逸東軒

营业中

休息中

想食逸東軒好耐架啦！又趁restaurant week食下lunch🥳真係不愧為米芝蓮一星餐廳，真係好好食呀！香港餐廳週午宴(💰248pp)🔸江南美點▫️筍尖鮮蝦餃(10/10)冇食過咁好食嘅蝦餃，有筍，蝦肉鮮味爽脆juicy，皮薄韌度適中！▫️瑤柱菜苗餃(8.5/10)菜苗餃都正架其實，不過蝦餃好味啲。▫️蜂巢芋角(9/10)鬆軟，酥脆，芋香濃郁，真係出色架喎！🔸 保健老火湯(8/10)👌🏻🔸 百花煎釀帶子(10/10)帶子嫩、蝦滑爽，煎得剛好，個汁鮮味鹹度適中，帶出帶子同蝦嘅鮮香味！連棵菜都係嫩同爽脆清甜架，咬落一啲根都無。🔸 魚湯雲耳浸津白(8/10)👌🏻🔸 揚州炒飯(9/10)飯炒到粒粒分明！蝦粒、肉粒、菜粒，全部炒得好香，好好味呀！🔸 紅棗雪耳燉萬壽果(8.5/10)睇下你鐘唔鐘意木瓜，木瓜味道強，唔會太甜，我就幾鐘意啦！🔸 馬拉糕(7/10)正常嘅馬拉糕，無乜特別，不過濕咗啲。Overall評分: 9/10🥳一定會去再食呀！Yummy!!

復活節假第三日，約咗閨蜜去米芝蓮餐廳《逸東軒》食Set Lunch，好耐無咁chill過嘅午餐時光～☺️💕🍽️ Set lunch 有：✅ 三款點心（每款都好鍾意😍）✅ 老火湯夠哂濃郁補身✅ 魚湯雲耳津白，清清地好解膩✅ 楊州炒飯粒粒分明✅ 馬拉糕香軟綿密✅ 紅棗雪耳糖水甜度啱啱好❤️其中最驚喜係點心，蜂巢芋角真係太感動～香港依家好少見到有酒樓仲有做🥹✨餐廳環境舒服，員工又有禮貌又高效率～幫我地不停斟水，感覺被悉心照顧💕💕💰Set lunch 每位$248（另收加一茶錢），以米芝蓮嚟講性價比唔錯👍🏼下次想試下佢哋晚市menu😋

平淡之中須找些特別日期，得閒係要去搵啲好嘢食吓。逸東軒就聽咗好耐，終於要去一吓。唔想諗就揀咗一個米芝蓮升級盛宴。逸東一品薈萃-醉雞唔夠滑，但有玫瑰花香味；叉燒半肥瘦，厚身都唔韌，味道豐富；話梅番茄，去皮爽口，蕃茄同話梅味道平衡，微甜，感覺面頭加了一點話梅粉。珊瑚蛋白白花釀帶子-蛋白滑，加入蟹膏味道濃鬱，底層用了一片節爪承起帶子來人蒸，帶子爽口但鮮味被蛋白蓋過。佛跳牆-有海參、花膠、雞腳、菇、瑤柱、螺頭。一字骨十頭鮑-一字䯎軟骨爽脆、肉質淰、美中不足是我嗰舊有豬騷味，南乳汁味道適中。鮑魚煮得淰，有鮮味。豉油王煎斑球-師傅煎功一流，外面微微香脆，入面魚肉鮮嫩和能保持魚的肉汁。外面醬汁味道調配得很好，豐富但不會搶走魚的味道。和牛炒飯-入面有蔥菜和牛，粒粒分明，口感豐富脆爽，稍為未夠乾身，味道略嫌偏淡。甜品方面芒果糯米卷-凍凍的，芒果香甜擂沙湯圓-暖暖的，外面煙韌，入面流沙芝麻餡，甜度適中。南瓜西米露-熱熱的，味道偏淡。整體嚟講，菜式設計有心機，從味道、口感去到溫度都有唔同嘅設置，值得讚賞。稍嫌性價比不足。題外話，佢哋個wine list係唔夠精準，攪錯咗啲嘢。

