連文記冰室 (九龍灣)

营业中

休息中

「連文記」這個名稱聽上去好像一間茶餐廳或者中餐館，但原來這裡主打雞湯米線，特別是花膠雞、胡椒豬肚湯。除了荔枝角店，她們還有一間分店位於九龍灣，都是開在眾多打工一族的工作地區，因而正值午餐時間人流頗多，甚或需要等位。店員送上胡椒豬肚雞湯米線($69)時已經香味撲鼻，有很突出的胡椒味，味道上湯底帶著頗強勁的辛，胡椒的辣瞬速在口內四散，喉嚨都感覺到熱熱的，喜歡食辣或者想要暖身的都應該會喜歡這個湯；飲到最底還見到有大量胡椒碎，份量不吝嗇，而米線的質地偏淋，很能夠吸收湯的味道。豬肚夠軟淋件數多，但肉薄亦切得較碎細，吃起來口感不足。雞肉方面驚訝地是一隻雞全翼，還要是完整的一隻沒有斬開，用筷子吃著麵再食全翼真的有點困難，一個不留神雞翼跌進湯內就會水花四濺，會很狼狽你也可以放在骨碟上食，但當你在吃熱辣辣的湯麵時又要轉去另一隻碟食雞，就感覺不方便了。或者是雞本身的質地，肉質都是滑的但接近骨頭的位置雞肉很紅，味道很腥，不能吃得太貼。味道上足料的湯底的確是這間餐廳的優勝之處，但亦希望能夠改善配料的表現，才能夠吸引客人持續地光顧；若你想吃完湯麵暖暖身，也可以來吃完熱湯麵啊。

膽粗粗入咗去印象覺得啲人話食評都唔錯，同行朋友嗌咗招牌花膠雞米線$78隻雞髀好大隻，有兩大舊肉，雞都幾好食唔係冇味白雞肉，但係啖湯就偏淡味如果好期望係濃郁雞湯就有啲出入花膠就相對地都大舊我叫咗農場蕃茄雞扒米粉$56本身都驚蕃茄湯會係淡同稀嗰種完全係兩回事，佢係好濃夾偏鹹感覺上應該味精都唔輕鍾意重味嘅人就應該接受到雞扒就應該都有一塊係碎上，加埋一棵娃娃菜米粉未煮林晒就上嚟浸多陣先冇咁硬整體$56都接受到見到多數人話態度唔好，可能我過咗食飯時間，點半後先嚟同行朋友，一嚟就叫左自己嗰個，我諗咗一陣佢都冇發憫憎，收錢嘅時候都有唔該前，唔該後冇想像之中差

今日去吃連文記，儘管有時多人要排隊，兼需要煮熟，但是送遞食物的速度都很快，在食物質素方面，對我來說都係可以接受的，與一般人的口味差不多，因此我對這間的店舖感覺良好

同個fd食 lunch 好地地食完諗住坐一陣就走，點知個侍應過黎話有第二d客等緊叫我地走，我從未試過俾人錦樣叫走法，平時呢間野d侍應最多扮過黎收碟收杯施加下壓力，但今次直接講出聲叫我地走，真是無法接受，放心，本人唔會再幫襯，平時佢地大把位都叫人搭枱我覺得都仲可以忍下，但唔是下下要挑戰人地底線先，佢間餐廳隔離大把選擇，最少有三間鄰近餐廳都比佢地好，唔明點解做到錦。服務果欄評分如果唔是系統一定最小要俾一分我一定俾零分。至於食物質素方面已經有好多人評論過，自有公論，唔再評價

我幾十歲人 真係第一次見－個收銀阿姐咁差態度 已經見過好多人因為個收銀員 唔幫襯其實淨係同佢講拎外賣 唔使大大聲 又黑口黑面叫人出出面 真係好冇禮貌 感覺我係嚟俾佢出氣我唔入去你間鋪 你又點知我要拎外賣就算你真係有咁嘅需要出出面 其實都可以好有禮貌咁講 唔需要呼呼喝喝食物質素不斷下降 我公司好多同事都唔再幫襯 就算你係正我哋公司樓下 我哋都唔想出錢受氣個收銀阿姐可能係老闆娘 但都真係好少老闆娘咁樣趕客法真係大開眼界 希望收銀阿姐繼續態度惡劣 繼續趕客

大佬！外賣雞米線居然成執雞毛，當堂冇晒胃口，有冇咁離譜呀？！幫襯咗幾次，真係唔敢再食。平時用網上外賣平台落單攞得又唔出聲，而家仲要咁污糟，想食死人咩？真係太過份！

啱啱落單唔夠1分鐘就即刻上到有得食，叫咗個咖哩雞扒飯，咖哩冇咖哩味，薯仔洋蔥放好多，食嚟食去都係洋蔥，冇乜汁，雞扒細過手掌，咁就盛惠$53。多人幫襯我理解，但啱啱食完放低餐具就即刻收走碗碟好似想趕人走，服務、味道都好唔掂。

