影片
我同母亲大人去食既，叫左个特级套($520)：- 特级牛颈肉- 达人护心肉- 红酒五花腩肉- 秘制牛五花肉- 烤扇贝- 香肠护心肉真系好好食，够软身。烤肉旁边有芝士粟米同蒸蛋，超正gah！其中韩式红酒五花腩肉烧到著晒火超脆，够晒视觉效果呀！不过呢度上菜速度太慢了，我地其中一碟食晒好耐都完全无人有反应，侍应又全部剩系识讲韩文同英文，真系讲多两句都麻烦又尴尬，份量又唔多，呢度系令人好失望既。大家都可以去去试下：）
继续阅读
🇰🇷最近美欣真系深深沉迷上韩国菜一入到去九成店员都系韩国人之后重有个好靓仔既Oppa帮我地烧肉添😍心谂早知学多两句韩文傍身啦唉。全晚最惊喜既系火烧猪腩肉首先将浸满油既猪腩肉用火枪烧脆表层之后带住火放上铁板烧 简直色香味俱全一层层金黄色既肥肉、瘦肉加脂肪夹层真系好睇又好味 另外佢地既生菜系免费既再用豆瓣酱包住一齐食就会无咁油腻😛。另外护心肉同牛肋骨肉都系好推荐大家试两样除左份量够大之外 肉质都好鲜嫩烧熟之后都唔会韧 肉味新鲜感十足佢地重有杯绵花糖特饮够哂吸睛😎有西柚味同埋蓝色柠檬味可以拣个人觉得柠檬味无咁甜 同埋解腻啲。最后当然唔少得任食既炉边蛋同芝士粟米啦每次食亲韩烧都要疯狂refill 无得弹🍳而家用电话订位重有九折 识做啦😏-价钱：五花腩 $120/150g 护心肉$160／150g特级牛肋骨肉 $200 绵花糖特饮 $55 抵食：4好食：5（1最低 5**最高）💥指数：💥💥💥💥地址：达人烤肉尖沙咀柯士甸路20号保发商业大厦地舖#explosion尖沙咀#explosion韩式#达人烤肉
继续阅读
朋友生日话想食韩烤, 上OPENRICE揾到这间, 好似几好咁. 地方都好大的, 楼底高, 坐位唔迫, 几舒服的. 已放满成枱都系配菜, 有泡菜, 洋葱汁, 生菜, 炉边还有栗米芝士, 鸡蛋, 洋葱片等.我们点左一个套餐, 另外再加嘢. 套餐有牛肉, 好似肥牛咁, 好薄的一片, 一放上去个炉度即刻熟呀, 都好香呀, 几好味,不过肉味唔算好出.因为有小朋友, 所以叫左个石窝饭俾佢, 入面都好多配菜, 有鸡肉, 甘笋丝, 西兰花等等, 都好香呀. 唔辣的, 好味有猪皮猪腩肉仲有牛肉牛肉片猪片唔大片的, 味道都OK, 加埋黄豆粉一齐食的, 不过我觉得冇咁弹牙猪腩肉烧到好香口, 都唔会好肥的, 加埋生菜一齐食, 好味呀, 虽然肉味唔算好浓.牛肋骨都好大条的, 我们将佢剪开嚟烧, 好香的呀, 肉质都好淋, 但我觉得唔够JUICY. 好味道的.这里的服务一般, 生菜, 粟米蛋都要另外收费的. 食物质素只属一般.
继续阅读
香港的韩式烧肉真系愈来愈有质素，今次已经系第四次去达人烧肉食晚饭，今日星期六，八点半也不用等位，直接入坐。大部分侍应都系韩国人。因为本人不食牛，只能向猪肉进攻。点了两份五花腩(其中一份系火烧)，一份辣猪排骨。个火烧五花腩真系一个surprise，oppa先用火枪烧脆表层，再放上铁板再烧至熟，睇到我眼都凸埋。 食落肉质厚实，表皮脆脆的，颇Juicy，连生菜包起一啖食落去，配埋支Hite，一流。相比之下，猪排骨就有点一般，因为比较薄身，而且容易黏锅，食落似猪排，不连生菜食先会食到个肉味～ 真系好大火下。。。
继续阅读
近年香港多左好多韩国食店今日试左系尖沙咀既烧肉店
店员只系识讲韩文或英文好似去左韩国咁🙈
叫左个set A同两杯野饮Set A $520 (牛颈肉, 护心肉, 花腩肉, 五花肉, 猪皮)佢啲肉全部都好入味烧几奈都仲好juicy 唔会un👍🏼👍🏼👍🏼✨推介护心肉&花腩肉😋棉花糖soda(柠檬/西柚/蓝莓) $55
当然系相机食先但要影得快手啲因为个棉花糖溶得好快😩🎉星期一、二仲有放题优惠 $258/人 任食牛颈肉/牛肋骨肉/护心肉/五花腩肉/梅头肉/鸡肉/牛舌/多春鱼
继续阅读