第三次嚟，今次係第二次試晚市，水準keep到服務態度亦好好，上菜會主動介紹菜式，落單時亦會推薦菜式例湯非常香濃，好推薦每一次嚟都叫例湯飲！叉燒肥瘦均勻，肉質好腍唔會好嚡口片皮鴨一如既往keep到水準，鴨皮夠脆又唔會好肥黃金豆腐外脆內軟，豆腐好滑，推薦！椒鹽九肚魚比較失色，對比出邊大排檔，少咗陣鑊氣咕嚕肉炸到外脆內軟，肉質夠腍，個汁都好夠味香芒糯米卷正常味道，都好味，但沒有驚喜價錢偏貴，但用餐環境好好，服務亦好好， WhatsApp訂枱留車位都好方便，絕對會再嚟

結婚周年紀念 來個心水逸東軒 ，從不失望，精緻中菜，好好service 價錢合理啦 唔會趕客走 ，慢慢享受久違高汁中菜。推介珊瑚蛋白百花帶子 ，甜品擂沙湯丸好有驚喜，長假結束來食，好滿足😎😎😎 城中高汁中餐之選👍👍

小編今日來到佐敦一間中菜餐廳「逸東軒」，這家餐廳自2017年起榮獲米芝蓮一星榮譽✨主打經典地道的傳統手工粵菜，餐廳裝潢以舊上海餐館為靈感，充滿復古上海的氛圍，茶具更以青花瓷設計，為食客帶來星級精緻的用餐體驗，適合各位來朋友家庭聚餐或特別慶祝👏🏼必食推介「鴻運脆皮雞（1隻） 」原隻脆皮雞烤至金黃酥脆，香脆薄身的外皮，雞肉肉質鮮嫩多汁🐔黃油的香氣與鹽香融合，整體香不膩口，十分推介的經典明爐燒味菜式🙌🏻「鮑汁花菇扒時蔬」新鮮時蔬揀選西蘭花，西蘭花口感爽脆🥦 花菇厚實且充滿香氣，吸收了鮑汁的精華，味道濃郁且充滿層次感，必食鮮蔬之選🍄 「明爐蜜汁叉燒」選用上等半肥瘦脢頭肉，帶蜜糖甜香，肉汁豐膄帶點焦香，口感柔滑軟綿，肥瘦比例剛好，外邊微微焦香，大力推介的米芝蓮星級代表菜👏🏼「脆皮燒腩仔」烤至金黃的豬皮薄香脆，脂肪和腩肉層層分明，肉質肥瘦分明，香味垂涎脂香，入口即化味道郁香豐腴，肉嫩甘香，每啖燒腩仔都是一口大小而絲毫不膩🧡🍽 ：鴻運脆皮雞（1隻）；明爐蜜汁叉燒；脆皮燒腩仔；鮑汁花菇扒時蔬（西蘭花） 👅好味指數：8.5/10；8.5/10；8.5/10；8.25/10💰消費：HK$528；HK$29

呢間酒店其實幾吊腳, 油麻地地鐵站出都要行五至七分鐘以上. 去到reception, 帶位嘅女仔都算係幾有禮貌. 一坐低一位男士就過嚟問我飲咩茶我正在諗緊嘅時候佢即刻話畀我聽佢哋有啲咩茶可以選擇咁都幾醒目嘅,由於我係訂咗dining city嘅套餐,個侍應問我係咪想食呢個套餐嘅時候我有啲奇怪,佢話其實我都可以選擇食其他嘢嘅. 好訂得你嗰餐等我諗住食呢個餐啦咁就冇再改,你要問我飲唔飲酒,咁我就約佢畀個酒單我睇吓,咁有一個疑似係事走私嘅人過嚟畀咗個ipad我教我點樣點酒. 最後我揀咗一杯布斤地嘅紅酒.呢個套餐係498蚊一位,包括前菜,有叉燒燒腩仔同埋一個醬茄子. 之後有一個杏汁白肺湯,兩弄水晶蝦球,鮑汁花菇炆鵝掌,魚湯浸時梳,瑤柱蛋白松子炒飯,萬壽果雪耳糖水蒸馬拉糕.叉燒夠腍厚切醃得比較淡口.燒腩仔好好食個皮係鬆脆,啲豬肉仲有肉汁👍杏汁白肺湯唔夠熱,好濃嘅杏仁味,蝦球兩食都做得唔錯,一種蝦有兩種口感,花菇好厚身,鵝掌炆得好入味, 魚湯浸時蔬嘅魚湯,好鮮甜,炒飯乾身唔多油,木瓜糖水夠滋潤.整體上都係好食.

