達磨日式拉麵

朋友好鍾意食拉麵，因此經常拉我到大坑的達磨拉麵店食午餐。我和朋友點了人氣首位的達磨一品豚骨拉麵 - 拉麵的湯底充滿豚骨湯底的濃郁而且還有些芝麻香味，而且混入明太子的湯，味道更昇華，但略嫌湯太小。而叉燒比較乾硬，味道一般。但豚肉上的五花腩，肉與肉之間的脂肪，在入口時卻不會感到油膩，豐腴之餘，不失嫩滑感。另外，麵條質感軟硬適中，配合湯汁和麵條入口，簡單又美味。 …查看更多

久未光顧達磨，剛走過回味，以前排隊厲害，現在都幾多客但唔駛等位了。招牌拉麵，湯都美味，但現在有得比，人家濃郁得多，蛋流心，叉燒鬆軟。仲點咗餃子，麻麻地，皮厚咗同靱咗啲。…查看更多

身為拉麵迷一有機會就去試被人好評的拉麵店，達磨算是香港拉麵潮興起的早期拉麵店。達磨一品豚骨拉麵，豚骨湯底濃膩，膠質重，不是個人喜歡的湯底。拉麵幼身，有點過軟，叉燒少肥，軟腍有油香，溏心蛋流心有蛋香，雖然我喜歡明太子，但明太子似乎對整碗拉麵的味道起不了added value。…查看更多

從天后港鐵站B出口，之後過對面馬路，沿銅鑼灣道一直行，大約行10-20分鐘才找到這間拉麵舖！看見這間拉麵舖的鋪面並不很顯著！麵舖不是很寬敞，座位都不够20個！當座落之後，看見餐牌，餐牌設計非常簡單，沒有太多選擇，最主要食拉麵！我就order鋪裡最出名的達磨至尊豚骨拉麵，看見這碗麵的擺設很簡單，但食落味道殊不簡單！雖然是豚骨湯底，但膿而不肥，味道很有豚肉味！自家腌製豚肉及叉燒很入味！價錢又不太貴！值得一試！…查看更多

I was really disappointed:  1.  The food looked nothing like the one in menu.  The size was about 2/3 only.2.  Some of ingredients are hot and some are fridge cold (ramen hot, corn cold, bamboo cold, pork hot).  In a true ramen shop that would never be the case. 3.  The last few of the bamboo shoot tasted "off".  I hope I won't be sick.  Truly expensive for what it's worth.  …查看更多

若干年前，三表好帶小妹往大坑達磨嚐日式拉麵，小妹初與拉麵結緣，且一吃愛上。是晚，回家路上，路過達磨，憶起往昔點滴。好吧，2014年的最後一天，就讓自己放蹤任性吧﹗雖則答允了母親大人回家吃晚飯，然，吃一碗拉麵，不太過份吧……時間尚早，門外沒有大排長龍，然，店內也只剩下一兩個空位。適時，除了幾對情侶，兩三個如小妹般獨行俠外，尚有兩家人一家大小四人在吃麵。擠逼的小店，溫情的小家庭，再加上拉麵冒出的熱氣，店內洋溢著一片的溫暖和喜悅。匆匆地看了餐牌，揀了達磨一品豚骨醬油拉麵$88，貪其料多味濃，祈求有個豐足充實的2015。負責樓面的男子，仍是多年前的那一位，態度親切有禮，疑是店主也。因為，打工的，不太可能如此賣力。達磨一品豚骨醬油拉麵的配料，真的十分豐富，且多樣化，啱晒貪得無厭的小妹。豚角煮、叉燒、溏心蛋、明太子、紫菜、筍乾、粟米粒、芝麻蔥花和紅椒絲等，井然有序地鋪在拉麵上。先講豚骨醬油湯底，油花不多，幸啖啖濃郁醇厚，質感未算十分濃稠，湯底也偏鹹了少許。醬油雖香，然把豚骨香氣掩蓋了，頗有喧賓奪主之弊。幼身的拉麵，稱不上彈牙爽口，且偏腍了少許，未能獲得小妹的歡心。明太子鹹鮮味十足，不過，若混入湯中，就如把一粒沙抛入海中，毫無作用可言。個人而言，喜歡把少許拉麵拌入明太子，一口吞下，煞是過癮﹗紫菜、筍乾、粟米粒、芝麻蔥花和紅椒絲等，相對而言，不過是閒色，徒有添色添味添口感之用。當然，沒有了它們，拉麵也會黯然失色的。一圓塊的豚角煮和三片的叉燒，無疑是這一碗拉麵的亮點。豚角煮肥瘦肉比例適中，長時間燜煮後，肉與肉之間的脂肪層，融為一體，咬下脂肪軟腍富油香，然不覺油膩。不過，某些瘦肉部分肉質有點嚡口，略感可惜。叉燒也是肥瘦肉相間，入口肉質軟稔不嚡口，雖未算是極品，略比豚角煮為佳。達磨的溏心蛋算是不錯，半凝固的蛋黃，質感細滑，蛋味濃郁，且富滷水醬汁香味。…查看更多

