影片
平时行开坚尼地城至中环一带，如果想饮茶都会帮衬明星西营盘店或者富临上环店，因为明星集团及富临集团旗下分店嘅食物、环境、服务、卫生各方面质素都唔错，而且价钱化算，令我对佢有信心!今次又再行开坚尼地城至中环一带，大家又想饮茶，淋起好耐冇去过逸豪，所以就决定帮衬佢啦!其实我好少帮衬逸豪，因为逸豪嘅食物、环境、服务、卫生各方面质素只属中等水平，只系价钱化算，令我对佢冇乜信心!不过就算逸豪各方面质素只属中等水平，我隔一排都会帮衬番佢一两次，废事帮衬死果几间好嘅酒楼禁闷!我地去到果阵生意好淡，唔驶等就有位啦!逸豪我嚟帮衬过好多次，今次总算冇令我失望，各方面质素只属中等水平，只系价钱化算呀!味道方面，今次6个人叫咗几款点心、1碟干炒牛肉河、1碟干炒肉片河同埋1碟凉瓜牛肉饭，味道皆普通!食物包括1)干炒牛肉河:牛肉口感唔错，仲几入味!河粉都几爽口，分量足够!颜色讨好，几有镬气!(2)干炒肉片河:肉片口感逊色，唔够入味!河粉未见爽口，分量足够!颜色偏淡，镬气欠奉!(3)凉瓜牛肉饭:牛肉口感唔错，仲几入味!米饭过淋过湿，分量足够!凉瓜甘口，酱汁惹味!(4)四宝滑鸡扎:材料配搭唔系最正宗果款，但系都算新鲜同入味!(5)豉汁蒸排骨:排骨骨多肉少，总算新鲜!伴碟芋头入味，口感过淋!豉汁几惹味!(6)姜葱牛柏叶:牛柏叶够爽口，又几入味!姜葱汁味道讨好!(7)咖喱蒸土鱿:土鱿似变坏咗，味道酸酸粟粟!咖喱汁唔辣，竟然甜嘅!(8)香芋鸭脚扎:材料新鲜，鸭脚染红色嘅!伴碟芋头入味，口感过淋!酱汁都几好味!(9)香煎虎皮椒:虎皮椒煎得尚算适中，味道普通!(10)鲜竹牛肉球:牛肉球味道讨好!但系沟咗好多面粉，冇乜口感!(11)时菜鲮鱼球:鲮鱼球味道讨好!但系沟咗好多面粉，冇乜口感!鲮鱼冇完全搅碎，有长嘅鱼骨!环境方面，逸豪已经营业咗好多年，地方都十分残旧!佢嘅装修设计唔够高雅，亦冇乜时代感!佢都唔系几先进，冇引入电脑座位分配系统(电脑票、电视屏幕显示叫号及电脑声音叫号)、自动感应水龙头、自动感应枧液机等先进设备，电视机又唔算多!呢个舖都几大，尚算通透，又唔系身处于比较旧嘅楼宇中，冇柱多、横梁多及楼底矮等等嘅问题，整体都尚算坐得舒适嘅!服务方面，中规中矩啦，大部分服务员做野都有效率，系冇乜礼貌啰!如果各个服务员有多D适当嘅笑容就好啦!卫生方面，碗碟污糟邋遢，地方企理，洗手间未够干爽!抵食方面，星期二下午茶茶位$4，各款点心嘅价钱都大众化，算抵食架啦!整体来讲，各款点心价钱化算又多选择!至于食物、环境、服务、卫生各方面质素只属中等水平，总算值得嚟帮衬呀!
