影片
呢间店系元朗千色店附近，虽然佢最出名嘅系鱼蛋粉，但系我最想推荐嘅～生菜六宝河～六宝就系牛杂，牛肚、牛膀、牛肺、猪肠、牛腩、同牛筯，超好食！六宝唔单止大大碗，啲牛杂仲好大旧，好多，全部都好入味，而我自己就中意食牛肺同牛肚。佢d牛肚系好冧嘅，可以咬开一半，唔似其他店个啲咬极都唔断，呢个就系好食嘅原因。汤底方面，真系饮得出系真材实料，好浓嘅味道，一啖面，一啖汤，正最重要嘅系，同姓谭的男仔，过桥米线差唔多大碗，会价钱只不过系HK$39
继续阅读
呢日放工得我自己1个食饭, 就去左辉记快快趣食完就算了。之前其实成日都食$33餐,贪佢有碗粉面, 再加油菜, 好抵食。但今日突然好想食捞面, 所以叫左个墨丸牛筋捞粗($38)。另外再加多个油菜(跟餐加$14)。墨丸牛筋捞粗($38)。油菜(跟餐加$14)墨丸牛筋捞粗($38)。佢个墨丸系跟汤另上的~蚝油都系放旁边。仲有几条生菜。个墨丸..佢声称系手打墨鱼丸来..但我真系未去面档食过咁细粒既墨鱼丸..细粒又会影响口感..墨鱼丸真系no good.....牛筋, 较细旧, 有d碎, 味道ok, 但如果大旧d口感会好好多。至于个面, 不过不失, 一般般。油菜, 跟餐加$14, 其实我觉得都少少贵, 好似同单点冇咩分别。我叫左通菜, 系跟腐乳的。味道都唔错, 份量都ok。总括, 下次我都系来食返$33餐好了。捞面真系麻麻地..
继续阅读
今日叫左一个酸辣云吞米线+净云吞，打电话去果时见佢好似听吾太清楚我讲野，我就重覆左差吾多3次自己要d 咩俾佢知，佢都重覆左1次俾我知，讲地址果时明明佢地就系街市附近，个啊姐就话吾知街市系边？都算，我慢慢再话佢知街市系边，讲左3分钟，佢见我吾肯放弃，终于谂得起隔离就系街市，去到大厦楼下，管理员按照惯例，要求啊姐登记个名先再送上去，个啊姐就打俾我话吾识登记，就要我落楼拎，咁我就叫管理员听电话，管理员就话通融一次吾洗登记，之后就俾返个啊姐听返个电话，我就听到个啊姐仲一路闹紧个管理员，话佢好要佢登记，话管理员有问题，都算，但最后送到黎既系清汤云吞米线。我打返去想要返酸辣个汁，个啊姐第一句就话我系叫清汤云吞米线，我话我重覆左3次，你都覆左我1次系酸辣云吞米线，佢问咁我想点，我好吾得闲，你食住呢个先喇，就cut 左我线。态度一直好差，吾系讲野大声就无礼貌，但一直推卸责任去我到，连吾好意思都无讲句，仲要cut 我线。大佬，我想要返个酸辣汁咋。如果下次叫云吞面，黎左个牛肉面，但我吾食牛既，都系一句你食住呢个先就算？平时佢地吾得闲都会同我讲吾送，如果真系咁吾得闲，不如好似之前咁同我讲送吾到。
继续阅读
久违了的夫妻外出午膳 简简单单食碗粉都好开心店子在千色对面 三上日本料理侧 正舖早已爆满 移步至右面几步的延伸舖 人流仍多 但总算找到两个小座位 人多挤迫快快开餐啦～鱼蛋鱼片头河 $31 原本想并墨鱼丸 但已卖晒 见到鱼蛋同鱼片头都系店子推介 就双并黎试试啦 单𩠌$25 双𩠌加$6就可以了两样都「鱼有鱼味」鱼蛋非常爽弹 鱼片头外皮亦炸得香口 仲有生菜和通菜 份量亦较一般面店多 感到满意！牛腩牛丸河 $31 OK牛丸弹牙 牛腩入味但略靭 普普通通店子的装修古色古香 较一般面店用心 奈何唔知无开冷气 定抽风系统太差 令热气完全笼罩 食客们都大汗淋漓 务求快快完食离去 另外 店子人流络绎不绝 期间有两食客无座而退 店员上秒还说「等等啦 好快有」食客离场后立马一句「运吉既」变脸之快堪称世界级会再黎既 但待秋凉时啦期待到时天口凉啲 店员都无咁燥⋯⋯
继续阅读
其实觉得佢店舖环境好麻麻，永远都会觉得佢d枱櫈油淋淋，有唔干净嘅感觉，我对手都唔想掂佢张枱 😌 好彩冷气都仲可以，店舖伙计，食物都好大众化，大件夹抵食，味道又 Ok ，所以你唔可以再对佢有咩要求，都系会经常光顾嘅舖头 😁
继续阅读