60
4
7
港铁佐敦站 B2 出口, 步行约3分钟 继续阅读
电话号码
26067278
营业时间
今日营业
11:30 - 14:30
17:30 - 22:30
星期一至日
11:30 - 14:30
17:30 - 22:30
付款方式
Visa Master 现金 银联
其他资料
网上订座
赏订座积分
加一服务费
有关奖赏计划
食记 (80)
等级4 2020-12-05
1236 浏览
细细个就听屋企人讲蛇羮可以美颜,甚至壮阳😳冬天食蛇羹亦非常滋补暖胃,今日约咗一班大学男性同学食蛇羹补一补!辉哥私房菜推出4位蛇宴套餐,刚好符合限聚令人数要求👍🏻餐厅格局同酒楼相似,有几间贵宾房。- 菊花太史五蛇羮第一次食蛇羹,原来味道清甜带少少姜嘅辣,浓稠适中,有齐冬荀丝、冬菇丝、陈皮丝同鸡丝,甚至薄脆,一食完成身即刻暖笠笠!- 海胆焗美国龙虾配赞岐乌冬卖相唔系几吸引,不过原只龙虾真系非同凡响,肉质结实弹牙,加埋海胆,鲜甜程度爆灯💥- 百花五蛇丸五蛇丸用左新鲜蛇肉,另外混合埋虾胶同马蹄粒。外层炸成金黄色,啖啖肉之余又香脆弹牙。- 古法羊腩煲羊腩煲系另一冬天必食!肉质软稔,一啲羶味都无。枝竹、冬菇、生菜都吸收晒羊腩煲精华,非常惹味。- 北非花胶花菰扒菜胆花胶充满黏性,口感相当软稔,加上芡汁既辅助,一食好似滑落喉咙咁。菜胆亦好清甜。- 蛇汁菜胆鸡肉质唔算太嫩,但份量几多,调味适中。- 生炒腊味糯米饭糯米饭炒得烟韧,搭配风味十足的腊味,令人食唔停口。加上葱花同咸脆花生令糯米饭更香口,同时口感更丰富。套餐仲附送甜品同啤酒🍻,每人大约$200左右,两个字:抵食! 继续阅读
(以上食记乃用户个人意见 , 并不代表OpenRice之观点。)
等级4 2020-11-28
812 浏览
今日天气突然转冷,周末假期全家出动😍,我哋去食蛇宴😍,见到辉哥私房菜佢最近出咗个蛇宴套餐,非常之吸引,小编一早订咗位,带埋爸爸去食好西😋😋。第一道餸系菊花太史五蛇羹,热辣辣嘅蛇羹,有冬菇丝木耳丝蛇丝姜丝等等,暖笠笠非常开胃,爸爸话可以暖身😍,啱晒我呢啲长期手脚冰冷嘅人🤪。第二道餸海胆焗美国龙虾乌冬底,一上枱已经闻到阵阵嘅香味,海胆配上乌冬,非常之入味,一啖有一啖 小编唔系几食淀粉嘅人都爱上左😍😍,而且龙虾肉紮实新鲜,非常之甜美👍🏻。第三道餸 百花五蛇丸,炸到金黄色,非常香脆,入边仲好弹牙,而且大大粒💕,好好味呀❤️。第四道餸 北非花胶北菇扒菜胆 用左花胶煮冬菇花胶都几厚下,呢个价钱来讲性价比好高👍🏻,而且冬菇好厚肉,味道啱啱好,又唔会太腻😋😋。第五道餸 古法羊腩煲 店员喺我哋面前即刻帮我哋加热 久违嘅羊腩😍,其实小编平时好少食羊,因为觉得啲羊好骚,不过配上腐乳食味道还可接受,而我最锺意羊腩煲入边嘅枝竹,😋非常入味💕。第六道餸 蛇汁菜胆鸡 鸡非常之嫩滑👍🏻。第七道餸 生炒糯米饭,炒得非常乾身,米饭一粒一粒分明,好好味,配上腊味非常之惹味❤️👍🏻。最後以甜品作结,系一个淡淡的桂花糕 唔会太顶肚,四人份量嘅餐,分量十足啊👍🏻🙈。地址:辉哥私房菜 (佐敦)佐敦长乐街18号18广场2楼。 继续阅读
(以上食记乃用户个人意见 , 并不代表OpenRice之观点。)
等级4 2020-11-27
835 浏览
