轉角 (已結業)

今日晏畫十一點四十分已經在排隊，不消一會已經有二十人左右在等待開門。以屯門良心食店來說，是比較受歡迎的一間。一行人叫了四個餐，兩個咖喱吉烈豬排蛋包飯、一個咖喱唐揚雞蛋包飯和滑蛋浦燒鰻魚蓋飯。各碟食品上卓時也很吸引，蛋有蛋汁，沒有煮乾，很漂亮。由於疫情期間，只吃自己碟頭，所以只品評自己食品。我吃的是咖喱吉烈豬排蛋包飯。咖喱就是日式咖喱，不會辣，適合任何人士選擇。豬排炸得很脆，份量很足夠。蛋亦炒得很滑，留有蛋汁，用來拌飯很適合。綜觀整個飯餐味道很不錯，何惜66元只跟普通飲品有點貴，亦沒有跟餐湯或日式前菜。但只談味道的話，確實不錯值得一試。

虎蝦蝦油手工闊麵絕對係今晚的MVP一食落去個下真係勁有驚喜，估唔到蝦油同意粉係咁夾隻味似係平時我地食燒蝦個種味道，再煮曬落個醬汁度咁每一啖都極重蝦油味而個手工意粉食落都好彈牙，每一啖都索曬d蝦油咁😝個晚仲要係誇張到臨訓都有個種味係個口度真係岩曬一眾重口味人士.咖哩唐揚雞扒蛋包飯就咁睇個樣已經好靚，岩曬打卡份量大概有兩大舊唐揚雞扒同一大片滑蛋滑蛋同咖哩呢個組合真係大路穩陣野，所以都無咩特別comment而個雞扒就炸得幾好，食落出面脆卜卜，入面D肉都幾嫩滑，唔錯唔錯😋

幫襯華都商場的cafe，撐黃店。朋友提議黎呢間「轉角」，一聽到個名就已經有D少女夢，想起了「轉角」*遇上愛，“ 愛轉角遇見了誰 是否有愛情的美 ......” 哈哈！希望第二時可以和Mr right黎拍拍拖，今日先去試試菜先。吉列咖哩豬扒蛋包飯吉列豬扒好脆，入口鬆化，豬扒唔會覺得韌，又唔會太油膩，好好味啊！咖哩好有咖哩味，唔太辣，伴蛋包飯食，非常夾。個人認為咖哩一定要配飯食！All Day Green黎得一定要食呢個 All Day Green,感覺好似好健康咁，岩曬想出街食野又怕會好肥的我。有大啡菇、牛油果、番茄、乳酪杯、炒蛋、茄汁豆、羽衣甘藍沙律和雜果包。我覺得羽衣甘藍有D寒涼，非常岩熱地的人食，清清熱。如果女仔遇上生理期就要避一避，叫過其他野食會更好啦！味道不俗，很愛吃大啡菇。據說菇類會含有多胺的，多吃會抗衰老。(我昨日看日本套<恐怖醫學>係咁講的。)乳酪杯好好味，令人好開胃，幫助腸道消化。女士們的大愛💕士多啤梨乳酪對粉紅色有點迷戀，於是點了呢杯士多啤梨乳酪打卡，味道挺fresh，不會太酸，有淡淡的士多啤梨味。喜歡叫一杯飲料，慢慢品嘗。為了愛，要到「轉角」愛。悠閒

今晚同朋友嚟到屯門華都食晚餐，晚市好多人等，但照拎飛，最後等左差唔多一個鐘，8點先入得。嗌野食，朋友叫左個原條鰻魚滑蛋飯，佢之前食過話好食，我揀左溫泉蛋牛肉蘑菇意粉。飲品就揀咩無咩，都幾失望，士多啤梨無晒，雜果又無，連牛油果都無......鰻魚飯好似真係唔錯，但我個意粉係極難食，最後係食剩一半有多，朋友試左塊菇，已經覺得超鹹，極重口味，啲配料煎焦晒之餘，牛肉勁老，好難咬，意粉又鹹。飲品仲要好遲先送到，又唔提供水。店員又催埋單，態度好突兀。仲有個餐湯係攤凍晒，好難飲！

之前已經想嚟食呢間小店，可惜星期一休息 所以今次再嚟過，午餐時段都好多人等位，拎咗飛之後喺商場兜幾個圈再返嚟先入得，門口有好多文宣可以睇👍🏻💛同朋友都等到好肚餓入去之前已經揀定左食咩，差唔多入得前店員已經幫我哋落好單同飲品，咁入去嘅時候就唔使等太耐就有得食，細心吉列豬扒咖喱蛋包飯（$67）賣相好吸引蛋都好滑，但我好期待咁切開個蛋包飯嘅時候，發現入面係白飯有啲失望😞（蛋包飯入面通常都係炒飯或者有味嘅飯）。咖喱都係一般嘅日式咖喱冇乜特別套餐附送凍/熱：黑咖啡/檸檬茶/檸檬水/是日特飲，但我同朋友都想試吓呢度嘅咖啡（可以用半價升級）hot mocha 好飲，朋友話佢嘅熱榛子咖啡都好好味