嚟到佐敦逸東軒飲茶 食午餐 第一樣就嚟咗叉燒酥 味道一般唔係太好食跟住之後就叉燒燒腩仔 燒味ok跟住之後就係春捲腸粉好脆好好味 然後 係蝦腸 一路水準都幾好，所以都叫多咗兩籠跟住就係帶子餃好好味另一個 同埋菜苗餃 就一般仲有就係重點之一嘅 花膠雞腳白肺湯～真係超級好飲跟住嗌咗兩個小菜 都冇乜特別不過不失砂鍋煲咁就係魚嚟嘅 同埋上湯菜苗上湯豆苗 跟住就嗌咗個甜品楊枝甘露好好味 咁不過價錢當然都幾貴以前都覺得幾好食嘅，但係呢最近水準好似就冇以前咁好味

小編來到佐敦一間中菜餐廳「逸東軒」，餐廳自2017年起榮獲米芝蓮一星榮譽，呈獻經典地道的傳統手工粵菜，餐廳裝潢以舊上海餐館，有種復古上海的氣氛，茶具以青花瓷設計，為食客帶來星級精緻用餐體驗💛「脆皮逸東烤鴨二食（原隻）」侍應先端上原隻烤鴨，侍應隨後把切好的鴨片上碟，經烤製後的鴨皮呈現出油亮的光澤，中間部份是入口薄脆的鴨皮，外圍是斜刀切成的片皮鴨肉，肥瘦比例完美，鴨肉嫩滑豐腴，鴨皮酥脆而油脂感高🦆 餅皮薄香口感煙韌軟糯，配上青瓜條🥒、京葱條、中和了鴨皮的油膩感，再配上秘製填鴨醬，突出烤鴨片脆肉嫩的鮮味🧡 二食則選擇「鴨鬆炒飯」，米飯炒至粒粒分明，味道不錯🙌🏻「明爐蜜汁叉燒」選用上等半肥瘦脢頭肉，帶蜜糖甜香，肉汁豐膄帶點焦香，口感柔滑軟綿，肥瘦比例剛好，外邊微微焦香，大力推介的米芝蓮星級代表菜👏🏼「脆皮燒腩仔」烤至金黃的豬皮薄香脆，脂肪和腩肉層層分明，肉質肥瘦分明，香味垂涎脂香，入口即化味道郁香豐腴，肉嫩甘香，每啖燒腩仔都是一口大小而絲毫不膩☺️「二弄玻璃蝦球」🦐 是招牌必點菜式之一😋以咕嚕及油泡兩種煮法將大隻的蝦球做出兩種截然不同的味道，油泡肉質夠彈牙🙌🏻 咕嚕蝦球炸過的外皮香脆，偏向重口味

見咁多人講到逸東軒幾抵幾正，又米芝連又乜又七，一於訂枱嚟試試。睇餐牌啲價錢又唔算貴，大部分都係$50蚊左右，對比其他酒店中菜部郁吓都成嚿水一碟，算好平的了。價錢可以，但好老實，呢個世界真係冇死錯人，食完就知點解佢可以平過人。首先服務方面，啲伙記係冇人哋咁attentive，想點菜搵唔到人，想斟茶十次有八次都係自己郁手，想收碟都要將啲污糟碟移出枱邊先有人見到。見佢都唔係唔夠伙記，人手足夠，但都只可以提供到稻香酒樓嘅服務級數，咁我不如返稻香算。食物方面，講幾樣有代表性就知個大概。我哋叫咗個叉燒，茶市例牌都收300蚊，乖乖不得了。啲人讚到呢度啲叉燒天上有地下無，但食落又唔覺有幾巴閉，啲人明顯吹大咗。我食過一檔燒臘檔嘅叉燒，百零蚊一斤，多過佢又好食過佢，性價比完勝。鮑魚和牛穌，$88一件，兩個人一人一件就已經接近兩嚿水，非常𢲡脷，不過完全唔值。話有和牛但完全食唔出，唔好話和牛，連普通牛肉都唔覺有。得面頭隻鮑魚仔先聲奪人，但其實而家鮑魚平咗好多，唔係咩咁矜貴。食過另一間嘅和牛穌，人哋啲牛味濃郁到成口都係，而且好似都冇佢咁貴。千層糕，$48。而家好多酒樓唔再整，唔知咩原因，有人話多功夫，我又唔覺係

