影片
营业时间
今日营业
07:00 - 20:30
星期一至日
07:00 - 20:30
以上资料只供参考，请与餐厅确认详情
鱼柳包超级好美，又大件，个包好松化，冇雪藏味，早餐算呢区数一数二。反而猪扒包就有旧骨，如果冇骨就比较好，好容易咬到啊，但肉质好淋，奶茶有待改善，可能觉得太兴奶茶好饮啲啲。
继续阅读
去完坚尼地城海旁打完卡同女仔fd睇完戏，紧系要系附近食个饭啦，附件都几多西餐但女伴又想试下d地道既餐厅，于是就拣左农场冰室，比茶餐厅高班既质素又唔会太贵。今次拣左黑椒汁三文鱼鸡扒，完全系未试过既组合！🤤如果你又想食肉又中意三文鱼绝对值得你试，如果黑椒唔岩你仲可以拣蒜汁嫁，非常贴心👍🏻女伴方面，就拣左蒸咸鱼肉饼饭，坐系对面都闻到咸鱼味，正呀🤤👍🏻饮品方面，仲有咸柠乐你拣，开胃得黎又有特别既口感。🤤
继续阅读
焗粟米牛脷饭（$44）牛脷切条，有厚度，弹牙有口感（但有两条比较韧）。焗牛脷饭个人比较喜欢茄酱。饭底系炒饭，够干身。焗咖哩鸡扒饭（$44）唔系我想像中嘅咖哩汁，似马来西亚辣沙嗲汁多啲，但又几惹味，捞饭唔错。生炸鸡脾配薯条（$42）有用咖哩粉做底味，炸得唔错，外皮脆，中间啲肉仲有汁。薯条够脆身。PS：只收现金
继续阅读
农场冰室 (坚尼地城) 每次揸车经过见到都好想试吓呢一间农场冰室❤️ 感觉会几好食🤣系坚尼地城唔错嘅选择 餐厅嘅餐牌有好多唔同嘅选择 每一样嘢都好吸引 而且价钱都好优惠❤️▫️常餐 香煎猪扒配出前一丁 黑松露炒蛋跟蒜蓉厚多士不得不赞佢嘅猪扒真系入味 唔系鞋拾拾个种 而且更出前一丁都唔需要额外加钱👍🏻▫️焗蜜桃猪扒饭炒饭底 同上面香煎猪扒一样都系好入味 不过略嫌佢焗得未够耐📍 农场冰室 (坚尼地城)香港岛坚尼地城吉席街38号地下A舖
继续阅读
成日经过坚尼地城都见到这间农场冰室，不知和从前的农场餐厅有无关系？今天和朋友食晏，在怀念旧日和好奇心驱使下，入去试了两个午餐，失望而回。记得以前农场餐厅的罗宋汤好好饮，而这间餐厅又有「招牌罗宋汤系列」，一定要试试。所以叫了「烧焗鸡扒配罗宋汤通粉」（$53）。另外叫一个是日午餐「焗鲜茄牛脷饭」（$58），还特意将餐饮改为罗宋汤。餐奶茶和罗宋汤最先来到。奶茶好普通，罗宋汤都好普通！罗宋汤不算大碗，味道够但不够浓郁和偏甜，只得非常少的杂菜，只能说是不过不失。随后来到的是牛脷饭，奇怪焗饭何以比通粉还快？原因好简单，这个所谓焗饭只是快速焗溶牛脷上的几粒芝士，基本上只是把献汁淋面的「烩饭」。望着这碟牛脷饭的萤光蕃茄汁不禁失笑，真的好港式好怀旧。萤光蕃茄汁是七八十年代快餐店常见酱汁，主要材料只是面粉、油、糖、茄汁和花奶！时代进步，这个没有「鲜茄」的「焗鲜茄牛脷饭」算不算违反商品条例？焗饭的白饭无炒底，只是加了几粒炒蛋碎；牛脷有4块，都够腍。蕃茄汁中无任何配菜，你加几粒杂豆都好吖，现在变得整碟饭好颓。它唯一的优点是白饭够硬和干身，啱我不爱吃软饭的人。通粉最后来到，汤底是罗宋汤，今次有少许杂菜，本身是唔错的。可是，通粉烚得过腍。鸡扒够味，不过完全感受不到餐牌所写的「烧焗」二字，鸡皮软趴趴非常难食，而部份鸡肉却又炸到硬倔倔。旧日香港过去就过去了，怀念也无用，不会再有一次。
继续阅读
您可能会有兴趣的...