之前係荔枝角都食過連文記，覺得唔錯，知道公司附近有分店，梗係要去試下啦！依家分店比起荔枝角果間更加闊落同光猛👍🏻叫左竹笙雲吞雞米線，一上枱就見到有好多竹笙，正啊😍😍😍雲吞有兩粒，雖然唔係想像中咁大粒，但係味道都唔錯👍🏻至於主角呢，分量都幾多！有雞鎚 雞翼 雞尖，再有兩舊雞🐣 雞肉都唔會好鞋湯底好鮮甜，唔會覺得溝左水或者味精！唔會死鹹，飲曬成碗湯都唔會覺得好口渴👍🏻 六十幾蚊食到咁多料同咁好味嘅湯米線，的確唔錯，會再幫襯！

今日係長沙灣既連文紀叫左佢招牌花膠雞湯飯外賣，一打開好大陣酸臭味，湯入面有大量芫茜，完全成碗湯淨係得芫茜味，飲唔到花膠雞湯既味道，食左兩啖已經食唔落🤮🤮🤮唔會再食仲要賣到成$72，完全唔值。

轉左工到九龍灣做嘢, 之前係荔枝角返工已經多次幫襯, 估吾到嚟到返工附近都有一間😍同事差不多隔日去食, 推介花膠雞及胡椒豬肚雞米線, 原來花膠雞係限定每日數量不多, 去到已經沽清了, 咁就試食佢地厚冬菇雞米線, 冬菇好厚身炆得好入味, 雞比肉身好滑份量好足（女士可能食吾哂）食完又冇口渴感覺👍凍O茶正常略嫌小冰侍應招呼不錯, 效率超快, 由落單到埋單前後講左3, 4次多謝。見到對面枱客人漏低手提電話, 執枱同事見狀立即追到出門口給回客人😀埋單時見好多客叫自取外賣胡椒豬肚雞飯, 下次一定要嚟試吓😋

第一收錢冇耐性；我後面又冇人排隊。叫咗個胡椒豬肚米線 因為叫外賣湯分開上 所以先試咗湯先、個湯好鹹， 堂食一齊上 唔覺、隻雞冇味。胡椒豬肚湯根本就唔係咁 ；後加啲胡椒落去就當豬肚湯，真係唔值尼個價錢 ，真係比垃圾。

瑞士雞髀飯個雞髀有點小，肉質普通，有改善空間，反而瑞士雞翼滷水蛋飯不錯有三隻雞翼而且因為雞翼體積較小，所以鹵🉐️入味。個滷水蛋也不錯，夠入味，因為這個餐份量多，所以食得飽肚。凍檸茶不錯，少冰都夠凍，不過要加$4 太貴，一般茶餐廳也只加$2-$3。這間餐廳的可取之處是侍應唔錯，有禮貌，效率高，一入去便殷勤地招呼。然而，九龍灣那麼多茶餐廳，要吸引人再光顧，必須提高食物的品質，而且價錢亦應該合理。此外，見它的下午茶選擇也相對較少，沒有飯，相信加多些選擇會吸引更多顧客！

第一次泥到連文記，一直聽聞佢既雞湯米線樂正，一定要試下咁！所以就同朋友泥開呢頭試下佢個米線！我就叫左酸菜魚魚腩魚腐米線！好驚喜佢個湯底唔只係酸菜味，仲係好香濃既雞湯湯底！魚腩有3-4片 魚腐都有3-4舊！夠哂足料！配埋紅豆冰夏天真係一流！

竹笙雲吞雞米線❤️嚟左幾次因為係度上堂拎上去食員工有心機逐個介紹唔會嫌煩，D湯冇味精又唔口渴Btw, 有客俾錢跌咗＄，個cashier都追住執返俾客，路不拾遺要讚👍🏻

雖然【連文記】的招牌突出，但是【連文記】位於九龍灣常悦道的盡頭，從德福商場行去都要十多分鐘，因此每次想去食都卻步。今日放早，所以下定決心行去試下！ 【連文記】主打雞湯米線泡飯，不過下午茶餐裡面沒有主打的雞湯米線泡飯……都係放棄，揀了經濟的下午茶餐。 【咖哩牛腩撈公仔麵$39】咖哩牛腩及公仔麵分開上，客人按自己喜好加入咖哩汁在公仔麵上。咖喱不叫得香濃突出，但是牛腩軟腍入味，薯仔入味，只是少了牛筋。公仔麵的麵質軟硬度剛好，配合上咖喱的香味，味道惹味。咖哩質感洁身，咖哩汁掛麵效果佳，口感比較厚身，這是筆者喜歡的咖哩質感。公仔麵配塔不同材料、調味都出色好食。雖然公仔麵不健康，但勝在可以配上不同材料及調味，非常百搭。咖哩牛腩及公仔麵分開上，份量足夠拌勻整碗公仔麵有餘。凍奶茶……只飲到糖漿的甜……