依間人氣cafe💛真係不得了...中午12點開門，11點半已經有一大堆人排隊，適逢限聚令，餐廳只能招呼一半既客人，進一步加長左人龍😭排緊隊既時候店員已經幫客人落定order，務求大家一坐低就有得開餐!!羽衣甘藍豆乳意大利粉 $62略嫌意粉有點乾(本人偏愛極creamy既意粉!!)豆乳味都唔算濃，不過欣賞佢不惜成本放左一大堆羽衣甘藍，令成個意粉好清新🥗因為依款近年大熱既沙律菜又高纖又含有豐富維他命A、維他命C、維他命K、葉酸、鈣質、鐵質，價錢都唔平喔🤑咖哩唐揚雞扒蛋包飯 $64咖哩同滑蛋永遠都係絕配，加埋又juicy又脆口既炸雞扒，秒速ko成碟飯😋特別欣賞佢個蛋真心好滑，亦都唔會食完成口油，越簡單既食材越能反映功架👍All Day Breakfast $98依份全日都有得食既早餐有車打芝士腸，炒滑蛋，茄汁豆，薯餅，煙肉，炒蘑菇，沙律，奶油toast (每一樣野都真心好好味😋) 特別欣賞個toast，個表面鋪滿糖，雖然甜左少少，但勝在好脆口，同奶油超夾🍞

屯門 轉角✨高質屯門cafe ✨之前去咗幾次都因為太多人冇食到。😭今次終於食到呢間黃店💛但係都要等半個鐘先入到去。佢入邊氣氛幾好，幾啱同friend 吹水。我叫咗咖喱唐掦雞扒飯雖然好多人但係野食都唔會等好耐❤️佢一嚟到個賣相已經好吸引✨雞扒炸得啱啱好，而且啲粉漿唔會厚。夠脆、啖啖肉，仲有肉汁添😋😋而且佢個咖喱唔辣，啱晒唔食辣嘅🥰仲有佢個蛋夠滑😆同埋份嘢勁足料了好大份, 女仔未必食得晒😂我個friend叫咗All day breakfast 一樣係勁大份，賣相都好吸引✨✨我都忍唔住試食佢個份啲嘢😈佢個薯餅好好味，薯餅外脆內軟，一啲都唔油膩👍🏻因為冇晒佢原本個隻包，轉左牛角包，好鬆脆同香口！總括嚟講之後都值得再去食嘅舖頭👍🏻

原本想去幫襯告急黃店水飯鏜 ，但係見到已經好多人排隊，所以就轉移去到附近嘅轉角 食😋 大家都要記得唔好淨係見到告急就幫襯，如果太多人就幫襯下附近其他黃店，分散投資！😛 入去鋪頭前要探熱同埋會提供酒精搓手液🤓 可能由於疫情鋪頭唔可以每張檯都用曬，食嘢限時五十分鐘，不過其實都夠曬咖喇～💛咖喱吉列豬扒蛋包飯 (套餐$66)隻蛋真係超！級！滑！第一次食到咁滑嘅蛋真係好驚喜！😍 同埋吉列豬扒同埋夠軟熟，樹熊我最怕好硬好韌嘅肉，呢個完完全全唔會！🤤 份量都好大份，女仔食未必食得曬成個飯！😳💛荔枝紅茶（凍）同行朋友覺得杯嘢太甜同埋冇咩荔枝味😣 而我都淨係飲到好淡嘅荔枝味，甜度係一般台式飲品咁🤔

今次我哋帶大家去華都尖茶樓上嘅轉角～轉角lunch嚟講蛋包飯都幾受歡迎，外賣自取仲有85折！ 呢個餐係lunch menu最貴嗰個，堂食要$110，但小編真係超喜愛食鰻魚，所以無計啦🤪 條鰻魚真係幾長，燒得幾香，但尾嘅位都幾多骨。上面有大堆紫菜絲，呢樣都要擺入中伏外賣個list度😂 啲紫菜焗住同埋畀個盒蓋壓住，所以連埋啲鰻魚汁痴埋咗一齊 ，佢同啲飯中間隔咗層滑蛋，所以啲飯無畀鰻魚汁搞到變晒質～ 有紅茶味又有柚子味，底度有幾條柚子咬吓，成杯柚子紅茶唔係好甜，幾清新，唔錯～外賣85折真係令轉角嘅呢個餐牌更加吸引，50幾蚊就可以外賣意粉或者蛋包飯返屋企慢慢食😝

