逍遙食堂 (已結業)

成日見到呢間逍遙食堂外邊坐了幾張枱，雖然幾個職員經常悔氣而黑面，不過有次終於試吓買外賣，實際接觸，態度又不算太差。卒之扚起心肝試一試，因為它的食品賣相也不太差，夠大份而且夠誠意。沙嗲牛肉配意粉，意粉沒有試，牛肉的沙嗲醬都夠香濃，牛肉不算醃到沒有肉味那種，份量亦都不算太少；另外的炒蛋都放在裏面，不過因為麵分上下兩層，隔開湯，因此炒蛋放在上邊都沒有問題，而且蛋都夠滑，味道也是不錯。多士使用厚的那種麵包，然之後中間牛油都不算太少，也是相當不錯的。據說現在晚黑時份，店面還增設兩三餸飯，妻子說曾見過有阿姐在買飯時撩店子的靚仔哥哥

收工食晚餐，平時成日都經過呢間但無試過，今次就入去試下，見佢晚市多選擇又係附近。叫咗個意大利黑醋豬軟骨配意粉，我平時食野下限都幾低，但佢個豬軟骨真心難食，一路食一路搖頭（唔浪費食物），佢切到正方形肉丁咁，細粒到食唔到豬軟骨既軟骨口感，最緊要佢肉係好柴，柴過煲湯豬肉，味道仲偏淡，食落同湯渣好似，意粉就正正常常，份量都合理，味道就真係有好大進步空間，反而跟餐既雜果沙律幾好食。其他無試過唔評論，但豬軟骨完全唔建議叫。

很喜歡港式早餐❤️，除了充滿香港風味，又有麵又有包又有蛋，配上一杯合心的飲品，真心無得輸👍。那天去完醫院🕙，行返超級城附近搵早餐，經過這間新開的逍遙食堂，光猛，整潔，好！就一試！⭐️榨菜肉絲米粉和沙爹牛肉通粉保持一貫茶餐廳水準，湯很鮮味，難得。份量大，不知不覺便飽。⭐️牛油餐包好好味，牛油溶入包中，正！⭐️我點的咖啡☕️，意外地咖啡香味很平均，雖然不算十分濃郁，但入口咖啡味十分，我都不自然讚揚了咖啡好飲。😊雖然是十分普通的港式早餐，但質素中上，值得再次光臨！逍遙食堂地址：大埔安慈路3號翠屏商場0009號