜歡松露雲吞 未煮時 陣陣松露香味 飄出來好想快d 煮熟佢地有個auntie 叫了 海膽 吞拿魚杯大大件 海膽 好creamy下面有一口 壽司飯  做開胃前菜 一流佢仲 加碼 一人一杯！！！邪惡的 黃金蛋黃魚皮 就咁食和 淥下都一樣好豬腩片 好薄 不需要煮太耐 煮好依然 好滑牛頸脊 肥瘦平均 爽滑  仲有海鮮 蝦 聖子 帶子 花甲等 新鮮 值得叫配埋湯低入面的粥煮 簡直係錦上添花食物上得七七八八 湯低先徐徐送上d aunties 見到都好surprise好似個蛋糕咁佢地估好耐都唔知入面係咩 滾到差不多 職員幫手將上面的蛋白畢走圍住的 西式黑松露湯 最正 和所有食物都夾 唔辣得 又唔鍾意燥熱

雖然天口慶,不過火鍋既隱話黎就黎,呵,真係止都止唔住架! 上星期問左幾個friend得唔得閒去打邊爐,佢地話ok,我就即book左"酒鍋"!雖則唔係第一次食酒鍋,不過都係好期待!因為上次試過d鍋底,真係好特別架! 今次同朋友仔試,又點可以唔試"酒火入鍋"呢?yeah...5種唔同既湯底喎,當然特別啦!除左清湯蘿蔔牛腩外鍋底,仲有惹味既沙嗲同香辣麻辣湯底,真係款款都有! 不過最正既,都要講番茄龍蝦湯底,因為真係有半隻龍蝦架,聞到都好香濃!不過酒火入鍋最精粹既,始終係中間既"木瓜鮮蝦鍋", 因為配左白酒入鍋,所以一點火就燒著晒...難怪叫"酒火入鍋", 又幾得意喎!個火鍋湯底真係好正! 不過點都要叫d小食黎過下口隱先! 朋友仔叫左"即炸紫菜響鈴卷", 我呢就點左"黃金炸魚皮"! 即炸既響玲好熱辣辣,望到都知好脆,聞落仲好香添,不過最正既都係入面包左紫菜,炸完個響鈴仲有咬口! 好好食呢!至於黃金炸魚皮呢,就仲精彩啦!咸蛋黃既黃金配炸魚皮喎,極邪惡呢!但堅好食,又香咸蛋味,唔錯!難得咁多個鍋底,打邊爐又點可以無生猛海鮮呢?今次我地多人就叫左"精選海鮮併盤"! 好豐富! 有扇貝,聖子,海中蝦,大

今日收工約左幾個同事一齊去食酒鍋，一去到環境勁正，好大塊落地玻璃，風景超好，第一次食火鍋可以個境咁嘆！見到好多人都叫呢個雲騰菊花台，黎到果陣真係嘩嘩聲！係咁出煙，好靚白色果d原來係用蛋白整成既泡，個煲有5格，有5重湯底，最吸引我就係麻辣口味火鍋必食一定要叫牛喇，我地叫左份頂級安格斯牛小排（大），油分佈得好均勻，肉味都好濃郁。除左牛之後我地重叫左份頂級黑毛豬豚腩肉打邊爐都會叫餃類，咁我地就叫特別d口味，黑松露蝦蟹餃，有好香既黑松露味道，好鮮味。我地再叫左份海鮮拼盆，有蜆有好大隻蟶子重有帶子，樣樣都好新鮮好鮮甜。呢到紫菜響鈴卷重要係即炸，鍾意食既朋友一定唔好放過！飲品我地幾個都叫左竹蔗茅根，個樽好得意！

