逸廬餐廳 (已結業)

即使惯了每天带住家饭盒返工，间中也会因为出门太匆忙而漏招，记得食友陈真介绍的逸卢餐厅有平价外卖饭盒供应， 一于去买个试试。逸卢餐厅位于中信大厦四楼，属中档次的法国菜餐厅，但同时供应外卖饭盒，吸纳附近返工的白领，每日有两款饭盒供应，星期四的选择分别是咖哩鸡饭及 BBQ 汁猪扒饭，连饮品只需 $25，十分抵吃，但竟然无乜人帮衬，反观楼下大家乐场面墟冚，人龙更排到出门口，认真揾食艰难，想「揾」个饭盒「食」都「难」，点解佢地唔上多一层呢？我要了 BBQ 汁猪扒饭，所谓的 BBQ 汁，是在烧汁内加了一些番茄粒和酸瓜粒，味道酸酸甜甜的，宁舍开胃。猪扒洒上一些胡椒，肉质松化，而连骨的那条脂肪边更是美味所在。由于中信大厦位置比较偏僻，外卖拎到返公司食，饭底只得半暖，好彩入口唔会软淋淋，而且有些椰菜作伴，吃起来不会太寡。买饭盒附送罐装可口可乐，都几慷慨，可惜雪得唔够冻，下次帮衬的话，还是选择跟例汤好过！…查看更多

每个 set dinner 都只系 $168 (plus 10%)，你喜欢要乜再加，任君选择。我地四个人，叫了四个 sets share。可以试多Ｄ。个人最喜欢碟牛，非常美味；梭呼厘是姜汁，我至爱 鱼又好新鲜，食到鸡时，我都已经饱，所以，试了少许饭~ 饭就 glutinous，比较荠，所以，食唔多。仲有支 house red, 同 "牛” & "羊” 好夹！ Yummy 一定会 encore! …查看更多

为左庆祝圣诞节，我地一班好友约左黎呢间餐厅食晏，选呢度除左近公司外，重要系佢啲食物质素好﹗地方虽然细但干净，又有海景睇下。我地八个人坐埋边，一边倾计，一边望景，一边叹美食真系好正﹗讲番正题。午餐价钱由88元至138元，有头盆—沙律；餐汤—西兰花忌廉汤或野菌磨菇汤；如果唔啱可以加钱转款，不过我地觉得满意，所以无人转﹗主菜有Roasted Rack of Lamb，肉质够嫩，无膻味，点埋芥末真系好正﹗Pan Fried Salmon Fillet，唔钟意食鱼既都可以一试，唔腥兼够香﹗Red Chilli Pasta w/King Prawn，虾够大只，煎得好香口，跟埋意粉够饱肚﹗Grilled Beef Tenderloin，够juicy，肉质够冧，好滋味㖞﹗仲有其他如Pan Fried Pork Fillet、Grilled Duck Breast、Normandy Oyster Rice，不过我地今次无人拣佢，所以唔会响度评论﹗西餐当然唔少得甜品，今次我地除左试佢既home made dessert之外，另加拿破仑同埋心太软，呢两款都真系不可不试﹗讲到服务，唔算最好，出菜唔算慢，比起最初系进步好多啦﹗经理系一个冷面笑匠，你唔好谂佢会同你寒暄，总之，食物系跟住跟住上就觉得好好啦﹗…查看更多

My GF picked this restaurant to celebrate my birthday.We both ordered from the set dinner menu which had a number of good choices. For main dish, we chose duck breast and fried spring chicken and they were made nicely. The duck breast was highly recommended.We also ordered some Normandy oysters which were very fresh. If you would like to try them, you would have to call the restaurant to make reservation.Service was good on that evening, probably because there were only a few tables with guests.Our table had a good harbour view, which I think will be even better if there is firework show outside.Location-wise, the restaurant is not in a convenient spot with accessible transportation means but I think it is quite a nice walk with your loved one to the harbour front.…查看更多

星期四, 独个儿去交表交Form, 无所事的行左去中信睇睇, 没有特别发现就大家乐搞掂算数. 看时间是有的, 便往上职兜个圈, 发现平时非常高级的无敌海景法国餐厅, 门口有个 A, B 餐, 内有一个大汽水箱. 呆站了一会, 侍应说, 这是是日外卖饭盒. $25一盒, 包汤或汽水. 而是日餐汤是西兰花汤. 听见只$25, A 是芝士焗海鲜饭, B是红酒烩牛脷饭. 我就要了B餐. 他们动作都几快手, 不一会, 一盒饭连汤, 包好俾我, 交低$25, 慢慢行返公司. 回到自己张台, 饭盒份量非常大, 再找出餐具时, 竟然是中式, 筷子加中式匙羹, 感觉有如食telephone order 外卖店既出品一样. 不过点都好, 好不好食重要过卖相同所提供之餐具. 红酒烩牛脷, 不浓不咸, 汁虽然是我不太喜欢, 稀稀的, 但当你深入去感受其味道时, 那个牛脷, 味道是不错的, 而我说的份量大, 不只是汁多饭多咁强词夺理, 而是牛脷多, 而且菜多, 淡淡地, 食得出没有MSG, 感觉几好, 只是大份到我食唔哂姐. 下次去中信, 唔知其他高级食肆有冇好似呢D咁既外卖餐呢............生意真难做. …查看更多