做自己喜歡做的事，用自己的錢去懲罰黃圈，要管嗎？今晚揀左間黃色小店，係華都角落位，平時好少行，餐廳有落場時間(16：00~18：00)，好彩落到去岩岩6點，為左唔好阻生意我就快食。點左咖喱雞蛋包飯同薄荷青檸梳打。雞球有點大，如果可以切細一啲就好啦，蛋包飯煮得好滑，咖哩味就有點淡。總括ok,會再來。眼見幫襯都係以年輕人為主，香港人加油

呢間店巧遇幾次，都遇着15:00落場時間，今次決心一試！點咗個All Day Green, 每件事都有驚喜！份量，比出面不枉多讓；材料，並唔係收你呢個價俾幾蚊嘅貨色；杯啡，望到啲豆唔係深焙，無炒燶味，易入口又唔過份水，唔錯。唯一缺憾係..無豆奶可轉，欣賞唔到Barista’s latte art. 店員有禮，讚。值得回顧～

剪完頭髮當然繼續掃黃華都有幾間小店都係黃店貼滿文宣或成牆memo紙由於鋪頭細細好多都要排隊同屋企人食就費事等咁耐啦揀咗一間坐得舒服啲嘅又唔洗點等嘅 “轉角”等左3分鐘就可以入去- 羽衣甘藍豆乳意粉 $62（非常清淡，由於我哋幾個都係食開濃味嘅，所以最後要加大量黑椒同芝士粉）- 吉列豬扒咖哩蛋包飯 $66（我仲以為真係成隻蛋包住飯，原來係蛋鋪面，成個飯嘅質素正常，冇乜特別）- 滑蛋蒲燒鰻魚蓋飯（半條）$78（佢啲蛋係真係好滑嘅，但當然唔係炒蛋嗰種口感啦，鰻魚係有肉地嘅滑口嘅，有食過啲鰻魚好薄好無肉地又多骨嘅，所以呢個價錢都算幾抵食） ** 午餐價錢包指定飲品，或者可加$8買原價$34以下之飲品

舊商場上層轉角遇到蛋包飯，店鋪部分座位喺室外走廊，需要等位及有用餐時限。一行三人特意黎試蛋包飯，鰻魚蛋包飯有得揀全條或半條鰻魚，另外仲叫左吉列豬扒咖哩蛋包飯同All Day Green，是日特飲係蜜桃紅茶。食物都等左一段時間先到，店員將我地用餐時間延長15分鐘，有時限食得有點緊張。蛋包飯嘅蛋賣相不錯，食落滑嘟嘟，鰻魚正常，蛋下面都加左鰻魚醬。吉列豬扒配上日式咖哩味道都Ok。All day green個大啡菇同麵包最好味，大啡菇好Juicy，麵包有果乾同果仁。中間都係一個正常greek yogurt 加粟米片。如果去開屯門可以支持一下小店。

今日難得啊媽放假就帶佢出街食好野。近排見幾多人討論轉角，身為屯門牛🐮就無理由唔親自試試佢啦🤣我地一點半到，已經有四group人係我地前面。佢店面積偏細，加埋依家減左台既數目，所以得返5-6台in total🙈。最後我地等左半個鐘先入座。我叫左滑蛋蒲燒鰻魚飯(半條)，媽就叫左吉列豬排黑醋沙律🥗($56)。滑蛋偏熟，唔算話好滑。鰻魚燒得偏乾，但仲係可接受範圍內啦。個飯好多鰻魚汁，算係加分位👍🏼性價比算唔錯，佢滑蛋鰻魚飯(半條)跟飲品都係$78又無加一，今時今日係香港都以呢個價幾難搵個呢個質素架啦🤭

放工後同老公諗住幫襯黃店「轉角」但呢日「轉角」原來提早一小時收工問我地會唔會等？因為仲有9分鐘就last order如果等！都要咁啱有客人走先得佢可能見我地咁堅持等後來問我地介唔介意坐一張剛才有跌灰既台天花有啲甩灰既情況我同老公無所謂，所以照入去食😋我地啱啱係最後一台入座既客人🤩啲野食好精美！又好食！服務員亦好有禮貌！有一台走之後，即時幫我地轉枱好貼心喔🥰我地都廢事阻到人收工所以都食快少少！😅門口放左好多文宣啲抗爭postcard做得好靚老公拎左一套收藏❤