影片
我同个F都系鱼不欢，想喺黄大仙附近揾食，要找一间性价比高的餐厅实在不是易事，友人就为我介绍了这间位于飞凤街嘅农场盘菜之家，点咗我哋大爱嘅A餐$58蕃茄烤鱼，好快, 一个长方形的盘装住一条成个盘咁长的鱼上枱,鱼面铺满了炒香了的蕃茄, 鱼的四边也放满了洋葱, 香芹, 大葱等等的配料, 鱼可长期保持热度。而且闻到好香的蕃茄的味道, 非常吸引, 用炉火馨住个鱼盘好快功夫己经开始番滚, 味道也越来越香浓！原来鲩鱼都可以咁好食！！！另外，还可跟蕃茄一起吃以刺激一下口腔更为惹味。鱼肉质很鲜嫩厚实，全冇泥腥！鱼是鲩鱼🐠🐠🐠, 虽然有骨, 但肉质好鲜嫩,鱼骨都是大大条很容易取出, 所以食起上来都不是太复杂, 少少酸少少甜, 很是开胃, 除咗鱼好食, 个盘里面的配料香芹, 洋葱及大葱一样都是咁好味, 全部煮到入晒味, 又索了鱼的鲜香, 这些配料超好味! 好似将酸甜提升至另一个境界！ 最开心是加$28蚊仲可以多个鸡煲🐔🐔，鸡肉肉质滑嫩,吃起来相当的多汁又鲜甜。好著数超抵食！好满足！！我哋饱到几乎要扶墙走😘😘😘！下次我行开来黄大仙呢头, 我都会再帮衬!
继续阅读
同朋友去开黄大仙办事，搞掂都差不多6点了，突然谂起喺FB好多人推荐嘅🐟🐟烤鱼放题，真系行过路过千其唔好错过！店铺唔算太大，但胜在环境舒适有卡座，冷气够劲又干静，真系入到嚟都感觉好安心😘😘😘。依间烤鱼任食价钱真系好合理，而且食物水准唔算差，一开始你要拣定食咩烤鱼（有番茄、酸菜、麻辣），食完可以打边炉咁食其他嘢。但某D食物要加钱，我地叫左果A餐$58烤鱼放题🐟🐟+$28鸡煲🐓🐓放题，每人唔洗1旧水就有鱼煲及鸡煲食😍，好啦！系时候主菜出场了，我哋要咗麻辣烤鱼，条鱼好大，仲有前菜(凉拌藕片、甜酸萝白)+配菜(薯粉、生菜)+火锅串（猪骨浓汁贡丸、黄金虾仁枣），分量足，两个人食会好饱。我哋唔算食得辣，所以先把炉内的辣椒先移走，不然会慢慢变得愈来愈辣。哗哗哗！条鱼鱼皮香脆、肉质鲜美，嫩滑非常，非常入味，全无泥腥，还能尝到鱼的鲜美。厚身的鱼肉质感扎实、然而绝不嚡口，而且鱼刺相当少，很适合我这重怕挑骨的人。配料青红辣椒、豆芽和芫茜，辣度恰好，不会呛喉，加上轻微的麻，超级惹味。鸡煲都系大大煲，我叫左小辣，味道👌，食完可以再加，非常美味满足的一次烤鱼+鸡煲体验💪💪💪，下次一定要再约埋多D朋友一齐再嚟试下其他口味嘅烤鱼！
继续阅读
个麻辣烤鱼好岩我地口味，次次黎到都系叫呢个，钳鱼既肉够哂淋，又够新鲜，而中辣辣度岩岩好，够哂香，又够浓味香辣得黎又不失鱼汤既鲜味，适合我地呢d重口味人士，前菜又够多选择，配菜方面拣左豆卜去索d辣鱼汤黎食，真心正食惯左呢间再去试第二间，都系唔会有呢种味道目前吃过最好食既一间烤鱼，（可能仲未遇到比呢间更岩我地口味的）次次想食烤鱼，就会有个心引自自然然想黎呢间到食，同埋两至三个人叫左个C餐，食左佢个半钟埋单三百几蚊真系唔算贵，仲要坐耐咗成个钟都无催我地走，认真抵赞，又食得饱大家值得一试呀!
继续阅读
上次朋友带我黎食过一次，一直念念不忘，难得今日去开呢头，今次到我带另一个朋友黎试下喇.选择真系好多，鸡煲、烤鱼、串烧.唔理三七甘一，一于开始叫餐。佢有麻辣烤鱼，酸菜烤鱼，同蕃茄烤鱼三个套餐选择.我本人都仲意食鱼，点左个蕃茄烤鱼，好快侍应生就抱住个炉埋黎，睇到条鱼又几大啵，配搭上都好掂咁，不禁食指大动👍🏻，口水分泌得吓死人😋终于主角由沉睡中，随住翻滚的水态，轻丝既烟霞中，飘散出那诱人，烤鱼的气味，我真的把持不住。急不及待地夹起一块烤鱼试试.味道浓郁，香甜酸辣，三感系口腔中循环不息，实在太邪恐了🤣🤣🤣🤣汤汁开胃。鱼皮香酥，鱼肉滑嫩，完全无因为多重既加工而影响鱼肉任何地方.整体而言，食物，价钱绝对值得赞的。唯独侍应既反应力需要改善一下!
继续阅读
见农场新出左烤鱼放题，反应唔错，今晚终于有机会同老公去试一试，星期四晚上7:30，坐满左8-9成客人，大部分都系食烤鱼，只有一枱客食鸡煲。我哋叫左个C餐，蕃茄烤鱼，$108/90分钟，贪佢有碟牛颈脊，仲有无限追加火锅料，顺便试埋串烧炸物，睇下有几伏先。一坐低就上4碟前菜，有辣芽菜、青瓜、白萝卜丝同萝卜粒，可惜我大肚，只可以食唯一一粒嘅红萝卜😓，问店员可否转皮蛋同木耳，店员话指定前菜，无得转，就转身走左，仲念住叫佢收返d前菜，无办法啦，做左只大嘥鬼添。等左8分钟左右就上烤鱼，先开始计时，都唔算耐丫。烤鱼配料有蕃茄、豆卜、木耳、豆腐，条烤鱼并唔系前人食评所讲咁无骨，实情系几多骨下，不过胜在唔腥，口感似鲭鱼，唔系滑。薯粉吸收左蕃茄浓汤好好味，不过个锅太浅，汤又太浓，开到800w已㶶底(最高系2000w)，个半钟都煮唔林d豆卜。丸类唔错，尤其是墨汁墨鱼丸、姜汁皮蛋贡丸、芝士豆腐烧同炸面筋，而且煮得「热」嘅。牛颈脊就失望左少少，口感有少少靭，最好低温灼熟会嫩d，牛味重。我哋点左蒜香大鸡槌、紫薯饼同黑松露薯条，鸡槌真系好大只，炸左仲有好多汁、几滑，紫薯饼好食，不过好滞，薯条粗身，炸得唔干，好食过M记好多，但唔好期望食到黑松露味道，黑松露粉只系视觉效果。一直想试个串烧究竟有几伏，我哋叫晒四款，猪牛羊鸡，每人每次限叫三串，唔驶10分钟已上菜，衬热食肉嫩唔咸，终于明白点解限数量，因为放耐左冻左真系硬d，冇咁多汁。总括黎讲，唔算伏，不过下次都系专心食炸物同串烧啦，如果净食烤鱼不停吐骨又真系寡左d。
继续阅读