影片
港铁天后站 A2 出口, 步行约4分钟
继续阅读
电话号码
66898581
开饭介绍
餐厅选用日本直送的新鲜海产，制作寿司、刺身等菜肴，配上清酒小酌一番也不错；其装潢糅合日式居酒屋及现代酒馆风格，带来不一样的用餐体验。
继续阅读
附加资料
场内设有房间（6-12人）
Live Band & DJ Show
营业时间
今日营业
12:00 - 15:00
18:00 - 23:00
星期一
12:00 - 15:00
18:00 - 23:00
星期二至六
12:00 - 15:00
18:00 - 01:30
星期日
12:00 - 15:00
18:00 - 23:00
以上资料只供参考，请与餐厅确认详情
有关奖赏计划
深夜食堂 乐队表演有气氛吉列蚝（四件）$88外脆内嫩，蚝肉鲜甜，一咬系爆汁！一碟4件都几大只，搭埋酱汁调味，推荐！🌟 评分: 9/10牛油果三文鱼沙律 $68牛油果的 Creamy 配上新鲜的三文鱼好夹！三文鱼新鲜，口感丰富，清新爽口。🌟 评分: 9/10炸蛋白松露油吞拿鱼薯仔沙律 $88松露油好香浓，搭埋炸蛋白的酥脆，又软又脆嘅口感，好好食！🌟 评分: 8.5/10沙甸鱼干 $48咸香适中，咬落好过瘾，最岩做小食或者做下酒菜。🌟 评分: 7/10酢味噌鲷鱼6片 $198鲷鱼新鲜，酸味刚好，师傅本身巳经调好晒味，一上菜即刻食就得。🌟 评分: 8.5/10鸡软骨 $62质地非常顺滑，咬落去有弹性，搭埋啤酒或者小菜啱晒。🌟 评分: 8/10墨鱼香肠 $42香肠味道好浓郁，好充分嘅油脂，墨鱼嘅独特风味好深刻印象！🌟 评分: 9/10.厚切牛舌$58肉质鲜嫩，油脂溢满好juicy！几厚切，烧烤嘅火候掌握得好好，推介！🌟 评分: 9/10烧秋刀鱼 $78秋刀鱼肉质鲜美，搭配一点柠檬汁更好食。🌟 评分: 7/10牛の寿喜锅 $168寿喜烧汤底非常香甜香浓，粉丝吸晒d汤，牛肉滑嫩，仲有搭配新鲜的蔬菜。🌟 评分: 8/10🎖️整体评分🎖️ ❤️ 味道: 8.5/10🧡 环境: 8.5/10💛 服务: 8.5/10💙 性价比: 8/10📍 酒屋一杯喜 (天后)天后清风街1A-1B号美城花园大厦地下KL6号舖
继续阅读
其实天后都有好多隐世特色餐厅，今次就去左【酒屋一杯喜】试下佢地既晚餐啦。日式居酒屋当然坐bar台最有feel。自家制玉子烧串：玉子烧厚身软嫩，蛋香浓郁，爆葱吞拿鱼蓉加左满满嘅吞拿鱼蓉、葱花提鲜，另外芝士烧到溶化，一啖咬落去超满足！刺身沙律：新鲜刺身包括三文鱼、吞拿鱼、八爪鱼等、满沙律菜，配醋汁，清新开胃。刺身厚切够鲜甜，蔬菜爽脆。野菜天妇罗 + 天妇罗虾：炸浆薄脆唔油腻，野菜包括南瓜、茄子、番薯、金菇等，保持原味清甜。