辣寶寶 (已結業)

以前一直都有食开呢间，都系熟客嚟。今日喺呢间舖头买咗个冰粉，返到去见到入面有啲怀疑喺霉菌（下面有相）嘅嘢，以前食开都冇，所以就WhatsApp问系啲乜嘢，佢哋马上话可以退款，想息事宁人，然后声称呢啲灰色嘅分枝状物体只系「花椒磨粉」（大家睇相自己判断）。然后我拎返落去舖头俾佢地睇，想佢了解吓系啲咩嚟，有个女店员望咗一眼就话「冇乜可能系霉菌，因为跟足程序做」，然后就话退返碗冰粉嘅钱。由于我已经食咗几啖落肚，所以就问佢假如之后肠胃有事要睇医生会唔会赔返医药费，结果个女店员就即时起晒杠叫我哋记住跟返司法程序，要证明到净系关个冰粉事，「悉随尊便」随便拎去化验。事后仲冤枉我拒绝佢退款，话我哋主动提出要化验，话自己可以提供返录音，但我提出叫佢提供返录音之后，佢又唔敢（因为佢心虚知道我地真系冇讲过）。讲真，如果唔系身有屎点会不断主动提出要退钱息事宁人（何况只系15蚊）。食物质素本身已经一般，而家食物安全怀疑有问题都仲可以咁嘅态度凶返个客转头，各位湾仔区嘅朋友要小心。…查看更多

lunchtime行过谂住试下佢个佢招牌既手撕鸡荞麦面, 我仲加左云耳, 中辣.见到店员一黎就系到将d云耳捞辣酱之后舖上一个好似已经一早已经整好入哂盒既手撕鸡荞麦面入面. 睇到都心知不妙🙈 返公司一睇, 得d云耳有辣, 手撕鸡冇辣都算, 但系个荞麦面唔知放左入盒几耐, 所以用筷子一夹起d面系痴住哂完全系一饼野咁. d面淋哂最底个d仲要糊糊地系劲难食. 身为一间专做外卖既舖头, 捞面类都可以整定入盒先真系太冇诚意🙈🙈…查看更多

叫左凉皮（$25）加手撕鸡（$8）同猪大肠（$8）。佢地用既系阔身凉皮，质感算弹牙，调味汁既味道无咩特别，但可惜两个𩠌既味道强差人意。睇佢地餐牌，手撕鸡应该系重点推介之一。份量唔算少，味道无咩特别，但肉质有d奇怪，唔系梅既但好林，林到咬落冇咩口感。猪大肠唔似卤过/用其他调味事先煮过，食落无味，似就咁白灼完就拎出黎捞多d。如果本身个调味汁系惹味既，可能都还可以，但配佢而家呢个汁既话系完全唔够味。作为配料既花生唔系好脆。另一点值得留意既系拎到上手盒野系暖既，食既时候某d食材系冻既有d系暖既，即系一盒野入面既食物有唔同温度，感觉好怪。…查看更多