逸豪軒 (已結業)

外父大人及舅仔不約而同說這兒很抵食，甚麼叫一碟龍蝦配伊麵底加一大洋就可以點多一味指定小菜....另外還道叉燒皇的水準非常的不俗....說得我和太太心痕痕，決定要擇個日子一齊再去食番餐....終於在屢約不到之下，最後都能找到個日子去幫襯。但怎知搖個電話去一問，竟發現那一蚊小菜優惠已結束....唉，此時唯有只去點些其他的，再加埋那碟叉燒皇，當成吃普通的晚飯小菜好了....時值週末六時多踏入店中，差不多是尤如包場一般，假期的生意也淡泊如此....這亦難怪的，就在商場一步之遙就有另一間連鎖集團的酒樓。一個如此小的商場就有兩所酒樓，做的又是附近街坊的生意，週邊同樣有不少一家人出外叫餸食飯的選擇。那麼這裡生意之難做，也就不難理解了....坐低後第一件事，便是先看看有甚麼特價嘢。給太太喵到一個深海龍躉二食連兩只乳鴿的優惠，盛惠$328的確算是值吃。另外加埋叉燒皇，一碟清炒菜心以及同樣便宜了的白灼海蝦，份量實在相當夠....叉燒皇及乳鴿同屬燒味部的出品，出菜的速度自然比小菜類快。叉燒皇看上去蠻對版的....不過一睇它的剖面後心裡便沉了一截....一喵便知叉燒是偏瘦了。咬將下去肉是未夠軟熟帶硬。儘管蜜味

屋企附近的商場，無意中發現呢個龍蝦伊麵套餐都係只需＄168就有，加多1蚊有多個小菜，認真抵食！打算求其食個晚餐，抱住一試的心態就入左酒樓了！場內不算多人，所以好快就有得食了！吾食由自可，一試真係有出奇的驚喜好食！！以168元來講，味道真的不錯！唯一可惜就係蝦比較細隻，肉好少喔！好彩有個伊麵底頂一頂肚，伊麵都好吃味道不錯架！另外，加一元有多一個小菜，精明眼的我當然要追大啦！吾好蝕底加左個京葱牛仔肉，意想不到的份量十足喎！牛肉好多夠軟滑，不過味道就過咸了，用來送飯都好既，可惜兩個人的晚餐來講真係太多了！總括來講，抵食行先！呢度係一個吾錯的選擇喔！！

一間唔起眼既酒樓，位處翔龍灣，門口細少，同一般酒樓門口相比，門口細得可憐。同一個商場有海港酒家，級數完全唔同，而且都食過幾次，有保証。家人話想試下新野，心諗一餐便飯，馬馬虎虎算了！望一望菜牌，為煌府集團一員！老豆左睇右睇，最終都是點了佢至愛之一，龍蝦！是日特價168蚊，加拿大龍蝦尹麵底，加一蚊可再加一個小菜，我地點了生炒骨！人客唔多，上菜快，一黎就是菜芯及生炒骨。夾左一件生炒骨，獻汁稠過濃，最唔鐘意獻汁結似糊，不過炸得還算香口，兼且肉排大大舊，小肥多肉無骨，而且唔係雪到乾晒既貨色，除獻汁唔好之外，算係交足功課。再黎上湯加拿大龍蝦伊麵底，一般呢D價位，都係有得睇，無得食，龍蝦得個殼，肉得兩件！不過今次又唔係，肉份量多，食極食唔完，雖然唔係大大舊，但係食龍蝦都半飽。而且蝦肉彈牙鮮味，絕對超值。我地三個人叫三樣野都好夠，但係又口痕，加左個皇牌叉燒，心諗都係一般酒樓燒味貨色，唔會有咩特別。一上黎，買相唔錯，一D 唔馬虎，份量亦足，叉燒汁又淋得夠多，夾一件睇，居然係肥瘦適中既靚梅頭貨色。入口淋得黎有小小咬口，唔會好梅又唔痴牙，叉燒味香濃多汁，絕對係酒店級中菜廳水準。 最後敬送紅豆沙，紅豆起

