影片
带移居咗去外国返嚟嘅亲友去食海鲜以前通常去开三圣村食见佢哋话未入过流浮山所以今次就试吓价钱其实同三圣差不多都喺度隔离的海鲜店买海鲜再到酒楼加工海鲜店嘅店员会教我哋拣咩煮法系最好食酒楼既侍应非常有善仲送咗我哋例汤同埋一碟菜鱼蒸得好滑最估唔到系佢哋嘅蜜糖鸡翼好好味闲日入去成间酒家都坐满
继续阅读
新年团年饭我哋今年拣左入流浮山食海鲜🦞🦐🦀🐟平时食开屯门，今次都系第一次入流浮山食海鲜，原来入流浮山好方便，只需要系天水围西铁站转一程港铁巴士，如天水围西铁搭的士都只系$30有找朋友介绍《邦记 》咁我地决定团年饭系呢度食啦沿路行入去好多店舖卖流浮山特产，好有风味，入手买左少少特产😌🔮酥炸生蚝🦪炸得非常酥脆可口，大人细路都最爱🔮大班2味🐟鱼肉片清炒-保留左鱼肉的原汁原味，鱼肉口感嫩滑，啖啖肉，西芹作配料清炒已经好好味😋炸头腩🐟-骨系走油，以姜葱炆煮，炸得外层酥脆惹味，内里肉质非常嫩滑🔮蒜蓉粉丝蒸扇贝非常之大只，蒸嘅时间岩岩好，够哂鲜味🔮果皮蒸大连鲍鱼最钟意果皮蒸法，鲍鱼够淋，好入味🔮豉椒炒蛏子红椒、豆豉作配料，蛏子弹牙爽嫩，调味又唔会太咸🔮上汤龙虾🦞龙虾肉质爽口弹牙，同新鲜鲜味，配上上汤煮，非常之好味🤤完美配搭总括嚟讲，我地又多一个地方去食海鲜🦞啦
继续阅读
－行七人平日走咗入流浮山食海鲜、成十年冇嚟、友人介绍帮衬左哩间邦记、冇乜装修好街坊嘅餐厅，仲要唔收卡、其实系间间都唔收卡、有几间碌卡又话要收3%、今时今日嘅香港真系好难想像⋯⋯需知道流浮山食餐海鲜起码几千蚊㗎！所以沿路走好多餐厅都冇乜人、生意麻麻！唯独是哩间邦记、好旺㖞，－楼坐满、二楼又话冇枱、要入偏厅坐、都坐咗三张大枱、目测全部熟客唔系自由行！街坊餐厅、环境一般、服务一般、价钱方面以流浮山标准计算唔贵㖞、冇加一茶芥每位$10，叫老细写菜单位位$600！仲送海鲜汤、新界油菜、啤酒汽水🍻上汤焗龙虾🦞煎米粉底澳洲龙虾冇得输、爽口弹牙又鲜味、不过𠮶上汤汁味道好一般、𡯁其煎米粉底就梗唔掂、淋晒口感麻！椒盬鲜鱿$150咁贵嘅椒盐鲜鱿都系第一次见、又唔见得特别好食啰⋯⋯椒盬濑尿虾一人一只真系好奢侈、够干身味道好差、不过冇虾膏就争啲🫤白灼虾细细只、都几鲜甜、味道方面就正常发挥！酥炸生蚝唔知系本湾蚝定系台山蚝、肯定唔系美国桶蚝、细细只胜在够鲜甜、炸得非常酥脆可口、少咗大蚝平时𠮶阵味、小朋友都钟意🫶大班两味炒球（冇影相）🙏🏻炸头腩少少汁挂住、味道几好、虽然咁大条鱼，但系肉质仲好嫩滑😋😋蒜蓉粉丝蒸扇贝算几大只、啱啱熟火喉唔错、够鲜味有水准👍🏻👍🏻咁多海鲜以$600/位嚟讲，向流浮山绝对抵食，不过坐巴士嚟就麻烦啲啰！
继续阅读
邦记海鲜酒家的点餐方式系先拣海鲜埋单，再拣烹调方法。酒家有间相通的海产店，系酒家斜对面，拣好海鲜再到酒家落单点菜。酒家仲有出名的蜜糖鸡翼、小菜、炒饭、饮品出售。最后收海鲜加工费同其他食物费用。我哋订左夜晚6点半食饭，系食饭前半个钟去海产店拣海鲜。之后可以沿海味街行到尽头，睇埋海景同日落🌅再返黎食饭。🌊豉椒炒蛏子西椒、豆豉炒嫩蛏子，蛏子弹牙爽嫩，调味唔会过咸。配埋脆米粉煎饼，香脆可口，吸晒啲汁好惹味。🌊蜜糖鸡翼即叫即制，气炸过的鸡翼，外脆内嫩滑，面头加上蜜糖🍯，甜咸交集更加惹味🤤。🌊龙趸两味龙趸🐟肉片清炒，保留了鱼肉的原汁原味，鱼肉口感嫩滑实在，啖啖肉，简单西芹清炒已经好好味。龙趸腩骨就走油，以姜葱炆煮，炸得酥脆惹味😋。🌊盐焗奄仔蟹奄仔蟹🦀参非常新鲜，鲜味突出，蟹肉多而易离壳，蟹黄都好多同美味。🌊蒜蓉粉丝蒸扇贝扇贝好新鲜，肉质软滑清甜，配上蒜蓉粉丝，非常惹味。🌊椒盐濑尿虾虾肉🦐鲜嫩清甜，配上椒盐酥炸，十分香脆可口，壳都可以食埋。🌊上汤龙虾伊面 龙虾肉🦞质爽口弹牙，同样新鲜鲜味，配上上汤煮，伊面吸晒啲汁好好味心。🌊海鲜炒饭以叉烧粒、虾仁🦐炒蛋饭，粒粒分明，唔会好油，热辣辣好有镬气~🌊油盐水菜心（附送）新鲜翠绿唔油腻🌊豆腐鱼汤（附送）奶白色的鱼汤，鲜甜美味
继续阅读
朋友生日，四个人一齐入流浮山食海鲜，我哋喺条街度买咗海鲜，然后就嚟到朋友推介嘅邦记加工。伙计服务态度好好，会主动推介各种海鲜嘅煮法，最后我哋啲龙虾北寄贝石头鱼，分别拣咗酥炸粉丝蒸同埋豉油蒸嘅煮法。上菜速度十分之快，镬气都十足，上枱仲系热辣辣完全唔惊冻咗，每样海鲜有调味得来依然可以保留到海鲜本身嘅鲜甜度，完全唔惊浪费咗咁新鲜嘅海鲜。最后每人食咗四百几蚊，当中仲包括喺𠮶度叫咗个炒饭同埋送咗一碟油菜，唔惊唔够饱。
继续阅读