影片
一直都知要买到哩盒饭一啲都唔容易😗，突然有日心血来潮，打个电话通左仲要任我拣时间，我马上急不及待冲去元朗🏃🏻。爆辣猪柳炒饭 $55前后都隔左成个钟先食，但仍然好热🔥，又唔会搞到好湿个饭。猪柳痴左线咁好食，佢淋得黎有啲爽，腌料好入味，香辣🌶既味令人想爬多几啖饭。饭就绝对有水准，粒粒黄金分明🍚，干身而有镬气。整体都超夹，越食越上瘾。椒盐猪扒炒饭 $55猪扒🐷比起猪柳就无咁香口，但同样咁入味，蒜香味比较重，会岩唔食辣既朋友多啲。咁惹味既𩠌加埋炒饭简直绝配，粒粒沾满蛋香，仲有葱花既调味，完美既组合。
继续阅读
-喺香蕉仔对面，有一间叫做软饭王嘅炒饭，听讲要等3个钟先有，点知系真嘅，佢6点先开，所以我地夜晚6点左右打左电话去落单，要9:15先有，无问题，等！！但喺最近软饭王老板终于可以食到软饭，佢做埋今个月唔做啦，同埋开始暂停左电话落单，而家结左业🥲【椒盐猪扒炒饭】 $55 (9.9/10)见到老板做到唔停手，每个饭好坚持都独立咁炒，老板同老板娘都好有礼貌，见到佢戴住护具，又成日休息睇跌打，可能都真系要休息多啲，讲返个饭，等咁耐嘅饭的确冇令到我失望，一拎到个饭就闻到好香嘅蒜味，食落个饭非常之干身，唔会好油，粒粒分明，有镬气，个饭都大大份，两个人食都觉得啱啱好，好好食啊😋，猪扒就两份两份咁炸，食落偏软身，如果想试嘅朋友，记得喺faceboook打电话去落定单，咁就唔洗等咁耐后记：后来我地先知原来5点已经可以打电话去落单，我好少比咁高分
继续阅读
听闻元朗好多好野食，拣左几间想试，软饭王就系其中一间啦佢原来系位于叫“木头车”既铺入面，好夸张啊落单时佢话大约要等2小时先有，不过听闻佢坚持每个饭都系要逐份逐份Order去炒而唔系炒定一大堆再分配/有单先翻炒，呢种坚持系咩到要讲“快”既地方真系好难得，所以都系买个饭支持下先今次叫左个椒盐猪扒炒饭试下，外卖后大约1小时先用餐，个饭竟然都仲系暖！（但一打开明显发泡胶外卖盒上盖系被猪扒热熔左…）卖相色泽都几靓，睇得岀每粒饭都好分明，而且个饭睇落都唔会好油（完全冇反光）。可惜唔知系唔系对佢太大期望，觉得椒盐猪扒完全系冇味，虽然猪扒唔干但竟然系0椒盐味。个饭系好食粒粒分明，而且充满蛋香但整体有d失望因为真系好淡…
继续阅读
📍「软饭王」- 元朗今次食食食之旅嚟到元朗😌😭😭😭结业倒数嘅软饭王‼️👧🏻排足个零钟队，终于成功落单，好感动😭😭😭📷呢间软饭王做外卖做咗好多年，一直都好出名，我哋想试好耐都未有机会🥹点知‼️前排就见到佢出post 话老板娘包起佢，可以食软饭唔做啦🤣即刻系佢结业冲去试吓‼️老板同老板娘真系超有礼貌，服务态度一流💯💯💯🍴椒盐猪扒炒饭💰HK$55✨推荐指数：10/10我哋早到咗，所以睇住老板炒饭🤩一路睇住佢炒，就知道呢个饭系几有料几有诚意😍炒到真系手瓜起展💪🏻每一次都净系炒一盒饭，唔会一镬炒几盒，确保每盒嘅质素🙌🏻饭连蛋一齐落不停炒，炒起既饭粒粒分明，仲要系好干身，唔会湿湿粒粒🤗落埋生菜丝同葱，令到饭底更加香🤤猪扒炸得比较干身，因为脂肪量比较低，食落有少少🤏🏻韧，不过都仲系好食🤗成个炒饭量真系超级多，一个人唔会食得哂，记住同朋友/屋企人开心share 🥳🍴爆辣猪柳炒饭💰HK$55✨推荐指数：10/10其实呢个饭底同上一个一样，不过猪柳加咗辣椒🌶️粒，令到个饭更加惹味🤤佢既辣椒唔会话好辣好辣，辣到食唔到，但系你食落又会有啲辣味吊住，几刺激‼️就算👧🏻唔系好食得辣都食到😋辣炒猪柳食落好爽口，油脂感重少少，有少少似猪颈肉口感🤤猪柳相对切得比较细件，size 岩岩好，可以一啖饭连埋猪柳一齐食，好满足😍🥰🤤推荐度：👍🏻👍🏻👍🏻👍🏻👍🏻/5性价比：💰💰💰💰💰/5
继续阅读
元朗人气炒饭早几天收到消息间店做到6月底，即仲有几日，即刻要食多次。本来已经好难买到，依家更加难买啦好耐之前试过5:15成功打到电话落order，要7点15先有得食。但今朝老细在社交平台出post 话呢几日唔接受电话order，开两点要亲临预订于是我就1:30去到，哗!已经要排长龙，可能是星期六的关系所以更多人吧!最后要9:40pm先有得拎，晚餐变成宵夜。两盒饭都分量十足，好有镬气，炒得十分干身，唔油腻。d 饭系老细一盒一盒咁炒，十分有诚意。个人觉得猪扒好食d ，但辣爆猪柳又更惹味，如有辣爆猪扒炒饭就最好啦!要执真系十分可惜。
继续阅读