今早11時親友约了我们到逸東酒店地库的逸東軒品茗，這不是我們第一次去，但今早覺得来這裡吃飯好受氣。我和部份親友10:58 來到逸東軒，因開車來，從車場乘升降机到B2，被侍應指去餐厅入口的小等候區排隊找桌號，我們是预先訂了座的，當時等候區迫满了人，空氣好不流通；我们知到桌號後從開了的一扇門進入大廳，因為常來，也知道我們桌子位置，未坐下已彼一位女侍應阻攔，要我們回去那狹小的等候區，我看手机已過了開門時間11時，是侍應未準時開門。如果等侯區有足夠空位，我不介意過時未開門在那裡等，但那等侯區實在太小又太多人，我們又有好多長者，那侍應的態度實在過份。就座之后外子說下次即使有人請客叫去逸東轩，也不會再去。我們常去酒店及高级餐厅從未受過侍應這麽不合理的對待。香港饮食業常說生意差，不合格的服務態度好影响顧客再光顧的意欲，我甚少去內地消费，也支持留港消费，但一定會嚴選食品好吃，環境舒服而服務上佳的食肆去消费，觉得多付一點也值得。因為沒想過再去逸東酐，所以一张照片也设拍下，不根替這食肆作宣傳。

作為一位多次光顧的顧客，我對逸東軒這家米芝蓮餐廳的印象依然深刻。每一次的用餐體驗都讓我感受到他們對食材的用心與烹飪技術的精湛。這次我們點了一個二人餐，菜單上的選擇讓人垂涎欲滴，特別是以下幾道菜非常值得一提：明爐蜜汁叉燒這道叉燒真是無可挑剔，外層烤得恰到好處，蜜汁的甜味與肉質的鮮嫩完美結合，口感柔滑，令人回味無窮。三蔥爆斑球斑球的鮮味在三蔥的襯托下更顯得鮮美，彈牙的口感讓人一試成主顧，搭配上特製的醬汁，讓這道菜的層次感更加豐富。瑤柱崧子蛋白炒飯這道炒飯的米飯粒粒分明，瑤柱的鮮香與蛋白的滑嫩相互融合，吃上一口便能感受到食材的新鮮與精緻，是一款不容錯過的主食。香芒糯米卷這道甜品的香芒味道濃郁，搭配軟糯的米皮，口感極佳，讓人感到一絲清新，是輕鬆結尾的絕佳選擇。鮑汁花菇扒時蔬這道菜的鮑汁香氣四溢，配上鮮嫩的花菇和時令蔬菜，營養均衡，色香味俱全。總的來說，逸東軒不僅提供了高品質的食物，服務也十分周到。每一次的用餐都讓我感受到他們對料理的熱愛，強烈推薦給所有的美食愛好者！

逸東軒以其高質素嘅粵式料理聞名，是一間注重食材同烹調技巧嘅高級中餐廳。今次我哋嚟到逸東軒，試咗佢哋嘅幾款招牌菜式，每一道菜都展示咗廚師嘅精湛手藝同對食材嘅挑選。以下係我哋對幾道特色菜嘅詳細評價。逸東叄錦碟（米網蟹肉卷、蜜汁叉燒、話梅車厘茄）作為前菜，逸東叄錦碟展現咗食材嘅多樣性同精緻嘅擺盤。米網蟹肉卷酥脆外層包裹住鮮甜蟹肉，口感層次豐富；蜜汁叉燒嫩滑多汁，帶有濃郁嘅蜜香，甜味恰到好處；話梅車厘茄則帶有輕盈嘅酸甜味道，清新開胃，為後續嘅菜式做好咗準備。呢個拼盤係一個非常成功嘅開場，三款小食各有特色，互相襯托。🍽️🦀🍅玉環元貝煎釀鮮蟹鉗呢道菜係一次海鮮嘅雙重享受，玉環元貝釀入咗嫩滑嘅蟹肉，煎得外脆內嫩，鮮味十足。而鮮蟹鉗則肉質鮮甜，充滿彈性，配合上特製嘅調味，令每一口都係海鮮嘅極致體驗。呢道菜不單止係口感豐富，亦展現咗廚師對火候嘅掌握。🦀金湯蟹肉燴燕窩金湯蟹肉燴燕窩係一道非常華麗嘅湯品，金黃色嘅湯底用上咗豐富嘅蟹肉同燕窩，湯底濃郁但唔會過於厚重，味道清甜，燕窩嘅滑溜口感配合蟹肉嘅鮮甜，令湯品更加有層次感。呢道湯係一個非常高級嘅享受，特別適合鐘意清淡高貴口感嘅食客。🍲🦀十頭鮑魚伴花膠十頭鮑魚係