酒鍋 ,  地點 在 V point, 好近時代廣場, 乘地鐵去無難度.  餐廳裝修高尚, 感覺不俗.看看四周環境, 果然不同, 高處望下, 維港景色, 盡入眼簾, 好欣賞 !餐廳氣氛熱鬧,  店員送來餐單, 食物品種多, 海產, 肉類, 蔬菜, 特制湯底, 適合大眾喜好, 價錢合理, 招呼好好,飲品也有特式:  檸檬薏米水, 清涼解渴.醬料醬油好齊備,  有辣, 又有蒜香.  最重要是.....整潔衛生. 店長介紹近期新鍋:  酒火入魔特大鍋, 共分五個味道, 有原味, 沙爹, 麻辣, 牛腩及龍蝦湯底.   好足料, 有原隻大龍蝦, 紅卜卜, 牛腩又稔又大大件.店員服務貼心,  於鍋上替我們加了酒,  隨即通知我們準備打火了, 大家可以預備相機.酒火入魔 表演開始,  金黃火光好耀眼.......接著有乾冰效應,  帶來騰雲駕霧,  真係零舍唔同. 煙消雲散後, 店員加滿湯,  一碟碟火鍋料送到檯上, 好新鮮.  大家期待動手滾滾.首先, 不會放過吃龍蝦機會.龍蝦肉好吸睛.  味鮮美, 肉多.即炸黃金炸魚皮打邊爐必備,  灼一灼, 入口極香脆, 加料鹹蛋黃金制, 更惹味, 海鮮拼盤有

雖然天氣好熱，但亦無損我去打邊爐既意欲！朋友生日，話好掛住「酒火入鍋」，所以我們再來酒鍋慶祝生日！而我就好掛住呢個維港view，真係好鬼靚！「酒火入鍋」睇睇menu，原來酒鍋出左個新鍋叫「夢幻花園」同「雲騰富貴菊花台」，雖然好想試，但朋友為左「酒火入鍋」專程而來，所以要順下主角意，都係叫返「酒火入鍋」吧！「酒火入鍋」有五個湯底，中間既係木瓜鍋，圍住佢既有番茄波士頓龍蝦鍋、清湯蘿蔔牛腩、四川麻辣鍋、潮州沙嗲鍋，想要清啲又得，想要濃味啲既都得除左食得仲睇得，講得係「酒火入鍋」又點可以冇「酒」同「火」呢？當火鍋上台後，店員隨即表演「酒火」、「入鍋」俾我地睇，原來即係由店員放啲酒落中間果格邊爐度，再點火，嘩，睇到火光紅紅咁，勁呀！海鮮併盤主角至愛既海鮮，都係必叫之一！包括有海中蝦、扇貝、蟶子、大蜆、沙巴躉等等！扇貝好大隻，食落有口感，海中蝦爽口彈牙，蟶子好鮮甜，所有海鮮都好新鮮頂級安格斯牛小排之後係我既至愛既牛牛，以掛排式上台，底下仲有好多冰塊可以保持肉既新鮮！呢個頂級安格斯牛小排肉色好靚，油脂分佈平均，薄薄的一片，淥十幾秒就食得，仲有好濃郁既肉味，放落去麻辣鍋度，吸收埋啲辣味，食落仲正！開心

為了獎勵自己一星期的辛苦工作，放假要食餐好的。因為今日去銅鑼灣逛街，想打邊爐，所以就選了這間很高評價的餐廳。餐廳位於27樓，望到對岸的景色，裝飾融合了古今的設計，很特別。因為湯底眼花撩亂，想試很多味，所以就選了酒火入鍋，先加酒，有起火的感覺，再加入乾冰，有煙霧瀰漫的感覺，超特別。鮮蝦加了酒，鮮味加上酒味，另一番感覺。火鍋必備海鮮，叫了海鮮拼盤，新鮮，帶子大粒鮮甜，大蟶子彈牙。打邊爐另一必備的牛，今日叫了頂級安格斯牛小排，雪花均勻，入口即溶，牛味濃。其他配料都很有特色，開心小企鵝，黑松露蝦蟹餃，三拼福袋。小企鵝的墨魚很彈牙，又可愛，又好吃。餃和福袋很有特色，特別是黑松露味濃。三色鮮製生麵都是一大驚喜，加上火鍋的湯底，彈牙的麵。