偶爾過土瓜灣探望老媽，都不想老人家操勞，近近地出街食，而閒日的逸豪軒，晚飯時間都不難找位。上湯焗龍蝦配伊麵底伊麵最受小朋友歡迎，幾乎消滅了一半，龍蝦肉泡過油，肉質爽彈，也好，來一杯啤酒慢慢嘆。珊瑚蚌帶子炒西蘭花西蘭花脆嫩；帶子軟腍；珊瑚蚌爽口；但幾款食材各自為政，將一道常見的菜色弄成「家破人亡」，貌合神離，真是難以想像。菜胆冬菇鮑片如果用生菜底會更喜歡，小棠菜有點不搭配，冬菇肉厚，幸好芡汁夠薄，沾上了剛剛好。清蒸海班當然是養班，似乎蒸得過熟，肉質有點粗糙。壽包非常大路，不過蒸得熱辣辣，食落包皮軟熟，還是不錯的。始終是街坊生意，食物及環境都好大路。

畢竟是在土瓜灣長大，對這舊區有著莫明的情感，差不多每條街道都走過，而昔日的九龍城碼頭早已面目全菲，偶爾都會帶母親到酒樓用膳。燒味雙併油雞甜而不膩，肉質尚算嫩滑，但叉燒肉質死實，澆上醬油幫忙不大。竹笙上素有木耳、蘑菇及粟米芯，清清地，芡汁夠薄，有時素菜更啱胃口。蝦仁炒蛋炒得過了火，蝦仁總算大隻，加入了蔥花更香口。咕嚕肉夠乾身，沒有過多的芡汁，略嫌醬汁未能把肉片緊包。雖然水準一般，但價錢相宜，總算有一班捧場客。

又到母親節晩飯，一家當然去酒樓食套餐。被安排坐主家席位置，冷氣超凍，要求調校下，waiter的回覆是"唔調得"，原來成間酒樓得一個制控制冷氣？成晚凍死人，只怕小朋友凍病，又唔可以返學 。服務又唔好，要個盒打包食物，放不入，回答好"專業"，"是這樣啦！"，話知你。總之成晚食得唔開心 。最後仲要求Tips!

咁岩經過翔龍灣廣場, 睇到有間新的酒樓叫"逸豪軒", 原來之前係煌府, 依家好似轉左手我地兩個人都俾左個靚位我地, 有得睇下海鮮, 都好生猛我地兩個人叫左六個點心, 蕃茄水餃, 雪山叉燒包, 蝦腸, 八味豆腐, 鳳爪同金錢肚佢地D點心係即叫即蒸, 所以上枱係好熱, 好正我最鐘意佢個蕃茄水餃, 有好多蕃茄粒, 個湯又清, D水餃又好足料其他D野水準都好好!!星期一至五重有一蚊一籠燒賣, 可惜我係星期六黎, 無得叫 下次一定會再黎食過!! 

呢間酒樓岩岩新開張，見到佢個餐牌有優惠，有好多海鮮都做緊大特價，好抵食，就走入去幫襯，發現水準都幾高，好值得捧場！入去點了條一斤重游水東星斑，原本諗住清蒸，佢地叫我試下加新鮮蜆肉和蝦乾浸湯，再用鹹菜調味，做一道「蜑家佬湯浸東星斑」！不久就新鮮滾熱辣送到，這道菜吸收鮮乾海產的精華，東星斑更加鮮美，啖湯好甜，果然冇介紹錯！另一道「菌皇醬油雞」依家做緊特價，半隻$50、一隻$98！佢地話用雙璜生抽同好多種藥材去浸雞，再以上湯煨好雜菌。呢隻雞雖然做緊特價，但冇偷工減料，雞肉好嫩滑，好味！呢餐飯水準的確係意料之外的高，以後去土瓜灣，又多一個食好野o既地方！