之前諗住即日訂位，點知真係fully booked。今次預早一星期book位，終於可以喺週末嘆到米芝蓮一星的午茶🫖順帶一提，呢個真係好適合打卡📷 天花嘅射燈角度啱啱好射住食物， 唔似其他餐廳啲燈光打落塊面，所以啱晒出片打卡🌚 枱與枱嘅距離好闊，位置鬆動，聲浪又唔嘈吵，坐得好舒服😀至於服務，見到有不少評語話服務一般，不過今日親身感受覺得唔錯啵！侍應周不時就會幫我哋加水、斟茶，好細心。🥢蜂巢芋角外皮酥脆，芋角餡豐富，芋泥幾滑，不過唔夠熱。🥢筍尖鮮蝦餃蝦餃皮煙靭有咬口，每粒都包得差唔多大小，外型非常精緻。鮮蝦大大隻，爽口彈牙。 蝦餃在配上豆瓣醬太美味了，一人食晒一籠都唔夠！逸東軒完美演繹了何謂皮薄餡靚的蝦餃。🥢薑蔥牛柏葉牛柏葉的大細切到啱啱好，爽口唔韌，配上薑絲感覺好清新。🥢生拆蟹粉小籠包小籠包嘅皮薄得來又唔會易穿，內裏啖啖都係蟹粉又juicy。美中不足的是有少少蟹殼，雖然係可吞，不過有少少扣分。🥢豉汁蒸鳳爪好入味既，對於鍾意食煙靭鳳爪皮的，這個應該不錯。不過我個人鍾意煮到腍晒、溶溶爛爛嗰種，這裏的對我來說有點不夠腍。🥢蛋白杏仁茶湯圓杏仁茶唔會太甜和芝麻湯圓都唔係太甜，剛剛好。推薦！🥢一品點

最近去咗逸東軒食飯慶祝生日，環境又靚又坐得舒服，嘢食就更加唔洗講，超級超級高質！🍽️🍅 話梅車厘茄呢個前菜真係非常清新，車厘茄本身茄味濃，車厘茄同話梅嘅組合酸酸甜甜，食落去好開胃。🍒簡單不過，但係味道好平衡，係一個好好嘅餐前小食！😋🍖 明爐蜜汁叉燒叉燒係必試推介！蜜汁嘅甜味滲入叉燒每一絲肉入面，外層燒得香脆，肉質超級嫩滑，肥瘦分佈啱啱好，入口即溶。🍯每一啖都充滿蜜糖同燒香嘅味道，真係好滿意！🤤🦪 砂窩薑蔥美國生蠔生蠔煮得啱啱好，唔會過熟，肉質仲保持彈性。薑蔥嘅香味滲入生蠔度，令到成個砂窩既溫暖又有濃郁嘅味道，食落去真係一啖接一啖！🍲配埋砂窩嘅熱力，成個煲都保持溫暖，完美！🔥🥬 大澳蝦醬唐生菜蝦醬炒唐生菜，味道濃郁，蝦醬夠鹹香，同唐生菜嘅爽脆係一個好好嘅對比。🦐唐生菜吸收咗蝦醬嘅味道，食落去好惹味，完全係一道下飯菜！🍚🍵 茶 (保溫燭台)呢度嘅茶都好有心思，佢哋會擺喺燭台上面保溫，成餐飯都可以飲到暖笠笠嘅茶，特別係食完油膩嘅嘢之後，飲返啖熱茶真係舒服晒！🕯️