影片
叫咗个牛肉法包 ($48) ，但冇谂过得劲少牛肉🥲同埋萝卜丝都算少，一啲都唔好食，食完嘅感觉只系食咗一个冇咩馅嘅包。真系非常失望。味道完全比唔上正宗嘅越南法包。$48嚟讲，真系好唔抵食。屯门区有更好嘅选择，足料好多🙏🙏🙏 应该唔会再帮衬下次了，有心做落去的话 真系要谂吓方法改善下质素🙏 唯一优点系出餐快🫡建议大家真系唔好信foodie讲嘢🗣️呢度啲comment应该有好多都系为咗优惠先咁讲🙏
继续阅读
好钟意食越南法包，所以见到有都会买来食。今次叫咗一个2人餐，再另加多一个法包。冇谂过咁出名，咁多人介绍嘅一间餐厅，越南法包个味一啲都唔正式，仲要可以称得上难食。得好小肝酱，仲要一啲都唔香，腌菜冇味。个饭啲肉仲要冇味。但我见其他食评话腌得好好味，到底系我黑仔定真系差左呢仲有个小食拼盘，完全系垃圾，真系唔识形容系咩味道同口感。同区附近有更好嘅选择，真系试过今次唔会再有下次呢餐差唔多要四百几蚊，唔好意思，真系唔值。
继续阅读
井财街真系好多餐厅，今次想食越菜，见到转角落有呢间越式小店。店内环境好有家庭式经营感觉，好平实既装潢。今次嗌咗捞蒙，加咗一个小食，食完觉得还好，唔会觉得系正宗越南菜，似系fusion多啲，不过都值得一试支持下小店！
继续阅读
🟠 屯门越式小店 - 辉煌越式法包Banh mi Huy Hoang🟤味道 : 🟠🟠🟠🔸 3.5 / 5价钱 : 🟤🟤🟤 4 / 5环境 : 🟠🟠🟠 3 / 5位置 : 🟤🟤🟤 3 / 5推荐 : 🟠🟤🟠🟤 3 / 5➿ 环境 · 卫生 · 服务 . 店内只有几张枱 唔算迫 但干净程度一般. 唔知道咩原因堂食都系用哂外卖餐具🤷🏻♀️所以食物一上枱未食就心谂左一句：唔会再帮衬➿越式鱼露鸡翼捞檬 $52. 鸡翼腌得好入味，似系有啲南乳味咁，好食. 鱼露汁唔够酸，一般. 个檬粉系微暖，唔够冻，青瓜丝红萝卜丝果啲配菜太小，所以捞埋个檬粉一齐食时冇乜口感➿越式杂锦饭 $68. 啲肉都系腌得好食嘅！不过男朋友食话食完要即刻再食下午茶😮💨话量太小，饭太小. 有个比较特别嘅蛋粉丝卷，都几好食不过一啖食晒➿越式青柠可乐 餐加$13. 系想像得到嘅味道～食越南野咁浓味，必须要嚟个柠乐fresh 一下➿越南桔仔冰 餐加$22. 冇乜特别，不过都冇太多期望，还好. 明白小店运作可能考虑到人手问题所以为方便而用即弃餐具，但绝对系扣分点😮💨味道又不足以好味到要再去，始终虹桥都有好多好野食，试过一次就够☕ : 辉煌越式法包 Banh mi Huy Hoang📍 : 屯门青柏径6号鹿苑地下16号舖🕑 : 星期一至日 11:30 - 20:30 📞 : /分店 : /
继续阅读
去开虹桥呢个美食集中地，梗系要买啲嘢食返屋企同大家分享。见到一间辉煌越式法包，试下越南菜都唔错。餐牌有越式法包、捞檬、饱同小食，每道菜都充满传统味道，仲有多款味道特别嘅越式咖啡。越式香茅牛肉法包酱汁够味，牛肉口感软嫩，香气逼人，生菜新鲜事，腌菜清新爽口，法包松脆，香脆可口。越式猪扒捞檬猪肉腌制打成丸状，甘香幼滑，充满肉汁，檬粉口感爽滑，檬汁自家调配，味道清新不过酸。鱼露鸡翼甘香脆口，酸酸甜甜，非常惹味。
继续阅读