继续阅读
前几日同阿妈来呢度饮下午茶，本来冧住好好地嘅，不过就饮到劲唔愉快攞，简直不知所谓。果日上到去冇人需要等位，好少客，咁我地咪是但见到有空枱就坐攞。坐低咗好几分钟，D侍应都当我哋冇到，见到都当见唔到。最后我都系忍唔住拂手示意，D侍应至扮傻咁走过来开茶!跟住我哋叫咗几个点心和汤面，其中又有个点心漏单，D人做嘢错漏百出，佢仲死撑蒸点要需时，我又唔信蒸点要成粒钟至做到攞!之后我哋食食下，突然有个阿伯坐落来搭枱，原来系个侍应叫个阿伯搭落来。其实我本身已经超憎搭枱，但更加唔分嘅就系个侍应冇问个我嘅意愿，同埋果日酒楼根本好少客，好多空枱，咁点解要迫D客搭枱呢?真系莫名其妙呀!仲有又唔收已用碗碟及加水!真系…!讲讲食乜:云吞汤面x2:汤淡，云吞一般豉汁蒸排骨:少肉但几惹味蟹子烧卖:一般虾饺皇:都系一般煎薄饼:煎得差，难食整体D野又唔系好食过人。但我来到又唔招呼；有个点心漏单，仲死撑；个侍应冇问个我嘅意愿，同埋果日好少客多空枱都迫D客搭枱；又唔收碗碟及加水，质素不知所谓。到咗而家呢个年代仲要冇得拣一定要搭枱嘅超低级酒楼我真系唔会再来。
继续阅读
今日打完波又一班人齐齐去觅食了，经过一轮 brain storming 后，波友A建议去了石塘咀的逸豪酒家吃超平的88蚊全包任饮任食火锅，这价位我相信可能是全港最低价了， 到达酒楼后见到在座客人不多，在周末前夕晚市入座率也如斯惨淡，实在担心又会多一间酒楼折埋。 可能今天大气较热罢，竟没见到有一枱客人在打边炉，侍应招呼坐上一张中火锅枱，枱面上巳装了一部电磁炉，先叫了皮蛋芫荽汤底，跟着胡乱点了美国肥牛、牛柏叶、脆鲩骨腩、鲩鱼片、三宝丸、鱼滑、羊肉片、水鱿鱼、金菇菜、秀珍菇、冬菇、游水生虾、云吞、蟹子包心丸、粟米、猪润、唐生菜及芥兰...........等等不能一一尽录。 打完波大家都很口渴，有人走去冰柜先取来罐装啤酒及汽水，啤酒是酒楼常见的威乐啤，汽水则有百事可乐跟七喜，光喝几罐饮品也差不多回本了。 下单后不久锅料都逐一送上枱，份量之大令全枱五个人仝感讶异，光是美国肥牛便差不多有两斤，其余锅料也用大圆碟上枱，真的是大场面，同时有伙记从海鲜缸捞了成斤游水生虾给我们，想不到只用八十八蚊竟然有鲜虾食，今晚可能光光第一轮单的食物也吃不完了。 除了游水生虾外，锅料质素都是普普通通，肥牛是一条肥肉间着瘦肉那种，肉质较靱；而羊肉肉味太膻不好吃，跟"美味"两字实在难有一丝豪联想，但尚算勉强合格。 不过一吃成大锅灼熟了的鱼滑，用筷子一夹感觉很稔身，入口一阵腐臭味，因汤底巳受汚染，立即要求侍应换过火锅，但侍应不是换上一锅新的汤底，只换上一舖锅清水，大家便继续打边炉，之后也不再发觉食物有问题。除了食物之外，对服务方面也有点不满，吃了整晚竟然没一个侍应来请理过枱面及食物残渣，以如此食物水准及服务，除了价钱够平外，实在无法找到再帮衬的理由，离去时不禁担心会多一间酒楼折埋啦！
继续阅读
是日跟会去鹤咀执垃圾兼参观个度既生态环境,垃圾就唔驶我地点执,只需派代表十个人去执垃圾就得啦.之后大约十一点几离开鹤咀,跟住我地就黎咗呢间位于西环石塘咀既逸豪酒家 .团费已经包咗一餐.呢间酒家要由华明中心搭扶手电梯上一层,....点知弊啦....弊咩,就系全班团友一齐上去,但个度门口细细,我地成车人一次过咁入,前面d人都未谂点行边个方向,后面d人迫系扶手电梯个度,冇路好行,捐到好危险.入到去,全间酒家都坐满人,证明呢度旺啦,我地就包咗其中一间房,坐满4围,我系第5围,点坐呢..咪我同d fd坐出面走廊食啰,讲番食团餐,佢到底有咩食呢 ....粟米汤 - ok,味道清甜,唔会冇乜粟米味,可以装到8碗叉烧油鸡双拼 = 个个都赞几好,而我就觉得叉烧确系唔错粟米班块 - 卖相麻麻.食落都ok.翠塘豆腐 - d豆腐好滑,唔错其它𩠌既味道 都一般啦,唔知系咪装𩠌既碟关系,整到d𩠌既卖相都系麻麻地.
继续阅读
星期六跟哥哥一家人吃饭，已经很久没有跟他们见面，而他就住在正街附近，所以提议到逸豪"落脚"。嫂嫂说这间酒家不太多人，可以坐下来慢慢倾亦不会被人赶；我便想可能食物不会太美味吧﹗点了晚饭孖宝(HKD88) ~ 我们选了半只炸子鸡和豉汁蒸仓鱼。2个𩠌都唔错，低农家野菌十二菜 ~ 喜欢它这个很有气势的名称而点的。不错﹗用鱼汤浸什菜和菇菌，有白菜、菜心、西兰花、小棠菜、鸡肶菇、鲜东菇.....不能尽录，炸鲮鱼球 ~ 唔够干身，但味道可以有白灼虾送 (1-4人半斤，5-10人一斤)整体都唔错，没有失望，6人食饭埋单300有找，低食
继续阅读