私房菜一直好受欢迎所以要食到自己心仪果间,真系要一早Book定而呢间,我系早左成个月就book得成真系既兴奋又期待呀位於佐敦嘅辉哥私房菜一出𨋢口就见到大大嘅Banner写住点心放题心里暗中决定,下次上黎就食佢.姬松茸茶树菇虫草花炆竹丝鸡汤妈妈教导,渐入冬天,Feel到凉意之时就要开始饮多D滋补汤啦而呢碗竹丝鸡汤就有补肝肾,防寒防倦嘅作用汤色呈橙黄色,色泽清澈,味道甘甜连汤底嘅姬松茸,虫草花,竹丝鸡肉都好有味.瑶柱姜米蛋白樱花虾炒饭米饭粒粒分明,乾身而吾油腻蛋白嘅加入,令味道添加阵阵蛋香而瑶柱同樱花虾则增加层次感,入味好美.新鲜菠萝即炸咕噜肉 即炸咕噜肉嘅口感真系不得了选用新鲜菠萝肉去炒味道酸酸甜甜,好开胃最紧要系甜度吾会假,吾会有腻感糖衣超薄,咬落去甜香酥脆肉质嫩滑,肥膏极少.金砖超滑豆腐 肥🐑最中意呢款脆与嫩Balance得恰到好处金黄色嘅豆腐砖外层酥脆,内里软滑先脆後嫩嘅口感吾怪得知一直都系最受欢迎嘅菜式之一再洒上粒粒脆蒜,口感丰富度更为提升.生啫唐生菜煲啫啫煲一向以色。香取胜加上以砂锅去炒制,令食物更加柔软入味仲有好多大虾乾,姜丝,蒜粒,辣椒粒令生菜惹味又爽脆.最後仲有豆腐花送添 继续阅读
(以上食记乃用户个人意见 , 并不代表OpenRice之观点。)
最近有多间酒楼推出点心放题优惠,位於佐敦的辉哥私房菜由即日起至12月21日推出限时90分钟的午市茶市点心放题。店内面积不算太大,装修走旧式酒楼的传统格局,来到的时候都全场爆满。点心放题价钱十分平民化,星期一至五只需$78,便可任点任食逾50款粤式手工点心。点心都是即叫即制,所以等候需时,而且比较容易漏单。另收加一服务费$7.8及茶芥每位$12。每位赠送半只乳鸽及汽水任饮。乳鸽皮脆肉嫩,肉汁丰富,不会烤得过乾。水晶虾饺皇饺皮略厚,但虾肉不会霉烂,肉质爽口,富有鲜味。蟹子烧卖皇烧卖口感扎实,肥肉不算太多。山竹牛肉球牛肉球肉味浓有弹性,加入粒粒马蹄更加爽口。韭皇鲜虾肠粉肠粉虽然较厚身,不过里面的虾仁亦算足料。小娇白玉棉花鸡鸡件肉质滑口,棉花尽吸鸡汁和冬菇香气,非常入味。招牌避风塘九肚鱼外皮炸至松脆酥香,洒上椒盐咸香惹味,九肚鱼肉质滑嫩,细骨亦不算过多。酥炸墨鱼花内里墨鱼弹牙爽口不过韧,只是外层粉浆就是厚了点。 继续阅读
(以上食记乃用户个人意见 , 并不代表OpenRice之观点。)
等级4 2020-10-29
2345 浏览
$78一位午市任食点心,究竟可以食到啲乜嘢,即刻今日去试吓佢。我嚟之前个心系用「打大佬」嘅心,等於去名将挑战一样,谁知道还未入门口,楼下富丽堂皇嘅大堂吓咗我一跳,同我想像中完全唔同。上到餐厅,装修整洁,墙上面仲有特色挂画,感觉乾净企理。而且好特别嘅系隔音几好,就算坐满,都唔会好似某啲酒楼好嘈。讲返正题任食点心,点心纸选择都唔算少,份量会按人头上。叉烧肠几滑,份量都几大,豉油唔会太咸,收货👍烧卖味道几好,猪肉比较少,虾好多。桂花糕清甜,够冻,有淡淡桂花味,令人耳目一新。春卷非常非常香脆,虽然馅料比较少,但系外皮香脆加分👍流沙包真流心,馅料香甜,包唔算好大,一人食两个都冇问题。本来谂住比OK,令我比好评嘅系以下呢两碟:两面黄肉丝炒面,面底非常香脆,基本上冇一条唔脆,配上调味适中嘅肉丝,又香又脆又Juicy,非常好食。乳鸽新鲜热辣,一出炉就上台,明显可见肉质饱满,一撕开肉汁涌出嚟,鸽味香浓,每人有半只非常抵。总括来说环境几好,味道中上,呢个价钱绝对好评👍 继续阅读
(以上食记乃用户个人意见 , 并不代表OpenRice之观点。)