影片
食家推介
好耐冇咁投入食一顿饭啦，咋日试咗间餐厅，开心到唔得喇 🥳！洋葱汁安士牛扒配上意粉，简直系滋味满分！牛扒唔止外皮煎得香口，入面嘅肉质嫩滑得嚟又带咗少少嚼劲，咁香浓嘅洋葱汁，真系岩哂我杯茶。每啖牛扒，洋葱味道都好够晒，真系劲正💯！冻奶茶就冇得输，系咁滑咁香，茶味够晒劲，简直系解渴又解馋嘅完美选择！估唔到慢工出细货，两位店主剪烛夜战，一手一脚忙嗮，睇得出佢哋真嘅放心机整饭。虽然等嘅时候有啲心急，我钟意食物用心准备嘅感觉，咁嘅味道值得等！又系啦，对我哋呢啲放工食饭嘅人黎讲，可能就要做好心理准备，唔可以太赶💨。不过啖啖肉，真系食到个肚好满足，满足到都忘记左啲油烟味。返到办公室𠮶阵，胃口仲系好开心嘅😋！下次要试埋佢哋嘅其他拼盘，仲计划紧同几个老友记一齐去，咁就可以食得更加尽兴啦！
继续阅读
最近到咗一间唔错嘅餐厅，食咗几样野我心水咗！首先嚟碟牛扒搭配鹅肝，啲牛扒咬落去肉质松化，煎至金黄色外表，欣赏到当中火侯掌握得啱啱好，略带弹性又唔会太嚡。𠮶个黑椒汁轻身啲，食落又唔会过于呛辣，同扒媲美嘅就系鹅肝嘅滑溜口感同醇厚嘅味道👍！再讲讲羊架，呢度嘅香草汁伴随住，感觉提升咗整个菜嘅层次，羊架烤得微微金黄，啖啖肉感唔错，虽然烤得有啲过火，但总体来讲仲算顶级。汤嘅部份我拣咗香草忌廉汤，饮一啖，清新草本香气拂过口腔，粟米味几突出，而且滑溜得黎有点甜，令人回味无穷。配菜做得简单得很，但鲜美脆口嘅西芹真喺几健康。最后要赞赞店员热心嘅服务同老板嘅关怀，每逢问答总系热情又贴心，体贴我哋味觉需要。心水推介做得出色又有人情味嘅餐厅，食过之后令人满足嘅大饱口福😋🍔🍴!
继续阅读
前言我一直想写多篇食评俾九江街农场，事关我之前写既一篇农场食评竟然写错左系佢既分店到。正文临近中秋，陈老板日日都系社交平台出优惠，见到咁抵玩，作为CP值之鬼紧系要去试下。所以今日出开太子拎大班冰皮同买奇趣既出炉月饼，就顺便去农场开餐。可能因为有优惠，今日都几满下，得个吧枱可以坐。坐低后我就静鸡鸡走过去用优惠落单，跟手加多个是日小食。小食先埋枱既系照烧秋刀鱼拼咖哩三文鱼头。一如以往，10蚊大大份小食。秋刀鱼解冻得好，味浓唔梅有咬口，食到果阵鱼油香同铁味，但照烧汁太多，唔拨走啲汁比较难入口。而三文鱼头因为本身有先炸过，唔腥易入口，不过个咖喱味较人工，冇香料味。短评： 小食汁还汁鱼还鱼，层次欠奉。不过作为主角既鱼正常发挥，以10蚊既价钱，已经系超满分水准。主菜老板见我差唔多食完小食，就开始煎块牛。到我食完小食果阵就，块3成熟12安士既美国西冷就上枱。西冷正常系较韧，不过呢块美国西冷牛味浓郁、肉汁丰富，黑椒味点缀下，要人𡁻多几下都无妨。伴碟既蕃茄同羽衣甘蓝亦都鲜甜可口。仲跟埋意粉包你食饱。短评：牛扒朴实无华，大概系 donki $60/250g 既水准，不过同小食一样，就系层次欠奉。假如牛脂起镬，同蒜头香草一齐香煎，再加小小黑椒海盐调味已经可以升一个等级。最例牌送上既凤凰卷。一般，略。结语因为已多次惠顾，老板再计平我5蚊。埋单87，平到我都唔好意思。唯有祝佢中秋快乐、生意兴隆啦！评分牛扒 $82cp值 - 5/5味道 - 4/5 （比较范围：$100-$200）Overall - 4.5小食 $10cp值 - 5/5味道 - 3/5 （比较范围：$50-$100）Overall - 4
继续阅读
其实帮衬左唔少次今次带埋朋友去试大家都觉得几好食所以想写食评分享比大家知呢间舖冇youtuber讲得咁差个牛肝菌汁我试过几次都好正常架😂 三个人lunch去食1. 牛肉眼配意粉（蒜蓉汁）我叫左少意粉呢个牛size系6-8oz $88牛我叫5成熟，肉质嫩林青椒都煎到焦香 2. 鱼柳意粉（蒜蓉汁）呢个size都系6-8oz $68朋友话都ok，系咸左少少图片系佢切左几啖先影 3. 牛肉眼配薯仔（洋葱汁）呢个size就系9-12oz $128个薯仔有啲似薯蓉，但又唔完全系仲有一旧旧薯仔质感有调味咸咸地香香地，我觉得几好食！呢块扒都系叫5成熟但食落比上面果块硬身同干身啲但都ok真心唔差朋友第一次试呢间餐厅都话喜出望外 我地有两位加$10饮佢个汤系好多蔬菜既牛肉蕃茄汤似中汤西芹好爽脆清甜不过本身食牛同意粉已经好饱都食唔晒啲配料 另有送左啲杏仁粒蛋卷话系甜品不过觉得唔太夹同埋都饱啦所以都冇食晒 我食过呢间唔少次坦白讲个水准唔算100%稳定例如有时食到啲牛几韧几年前食晚餐同午餐都试过等好耐先上菜但觉得老板有心机做近排出餐时间都正常同埋真心欣赏佢啲牛唔系出面落晒松肉粉好假果啲，同埋有牛味佢啲汁同配菜都几有自己特色当然佢环境唔系好好eg食完个身会有油烟味深水埗街坊有时讲野好大声等等 但整体对得住价钱我觉得抵食架亦值得比个机会佢 附上餐牌（呢排改过几次）
继续阅读
未发生KOL事件前,已有帮衬,再听完个新闻发觉太多人去炒作或攻击,所以再去食。 当晚大约20:35去到,已经有两围台有人坐紧,嗌左个9安黑椒汁牛扒五成熟$78 , 一上台,吓左一吓,大份到根本就系两人份量, 略嫌个汁多左D, 但个牛一D都唔韧, 虽然饱, 但为左尊重厨师, 都将成块牛扒消灭左, 非常有满足感, 而且绝对唔系出面D人老吹到点样好食法既𠮶D餐厅, 又韧又鞋又冇肉味又味精重。 所以整体尼讲对今次既评价好满意同食得十分满足, 起码食左唔会狂饮水。
继续阅读