We tried Daruma around 1 month ago, we have finally finished trying all the ramen shops in the Tai hang area. While Daruma is not a disaster, it just is relatively the weakest food in that area. I would only go again if I dont want to queue in the other shops and desperate to have a ramen.atmosphere & service: this is probably the only +ve thing. you dont have to queue here. the seating is quite spacious. the staff have good attitude.soup: very flat, maybe 5 out of 10. not very special.ingredients: noodle, meat wasn't very tasty. just normal.price: slightly more expensive than other shops in taihang (its on main street).…查看更多

星期六Lunch又唻大坑開餐，途經達磨，就入去一試，點咗R8拉麵，R3拉麵及餃子。湯底夠熱，麵質唔錯，混合明太子偏濃味，义燒份量好足且肉質鬆軟好食，糖心蛋亦好食。其中一碗麵漏咗木耳絲，店員都好有禮貌補返。餃子香脆熱辣辣，內料足，好食。整體唔錯，有機會定會再去試嗰個紫薯餅，因今次太飽冇食到 :)…查看更多

一直都冇寫食評的習慣， 今次我真係忍唔住要寫第一次食評， 因為團購既關係所以試呢一間拉麵， 我同我隻青蛙仔（老公）每人一個餐，我就是豬骨拉麵，佢就食醬油豬骨拉麵， 首先個湯底好似味精湯， 冇豬骨味 ，叉燒冇驚喜 。最差係個麵， 麵好林，成個麵糊咁，我哋一向唔係鐘意浪費食物，但係今次真係無能為力，食咗一啖已經放棄，唔會有下次。…查看更多

唔知咩時候慢慢愛上左拉麵, 為求尋找一間自己喜愛既拉麵當然要不段嘗試啦!又黎到大坑, 今日簡左 達磨. 咁啱有枱客走所以唔洗等位,哩到裝潢同平時既拉麵店唔同, 落單都唔同 哩到冇得點選自己想要配料主要有三款唔同既味, 我個人比較愛嘗原味 所以簡左(R7)達磨豚骨拉麵, 仲叫左明太子饟雞翼唔知點解我塊紫菜要擺成咁... 拿起紫菜 喝一口湯 熱騰騰的. 配料上一覽無遺 少少量既蔥少少量既木耳豚角煮 半肥瘦入口唔會 "鞋十十" 味道唔算太入味唐心蛋 煮得剛剛好 不過又係滷得唔入味 仲有的淡...麵質 已經用上粗身麵但係入口已經變得淋身.. 冇咩質感至於湯底呢?! 湯底 絕對係成碗拉麵中最好味既!湯頭一D都唔稀 亦唔是太濃稠 對我o黎講 哩種密度剛好 明太子饟雞翼 哩下野... 佢黎錯左 變左菠菜饟雞翼比我但係友人已經挾起左 所以算啦... 食落口... 只能說我識菠菜... 唔係咁既味... 嗯....如果問我會唔會再黎... 應該就未必喇... 除非冇得揀啦~:)…查看更多

