今次因為做野關係，過左黎旺角呢邊，其中一個同事就話想黎呢間辣湘湘食辣野，我地都冇咩所謂，幾個都食得辣就跟佢黎食，門口仲寫住好食唔貴，即刻想叫好多野食😆湘式拌魚皮（$79）呢份魚皮我覺得比台式既更加辣，魚皮好爽脆，前菜開胃岩曬😋辣椒炒肉（$99）份炒肉炒得好惹味，份量都唔細，個爐仲會點著佢保持食物熱度，唔止肉好食，綠色既辣椒都幾正🌶️膠原脆皮豬手（$49）呢個豬手真係冇改錯名，佢比平時食開既豬手係非常有膠原質感，塊皮又炸得好酥脆，有層次既口感，個調味都好足夠，d洋蔥辣椒味好夠🐷乾鍋肥腸（$89）個乾鍋肥腸同川菜既有d唔同，呢份係比較多蒜，而個肥腸唔係炸到乾，佢係炒起既做法，肥腸唔會乾，味道又香👍🏻湘味酸菜魚（$149）呢份酸菜魚都係好大份，成盤都係魚肉，底下仲有粉絲，個湯就偏油，撈飯好好食，但唔建議直接飲個酸湯，我地成煲飯食曬🐟大煲飯（$30）飯唔一定逐碗叫，有得成個飯煲咁叫，我地叫左一煲夠4個人每人一碗🍚麻花糍粑（$39）個糍粑好煙韌，個黑色醬係顃似糖漿咁，幾好食😌鴨屎香檸檬茶（超大杯）（$45）解暑西瓜檸檬茶（$39）兩杯飲品都係佢地門口既茶飲店沖既，同平時既茶飲店差唔多質素，兩杯都好大杯，一杯夠2個人share黎飲，西瓜檸檬茶仲有成塊西瓜食，幾過癮🍹呢間餐廳真係冇講錯，好食唔貴，每樣餸都唔過$100，係碟酸菜魚要$149，不過第2度食可能都要接近$200，唔怪得都好多人去食，我地去食都要等一陣先有位，野食係偏重口味，不過食之前都預左所以我覺得幾正😁…查看更多