天妇罗虾超大只，虾肉弹牙，点埋天汁同萝卜蓉，风味更突出！沙甸鱼干：几特别，第一次食，好多条沙甸鱼整做一饼、之后烧到金黄香脆，鱼干味道咸香。火炙烟熏蚝手卷：蚝肉肥美，火炙后带烟熏香气，包住暖饭同紫菜，海苔脆口，一啖食落去鲜味爆棚！上面再加上鲜甜海胆，非常满足。牛の寿喜烧：牛肉片嫩滑，吸满寿喜烧酱汁嘅甜香，配埋豆腐、野菜同粉丝，汤底浓郁得嚟唔会过咸。柚子盐味叉烧拉面：汤底清澈带柚子清香，盐味调和得刚好，叉烧软嫩，面条幼细挂汤。柚子皮碎增添香气，整体清爽唔腻，夏天食最啱！
继续阅读
📍酒屋一杯喜 🥢天后清风街1A-1B号美城花园大厦地下KL6号舖-一踏入餐厅，瞬间彷佛穿越到日本街头的居酒屋，装修走木系温暖风，昏黄灯光营造一种既放松又带点小仪式感的氛围，好适合朋友聚餐或者约会。 🦐 川海老唐扬一上枱已经闻到阵阵香气，炸得金黄酥脆，虾壳脆得可以直接入口，咬落去「咔滋咔滋」声，虾肉鲜甜中带点咸香，下酒神器。 🥗 刺身沙律沙律清新带层次感，刺身质素唔错，配上爽脆嘅沙律菜，仲有酸甜嘅和风酱汁，清爽开胃🍗 鸡肾、鸡胸、鸡软骨鸡肾弹牙，鸡胸唔干柴仲富肉汁，鸡软骨咬落去脆中带香，三款各有特色。🥚 豚肉流心蛋*必食之选，豚肉包裹著流心蛋，外面咸香且脆卜卜，内层带蛋液香气及柔软质感，简直系视觉与味觉嘅双重享受。🍲 豚肉泡菜锅锅嘅汤底酸辣带劲，泡菜味道唔会过重，豚肉片份量十足，仲有啲野菜同豆腐，吸晒汤汁后几惹味。🍤 野菜天妇罗天妇罗炸得香脆不油腻，而且食材选料不错，南瓜尤其深得我心，粉绵粉绵的。味道很不错，有时太full会需要等位，建议提早预约。
继续阅读
自从疫情之后香港开得夜嘅餐厅真系买少见少，朋友话听过天后有一间餐厅开到凌晨两三点，食得晏少少都唔惊俾人赶走，就一于决定去一路食一路倾偈！去到日式餐厅，忍唔住都叫明太子同埋串烧试吓，我哋就叫咗明太子小龙虾沙律，鸡肝，柚子胡椒免治鸡肉棒，墨鱼香肠，紫苏豚肉卷，同埋青椒仔做头盘。明太子小龙虾沙律，食得出小龙虾系弹牙，唔会系霉嘅肉。用小小嘅沙律酱，将明太子同埋小龙虾混合埋一齐，味道好夹同好清新，比起其他用虾肉再配沙律菜嘅沙律，佢会一种浓郁嘅香味。佢嘅鸡润嚟到嘅时候买相好靓好光滑，面上面搽咗一浸嘅烧汁。个人咬落去系好粉，起沙，有黄砂润嘅感觉。烧汁唔会好浓，唔会抢咗鸡润嘅味道。佢个墨鱼香肠墨鱼味好浓郁，有充分嘅油脂感，将墨鱼嘅味道带出嚟，提升咗个层次。店员话佢嘅柚子胡椒免治鸡肉棒系自家制造，食落去嘅时候鸡味好浓，淡淡柚子胡椒味令鸡肉棒嘅口感唔会平淡。而佢嘅紫苏豚肉卷亦都用咗新鲜嘅紫苏叶去佢包埋一齐，紫苏叶嘅香味可以帮助豚肉卷解油腻，夹埋一齐食都好正。而青椒仔就系日本嚟嘅青椒仔，烧到小小虎皮感觉，食落去嘅时候有回甘，好食！