44
25
10
港铁铜锣湾站 F1 出口, 步行约2分钟 继续阅读
所有分店 (2)
电话号码
23618328
55868683 (WhatsApp)
营业时间
今日营业
11:30 - 22:30
星期一至日
11:30 - 22:30
付款方式
现金 八达通
食记 (112)
等级4 2018-07-11
2561 浏览
要追饮品店就无谓,根本追唔切。避开最初嘅人龙,到而家先试到呢间喺台湾好红(?)嘅迷客夏,可能有太多新店涌现加上已开一段时间,周日虽然有小人龙,但下单到取饮料都系十分钟内嘅事,可以接受。餐牌分茶、鲜奶、奶茶、芝士奶盖、特调饮品,定价$16-36,杯子容量唔大。大部份饮料可自选糖度、冰度,关於甜度设定,半糖系等如正常糖。配料可加珍珠、红豆,一律$4。听好多朋友讲话芋头鲜奶好人气,不时会卖光;当日系星期日下午茶时间都仲有,好彩挂,买左两款相信系比较人气嘅产品。相对而言,还是觉得芋头奶比较突出,可是价钱有点小贵。大甲芋头鲜奶 $32/微冰过往只系饮过茶汤会嘅芋头类饮料,此芋头鲜奶几啱我口味。见店员以雪糕勺份量嘅芋头蓉加奶制成,纸杯装。芋蓉份量不少,唔会打到好细碎,口感腍身,相信制作时已加糖份,芋头带一定甜度。一向唔系芋头控,太raw太淡嘅芋头我就麻麻地,呢个甜度刚好,饮完有饱腹感。台湾迷客夏用自家牧场生产嘅奶,确系卖点;可惜香港店用绿田源,顿时少个特色。不过讲真我唔系奶专家,未饮过台湾店出品,唔系见到盒奶分到咩,哈哈。奶滑但味唔会太浓,同带甜嘅芋头总算配合,属於我会回购嘅芋头饮品珍珠手炒黑糖鲜奶 $28/微冰按店员建议点微冰,冇透明杯打唔到卡,视觉影响唔到味道。饮品到手时黑糖、鲜奶已融合,直接饮用。冇黑糖浆入口嘅高甜度,反而有阵近乎嘅焦香味,持绩到尾都冇奶水感觉,同好多之前试过嘅黑糖奶唔同。饮过老虎堂、鹿角巷之类,未必喜欢啊。我系蚂蚁人,比较喜欢嗰种冲入口嘅黑糖浆味。珍珠自家制,冇加焦糖色素,呈透明状,口感烟韧,食落冇黑糖味,只系甜甜地,听讲话系蜂蜜 继续阅读
(以上食记乃用户个人意见 , 并不代表OpenRice之观点。)
作为台湾大学生票选第一,加上开业买一送一,最後好有毅力咁排左个半钟再等左个几钟先有得饮,下昼已经无哂黑糖芋头同奶盖。一去到只系兜左个圈,但系都排得几慢下,唔知系咪大家都停一停谂一谂要叫咩,呢度都排左个几钟先叫到野饮。新开业既几日只要留言同埋Like佢地既IG或FB,就会有买一送一同埋五蚊优惠卷可以用,不过呢个优惠已经完左喇。入面有一啲关於台湾既画可以见到,野饮店黎讲唔算细不过太多人大家都迫埋哂系入边,真系人山人海咁劲。店员密密冲密密冲,不过见到有一啲系冲俾自己识既人饮就打左尖,如果唔系既可以更加快,见到店员整好多珍珠落去杯度。叫左两杯《出云抹茶鲜奶加珍珠》($36),白珍珠用左冷热交替同蜂蜜浸泡烟韧又甜蜜,抹茶用左出云抹茶够清香,不过无用透明杯睇唔到靓爆渐层。《柳丁绿茶》($26)台湾一出真系超疯狂,用上嘉义橙汁加绿茶,绿茶甘香橙汁多香仲有啲果肉好新鲜,消暑一流。店名:迷客夏地址:铜锣湾利园山道17号餐牌: 继续阅读
(以上食记乃用户个人意见 , 并不代表OpenRice之观点。)
等级4 2018-10-05
82 浏览
十月已经过咗几日喇,天气开始清凉,但懒嘅人又未曾转季,仍然衣衫单薄,行咗几个钟头冷气商场觉得好冻,又未够钟食饭,於是乎就拉阿肥嚟呢间<迷客夏>买杯热饮暖暖胃。((话说铜锣湾区嘅台式饮品店,本小姐只系净番呢间人气较高嘅未尝试过)) 去到呢个moment,竟然呢间店舖嘅人龙仲长过隔离舖嘅欣子丹(?!)因为阵间仲要食饭,唔想因为饮完杯嘢已经饱咗,心里面已经好肯定唔会叫珍珠奶茶嘅类别,所以都企咗喺度纠结咗一阵先决定到自己要一杯"出云抹茶鲜奶",而阿肥就叫咗杯"柳丁绿茶"~个名果然系好台式叫法~ 收银员妹妹都几好礼貌,好亲切咁介绍我唔好要正常嘅味道,因为都会几偏甜下,所以我就要「一分糖」就算喇,阿肥亦都嗌咗微糖微冰。 买完单大约几分钟就出嘢饮,我嗰杯的确好热,拎住都要小心啲靠边拎比较穏阵,饮落味道真系啱啱好,几有奶香不过唔算浓厚,抹茶都几滑不觉苦涩,热饮嘅份量都不失大杯,我都几锺意。阿肥话佢杯柳丁绿茶都唔错,唔系用果gel而系鲜榨橙汁,冇乜冰嘅情况下所以味道唔会沟淡,茶味清香。 继续阅读
(以上食记乃用户个人意见 , 并不代表OpenRice之观点。)
等级3 2018-10-04
49 浏览
平时都有饮开 milksha ,今日见到买3杯以上,就会送精美的杯套一个😍😍,但我一个人饮不到三杯😅😅🤣。最後都系买咗一杯,今日饮冬瓜清茶加珍珠,原来珍珠系白色嘅,好烟韧好弹👍🏿👍🏿。 继续阅读
(以上食记乃用户个人意见 , 并不代表OpenRice之观点。)
继上次既黑糖之争 - 壹。今次就同大家比较下另一条街既两间黑糖珍珠鲜奶热店。「迷客夏」舖头都好大间,装修都几靓,有张云石台可以影相呃like。可惜呢间舖系视觉上比其他台式饮品舖头更唔吸引更无透明度。暂时饮过唯一一间白色杯既,完全睇唔到入面既黑糖花纹同珍珠,系外观上比较输蚀。呢间「黑糖珍珠鲜奶」比较特别,因为佢既珍珠系白色所以就无乜黑糖味,黑糖味应该来自牛奶,但饮落个感觉系珍珠比较甜完全抢左牛奶既风头,而且唔知点解饮饮下会自然出现一阵茶味,都几有趣。其实我见舖头有大甲芋头鲜奶,有机会既都想去试下饮🤤「迷客夏」每次都会透过以下6大方面评分(满分:30分)味道 : 2.25 / 5环境 : 3.5 / 5外观 : 2 / 5价钱 : 3 / 5服务 : 2.5 / 5 回头率 : 2.5 / 5总分 : 15.75 / 30性价比 : 呢间舖头暂时最特别既系佢既装修同白色珍珠,但系味道同外观同其他黑糖珍珠鲜奶比较为逊色,不过佢都有啲比较少见既特色饮品,希望有机会试完可以再分享下俾大家知。 继续阅读
(以上食记乃用户个人意见 , 并不代表OpenRice之观点。)