影片
以上资料只供参考，请与餐厅确认详情
好好食，汤底清清地但所有配料都切得仔细炆得入味，食过嘅都知系全港第一，牛腩同萝卜都又淋又入味，加韮菜份量足，大大碗车仔面非常抵食，街坊价钱实惠饱肚又满足之选，每次路过都一定食佢！
继续阅读
今次去食咗辉记车仔面，揼一碗猪红猪肠萝卜嚟试味！猪肠真系够哂林，咬落去爽口得滞，猪红入味到令人忍唔住多饮几啖汤🍜。萝卜又腍又有咬劲，虽然未算最甜，但配埋𠮶汤底就真系无得输。而且，面量多得嚟嘅份量，真系好满足😋！坐街边吹下风，啲热腾腾嘅面食落肚，咸香得嚟唔腻口，简直就系平民美食嘅宝藏！车仔面配料出奇得食，有个甄选过嘅猪皮真系又滑又弹，搣哂旧花生蓉落面度，呢碟小食直头攞晒架！辉记个汤底几有层次，唔似其他车仔面咁咸浓，教人稔实食落去意犹未尽。讲到服务，老板娘嘅手势快又稳，煮面技艺嘅纯熟令人肃然起敬。几翻身间，一碗热辣辣嘅车仔面就端到你面前。咁嘅手艺、咁嘅味道，唔惊啲游客排队等位了👏！而家街头小食唔多，能够喺呢个急促嘅都市中，享受到一碗有人情味又美味嘅车仔面，系一件幸福嘅事！下次再过油麻地，记得要留一个肚，黎呢度搞番碗自己嘅经典搭配，领略下真•街头美食嘅风味啦！🥢🌟
继续阅读
油麻地地铁一出转左就会见到，好多街坊都识，地方非常之细，只可以坐一两台，今次叫牛腩，萝卜，猪红三个𩠌米线，睇图就见到非常足料,完全比D𩠌遮住个面，牛腩好入味，浓浓既柱候酱，萝卜萝卜清甜爽口，猪红正常，再加多个韭菜。成餐饭真系非常满足。如果中意食得地踎D真系非常推介
继续阅读
成日听啲前辈讲，依家车仔面多元化，但系食唔番以前嘅风味🧐位于油麻地辉记车仔面，咖喱鱿鱼、花胶、瑞士鸡翼通通都冇😅有嘅就系80年代传统车仔面嘅原貌😚小编每逢经过油麻地都会试，辉记车仔面嘅水牌大部份都系车仔面嘅基本组合🤨猪皮、猪红、牛腩等🤫另外只有粗幼面同油面，落嘅唔系沙嗲汁而系牛腩汁，呢啲就系传统车仔面👍🏻今日收工经过舖头只有老板娘😬环境虽然一般，但望住老板娘系车仔档煮面，视觉及味觉，充满回忆🤤小编照旧叫猪红、猪肠、牛腩加幼面🤤猪红爽滑，猪肠爽口仲有少少油脂，配合埋细细旧嘅碎腩，完全系旧时车仔面嘅风味， 同依家嘅车仔面有好大嘅对比，现今车仔面嘅杀手锏腊汁沙嗲汁系辉记车仔面黎讲系真系需要？好食指数：8/10
继续阅读
帮衬了多年的油麻地车仔面档，佢喺红茶馆对面，庙街后边街嘅鸦打街，每次醒起好想食车仔面，都必定会过嚟呢度，虽然地方好细只系得两张枱，但系食得返儿时车仔面的味道连妈咪都话好似以前嘅味道，特别系猪皮猪红，萝卜，特别入味， 而猪大肠又唔会特别好多肥膏，同埋觉得使得比较干净，食完之后你又唔会觉得好颈渴，唔会觉得落咗好多味精，加上店主左手没有了手掌，见到佢太太同埋间中佢啲仔女会嚟帮手玩，所以尤其夏天见佢特别辛苦，虽然我哋都冒着大汗踏细汗喺度食车仔面，都依然会嚟支持下小店啦！秋冬天就最好啦，凉凉地，啱啱早两星期又再嚟帮衬！
继续阅读