食咗啲前菜之后，我同朋友就开始嗌啲下酒小食，叫咗魔鬼鱼翅干，铁板大蚬炒野菌同埋牛汁大根。佢嘅魔鬼鱼翅干同平时嘅鸡泡鱼干好唔同，平时鸡泡鱼干系偏甜，然之后咬落去系韧少少嘅质感，而佢嘅魔鬼鱼翅系松脆，鱼味较重。都系配上沙律酱去食，同鸡泡鱼干唔同层次。牛汁大根有两大块白萝卜，配上一片牛肉仔。佢嘅白萝卜煮到好腍，好入味，筷子一夹就可以将佢分开几份。嚟嘅时候上面有少少七味粉，令到萝卜更加惹味。而佢嘅铁板大蚬炒野菌，亦都唔马虎，都有成10只八只大蚬，菇嘅种类亦都唔少，有金菇，鸿喜菇等等。上枱嘅时候牛油味好重，食嘅时候有食到清酒嘅香味，再加上铁板上渣渣声，别有一番风味。最后同朋友叫咗个海胆炒饭做收尾，咁啱听到隔篱枱食紧吞拿鱼脑天，就忍唔住叫咗客试吓。原来吞拿鱼脑天系吞拿鱼额头嘅部位，比较稀少，平时亦都较难喺其他餐厅食到。佢吞拿鱼脑天上到嚟嘅时候有火炙过，所以鱼嘅香味好重。而食落去嘅口感就系有啲再松软啲嘅大拖罗，好香嘅油脂味，真系大开眼界。海胆炒饭海胆亦都劲大块，佢个炒饭有少少蟹膏，炒到好香。饭粒粒分明唔会炒埋一旧见到舖头系话用新潟米，感觉上好似再香啲！同朋友一路饮一路食，唔觉意都玩到成点几，店内亦都仲有好多客人。整体嚟讲用餐体验10分唔错，职员亦都好友善，虽然去到好晏，但系店内环境唔会10分嘈吵，可以倾到计。下次绝对可以回头再食！
继续阅读
呢间好有气氛嘅居酒屋位于天后，装潢充满日式风情，一坐底感觉好似置身喺日本环境宽敞，有吧枱、餐桌座位同埋室外座位选择餐牌选择劲多，小吃、寿司、刺身、串烧、锅物都应有尽有❛ 深海池鱼薄造 ($168)切到好薄，深海池鱼自身味道唔算浓，可以自行点旁边嘅大葱酱油提味❛ 川海老唐扬 ($68)每粒虾都炸至金黄酥脆感觉唔油腻微微嘅咸香好似薯片咁，虾味浓郁，好惹味食到唔停口❛ 蟹籽野菜沙律 ($88)大份 好丰富！沙律菜好新鲜，青瓜丝爽口开胃，仲有大量蟹籽同埋蟹柳肉❛ 一口寿喜和牛 ($78)和牛入口即融，加埋滑顺嘅蛋液系完美配搭❛ 菠菜塔 ($48) 上层有蟹肉同埋三文鱼籽 好开胃❛ 墨鱼香肠 ($42) 爽口墨鱼味都几浓 好特别❛ 鸡软骨 ($28) 爽口有嚼劲❛ 鸡中翼 ($45) 外皮烤至焦酥内嫩 保留住肉汁❛ 鸡皮 ($38) 酥脆惹味❛ 松叶の二足爪明太子酱乌冬 ($138)有3件天妇罗松叶蟹钳，明太子酱份量啱啱好乌冬面幼弹牙几衬❛ 威士忌梳打 ($78)❛ 柠檬梳打 ($28)服务亲切 环境舒适，系同闺蜜/另一半慢慢食、慢慢倾、饮吓嘢嘅好去处～—ʜᴋᴅ $150-300 𝗉𝗉𝙧𝙚𝙨𝙚𝙧𝙫𝙖𝙩𝙞𝙤𝙣𝙨: yes𝙧𝙚𝙫𝙞𝙨𝙞𝙩? yes𝙤𝙫𝙚𝙧𝙖𝙡𝙡: 7.5/10—📍 酒屋一杯喜 Sakaya Ippaiki天后清风街1A-1B号美城花园大厦地下KL6号舖
继续阅读