今日經過開大坑，見到達磨門面好似ok，加埋睇咗門口段介紹既video，講到水質、麵同叉燒都有好高要求，所以膽粗粗走咗去試。去到冇咩人，完全唔使等位。一坐低就俾咗杯水我，不過未飲已經個杯聞到有少少味，陣味有啲似枱布味，但口渴都飲咗兩啖，水啲味就正常。當我睇menu時，一個滿身煙味既職員由門口入黎，之後佢同其他人吹水，係咁爆粗，令我覺得有點煩擾。最後揀咗達磨一品拉麵(R8)，見佢係人氣No.1，相信唔會難食得去邊。湯底係有少少「酥」豬骨味，濃度正常；麵質彈牙而有蛋味，不錯；糖心蛋甜中帶香；不過叉燒一夾就碎，味道一般。配料方面比其他拉麵多咗啲蟹子，不過同個拉麵好似唔係好夾。整體黎講麵既味道中規中矩，不過水杯既問題，所以我味道同衛生俾少咗分。職員係度爆咗好耐粗，加上成陣煙味，服務又扣咗分。…查看更多

有朋友介紹專程黎試下～位處於大坑區，天后地鐵站附近，唔算好方便，不過相對人流唔多，等一陣就有位～店內環境幾舒服，而且有唔少小食揀～拉麵試過一兩款都好好食，可以隨便點～小食超推介《芝士年糕》!! 熱熱既流心芝士真係無法抗拒 =v=…查看更多

拉麵是其中一樣我喜愛和經常食既野食...和男友都去過不少拉麵店食拉麵。我到過達磨好多次, 因為是我認為最好味既! :) 雖然我有不少拉拉麵店都好味，但覺得達磨的湯和麵身較滑~而且每碗至少有4-5舊日式叉燒/豚角煮，唔使就住就住食~每次我都直接點一個R8 (達磨一品豚骨拉麵). 但今天想食點辣。要了一個辣味噌叉燒拉麵 ($88)，男友點了辣味噌豚角煮拉麵 ($78)每碗都有一塊紫菜，1/2隻溏蛋 同明太子。明太子同拉麵一起食真係好夾。辣味噌湯是微辣，味噌不太多但都好味同好開胃如果和達磨一品豚骨拉麵，我覺得還是豚骨拉麵湯底比較好味!店內環境舒適，唔使坐得好迫:)…查看更多

又到左一支公拉麵時間， 今日收工去左大坑，原本想食BB, 點知已經打烊， 就去左附近既“達摩“. 還記得上次食時感覺還不錯的， 今次一入去~不用等有位！爽坐低。。。what?做咩比個茶餐廳menu比我？ 打開入面先見到正常拉麵menu....點左角煮豬骨醬油，諗住比較夜唔想食咁膩，但又想食豚角煮等左15分鐘到，上台。。。我最初以為係純豬骨，飲左兩啖湯都無咩醬油味，問第一個待應佢都話係豬骨，係第二位資深少少既話無比錯，係醬油。。。fine...其實個湯底唔係傑，我覺得還好，但真係唔算突出。。。同埋我有強烈感覺點解咁似丁丁豬骨味 再夾啲拉面上黎！！！更似丁丁面。。。爽口的，可惜唔挺身，就這樣，我就比$78食左碗高級出前一丁:(唯一可取的是個豚角煮好食，入口都溶化，半肥半瘦的最後的流心蛋不過不失，蛋味算濃郁配料ok但主要的麵同湯底真係嚇親，可惜可惜…查看更多

與同事行完年宵，帶他們試一試大坑達磨拉麵。還記得第一次食達磨，覺得好好味，今次再來，沒有失望，依然好味。點了達磨一品豬豚拉麵($88)，內裡有叉燒、豚角煮，薑絲、明太子，木耳，紫菜，溏心蛋、蔥花。湯底很清，不油亦不鹹，比超其它拉麵鋪頭的死鹹及死油好好多。麵質軟硬適中。豚角煮及叉燒是半肥瘦，愛肥豬肉的我十分滿意。肉質亦很腍，肥豬肉部份入口溶化。溏心蛋的蛋黃做到6-7成熟，蛋黃有少少流心，算是合格。薑絲及明太子加強了整碗拉麵的味道，另味道更複雜更有層次，是整碗麵的一個亮點。如果單一獨立所有材料與其它麵店比較，達磨可能有輸的地方，但如以整體性來比較，達磨絕對是拉麵間的五強，值得一食再食。…查看更多