車記車仔麵 (已結業)

柴灣工廠區呢面的食肆唔太多，所以差唔多附近的餐廳都食過哂。早半年前響車記食過，覺得水準一般，所以好少再去食。但昨天下午突然口痕，所以就去叫左一碗三餸麵...材料包括︰油麵 + 豬大腸 + 魚皮餃 + 咖哩魚蛋 + 咖哩魚蛋汁 (免費加左)另加3蚊要左一杯豆漿點知一上枱!嘩!好靚的豬大腸!好有咬口...正!仲有3粒魚皮餃!無爛! 好食!好驚出面街有時食到爛溶溶的魚皮餃...魚蛋好普通... 但個汁....好味到明知唔應該飲，但忍唔住要飲幾啖!!!!!!!出面車仔麵檔的咖哩汁好多時都係用粉開...但估唔到車記呢間野....俾我食到有「彊」! 難怪辣得咁好味!!!!!最近要一樣野! 我覺得碗野好乾淨.....可能係我少見多怪，但我覺得呢間野真係好食左好多!

呢間開喺我屋企樓下商場內嘅車仔麵檔，我住咗年幾都係第一次幫襯1)咖哩魚蛋無咖哩味無魚味，而其他餸亦無咩特別，普通貨式2)佢嘅冬菇就有驚喜喎，雖然唔算大隻，但好香冬菇味，而且菇身亦夠厚身，好食而佢嘅辣椒油唔辣嘅，不過幾香下，落咗成碗麵醒神哂，讚3)選擇唔多，而且價錢算幾貴下，我碗四餸麵價值36蚊，唉...又係獨市關係...我喺堪稱全港平、靚、正嘅太安樓林記車仔麵，食豬紅、牛膀/牛肺、豬皮、鳳爪油麵都係27蚊咋，人哋起碼有三十種餸料揀添